2018年1月24日 星期三

總有黃C在左近

前妹頭組的中佬K也算是奇人一件。話說早前中佬K得重病(類似是生 cancer 之類掛?當時在組內無人敢提),結果就係老婆下堂求去。人又病老婆又走佬,是中佬K人生中的一大挫折。幸好,中佬K堅忍不屈花了唔少日子,病終於醫好,過得幾年仲係蝗國「搵到個人」,娶咗個蝗妹生咗個女添。但唔知係咪當年針藥的副作用,中佬K的思考和表達能力開始明顯有遲緩跡象,結果妹頭組中最先「光榮引退」的就係佢。
中佬K職職之後有無做下兼職或小生意等魔術師就不得而知,但從妹頭組 whatsapp group 同埋 FB 中就知道中佬K思想愈來愈偏激,變咗深黃K佬,開始牙尖嘴利,見到蝗國有乜出醜嘢便出來抽水,十足毒果行徑;話哂殺人政權培養蝗妹,無功勞都有苦勞,又食又拎可恥!

當年鄉大都有大一國文和大一英文是必修科,仲有豁免試可以讓同學考。記得當年魔術師鄉大一年級登記科目,就係除了主修科和必修的體育科之外,全部都係選電腦(打算將來副修)與及通識科(早啲讀哂畢業年就輕鬆得多),將時間表塞得滿滿。可能簽紙的教授真係無乜見過物理系學生可以唔使讀中英文,結果問:「你又知唔使讀中英文?」
於是魔術師便「學霸」上身:「我兩科都是豁免的。」
***
浸大生嫌考試難佔領語文中心 爆粗指罵教師
2017年01月20日(六)

一批香港浸會大學學生因不滿學校的普通話考試太難,在本周三(17日)佔領校內的語文中心長達8小時,期間不斷指罵中心職員。其中浸大學生會會長劉子頎更用粗口辱罵一名女英語教師:「依家係我Judge(批判)你哋!......你話唔X回應!」有關片段近日在網上瘋傳,惹來熱烈議論,有網民批評啲學生「惡過黑社會」,亦有不少網民要求校方報警拉人及將有關學生踢出校。
浸大要求學生除非通過校方的「豁免試」,否則必須修讀普通話課程,有學生認為有關課程及考試太難,去年首場豁免試只有約3成人合格,質疑考官的水平及準則,擔心部分學生會因而無法畢業。近20名學生周三發起佔領語文中心行動,要求校方撤回有關規定,或改由校外人士擔任考官。
近日網上瘋傳一段短片,顯示學生在佔領期間不斷指罵中心職員。期間一名相信是英語教師的女士嘗試向學生解釋,劉子頎卻要求另找「話到事」的人,又稱「依家係我Judge(批判)你哋!......你話唔X回應!」女教師則反問:「你們知道應如何對老師講說話嗎?」
其後一名上年紀的外籍女士前來協助該名女教師,指現時情況令她們感覺受威嚇(threaten),要求學生先退後,一名高大的男學生反而再衝前指罵該2位女士。短片未有交代佔領行動的最後結果。
大批網民批評有關學生的言行,認為校方要求學生學普通話並無不妥,有不滿也不應用這種方法表達,尤其不應爆粗辱罵女人。有網民質疑校方為何沒有報警,要求將該批學生踢出校。
浸大校長錢大康表示,作為校長及老師,每逢見到學生不負責任的行為,都會感到心痛及難過。社會關懷及愛護大學生,亦對大學生有很高期望。校方會按照既定程序,嚴肅跟進任何學生的粗劣行為,亦會加強在教與學的工作,培養學生成為有道德和肯承擔的公民。
東網報道事件短短3小時後,劉子頎即透過傳媒致歉,他聲稱當時只是「口誤」,並非刻意爆粗罵老師。
1. 既然「怎會大學」的畢業要求是有普通話科合格,同學入學時早應知曉,如果不同意的話大可以唔讀「怎大」吧?
2. 魔術師認為,畢業必修科是為畢業的最低要求,「補底科」是程度最低的,豁免試不合格不等於「補底科」會不合格,畢唔到業。豁免試理論上應該係程度較深,足以證明同學的普通話程度已經超越畢業的最基本要求,不用再修讀「補底科」,合格率較低份屬正常。最厲害的當然就是連豁免試都不用考,直接通過。
3. 「口愛」就有啫!咩嘢叫「口誤」?係唔係講錯嘢咁解?朱警司同七警案同埋一大堆非禮案,可唔可以係「手誤」?強姦又算唔算是「J誤」?
4. 呢一段真係笑咗,個學生只係識重覆返對方的說話:人地叫佢退後,佢就反問人地點解唔退後;人地話自己係老師,佢就話自己係學生。真係好鬼小學雞。


浸大學生會自暴其短 發廣東話聲明回應爆粗2017年01月21日(日) 22:59
浸會大學學生較早前因不滿普通話考試豁免率太低而佔領校內語文中心,而網上流傳有關學生與職員爭執的影片中有學生爆粗,浸大校長錢大康回應稱會嚴肅跟進,強調絕不容忍語言暴力和侮辱他人的行為。浸會大學學生會今日(21日)晚上亦發聲明澄清,惟聲明以廣東話寫成,用上很多「唔」、「嘅」、「嚟」等口語用字,惹人質疑其中文水平。
浸大學生會的聲明指,帶領同學佔領語文中心,並非單純因普通話豁免試難度高且合格率低,而是基於出題方式同協議不符、評分準則唔透明等因素,又指無法認同校長所指校方樂於解答同學疑問。學生會續稱,無意要求校方取消所有普通話課程,但不認同將普通話能力列作畢業要求。
浸會大學學生會發出的聲明如下:
由於近日傳媒廣泛報導本會喺本月十七號(星期三)嘅佔領語文中心行動,當中涉及唔少誤解,特此作出五點澄清:
(一) 根據檢討大學語言政策專責小組嘅決定,普通話豁免試原意為測試同學嘅普通話基本溝通能力,但最後唔少同學儘管被考官評價表達流暢,亦因各種離奇原因而唔合格,如「語氣不符角色設定」;(二) 本會帶領同學佔領語文中心,並非單純基於普通話豁免試難度高且合格率低,而係基於出題方式同協議不符、評分準則唔透明、欠缺完整上訴機制、遲遲未計劃取消普通話畢業要求等因素;(三) 錢大康校長嘅群發電郵指出,校方樂於解答同學疑問,本會無法苟同——事實上,語文中心嘅主任喺同學提出要求後超過五個鐘,先肯將評分準則公開,且談判期間多次以「冇其他準則」、「三個部分比重一樣」等錯誤講法,企圖誤導同學對實際評分標準嘅理解;
(四) 就普通話畢業要求,本會以至其他基本會員已經循唔同渠道,向校方表達訴求,包括體制外嘅公開論壇、全民投票、公開信、體制內嘅教務議會等,但以上行動都無法動搖普通話畢業要求,本會因而以佔領語文中心希望得到合理回應;
(五) 本會尊重所有希望修讀普通話課程嘅同學,亦無意要求校方取消所有普通話課程;普通話對浸大同學修讀其他課程無必然幫助,亦唔係唯一可以修讀嘅外語,本會唔認同作為一間立足香港嘅大學,需要將普通話能力列作畢業要求。
希望各位會員清楚明白事件背景。另外,喺談判過後,校方承諾舉辦一次公開會議,就豁免試同普通話畢業要求進行檢討,希望同學參與,詳情如下:
日期:二零一八年一月二十三號(星期二)
時間:下晝一點至四點
地點:善衡校園方樹泉圖書館FSC 501(鏡房)
語言:廣東話,輔以英語及普通話
校方一直以嚟只係話,豁免試會考核同學嘅普通話基本溝通能力,最後竟公然違背當初對同學嘅承諾,是為失信。明知豁免試內容制訂倉猝,評分毫無透明公開可言,仍然推出畀同學去考核,是為失職。本會僅此希望校方負上校方應負嘅責任,正視普通話畢業要求嘅流弊,正面回應同學一直以嚟嘅訴求。
香港浸會大學學生會
二零一八年一月二十一號
5. 睇嚟上親莊有與緻去搞學生會的都不是好東西,如果唔係點解咁多年來咁多間大學學生會出得嚟見人的都是柒青款嘅呢?搞巷蜀做「未來棟樑」又做唔到,呢幾年都係以笨土作用藉口四周圍搞事,真係 young kidults 也。
6. 「語氣不符角色設定」如果係角色扮演的對話,語氣不鬼就係表達能力有問題喇!
7. 「出題方式同協議不符」咩嘢叫「協議」?考試網領或有關資訊中應該有寫明出題方式,照計應該係正式文件,如果有理有節學生會可以拎出嚟給公眾評理喎!
8. 「本會以至其他基本會員已經循唔同渠道,向校方表達訴求,包括體制外嘅公開論壇、全民投票、公開信、體制內嘅教務議會等,但以上行動都無法動搖普通話畢業要求」幾好笑,學生全民投票贊成唔需要考某個試才可以畢業。咁都得,不如將所有考試論文全部取消罷喇!
信報 2018年1月23日
金箴 金針集
大學生爆粗的代名詞-口誤
曾經,大學生是品學兼優年輕人的「代名詞」。遠至咸豐年後的「京師大學堂」(戊戌變法之時籌建)的天子門生就不說了,本港殖民地時代的大學生確也是天之驕子,有學識講規矩。即使回歸之後,大學生數量急增,矜貴度大不如前,畢竟還是讀書成績較佳一族。至於年前波瀾壯闊的「佔領運動」,大學生是先鋒和主力,學生代表們的行事雖流於鹵莽兼自我,且因進退失據而誤事,但至少有一夥為爭取民主自由打拚的心,談訴求、講抱負也算有條理,打動不少人。可是近日看到網上瘋傳浸會大學學生代表兇老師的片段,不期然令人想起上一代鬧仔女的金句:「你讀屎片嗎?」基本上無品兼無料,比網上鎮日以粗言穢語洗版的「五毛」不遑多讓。話說上周三,有十多個浸大學生在學生會會長劉子頎帶領下衝入浸大語文中心,找負責的老師理論,指摘為何普通話考試要求如此嚴,如此難pass,順道質疑考試規則跟原本協議不符,轟評核透明度太低……等等。
由來學生抱怨考試太難太深不算新聞,特別是被「肥佬」的一群,今次這幫浸大學生卻別具「創意」,居然打出「佔領」的旗號抗議考試太難,在老師的辦公室外擾攘8個小時才散去,期間不住拍打老師大門示威。大概佔中三子及「雙學」三子發夢也沒想過有同學會把「佔領運動」推而廣之用於爭取考試易過關,扯行火對付師長,然而他們除了兇狠大聲,根本提不出硬道理,總之左一句「八婆」,右一句「你不L回應」,就像罵街的潑婦,有老師把自己鎖在office內以免有什麼不測!
當時語文中心有外籍老師想做和事老,用英語好聲好氣叫學生們冷靜克制,有事慢慢講;惟學生代表吃力地斷斷續續跟外籍老師說不到十句類似英文的話(也不知對方能否聽懂)後,或許是英語有限公司而literally詞窮,忽然自轉channel,厚着臉皮奢言這裏是香港要講粵語,並自顧自操廣東話叫囂。如此水平的英文,自己滴汗也教聞者滴汗,而用粵語跟外國人對話更是無禮(用人家聽得懂的語言說話是普世皆知的基本禮貌)。英文不濟算了,中文是母語,該通順流暢吧!很抱歉,也不行。浸大學生會事後發出聲明,為當日的「佔領行動」解畫。不過,通篇聲明不但內容空泛欠說服力(連學生會過去如何爭取亦缺乏具體資料及證據),文字之粗劣令人側目,大量使用「嘅」、「唔」、「嚟」等廣東話口語,比中學生作文也不如,若拿這篇恍如討論區留言的東西考DSE,衰硬!
肆意侮辱老師,英文丟人現眼,寫不出像樣的中文,只有粗口最流利,無品無料,事後把胡鬧形容為「純粹口誤」,如果他們就是香港的未來棟樑,sorry,暫時接受唔到。
9. 「惟學生代表吃力地斷斷續續跟外籍老師說不到十句類似英文的話(也不知對方能否聽懂)後」,呢一段又係笑咗,留意片段(2:12—2:38),指住個唔識我城方言的洋婦話:「可唔可以搵個可以溝通的人來?」

***
伸延閱讀:
「學霸」都有落泊時

44 則留言:

  1. 哈! 估到你會寫呢件事嘞!

    我早一兩日search過,毒果對呢件事係提都唔敢提的,唔知係咪知道太丟架再加大部份妄民都圍插嘞。

    不過我覺得呢段插曲仲搞笑:

    http://hk.on.cc/hk/bkn/cnt/news/20180123/mobile/bkn-20180123165520415-0123_00822_001.html

    晏啲睇下再寫多啲。

    回覆刪除
    回覆
    1. //毒果對呢件事係提都唔敢提的,唔知係咪知道太丟架再加大部份妄民都圍插嘞。

      條自稱被 threatened 的有青好似唔知道自己有可能會被起底咁, 真係腦大生草.

      刪除
  2. 昨日亦有和朋友聊起此事。我也是不認同那些學生的態度言行,作為學生會成員言行要謹慎,雖說粗鄙在今天已是主流......我無法理解的是,朋友認為「整件事會令學生會的公眾形象不好,但是粗言並無問題」。粗言是會破壞公眾形象,但當我澄清我的重點是學生的自己約束,作為學生會成員應有的言行時,卻遭問及為何一定要有禮貌?

    當我說要「尊師重道」時,「尊重」被歪曲成「盲目服從」。澄清兩者分別後,又說老師學生應該平等。那即使地位平等也應該要彼此尊重吧?要平等的話,老師對學生態度也如此惡劣也可以接受嗎?「唔得,好簡單,老師會俾人炒」。這第一個回應真令我哭笑,這和我的問題根本無關。幾番來回後,最後落在「學生是權力架構上弱勢一方,所以學生行為可被原諒」上。但這和我一開始論及的個人修養已相去甚遠。

    而談及必修普通話方面,討論又是落在「普通話是否必須技能」上。「畢業後我在香港工作又不用普通話,為甚麼要逼我讀無用的科目呢?」我是沒工作經驗,但我很難相信如今內地的經濟體量,我會完全沒機會和內地人打交道。論及中國是大國,而鄰近地區這麽多人操的語言當然要了解。本想說普通話也是自己國家的標準語言,想了想還是不說了。朋友又說「中國是大國(或重要國家,忘了是哪字眼),所以應該要學普通話」是不"justified"的,如果明天「支爆」了,哪豈不是浪費時間?我無言以對。他也是讀Science的,成績也不錯,碰上了政治腦袋便變得如此偏激。「那西班牙文也重要呀!為甚麽不必修呢?」我只回問他西班牙文哪重要了?(但好一點應該說比較普通話、西班牙文兩者的重要程度)

    「為何只有本地生要讀普通話,而國際生不用呢?這不公平!」國際生的文化背景和我們完全不同,要他們必修普通話不是苛求嗎?中文字也未必認到幾個,你要他們怎樣去理解那些拼音?「那內地生來港也應該必修廣東話?」這我沒異議,這可以幫助內地生和本地生交流。我又問了句「國際生也要必修廣東話嗎?為甚麽我感覺人們總是針對內地生?」朋友答道:「我是覺得要。」但老實說,我是覺得他只是為了不使自己自相矛盾。而我亦如上認為強制要求國際生學廣東話是苛求。文化背景如此不同便要有彈性處理,那能事事要求所謂的「公平」?

    掌握多一種語言沒壞,功利一點說,中國國際地位日高,工作時我們難免要和內地人打交道。另一個讀finance的朋友,態度也反中的,也因為工作需要在讀普通話了。看過網上的一些樣本試卷,是真的容易,但是也有人說真實試卷難度有不同。我的Quantum mechanics考試卷也不易,知道難用功便是,在那嚷不能畢業又是在做甚麼?收了學費便保送你畢業?

    回覆刪除
    回覆
    1. //朋友答道:「我是覺得要。」

      講撚完啦.

      刪除
    2. 我覺得所有對怎大的質疑,應該攞Irish嚟咗對比:

      https://en.m.wikipedia.org/wiki/Irish_language

      以前做嘢認識一個愛爾蘭有青,佢話佢地要大學畢業一定要讀Irish,但根據佢所言同我觀察,Irish在現今大部份愛爾蘭人嚟講,都只是讀Irish科先用到的語言...

      //本想說普通話也是自己國家的標準語言,想了想還是不說了。

      Wanderer兄還是唔夠厚黑(如我)。我會直接講:

      無論你喜不喜歡,現在香港就是中國的一部分,而中國的確有實在經濟同武裝力量去行使呢個權力。就如連民主的愛爾蘭政府對Irish咁冷門語言都要用公帑強推,何況是威權的中國政府對世界日益重要的普通話(國際眼中的標準中文)?你想靠劃地為牢唔學來抵抗,並不會影響佢既重要性,更不會影響其他本地想學既人搶走你的機會(even你唔care,但財富的確會被搶走)。就算全香港都唔學,機會都只會溜走俾其他地方,而唔會全世界特登度身訂做般創造機會俾你城方言。

      退一萬步,唔講功利,推普通話是國家行為,就算支持加獨的哥迪奧拿都自細被教到識講西班牙文; 你唔中意,一話就移民,一話就武裝革命,兩樣都唔敢就唔該乖乖接受(留,進,逃)。或者咁樣係好唔講道理,但既然你恃弱撒潑,我亦不怕撕破臉皮--明係強壓又如何? 反正我"覺得"要嘛!

      刪除
    3. //昨日亦有和朋友聊起此事。

      No offence, 但係你朋友水準真係幾低下。物以類聚人以群分,小心。

      //雖說粗鄙在今天已是主流......

      就如我老粗堂阿哥一樣,滿口粗話,講唔出一句無「助語詞」的說話。現在一般人都有接受過基本教育,為何仍以「跟無讀過書的人」一樣見識才叫「貼地」?

      //遭問及為何一定要有禮貌?

      如果溝通的目的是要令人明白自己的立場,那就先要對方願意聆聽。人家肯不肯聽不是你說了算。如果你跟老粗堂阿哥講嘢,可能真係要炒蝦拆蟹,無禮貌才可以溝通得到;如果老粗堂阿哥同我講嘢,句句D我老母的話,我就唔會再想見到佢。

      可以話,在一般情況下,如果溝通對象係「斯文人」,或在正式場合,有禮貌可以有助溝通。禮貌唔係必定需要,但如果你想達到目的(做成一件事),禮貌就幾乎係必要條件,起碼唔會落人口實話無禮貌。

      當然,如果只是情緒宣洩,唔係想「做實事」嘅,咁就唔需要講禮貌了。

      //要平等的話,老師對學生態度也如此惡劣也可以接受嗎?「唔得,好簡單,老師會俾人炒」。
      //「學生是權力架構上弱勢一方,所以學生行為可被原諒」上。

      「老師會俾人炒」,咁講法,老師應該比學生更弱勢才對吧?所以老師的做法也可被原諒嘍?
      再退一萬步,如果係講求「平等」,而校方/老師是權力者,學生無權無勢所以可以用激烈手段來compensate的話,那麼在任何體制下(包括家庭,公司,社會)都係權力者少,無權者眾。如果所有無權者都 entitle the right 去激烈抗爭,那麼一萬
      個人就有一萬個議題去抗爭,搞到成個社會 unmanageable,到時就真係「民不聊生」了。

      //而談及必修普通話方面,討論又是落在「普通話是否必須技能」上。「畢業後我在香港工作又不用普通話,為甚麼要逼我讀無用的科目呢?」

      請打開任何招聘網站,看看有幾多工作是需要懂得說普通話吧。

      //如果明天「支爆」了,哪豈不是浪費時間?我無言以對。

      「你們黃C搞咁耐,什麼都得不到,那豈不是浪費時間?」
      合自己想法的,就「明知不可為而為之」;自己不喜歡的,就功利主義上身。

      他也是讀Science的,成績也不錯,碰上了政治腦袋便變得如此偏激。「那西班牙文也重要呀!為甚麽不必修呢?」我只回問他西班牙文哪重要了?(但好一點應該說比較普通話、西班牙文兩者的重要程度)

      //「為何只有本地生要讀普通話,而國際生不用呢?這不公平!」

      國際生:你們同一個文化背景,自己本地人卻連蝗話都學不好,為何反而要我們學習呢?

      //朋友答道:「我是覺得要。」

      混淆了應然/實然。

      //知道難用功便是,在那嚷不能畢業又是在做甚麼?收了學費便保送你畢業?

      「我是覺得要。」

      //Wanderer兄還是唔夠厚黑(如我)。我會直接講

      咁講法,「我覺得要」即時被unfriend囉!

      刪除
    4. 相識多年,可說是見證他政治態度變得如此極端,他頭腦不錯,但是容易被情緒影響,我現在其實也不會和他避談政治,知道他老兄性格,討論點到即止便是了。如果是今日初見,應該也僅止於點頭之交。

      刪除
    5. 黃 C 理念特別易洗受過高等教育的港豬的腦。

      刪除
    6. // 黃 C 理念特別易洗受過高等教育的港豬的腦。

      你咁講又啱喎. 嗰啲特別以為自己高人一等.....

      刪除
    7. 要自忖高人一等,先可以夠離地,悲天憫人做救世主。

      刪除
    8. >>「為何只有本地生要讀普通話,而國際生不用呢?這不公平!」

      而家啲學生乜都要公平, 所以我覺得玩大啲
      要修一科除中英文外嘅外語(含普通話)
      國際生出得國, 正常都會識法德葡西語, 甚至本身就唔系英文人
      香港人除咗少量識歐洲語同日韓, 結果咪九成都要返借普通話過關

      刪除
    9. 哈哈,呢招絕!

      刪除
    10. //要修一科除中英文外嘅外語(含普通話)

      唯一嘅bug係將蝗話當成係外語,到時又會俾班笨土有青笑話。要包裝得好啲先得。

      刪除
    11. //要修一科除中英文外嘅外語(含普通話)

      參考吓呢嗰做法,不過可惜只限文科生,亦留意番廣東話喺分開一科...
      https://students.arts.ubc.ca/advising/degree-requirements/language-requirement/

      刪除
    12. //CHIN

      哈哈, 呢一科叫「支文」...

      又, 鴨脷洲口音唔知點計 XD

      刪除
  3. 作為一個受過香港社會高等教育的人士, 連最基本修養都無, 仲敢講自己係天子門生, 人唔笑狗都吠
    再者, 如魔兄所言, 蝗文試係必修科之一, 又唔見佢地問下教育局焗腸點解幾萬人考HKALE (HKDSE), 得咁少人入到大學呢?
    規矩就係規矩, 唔LIKEY真係可以去國立大學買張CERT, 或者唔讀都OK
    某些黃色物體仲話點解要要求佢地普通話合格先畢到業....又唔問下點解佢地咁垃圾入左怎麼大學?
    又唔見MBBS, BBA (LAW) 個D人有語障?

    回覆刪除
    回覆
    1. 啲副學士真係要取消, 免得D所謂二三流大學學生畢左業便對自己實力有不乎現實社會的幻想

      刪除
    2. //唔LIKEY真係可以去國立大學買張CERT, 或者唔讀都OK

      只有建制派才會去野貓大學買 cert!

      //又唔問下點解佢地咁垃圾入左怎麼大學?又唔見MBBS, BBA (LAW) 個D人有語障?

      摩摩上面有提及:
      參與佔領浸大生赴粵中醫院實習 網民促DQ

      中醫學說博大精深,其中涉及唔少「國學」(例如五行生剋),條英文差到暈的垃圾咁憎蝗國點學到嘢,咪盞醫死人!

      //副學士真係要取消

      負學士在外國或者有用,人地比較思想開放,讀乜做乜都無所謂;但在我城的職場環境及約定俗成的沙紙文化,預學士只係用來麻醉班有青的精神安慰劑。

      刪除
    3. //摩摩上面有提及:

      我覺得搞笑在自己讀中醫,竟然咁唔怕人知反蝗...佢真係當蝗民生活如朝鮮。況且,學中醫一定會接觸很多蝗國教材和人員,點會咁笨7行先死先?

      傷港中醫實習好似一定要返蝗國實習,我估佢轉定科都得嘞.

      刪除
    4. //佢真係當蝗民生活如朝鮮。

      「你唔妥大陸啲言論係我地(哋)呢邊通曬(晒)天嘎(㗎)啦,真系(係)當大陸上唔到FB咩」,笑咗!

      //學中醫一定會接觸很多蝗國教材和人員,點會咁笨7行先死先?

      所以我話佢腦大生草. 如果佢係die hard 笨土,無可能去讀中醫: 一係就係扮笨土想呃like, 點知抽水抽着火水.

      //至於陳則稱得悉網民的言論,已向浸大轉達其人身安全的憂慮,他其後指浸大已回覆稱會保障他的人身安全。

      估唔到校方都識玩「口惠而實不至」!!

      刪除
    5. //估唔到校方都識玩「口惠而實不至」!!

      校方今次係暫停你既學籍,嚟保障校方安全

      我覺得個校長有啲城府,玩鱷魚淚...

      刪除
    6. 當年俾阿嬸同嗎啡針搞到大學校長管治威信低落,依家一眾 non-三大校長開始「撥亂反正」;陰謀論來說,可能真係同撥款有關...

      刪除
  4. 黃C的邏輯總是這樣. 永遠不會錯.

    出事後基本套路是 - 自問:應該反思一下,是什麼導致學生/民眾/非建制派需要以這種激烈的行為來表達意見?自答:和體制暴力相比,黃C的行為並不過份.

    魔術師會否寫泛民初選鬧劇?

    回覆刪除
    回覆
    1. //自問:應該反思一下,是什麼導致學生/民眾/非建制派需要以這種激烈的行為來表達意見?自答:和體制暴力相比,黃C的行為並不過份.

      總之就係自己永遠無問題,問題出自別人。

      //魔術師會否寫泛民初選鬧劇?

      下一篇新聞雜評再講。

      刪除
    2. 佢地會話生於亂世, 有種責任
      真係奇怪, 敍利亞個啲人係生於地獄無誤
      身在福中不知福同埋永遠不變的負面思維真係有青專用

      刪除
    3. 今日種因,明日得果!
      由得佢地啦,我真係無佢地咁好氣!
      佢地永遠自我感覺良好

      刪除
    4. //佢地會話生於亂世, 有種責任

      「我們被逼擾亂民生,只因本已民不聊生」

      //身在福中不知福同埋永遠不變的負面思維真係有青專用

      「我們改變,世界就會改變。」

      //由得佢地啦,我真係無佢地咁好氣!

      唔講邊有得嚟笑?XD

      刪除
  5. 老實講佢地唔係冇point, 但方法錯哂,學埋啲7頭議員"大聲唔代表冇禮貌"態度,又網上直播自己惡行,找死。
    Max

    回覆刪除
    回覆
    1. 正如雙普選,我都贊成架,《基本法》都係咁寫;不過用佔中來爭取就係7。

      呢班人嘅問題主要係自我中心,拒絕讓步但又不分莊閒,唔係好influence 對手而係耍同人鬥個你死我活。

      刪除
  6. 傷港人好易激動 !
    PA

    回覆刪除
    回覆
    1. 佢地係刻意唔去控制情緒啫,冷靜就唔夠弱勢了。

      所以依家搞到好似成街人都有情緒病咁。

      刪除
    2. 情緒病例子

      http://hk.on.cc/hk/bkn/cnt/news/20180126/mobile/bkn-20180126123345815-0126_00822_001.html

      呢條女同班怎大有青其實無分別...

      刪除
  7. 唔鐘意蝗語科,認為自己會唔合格,咪唔好去怎大囉。又想要人哋張沙紙又要是旦轆過又驚唔得,只係証明一點,怎大學生程度低端。
    條英文片段真係笑得我…我以前認為香港學生至少英文見得下人比大6好,現在被人扒晒頭了。英文蝗語都唔得人哋大公司點解要請你?請個金毛可能仲會熱愛支那文化自發學蝗語添。
    睇嚟大學要四處貼啲先前魔兄係醫院見到果啲關於語言暴力嘅海報了。(魔兄腳患好番晒未呢?)

    回覆刪除
    回覆
    1. //咪唔好去怎大囉。

      又要笨土又要讀中醫先好笑.

      //英文蝗語都唔得人哋大公司點解要請你?請個金毛可能仲會熱愛支那文化自發學蝗語添。

      真係想搵件港女肯用pat pat同佢打招呼都幾難.

      //魔兄腳患好番晒未呢?

      好返9成喇. 仲有少少角度屈唔到, 上落棲梯都okay, 係易考攰啲囉. 同埋我仲未敢跑同跳.

      刪除
    2. //好返9成喇//
      嘩!好勁呀!

      刪除
  8. 原來企門口嗰個就係陳士齊!
    時運低唔小心見到佢嘅節目鬧浸大普通話, 分享比大家
    https://youtu.be/nB-Mfo8U0ig

    回覆刪除
    回覆
    1. 多謝推介,已加入伸延「閱讀」。

      隔離條友個樣咁似鄭蟲蟲嘅?

      刪除
  9. http://www.thinkhk.com/article/2018-01/25/25231.html

    回覆刪除
    回覆
    1. //似乎制度對他們永遠是“不公義”的,面對任何“不公義”都要用激進的方式抗爭。

      主要是激烈抗爭 at no cost,當然是要 go for 黑社會手段喇!

      //筆者不禁要問,你連基本的社會規則都不願尊重,社會憑什麼接受你的意見?

      甚麼是「基本的社會規則呢?

      刪除
  10. //「出題方式同協議不符」咩嘢叫「協議」?//
    佢哋心目中嘅諗法係會靜靜雞同學校協議左㗎!

    //公開論壇、全民投票、公開信//
    無聽過、冇投過、冇見過

    //通篇聲明不但內容空泛欠說服力(連學生會過去如何爭取亦缺乏具體資料及證據)//
    「講就係」派

    //暫時接受唔到//
    我永遠都接受唔到。

    來龍去脈,建議參考 http://t.cn/RQ3Gtkf

    點解要學普通話?
    1. 先唔好講有用定冇用。回一回帶:2007-2016 年,要上普通話課而肥咗有 5 人咁大把。即係肥咗豁免要上課再肥。我想話普通話係 2007 年咪重冇用過依家,咩事依家肥咗區區一個豁免就話普通話冇用?點解?
    2. 必修學科係有用冇用而設定?咁何為有用?直接具體嘅用?定係資料儲存作為基礎分析世界嘅用?Please define 「有用」,如果唔係就嘥氣!
    3. 英文都唔見佢哋用啦!點解又唔反對要考英語呢?點解唔爭取用廣東話教材呢?
    4 作為一個中國人(which 呢班騎呢怪唔認,but so sorry,唔認唔代表唔係。So so sorry,世事唔係佢哋「講就係」,suck it up!)+ 重想生活係大城市,必須學全球最多人用嘅語言(話唔係只係自欺欺人,而自欺欺人最大效果都只係欺騙到自己)。唔想學就走!畀個學位有能力嘅副學士學生。唔好阻住個地球轉!

    講真啦,有中國語文底,普通話真係改發音有少少用詞啫!絕對比其他人有基礎優勢!隨手可得 3 分,你唔係咪諗住攞唔到呀嘛!真係 losers!

    回覆刪除
    回覆
    1. //佢哋心目中嘅諗法係會靜靜雞同學校協議左㗎!

      密室協議可恥!

      //余非「時事觀察」

      呢篇嘢麻麻地,用了很多括號將我城方言轉為白話, 似係為蝗民而設.

      //咩事依家肥咗區區一個豁免就話普通話冇用?

      如果佢係expect自己豁免試可以合格,咁即係話佢的蝗話都已經有唔錯的程度...咁當初佢又點學返嚟?

      //Please define 「有用」,如果唔係就嘥氣!

      生活上無用掛?

      // 英文都唔見佢哋用啦!點解又唔反對要考英語呢?

      所以講幾句英文都講唔掂 XD

      //有中國語文底,普通話真係改發音有少少用詞啫!

      佢地只有本土話同粗口先識講.

      //真係 losers!

      失敗者聯盟!

      刪除
  11. //要自忖高人一等,先可以夠離地,悲天憫人做救世主。
    //黃 C 理念特別易洗受過高等教育的港豬的腦。
    //呢班人嘅問題主要係自我中心,拒絕讓步但又不分莊閒

    因為只有最底層同高層既人先會相信"實然",雖然前者應該是知其然而不知其所以然; 但中慘讀死書太多,被灌輸太多大道理卻又卻實戰理解,結果就偏向相信"應然",並且會認為相信"實然"的人是"犬儒" 是 "豬",自己自然就高人一等。

    由於相信"應然",所以一切不符"應然"的事物都是"不公義"的,自己自然可以站在道德高地肆意謾罵攻擊; 既然眼中只有"應然的對錯",自然無視"實然的莊閒"了。

    至於用實際力量去改變"莊閒",呢啲咁承認"實然"的行為更是道德不正確,更是"應然"地不在考慮之列。

    //甚麼是「基本的社會規則呢?

    佢應該是指社會"實然"存在的約定俗成規則。

    //又要笨土又要讀中醫先好笑.

    我睇今日陳有青個樣明顯比劉有青頹得多。

    我估佢真係以為廣州有極多激進捍衛粵語的"廣州笨土派",所以去實習都無事; 斷估唔到人地會用蝗式粵語行文留言diu7佢.

    //係易考攰啲囉

    要做返多啲力量訓練嘞, 例如squat.

    回覆刪除
    回覆
    1. //至於用實際力量去改變"莊閒",呢啲咁承認"實然"的行為更是道德不正確,更是"應然"地不在考慮之列。

      摩摩實在說得太好了!

      讀死書, 紙上談兵信「應然」; 實戰派, 悶聲發財靠「應然」

      //我估佢真係以為廣州有極多激進捍衛粵語的"廣州笨土派",所以去實習都無事; 斷估唔到人地會用蝗式粵語行文留言diu7佢.

      又話說當年自稱「我都學廣東話」的汪洋在殺人政權組織內行情可不錯呢!

      //squat
      BB班:
      https://www.youtube.com/watch?v=aclHkVaku9U

      刪除