2017年6月14日 星期三

七彩蝦條屋

點解水晶燈就等於「宮廷風」?點解「宮廷風」就等於金碧輝煌,一屋都係鏡?究竟呢間係住人嘅屋,定係時鐘酒店?一屋唔係玻璃就係鏡,抹都抹到PK(35:05—47:34)!
樓盤傳真 2017/05/27 23:05
雖然金管局出招,但多個一手新盤仍有提供高成數按揭,銷情未受影響。
連四百萬元以下盤源都買少見少,屯門、天水圍跌至一百八十個紀錄新低。銀行估價、租金都不能追上,樓市是否接近尾水?
長實元朗世宙間隔實用取勝,但交樓質素仍有待改善。
大圍名城過千呎單位大量用鏡擴闊空間,令宮廷風格更突出。
四房一套,一家三口住,空間本來就足夠,但偏偏係都要整色整水,要用水晶燈(抹都抹餐死),又要色彩鮮艷,又要宮廷 feel,盡顯屋主的封建思想:

改動主要係將鄰近主人房的客房門拆去,將客房歸入主人房做衣帽間,套廁門改方向唔好對住張床(左上、右上、紅圈);而書房門則改位,牆壁偷位做個走廊櫃(左上、右上、藍圈)。套廁半邊牆身用玻璃造,唔想便便過程被另一半一目暸然便只有拉簾,真係攞嚟搞(左中)。走廊入口加道門,大門便可以唔使直沖房門(右中)。客廳造個鞋櫃,但離開大門太遠,無乜作用;更神奇的金色磨砂鏡面鞋櫃是向飯廳的,對走廊的那一邊卻是無無謂謂的鏡櫃(左下、右下):

客廳用水晶燈,金色茶几;地板用雲石鋪,仲要係客飯廳同走廊用唔同紋理分隔(左上)。飯廳用玻璃飯枱,金色餐椅(右上);飯枱隔離就係對流窗,故意以「玫瑰金不锈鋼」造玻璃鏡櫃,櫃頂卻是百葉以助通風,搞到成個 feel 都 cheap 哂(左中、右中)。設計師自稱電視櫃係用火爐概念設計,魔術師卻意會唔到(左下);只係知道影音器材啲線可以收入櫃裡面(右下):

話說屋主因去俄羅斯旅行,受當地「色彩繽紛」的設計所吸引,故所有房間都七彩個七彩蝦條姐姐。主人房用紫色做主色,唔用雲石,鋪毛毛地氈;天花板用盒仔燈,但床頭燈卻死都要用水晶燈(定係「水晶燈罩」?);窗台則做梳化設計(左上)。衣帽間所有櫃門都係落地鏡鋼,更似時鐘酒店,扑嘢時倍感刺激(右上)。套廁用浴缸,浴簾加上玻璃牆身的「牆簾」,一共兩道簾,拉來拉去十分麻煩(左中)。來到書房,書枱例牌食窗台,旁邊牆身例牌又裝鏡,玻璃層架擺滿屋主收藏的限量飲品樽;魔術師就點解啲人係都要有鋪無無謂謂的收藏癮,仲要拎出嚟 display show off(右中)?女房用黃色做主色,懶宮廷式波浪形設計的床架卻要放上窗台,牆身的圓形燈飾有點似拔罐(左下、右下):

雖然話廚房、工人房、客廁等都保留原有交樓標準,可以慳返一筆裝潢費(但係都要150幾萬)又比較環保,但就未免唔夠「宮廷 feel」了(左上、右上)。最頂癮的就是走廊裝飾櫃,櫃下雜物竟然有罐 gas,唔通皇上皇后同埋小公主會在金碧輝煌的「宮殿」裡打邊邊,搞到一屋玻璃鏡都係水蒸氣(左下、右下)?


23 則留言:

  1. 加個牌匾,寫住「正大光明」4個大字,加兩條柱,雕龍雕鳳,即刻有晒「宮廷風」

    回覆刪除
    回覆
    1. 同「婚宴專家.XX大酒樓」一樣。

      刪除
    2. //點解水晶燈就等於「宮廷風」?

      水晶燈真喺似喺"酒樓風"。
      睡房粉紅色燈/牆就喺"九龍塘酒店風"

      //話說屋主因去俄羅斯旅行
      似喺幾年前去過東莞多啲

      刪除
    3. // 加個牌匾,寫住「正大光明」

      [大雄寶殿]都可以. 或者[勤政愛民]都得.

      刪除
    4. //睡房粉紅色燈/牆就喺"九龍塘酒店風"
      //似喺幾年前去過東莞多啲

      呢兩點我又無法評論...

      //[大雄寶殿]都可以. 或者[勤政愛民]都得.

      「誓滅巷蜀」

      刪除
  2. 鬼五馬六~哋顏色咁雜,細佬仔温書時燦住對眼,好難focus呢。

    回覆刪除
    回覆
    1. 我仲係諗緊一家三口坐在金色餐椅之上打邊邊的圖畫。

      刪除
    2. 車厘子
      細路 = kids;細佬 = younger brothers
      XP

      刪除
    3. 懶得查所以「」

      刪除
    4. 唔係好明。你指果幾個空格? DDDD

      刪除
  3. 唔係我杯茶。我屋企以白色為主,感覺住得舒服D。又,魔兄屋企是點裝修的?印象中好似冇乜講過。

    回覆刪除
    回覆
    1. 我都係搵設計師搞的,不過就唔俾佢玩嘢,只當係project manager就可以了。

      刪除
  4. 屋企裝修,我會以舒服為大方向。
    鏡同玻璃有擴大空間感,但 overdo 就眼都花埋!

    回覆刪除
    回覆
    1. 鏡好易會收納埋啲「污糟嘢」的。

      刪除
    2. 我唔信呢啲東東。我覺得呢啲嘢其實有科學一面,只係紀錄嘅時候未知道真正原因。譬如橫樑可能講緊將氣流集中樑下形成壓力,欖火盆可能為消毒,鏡可能是造成太多錯覺,光的折射也可能有影響。

      刪除
    3. //譬如橫樑可能講緊將氣流集中樑下形成壓力,欖火盆可能為消毒,鏡可能是造成太多錯覺,光的折射也可能有影響。

      蔣匡文的風水書都係有啲咁嘅解釋嘅

      刪除
  5. 鏡與玻璃太多,風水大忌。就算唔信風水,夜晚起身會見到鬼影幢幢,徒增壓力。
    通常太細嘅屋先用鏡來增加增覺,咁大間屋擺咁多鏡把鬼!

    回覆刪除