水電鋪的貓仔（九）

２０１７年最後一篇，一於就唔好咁沉重，輕輕鬆鬆，由水電貓 wrap up 喇！

貓書係魔術師最喜歡在書局的打書釘的書種。好似話貓係會在發生了瘀事（例如在家想跳去某高台但失足掉落地），便會舐毛放鬆一下自己，乘機諗下下一步點做。這天水電貓出街玩到唔知時日，主人出外工作關上了門，摸門釘之餘唯在梳下毛，放鬆下喇！

前兩個星期天氣轉冷，水電鋪主人便準備了間屋仔俾水電貓避寒。水電貓打起貓餅來，果然一訓就訓到「貓事不醒」。

最近天氣回暖，水電貓便又如常出來「巡鋪」，見有人拎住部 iPhone X 來拍照，便擰歪臉唔鬼理魔術師。

在此，魔術師祝各位新年快樂。２０１８年賺多啲，身體健康啲，開心多啲，合皮扭耳！