魔術師資產配置（２０１８年４月結）

４月份市況甚為波動，以我城股市來說，４月３日開市為２９,９２７.８８，４月２７日收市仲係３０,２８０.６７，本來係窄幅上落之局，點知４月最後一個交易日就升咗差唔多２％，見３０,８０８.４５，真係估佢唔到。
月頭魔術師重組投資組合，成效立竿見影，沉船基金反彈力量較港股高，收報＄，排第一；複式盈富亦受惠於港股４月尾反彈，收報＄１５６.９８，依然緊守第二位。
生活基金表現跟房託組合月來鬥得難分難解，亙有勝負。今次輪到生活基金贏一個身位，收＄１３１.９５，排第三；房托組合收＄１３０.５０，排第四。
第五位的強積金組合由恆指基金及環球債劵基金表現組成，股債比例為４５：５５，表現平穩，收報＄１１７.２７；作為合格線的債劵及現金組合表現亦同樣平穩，收報＄１１４.０６，佔第六位。
金價彈完又散散地，商品組合微調至＄１０６.５８，依然包尾。

４月份住宅單位銀行估價又再上升，總身家已經比兩年前升咗差不多６０％（報＄１５,９５５），但係自住樓要「享用」呢個升幅並唔容易，方法之一就係加按套現，然後將資金放回 Mortgage Link 戶口對沖返息口兼供款，留住子彈等股債下跌時再入市：

再唔係就係做逆按揭，當終身年金咁收都可以。由於魔術師屋企估價為８００—１,２００萬，用作計算年金之指定物業價值上限便是８００萬，不過要等到魔術師５５歲才可以成事（到時樓價可能已超過１,２００萬）

（圖片來源：香港按揭證券公司　安老按揭計劃）

之但係都要找齊按揭尾數，計埋先可能都有數圍；以魔術師投資組合的回報率來說，又無理由變現個收息組合（房託加收息證券類）浪費子彈走去做低回報的逆按揭（除非嗰時魔術師已經老到體力不支去打理個投資組合）：