2017年5月27日 星期六

六七反思

反咩嘢思吖!罷工、放炸彈,以武制暴,真係蠢到+01,人出豉油你出雞!
《六七記憶》第四集︰反思 2017/05/22 20:30

六七暴動期間,整個本地左派總動員向港英宣戰,事件持續八個月,但到了十二月開始平靜,原來跟周恩來一次召見的行動有關。
左派的暴力行為受到香港人嚴厲批評,但港英政府以寧枉毋縱、從嚴治罪的執法方針對付示威者,又是否符合法治精神?暴動過後,香港迎來一連串的改革,社會又興起甚麼新力量? 五十年過去,當年的左派參與者又怎樣回望這段歷史? 《六七記憶》壓軸篇,各位當事人反思得失。
1. 當年要叫停傷港班盲左,都係要靠周總召傷港代理人同埋班馬仔上去,一錘定音,捉住代理人照肺,其餘馬仔罰留堂靜思己過;嗱,呢啲咪叫「管理」囉!叫你行就行,企就企,幾咁夠威勢!依家無論是在政治上抑或是在職場上,都無呢枝歌仔唱了;如果唔係,幾時輪到田大少、周頂頂之類好似甩繩馬騮咁玩轉政壇?

2. 班紅衛兵玩大咗,火燒北京米帝代辦,搞到周總馬上要「先安內,後攘外」,擺平內鬥之後便向傷港左派「閂水喉」。炸彈都要用錢整,一旦缺乏資金,傷港暴動自然便會摺埋。

3. 莫財慘過無東江水,傷港老左連罷工費都俾唔係,便只好叫罷工工人「復(職)、轉(工)、改(行)」(魔術師頗為唔喜歡殺人政權呢類 abbreviation,好地地的句子唔用,硬係要有簡稱,「復、轉、改」,故作高深,唔解真係聽唔明。),其實即係叫班文革傻粉食自己。你又唔係國泰(00293.HK)機師、空姐,人地罷完工就有得復職啫,一般平民點有得停薪留職?結果咪即係老左賣咗班粉絲豬仔囉!

4. 在縮骨遮革命中,黃C都是因為的「群眾的正義行為」而覺醒;而在暴動中,金老就因為「黨的錯誤」(在街上放炸彈只會傷到工人)而覺醒。兩者相比,後者由相信變成失望,自是深刻得多。

5. 殺人政權只承認自己路線錯誤,但依然讚揚參與群眾是愛國的、是勇敢的,所以當年的參與者到現在依然自己是正義的一方,係跟「欺壓我們中國人」的米帝鬥爭的義舉。其實,黃C都係一樣,甚至仲衰,因為黃C係永遠唔會認為自己有錯,出咗事一定係對方的問題,不覺醒的便是豬。

6. 估唔到龍獅政府都有惡法,甚至有一條可以以「莫須有」罪名將「尋釁滋事」者關進摩星嶺集中營(摩星嶺竟是魔術師老媽兒時常去遊玩的地方!),「刑期」可以長達一年之久,仲可以放完再捉,「無限補時」咁判你終身監禁都得。如果發生在今日,傷港仲係由米帝主政,唔知販民又會唔會大搞屍髮復核來告米帝呢?

7, 最廣為人知的龍獅惡法受害人,當然就係都係「佢係聖波訓練出嚟」嘅德成前局長。到今時今日,豬肉成成日「想反又唔反」,唔知係咪為咗細佬啖氣呢?

8. 最為人津津樂道的港督嗎喱哄一上任便搞大和解,減免暴動犯的刑期,背後原因是和殺人政櫂「交換囚犯」...呢類咁漠視法治、破壞傷港核心價值的做法,原來早有先例可援;唔通早前胡椒偉早前「大和解方案」係抄返嚟嘅?

9. 嗎喱哄搞十年建屋計劃,成立ICAC,推行九年免費教育,仲搞埋勞工權益...依家林鄭話要「修補撕裂」,又係建屋、搞教育、取消強積金對沖,爭在未明言打貪,唔通真係天下文章一大抄?

10. 原來當年港督都有睇《學苑》,見藍大班有青批評龍獅政府,便寫信投稿去跟一眾當時的「真・天子門生」解釋施政理念;到依家689都係睇有睇《學苑》,不過卻在公開場合批評,唔寫信又唔寫 blog 去鬧班藍大巷蜀學生...689呢位殺人政權心腹,同米帝派來的嗎哇哄比,又真係差咗成條街咁多,唔怪得班笨土有青要去問米喇!

***
伸延閱讀:
林鄭月娥參選2017行政長官競選政綱| 林鄭月娥競選辦公室

12 則留言:

  1. 黃絲被慢火燉娃,拖長嚟被人告,好似好有法治,其實就等同心理凌遲。

    回覆刪除
    回覆
    1. 可能諗住拖到等林鄭上場之後,大和解特赦佢地掛?

      刪除
    2. 黃絲不會和解,和解他們失去存在價值。

      刪除
    3. 對黃C來說,和解即係(今次)唔告佢地, 下次佢地咪又搞過事囉!

      條胡椒偉都唔知自己講乜的,講埋啲嘢對自己都無利益可言。對白鴿黨來說,其實唔和解對佢地有着數,畢竟佢地無本錢跟班有青去搞巷蜀,要玩到咁激白黛黨根本唔夠人鬥,所以最好就等689將班巷蜀一棍打殘。

      刪除
  2. //一錘定音,捉住代理人照肺

    同彭定康喺巷大話倚天梁巷蜀"完全錯誤,自欺欺人",自決"玩文字遊戲",有異曲同工之妙。

    回覆刪除
    回覆
    1. 係喎,經肥膨一講,唔單止倚天梁,就連熱狗班歸米派都收哂皮。

      刪除
  3. 香港六七事件之後,港英以寧要飛仔,不要左仔嘅次文化層次入手,好成功咁,將青少中年都導向去一個以老外為主嘅潮流,甚至好搞到好多左膠,都由原來穿開嘅斜布服裝改為喇叭衭,左風漸漸消減到零,人人都好乖咁返工,聽歌,睇電視,呢個咁成功嘅手法,唔知今日嘅中港政府又會唔會參考一吓呢?

    回覆刪除
    回覆
    1. //甚至好搞到好多左膠,都由原來穿開嘅斜布服裝改為喇叭衭,左風漸漸消減到零,人人都好乖咁返工,聽歌,睇電視,呢個咁成功嘅手法,唔知今日嘅中港政府又會唔會參考一吓呢?

      呢啲叫做「有上流機會」,今時唔同往日喇。大陸依家出都多咗啲靚人靚景的劇集和綜合節目來增加軟實力,呢樣嘢摩摩都成日有提。

      刪除
  4. //反咩嘢思吖!

    近年其中一個令我最煩厭的詞彙,就是“反思”。

    真正有意義的“反思”,應該是在每一件事情的段落,回想返事情發生之前自己的假設,符不符合對事情發生的預期--這樣的反思才能令人進步;可近年的“反思”,都是無意思的無病呻吟,為每件事情事後安一個自己早就定論好的意義落去。

    當然我所講的反思是非常功利的,只要事前的假設不符預期,就要調整錯誤假設背後的知識和理念--而不會理會事情的結果和最初的假設是不是“政治/道德正確”。

    //魔術師頗為唔喜歡殺人政權呢類 abbreviation

    因為最初馬克思學說是用德文寫的,殺人政權第一代亦多往俄國留學,所以行文其實滲了很多歐式語法。國師曾經以此認為殺人政權破壞華夏文化其中一個表徵。

    //因為黃C係永遠唔會認為自己有錯,出咗事一定係對方的問題,不覺醒的便是豬。

    “不是我的口臭,是你的鼻子有問題。”

    黃C是連路線都不能被懷疑的。

    //甚至有一條可以以「莫須有」罪名將「尋釁滋事」者關進摩星嶺集中營(摩星嶺竟是魔術師老媽兒時常去遊玩的地方!)

    所以至今摩星嶺仍然充斥着很多無法證實的傳說。

    其中我覺得很奇怪的是正苦很多年都無賣摩星嶺一帶的地--理論上肯賣的話都是地王來的

    //唔通真係天下文章一大抄?

    大部份人都是活在馬屎撈的底層,需求既嘢來來去去無非嗰幾味

    //係喎,經肥膨一講,唔單止倚天梁,就連熱狗班歸米派都收哂皮。

    系佢地自己未查清楚人地屁股冷唔冷、就叻9唔切將個熱臉貼埋去嗻。

    //港英以寧要飛仔,不要左仔嘅次文化層次入手
    //大陸依家出都多咗啲靚人靚景的劇集和綜合節目來增加軟實力,呢樣嘢摩摩都成日有提。

    成個二十世紀,歐美文化都俾人遠勝中華文化的印象,港英搞呢樣當然易過而家被嚴重stereotype的大陸文化好多。

    當然大陸近年亦真的做得不錯,傷港其實好多人自己網上睇《人民的名義》、《三生三世十里桃花》等,相信20年代會有一個quantum jump,到時可以正式同韓國匹敵。

    新《射雕》在傷港咁受歡迎,我亦預料唔到;不過有傷民自比為楊康,金是港英、宋是特衰,我就覺得J得太搞笑--楊康真正有金國王子身份,被揭發身世時金國亦未滅國;可先不論港英存不存在,閣下除咗本無柒用的BNO外,仲證明到同米帝有乜關係?

    回覆刪除
    回覆
    1. //新《射雕》在傷港咁受歡迎,我亦預料唔到;不過有傷民自比為楊康,金是港英、宋是特衰,我就覺得J得太搞笑--楊康真正有金國王子身份,被揭發身世時金國亦未滅國;可先不論港英存不存在,閣下除咗本無柒用的BNO外,仲證明到同米帝有乜關係?//

      就算係有比喻

      金係英國

      宋係傷港真本土 - 鄉議局, 發叔佢地

      完顏康就要去到有大英爵位, 鄧蓮如 果級, 先有資格同英帝認親認戚 - 柒青? 只可以係宋人乞兒仔

      而金無系中原正式建立王朝

      俾蒙古(中共)一野食晒, 國號元

      刪除
    2. // 閣下除咗本無柒用的BNO外,仲證明到同米帝有乜關係?

      摩摩, 你咪阻住人打機啦....好痛苦架....

      刪除
    3. //近年其中一個令我最煩厭的詞彙,就是“反思”。
      //可近年的“反思”,都是無意思的無病呻吟,為每件事情事後安一個自己早就定論好的意義落去。
      //當然我所講的反思是非常功利的

      摩摩的看法是正解. 魔術師第一次見識到「反思」,就係來自大學迎新營, 可想而知, 呢類terms都係少年維持的煩惱式的無病呻吟, 為作新詞強說愁.

      //其中我覺得很奇怪的是正苦很多年都無賣摩星嶺一帶的地--理論上肯賣的話都是地王來的

      可能地下藏有「驚天秘密」...

      //大部份人都是活在馬屎撈的底層,需求既嘢來來去去無非嗰幾味

      咁即係大部分人都係未覺醒的港豬啫!

      //不過有傷民自比為楊康,金是港英、宋是特衰,我就覺得J得太搞笑--楊康真正有金國王子身份,被揭發身世時金國亦未滅國;可先不論港英存不存在,閣下除咗本無柒用的BNO外,仲證明到同米帝有乜關係?
      //完顏康就要去到有大英爵位, 鄧蓮如 果級, 先有資格同英帝認親認戚 - 柒青? 只可以係宋人乞兒仔

      點同呢? 完顏洪烈不嬲都以為楊康係自己親骨肉,到真相揭露之後依然都無嫌棄佢;如果王爺係米帝,咁就唔會有BNO喇!

      //摩摩, 你咪阻住人打機啦....好痛苦架....

      欲射不能,男人最痛.

      刪除