低端人口魔術師

眨下眼又到咗報稅的季節。今年的綠色信封特別薄，打開就只得一張紙張版的報稅表。基本上呢封信係唔使理會嘅，事緣魔術師係用網上報稅，一打開相關網頁，便見到報稅系統已將根據魔術師以往的紀錄預先上載了個人資料部份；而更令人喜出望外的是，就連入息部份也根據僱主所呈報的資料預先填好了...咪住！點解唔見咗職位嗰欄嘅？填啲唔填啲，真係激鬼死！

但係更麻煩的事就在後頭，就係強逼金僱員供款的稅務扣減：

原來無論係前電車僱傭兵公司，定係依間呢間獵頭艇仔，用嘅都係 standard form，其中並無羅列出強逼金僱員供款明細：

前電車僱傭兵公司係間僱用了百幾人的中小企，但係其 HR 制度就最唔清唔楚，不單只龍門任搬（例如八號風球，如果天文台預計打足成日，舊公司就會話下午二時後落波就唔使返；但係如果天文台預計「中午時段落波」，舊公司就會話下午三時後落波才唔使返。Ｄ，你預落波後兩個小時內返到，但六點鍾放工，如果真係三點先落波，仲返嚟把鬼咩！），每個月出糧都沒有糧單可言，只係在每年報稅前給現有員工派一份年收入嘅 breakdown，而離職同事就在 last day 時派發：

不過，依家呢間獵頭艇仔都唔好得去邊， 強逼金之中嘅 Total contributions made by employer 同 Total contributions made by employer 放埋一齊，好鬼容易睇錯（尤其是係入職後頭兩個月，員工唔使供強逼金，而僱主要供）：

而更衰嘅係，作為逼逼金服務供應商，大貓在４月前係唔會有強逼金年度供款報告的，變成魔術師要手動去加！Ｄ，人地樓按貸款都唔會咁喇！

ＤＫＬＭ，計埋舊年轉工的空窗期，同埋呢樣嗰樣免稅額，原來魔術師連稅務減免最高額２０,０００都攞唔哂，真係資產同（應課稅）收入不相稱的低端人口！下年理論上唔使交稅，波叔會派返錢俾魔術師，但係再下年隨着收入回復正常，交嘅稅又會多返，到時就真係要靠劏房波派多幾粒糖仔喇！

又，魔術師連稅都唔使交，各大銀號都不用打電話叫魔術師申請稅貸了！
＊＊＊
伸延閱讀：
香港政府一站通 > 本港居民 > 稅務及應課稅品 > 薪俸稅及個人入息課稅
香港特別行政區　稅務局
強制性公積金計劃管理局　> 僱主 > 作出供款