2018年6月28日 星期四

世界盃戰報(2018年6月27日)

Breaking news:德國隊破紀錄出局!
(圖片來源: 2018 FIFA World Cup Russia: Korea Republic vs Germany
上半場德軍的攻勢只係隔靴搔癢,行軍緩慢,有點像哥帥後期的拜仁;反而泡菜仔的反擊更簡單直接,造成的威脅亦大。下半場蓋世太保雖然攻勢有起色,但自己錯失太多機會,加上同組瑞典大炒老墨,球員愈心急就愈亂,補時失球已是因為久改不下心神不定,方寸大亂所致。最後德軍繼二次大戰後,再次喪師俄羅斯(兼且VAR還返上屆英格蘭嗰球,傷民情意結大漲)...
當然,泡菜仔的大半場的泊大巴戰術運用得宜,德國進攻板斧單調,出局無話可說。
至於路維教練,唔知係唔係因為衛冕關係,唔敢選年青球員,以致要翼無翼,要中鋒無中鋒,生死決戰竟然 fallback 返去用奧燒同基基拉,真係DKLM。
不過都好嘅,又趁今次失敗,再一次搞重組,反正梅拿、卻奧斯、紐亞等都開始老,係時候執執隊波,改朝換代此其時矣!
最後,學販民講句:路維,下台吧!
(圖片來源: 2018 FIFA World Cup Russia: Groups
***
信報 2018年6月26日
咖哩略 2018俄羅斯世界盃──深度球真
美斯有夢 牛奶無益
阿根廷瀕臨出局,全世界抽水,電視台玩默哀,快餐廳送大禮,牛奶離奇「中毒」,可憐美斯(Messi)生日不快樂,啞巴吃黃連,已隨時面臨五馬分屍。生死戰對尼日利亞,盛傳球員自決正選,軍營內氣氛肅殺,說不定地底都是短筋……生日本該快樂,事到如今,你會許什麼願呢?
歲月不饒人,阿根廷球王美斯於周日,忐忑地度過31歲生日,倒數的沙漏所餘無幾,能夠在今屆世界盃入波嗎?能夠再一次成為救世主嗎?能夠舉起世界盃冠軍,印證地位與馬勒當拿(Maradona)不分伯仲嗎?這一次,問題總比答案多。各國傳媒目測所得,教練森柏奧利(Sampaoli)操練時主動祝賀美斯又大一歲,錫錫面頰、拍拍背脊,其餘時間則零交流,全隊氣氛儼然處於「戒嚴」狀態,眾將依舊頭耷耷。
「如果我們有得揀,寧願對阿根廷,也不想在十六強遇上克羅地亞。」法國國腳保羅普巴(Pogba)向來心直口快,字裏行間沒帶半點自負,而是確實道出當前實況──這支兩屆冠軍名大於實,直頭是雷聲大、雨點小。阿根廷首場被冰島逼和1比1,上場慘吞格仔軍團3隻光蛋,被國內形容為國殤,甚至有電視台進行「默哀」送別國家隊,極盡挖苦之能事。
所謂有水齊齊抽,適逢今年是「結石寶寶」事件10周年紀念,奶製品不幸中槍,特別是內地牛奶品牌蒙牛,億億聲簽下美斯,廣告慘被網民二次創作,原句由「我只是天生要強」改為「我只是天生要牆」,然後畫面出現一道道人牆,並向觀眾預言會「提前回家」,令人忍俊不禁,且看關公能否消災解難,像直播世盃的本地免費台一樣,臨時加開場次,以饗球迷,值得一讚。
然而,不怕神一樣的對手,最怕豬一樣的隊友,難為了美斯每次穿起藍白戰衣,總是心事重重,判若兩人。門將韋利卡巴尼路(Caballero)上場腦袋「短筋」,生死戰將失去正選,由河床的法蘭高艾馬尼(Armani)頂替,而曼城前鋒阿古路(Agüero)的箭頭位置,也會被希古恩(Higuaín)取代。D組最後一輪,阿根廷是非勝不可,但贏波也要看冰島的臉色;反之,尼日利亞則有主動權,全取3分便可鎖定晉級席位,哪怕打成平手,也未必出局。
門將前鋒齊換
究竟森柏奧利是否名存實亡的紙牌教練,正選已由球員自行決定,或可從老將馬斯真蘭奴(Mascherano)的言論可見端倪。「一旦你在球場發現不妥,自然會告訴教練,畢竟落場的是球員,難道你要勉強自己不舒服地比賽?」身在中超的馬斯真蘭奴在今屆顯得老態龍鍾,有心無力,傳聞是美斯欽點入選的老友記之一。
「印象中,我記不起國家隊何時表現得如此糟糕。」前阿根廷守將薩巴列達(Zabaleta)打開天窗說亮話。面對克羅地亞時,美斯全場觸球49次,相當於在巴塞的三分之二,惟當中在敵軍禁區內觸球,僅得可憐的兩次,比賽過了一小時才能首次射門,賽後被狠批「身在世盃心在西甲」。
外界常說球員為國披甲,必須時刻像岳飛一樣準備拋頭顱、灑熱血,惟美斯在國際賽往往孤立無援,這是C朗無法體會的。阿根廷在世界盃前的備戰散漫,球員連操練時間也懵然不知,有些會在早上10點到場,有些又會在10點半現身,有時候小貓三兩隻,各有各練,形同一盤散沙。國家貪腐,足總無能,教練昏庸,內憂外患,國家英雄太沉重,黃飛鴻是時候報夢教路。

1. 「像直播世盃的本地免費台一樣,臨時加開場次,以饗球迷,值得一讚。」D,咁即係對付費用戶不公啫!又話「有得揀,先至係老闆」嘅?資本主義社會,幾時見過「老闆」反而被剝削?Molamola,一國兩制玩完了!
2. 「『一旦你在球場發現不妥,自然會告訴教練,畢竟落場的是球員,難道你要勉強自己不舒服地比賽?』身在中超的馬斯真蘭奴在今屆顯得老態龍鍾,有心無力,傳聞是美斯欽點入選的老友記之一。」D,唔知邊個先係豬隊友輸十二碼,邊個才是「不舒服地比賽」呢?
【世界盃戰報】(6月27日)

【Now新聞台】【世界盃D組 尼日利亞 1:2 阿根廷】
D組的上屆亞軍阿根廷有盧祖做救世主,阿根廷憑他完場前的入球,2比1險勝尼日利亞,驚險以次名晉身十六強。
未開賽阿根廷球迷已經激動,這個當然,皆因阿根廷和波都要執包袱,生死一戰做了五個調動,包括收起阿古路以及上場表現備受質疑的門將卡巴利路,初段對住「泊大巴」的尼日利亞,阿根廷要絕地反擊,都是靠要他,班尼加找到美斯,給他取得皮球都沒有剩,禁區右腳射入,開賽14分鐘阿根廷領先。
前兩場分組賽沒有表現的美斯背負沉重壓力,終於攻入他今屆決賽周第一個入球,同時是今屆世界盃第100球。
非勝不可的阿根廷明顯踢得積極,單刀的迪馬利亞在禁區頂博到罰球,射程範圍美斯處理,「食糊」左腳一射,19歲的尤素荷僅僅手指拍到,皮球中柱彈出,阿根廷領先一球,馬勒當拿已經樂觀閉目養神。
看來太過樂觀,上半場有兩次傳失的馬斯查蘭奴禁區抱跌巴洛根,領黃牌之餘,累阿根廷輸十二碼。
摩西斯操刀,首次替阿根廷把關的阿曼尼捉錯路,尼日利亞51分鐘追成1比1,出線又有希望。
另一邊廂的冰島未能領先克羅地亞,阿根廷只要入多一球就可以晉級,但希古恩的撞射射到高一高,馬勒當拿都沒有心情看。
阿根廷臨尾可以說是傾巢而出,加比爾梅卡度的傳中,走到上來的盧祖球不着地建功,完場前4分鐘阿根廷再度領先,這支上屆亞軍就憑住這個入球僅僅熟,2比1險勝尼日利亞,阿根廷驚險以次名出線。
3. 最後阿根庭逼宮成功(但其「逼宮氣勢」連90分鐘都維持唔到!),驚險晉級,十六強對手為法國。兩者在分組賽表現都無甚霸氣,鹿死誰手難料。

32 則留言:

  1. //上半場德軍的攻勢只係隔靴搔癢,行軍緩慢,有點像哥帥後期的拜仁

    上一場對瑞典下半場有啲起色,點知係因為瑞典保守縮得太後俾你搓;呢場韓國要贏,中場壓得前,你就見真章了。

    //加上同組瑞典大炒老墨,球員愈心急就愈亂

    都未算既,斷估開波前都預左要贏;其實瑞典大勝,德國只要贏就得,瑞典如果再PK啲臨尾放老墨兩球,德國仲要贏兩球先得添...

    //至於路維教練,唔知係唔係因為衛冕關係,唔敢選年青球員,

    我估而家最開心既德國人係曼城個桑尼...

    事實上個入選名單同四年前幾乎一樣,真係好似想[賭俠1999]咁「播返四年前奪標既畫面」。唔係馬後炮,我地成班波友第一場前都唔睇好德國。

    //生死決戰竟然 fallback 返去用奧燒同基基拉

    我最不解係明明要攻,奧燒縮係中圈做乜呢???

    //路維,下台吧!

    係時候要揾新人改改思維了。

    //「如果我們有得揀,寧願對阿根廷,也不想在十六強遇上克羅地亞。」

    克羅地亞可以直入四強--立帖為證

    //身在中超的馬斯真蘭奴在今屆顯得老態龍鍾,有心無力,傳聞是美斯欽點入選的老友記之一。

    好彩今晚愛將金英權入球match winning goal,蝗超少個口實俾班友抽水。

    希望有兩個蝗超做必然正選既比利時爭爭氣氣唔好又內訌,可以越走越遠,等蝗超唔好俾人睇死。

    //十六強對手為法國。兩者在分組賽表現都無甚霸氣

    法國留力成分甚高,關鍵是阿根廷度氣維唔維持到;維持到就勝負難料,英雄氣短法國可以輕鬆晉級。

    我仲想睇「最實用球員」簡迪點樣對付美斯。此子絕對是新馬基利尼...

    回覆刪除
    回覆
    1. //呢場韓國要贏,中場壓得前,你就見真章了。

      個組織差到,只係有中前場橫傳。真係同前幾年的拜仁無分別。

      //都未算既,斷估開波前都預左要贏;其實瑞典大勝,德國只要贏就得

      就係攻極都唔入,況且都有幾個 full chance 有似哥利斯卡同埋候娒斯的頭鎚攻門.

      //克羅地亞可以直入四強--立帖為證

      我都覺格仔打得幾有氣勢。

      //我估而家最開心既德國人係曼城個桑尼...

      仲有拜仁個辛度華拿。路維話唔選佢,佢即刻喊咗出來,仲馬上話退出國家隊;不過我一向都幾鍾意佢,唔係好好波,但有heart有身形,球隊係需要有人識打熱血衝墥波, 好似小志強咁.

      //希望有兩個蝗超做必然正選既比利時爭爭氣氣唔好又內訌,可以越走越遠,等蝗超唔好俾人睇死。

      嘩, 有蝗超情意結乎? XD

      //英雄氣短法國可以輕鬆晉級。

      我覺得出到線阿根廷就已經洩咗度氣.

      刪除
  2. D報紙佬,連人地收$同大陸公司做廣告都要抽。唔明乜嘢關公能力,消災解難?!同viu 播多埸波又有乜關係?
    講做廣告,本土公司衛x就核核突突了。

    回覆刪除
    回覆
    1. //同viu 播多埸波又有乜關係?

      港豬心態,又要有娛樂,但又唔想俾錢。

      //本土公司衛x就核核突突了。

      真霉西去咗拍廣告,假霉西落場踢波。

      刪除
  3. 作者已經移除這則留言。

    回覆刪除
    回覆
    1. 各大社交平台人人怨聲載道,投訴德國打假波,今次馬會真係賺到笑XD

      慎密既德國,今次先俾老墨重創,再俾南韓戲謔,真係仲慘過戰敗。

      刪除
    2. 假波論從來是輸錢賭徒的心靈雞湯。

      絕大部分波盤係精算師戥過晒開兩邊都賺、而絕少會同大圍對賭;而更馬會係全世界抽水最高既體育博彩機構(所以先咁驚啲人買外圍),基本上開邊瓣都賺到笑的。

      睇嗰啲反賭外圍波既廣告,除咗無得轆卡同賭白頭片之外,我實在R爆頭都想不出其他賭外圍的壞處係馬會無的。

      刪除
    3. //絕大部分波盤係精算師戥過晒開兩邊都賺、而絕少會同大圍對賭;而更馬會係全世界抽水最高既體育博彩機構(所以先咁驚啲人買外圍),基本上開邊瓣都賺到笑的。//

      賭仔幻想自己奇洛李維B 扮救世主可以打到AI
      唔肯面對自己無論留系MATRIX安份生活, 定係扮醒覺去錫安做叛軍, 都係貢獻緊AI既事實

      刪除
    4. //各大社交平台人人怨聲載道,投訴德國打假波,今次馬會真係賺到笑XD
      //假波論從來是輸錢賭徒的心靈雞湯。

      同炒股輸錢賴大戶造市一樣,都只係賭仔姓賴的藉口。呢類人多數都係感性行先的人(黃C?),絕少好似池兄一樣只信客觀數學模型的「投資/機者」。

      //絕大部分波盤係精算師戥過晒開兩邊都賺

      理智贏感性,天公地義。

      刪除
    5. 最假是九八年法國對巴西。 :D
      大家可否評論及比較一下各亞洲隊伍? 我只看了一場日本、一場澳洲和半場伊朗。
      遲些世界盃有四十八隊時,香港有機會嗎? :)

      刪除
    6. 唔,C君提出幾個題目都好有趣,而且小弟都有涉獵;本來近排忙工作又忙睇波,時事同巷慘片都少咗留言,不過既然係忙睇波,咁關於波既話題就要專門講下。

      可能會慢慢擠牙膏式慢慢寫...

      刪除
    7. //唔肯面對自己無論留系MATRIX安份生活, 定係扮醒覺去錫安做叛軍, 都係貢獻緊AI既事實

      對好多人來說,面對現實就等於對自己恨心,唔係有咁多人有勇氣自殘的。

      //我只看了一場日本、一場澳洲和半場伊朗。

      以亞洲球隊來說,日本最能「接近」世界足球,可能同比較多外流球員有關。伊韓澳實力其實都係差不多,大多以鬥志搭救,以體力化打法緊迫對手,再適當地以泊大巴及防反突襲,強隊都要小心應付。不過以上戰法我認為只能在90分鐘分組賽事,淘汰賽要打加時,體能就可能唔夠用了。

      //遲些世界盃有四十八隊時,香港有機會嗎? :)

      起碼要有實力入到十強賽先有條件講出線,就算係蝗足都只係掹車邊而已,更遑論只係立志扯螳足後腿的龍獅軍?

      //小弟都有涉獵
      //可能會慢慢擠牙膏式慢慢寫...

      願聞其詳!

      刪除
    8. 咁啱睇完日本,又即場同假波有啲關係,所以先隨便寫下...

      我除左沙特只睇左一場同澳洲兩場外,另外三隊亞洲都睇晒,比較過的確是以日本的最先進--這絕對是青訓效果的反映。日本青訓滲透率和質量都是亞洲最高,[足球小將]上萬人入場睇高中聯賽兼電視直播已經成真,而技術和意識的訓練都是教科書式,相信連係香港球場踢波見到日本人學校既靚仔練足球,都會驚嘆細細個基本功可以咁好。

      而且日本非常鼓勵留歐,除左球會唔會以天價轉會費阻攔外,更有不成文規則--所有在日本以外的亞洲聯賽效力的球員,都不能入選國家隊--所以不論中超、韓職以至中東聯賽,都不會見到日本一線球員的身影。這的確非常有效,世杯23人名單中有15個外流歐美(本田圭佑踢緊墨超),勁敵韓國只有5個完全被比了下去。反映出來是日本比韓國踢得聰明得多,韓國更像一群盲頭烏蠅亂柒咁走...所以成為亞洲唯一一隊出線亦很順利成章。

      但今晚臨尾卻非常不解:當時日本落後0:1,而哥倫比亞打開紀錄領先1:0,日本仔即刻在波蘭配合下打晒假波搓到完場--但當時日本塞內加爾是分數得失球完全一樣,日本只以少兩個黃牌領先,而塞內加爾只是落後一球,日本仔使唔使咁「消極地搏命」呢?萬一塞內加爾臨尾絕殺追平,你會唔會怨你浪費時間無嘗試追平呢?

      利申:我係買左讓球主客和日本下盤的,日本要不敗我先收錢,但我只會怨自己計漏一個「日本輸波都出線」既組合,而唔會怨佢地公然合法做假--如果哥倫比亞領先三球我會好理解呢個做法添,但計到咁盡命運仲完全掌握在別人手上,完場時個領隊仲捏一把汗,真係唔似呢個民族既作風...

      刪除
    9. 利申,買咗日本同哥倫比亞贏,結果睇住日本仔狒系主義,火都黎。

      刪除
    10. 皇國足球普及度大觀

      http://view.inews.qq.com/a/FTB2018062900368304

      文中提及的O60聯賽(除左慢啲外水準頗高)

      https://youtu.be/tY09ucjior0

      刪除
    11. //相信連係香港球場踢波見到日本人學校既靚仔練足球,都會驚嘆細細個基本功可以咁好。

      最緊要係無指指點點自己做埋教練的怪獸家長。

      //而且日本非常鼓勵留歐,除左球會唔會以天價轉會費阻攔外,更有不成文規則

      呢啲就係真愛國,為國家體育發展作出(金錢上的)犧牲

      //日本仔即刻在波蘭配合下打晒假波搓到完場
      //萬一塞內加爾臨尾絕殺追平,你會唔會怨你浪費時間無嘗試追平呢?

      又未算係假波嘅,只能算係「默契波」啫。同埋,如果皇隊大舉進攻想扳和甚至反勝,反而容易被波蘭入多粒,到時輸得失球就出唔到線了,所以保守地控球在腳消極作賽都情有可原。我諗教練有諗過叫唔叫班球員去搏的。

      //計到咁盡命運仲完全掌握在別人手上,完場時個領隊仲捏一把汗,真係唔似呢個民族既作風...

      鬼叫皇隊自己輸咗個 cushion 球在先呢!

      //文中提及的O60聯賽(除左慢啲外水準頗高)

      勁喎!打90分鐘? 國民要有強健的體格,才有資格講勇武。皇軍精神可不是蓋的!

      //結果睇住日本仔狒系主義,火都黎。

      人地只係保住出線資格而已,都唔算係佛系嘅。

      刪除
    12. 講其他隊前再講埋日本一個問題:就係青訓咁多年,基本上《足球小將》大部份人物都有現實版本,唯獨欠一個小志強--一個杜奧巴或伊巴式唯我獨尊式的正前

      鋒。呢個唔知係青訓有啲盲點定民族性既問題勒。本田圭佑性格有啲似,但踢法位置完全不同。

      伊朗是決賽週球隊中、於外圍賽失球最少的球隊,只曾在最後一場例行公事對敘利亞失2球;maybe Asia qualifying seems nothing to World Cup final,但在

      對雙牙證明並非浪得虛名,防守非常緊密,紀律性極強,對西班牙一役好一個640陣,球員在後場排出兩條平衡長城,呢啲陣法以前只有摩佬在歐冠先排得到!可

      惜進攻無日本咁好組織,亦無孫興民級數前鋒,所以打反擊往往到禁區邊就斷纜...不過同雙牙同組可以攞到四分,絕對係光榮出局啦。

      波斯人身材魁梧堪比歐美人種,伊朗亦係澳洲之外,亞洲體格最強壯的國家隊,大名單亦有11個旅歐球員,雖然無一個效力五大聯賽,但亦有荷甲同希臘超神射

      手,估計下屆世界杯仍然可以在亞洲輕鬆出線。

      韓國近年發展有點停滯,旅歐球員今次大名單只有5個,踢法亦顯得落後(唔怪得12強賽輸俾國足),頭兩場除咗亂柒咁跑同大踢茅波外一無是處,強如孫興民亦

      獨力難支;最後爆冷贏德國某程度是德國自己不濟的結果。如果今年八月亞運韓國再攞唔到足球金牌,孫興民就要於19年回國服兩年兵役,要由英超“轉會”到

      K2聯賽、警備廳旗下的牙山木槿花...對韓國未來幾年絕對不是好事。

      澳洲比韓國退步更大,雖然旅歐球員不少(大名單有16人),但好多都只是效力例如英冠德乙等次級聯賽,級數遠遠不及千禧年間基維爾維度卡等歐冠級別前輩

      ;踢法亦越見落後,感覺是搬咗隊英冠嚟踢世界杯。青黃不接亦嚴重,連卡希爾都要繼續入選。

      澳洲07年入亞後,10同14年兩屆世界杯都可以直接於亞洲12強賽出線,但今屆已經要同敘利亞打附加賽,亦是退步的反映。留意近年澳職於亞冠表現已遠遠落後

      中日韓球隊,退步幾乎同國家隊同步,似乎內裡有啲深層次問題。長此下去澳洲足球不容樂觀,隨時下屆會首次不能由亞洲賽區出線。

      沙地徒有技術,但體格速度整體性都明顯被歐美球隊拋離,兩連敗是意料中事;不過對住非洲阿拉伯兄弟埃及竟然可以贏波攞返3分,算係終結咗多年“世界杯慘

      案歷史”。沙特球員極少出國效力,不過值得一提是今屆大名單有兩個“理論上”的西甲球員,不過實情是沙特足協恃有錢,唔知邊條蠶蟲師爺話要官方贊助西

      甲球隊並貼錢送球員去效力,但人地財到光棍手,球員送到去坐冷板凳不得止仲要日常生活自生自滅...長期嚟講沙特在亞洲虐下菜無問題,亦大概率可掹車邊出

      線決賽週,但入到去就唔好有乜期望。

      //遲些世界盃有四十八隊時,香港有機會嗎? :)
      //就算係蝗足都只係掹車邊而已

      呢個下次有時間寫下。

      //皇軍精神可不是蓋的!

      過幾年應該會見到老妖三浦知良踢O60.

      //買咗日本同哥倫比亞贏,結果睇住日本仔狒系主義

      賭波第一誡:球隊/球員只會為滿足自己的競技或人情/政治目的而比賽,而不是達成某個球盤的要求...

      (附:第零誡:不能假設球隊/球員會因為被物質收買/賭博而打假波,因為事前無得估事後一日未東窗事發亦無法證實;有這個假設不如唔好賭)

      //如果皇隊大舉進攻想扳和甚至反勝,反而容易被波蘭入多粒,到時輸得失球就出唔到線了,所以保守地控球在腳消極作賽都情有可原

      其實佢地80-90分鐘可以正常地當自己領先住咁踢的,咁樣無咁核突之餘亦可以保留入波機會;好似佢咁搓萬一塞內加爾追返,一時間要谷返起都好難。

      //鬼叫皇隊自己輸咗個 cushion 球在先呢!

      完場時見到西野監督個表情,巷慘片之王就諗起向生呢一幕:

      https://youtu.be/aalfUwjVnzE?t=2h1m40s

      刪除
    13. //唯獨欠一個小志強--一個杜奧巴或伊巴式唯我獨尊式的正前鋒。

      亞洲人身型唔夠人墥,先天上如此,好難改變。

      //防守非常緊密,紀律性極強,對西班牙一役好一個640陣,球員在後場排出兩條平衡長城,呢啲陣法以前只有摩佬在歐冠先排得到!可惜進攻無日本咁好組織,亦無孫興民級數前鋒,所以打反擊往往到禁區邊就斷纜...

      講到伊朗好似超級加強版的龍獅隊咁...國家明時代成Q日話穩守突擊,但無速度,後防又無眼光吊高波俾位前鋒走,又點突擊呢?當然伊朗好好多,但穩守有餘,突擊就欠奉了。

      //韓國近年發展有點停滯,旅歐球員今次大名單只有5個,踢法亦顯得落後(唔怪得12強賽輸俾國足),頭兩場除咗亂柒咁跑同大踢茅波外一無是處

      日韓世界盃時,泡菜仔的壓逼性打法的確叫人眼前一亮,但唔此係唔係因為近年男生娘娘腔的風氣太盛,能夠做硬橋硬馬逼搶再放波上前的本土泡菜仔好似唔多。

      //留意近年澳職於亞冠表現已遠遠落後中日韓球隊,退步幾乎同國家隊同步,似乎內裡有啲深層次問題。

      本土球員出國搵搵食嘅又無,招攬黃昏名宿加盟的又輸俾美職日職(小豬去美職,小白與普度斯基去日職),袋鼠真係無樣掂,唔怪得成日轉線亞洲大洋洲兩頭撲去投機取功。

      //但人地財到光棍手,球員送到去坐冷板凳不得止仲要日常生活自生自滅...

      我諗起董方卓...

      //球隊/球員只會為滿足自己的競技或人情/政治目的而比賽,而不是達成某個球盤的要求...
      //不能假設球隊/球員會因為被物質收買/賭博而打假波

      唔知點解港豬通常都會以呢種想法來為自己開脫.

      //巷慘片之王就諗起向生呢一幕

      哈哈 x 10

      刪除
    14. 根據FIFA七月的世界排名,香港在206個成員中排名142位...不過這個不重要,更重要是在AFC(亞洲足協)46個成員中,排名28位。

      亞洲基本可以分為七檔,以下是大約分級,每級大約5-8隊,部份隊伍介乎上級下級之間;個別月份的排名波動不一定能充分反映:

      1)日本、伊朗、韓國、澳洲
      2)除1級外,18年世界杯外圍賽的最後12強其餘八隊
      3)部份二線中東國家(例如約旦、巴林)、部份中亞細亞國家(例如吉爾吉斯),印度
      4)新興東南亞國家(越南、菲律賓、印尼)、部份中亞細亞國家(例如塔吉克),朝鮮
      5)香港、台灣、土庫曼、阿富汗、緬甸、也門等
      6)馬爾代夫、星加坡、馬來西亞、尼泊爾、柬埔寨等
      7)老撾、澳門、蒙古、不丹、東帝汶...以及其他你數得出的魚腩

      26年世界杯已確定AFC有8個名額,另外會有兩個名額會由UEFA(歐洲足協)外所有協會爭奪;由於賽制未明,就當AFC只有8個。

      就咁睇就知香港要覬覦這個8個名額是十分不自量力--要知道相比歐洲,亞洲足球水平非常參差,級與級間鴻溝頗大;而小弟已經常在魔兄園地提及過:大約08年後,香港已經未曾擊敗過130位以上的球隊(注:部份現在長期130位以上球隊之前輸過俾港隊,但當時排名在130以下),map返去以上分級,就剛好是4-5級之間。只是6-7級實在太廢,香港靠刷數據攞分都可以死死壓住,所以近年可以長期維持在總排名140-50之間。總言之,以香港現在的實力,連第4級都很難逾越,點樣分組都大概率不能偷雞進前八。

      咁香港未來八年實力又點呢?

      職業球員於弱冠之齡已大約知道未來職業生涯的上限,從2017年進行的AFC的U23及U19外圍賽,香港都沒有顯現突出的實力,當然亦入唔到決賽週,而去年的U23及U19段就正是26年外圍賽(應該在24年就開始)的主力年齡,以此推算到時實力仍然難成氣候...至於歸化球員,自從足總改咗例唔可以用三粒星而必須用SAR護照先可以以“本地球員”身份註冊聯賽後,相信將來本來為三粒星留7年而最後耳仔軟改國籍既會大幅減少,而現有的歸化主力好多已經奔四了...

      本來今晚想寫埋中國,不過寫慢咗已經開波啦,所以下次再寫...

      刪除
    15. //1)日本、伊朗、韓國、澳洲

      以皇軍可以領先比利時兩球,逼到人地要出高空轟炸屈機才落敗的表現,皇軍在亞洲已是超1線球隊矣!

      //大約08年後,香港已經未曾擊敗過130位以上的球隊
      //近年可以長期維持在總排名140-50之間。總言之,以香港現在的實力,連第4級都很難逾越,點樣分組都大概率不能偷雞進前八。
      //從2017年進行的AFC的U23及U19外圍賽,香港都沒有顯現突出的實力

      實力當然係唔夠,但比賽心態亦值得檢討:咁多年以來都係以成功扯蝗國後腿為目標,只為別人而活,所謂笨土意識打氣加油只係流於形式,一定無長進。唔好話冰島,你睇歐洲魚腩近年遇上強隊已甚少兵敗給山倒,人地打出來的精神面貌係同龍獅隊有極大的分別的。

      刪除
    16. 咁中國於22年可唔可以繼續掹車邊、26年可唔可以穩握AFC的8個名額呢?

      講之前先要理解中國足球積弱的原因,因為這是很多人的誤區。

      在94年成立甲A、即是所謂職業化之前,中國足球同其他體育項目一樣,都是行“舉國專業體制”--即是在小學時期發掘好苗子,然後用國家資源圈養(雖然這詞彙絕對是貶義,但我個人覺得很合適)於體校中,主力體育培訓而忽略文化科目,然後代表省市各級球隊參加地方比賽;於職業化後,第一批參加甲A之球員就是來自專業體制。

      本來這種圈養式訓練頗為枯燥而且閉門造車,跟不上世界足球潮流,但即使場上思維落伍應變死板,但基本功仍然是很嫻熟的,所以光吃呢個老本國足仍然有98及02年的黃金期(在很多國內老球迷眼中,98實力比02更高,從當年的世界排名可以知道);問題是專業時代結束後,並沒有建立新的青訓系統,變成地方、球會各有各做毫無統籌,加上02年入決賽週竟然成為死亡之吻,無數投機份子湧出來渾水摸魚,很多所謂足球學校唔係呃錢就係收黑錢,加上搵著數貪腐風氣不止青訓圈而是從上而下充斥整個圈子,所以02年後食完專業體制老本後發展接近停擺,直至10年左右反賭掃黑時達到谷底...

      這就是習帝成為王儲之前足球積弱的絕大部份原因...剩返一個終極原因之後再講

      客觀嚟計,10年到現在不敢話圈內風氣絕對清廉,但的確比02-10年間正常好多了;好多投資者(最出名當然是恆大)除了大力投資中超成年隊外,亦會聘請外教建立完善的各級青訓梯隊,訓練方式亦同國際接軌;足協亦開始對中超中甲的準入規則加入了各級青年梯隊的規範,亦開始舉辦例如青超聯賽增加未成年隊的比賽機會(以前最為人詬病是青訓期間日日齋操唔做、正式比賽太少),同時安排網上直播...當然中間仍有很多長官意志式的甩漏和拍腦袋政策,但總算開始正確了。

      如果從近十幾年各年齡段的比較,自從85段曾經晉身05世青杯決賽週並打入16強後,實力的確每下愈況,而93段被公認是最差的,能入選國足的亦很少,date back返呢班人就是最需要青訓時啱啱撞正“大黑暗時期”;95段開始有啲起色,與97段都出咗啲比較好的年輕球員。至於99段之後,國內網上爭論比較大,但基本認同隨著幼年時參加啟蒙青訓的質量越好,未來上限越高,所以越後出世的就越好,甚至有人話05年段開始會有一個quantum jump,因為佢地7-8歲啱啱趕上12年青訓正軌...

      我的看法是
      - 22年主辦國卡塔爾直入決賽週,但AFC仍保留4.5個名額。隨著澳洲退步沙特又依然故我,中國如果89段以上的能老而彌堅和95-97段出幾個水平好啲的話,偷雞攞個名額不是天方夜談;問題是究竟95-97段真係有幾好--下個月以U23出戰的亞運以及明年初亞洲杯會有初步答案。但就算入到去,對住歐美球隊不要抱太大期望。
      - 26年主要看現行青訓能否堅持走下去,同埋中間能否不停改善--如果一班00後能夠出幾個妖人(例如,發下夢,強如麥巴比的),穩拿AFC的名額不難,仲隨時有驚喜添;不過國內到現在除國計民生既嘢外,任何範疇都隨時有折騰,所以一切都係未知數,只能說有審慎樂觀的空間。

      好了,究竟終極原因是什麼呢?如果這個終極原因不解決,水平最多能達亞洲頂級,好似日本咁能接近衝出亞洲是沒有可能的,而呢個原因亦解答了所有港豬(尤其睇到冰島後)的疑問...不過今晚又寫夜咗,過兩日再寫~

      刪除
    17. 摩摩你真係好鬼 pro (比那些問我選股選債的問題好上太多,完成是另一個層次呀!), 加返「客席主持」呢個 tag 落去先!

      //基本認同隨著幼年時參加啟蒙青訓的質量越好,未來上限越高,所以越後出世的就越好,甚至有人話05年段開始會有一個quantum jump,因為佢地7-8歲啱啱趕上12年青訓正軌...

      做職業運動員就是要贏在起跑線, there is no other option.

      //國內到現在除國計民生既嘢外,任何範疇都隨時有折騰,所以一切都係未知數,只能說有審慎樂觀的空間。

      最怕就係怪獸家長唔俾阿仔去做球霸(不過以現時薪金計, 希望可以有錢使得鬼推磨).

      刪除
    18. 一個國家,決定任何體育項目水平的必要條件(即是終極原因)只有兩個:

      - 全民普及度
      - 青訓的質素

      可能是經常想“司夷技之長”,今次世界杯大陸體育網站有好多探討足球強國、特別是近十年成功逆襲國家的成功之道,例如英格蘭:

      http://2018.qq.com/a/20180708/013105.htm

      但其實不論日本、冰島、西班牙、法國、比利時同文中的英格蘭,都走不出以上兩大必要條件,只是有些比較集中於普及度(例如冰島的遍地全天候足球場、日本小至學界老至O60),有些較傾向優質青訓的精英化(例如法國的克萊楓丹國家足球技術中心),但都只是稍微傾斜而已,兩個條件缺一不可。

      每個人天生的肌肉、筋骨、運動神經水平都不同,而且光靠後天的訓練很難突破天賦的天花板,所以一項運動參與的人口越多、能篩選出天才的機會就越大;參與的人口大,亦能將體育變成一個產業,除了更能培養相關訓練及管理人才外,亦有利體育文化的傳承。

      職業運動完全是一個贏在起跑線的東西:對足球而言,七八歲開始接受專業訓練(專業指質量,不是指全職)就最好,十三四歲就要決定是否往職業方向走路去(對某些天生運動奇才甚至是選擇哪一項運動),二十歲前基本已奠定了以後職業成就的上限...所以優質的青訓非常重要,因為哪怕是天才,如果年幼時受的是垃圾訓練都會練廢。

      由於從青訓至職業淘汰率極高,但要篩選好苗子需要極大的人數基礎,所以足球強國的小孩,接受入門正規訓練的門檻都很低,近乎於社區的公益活動,以培養興趣和享受足球為主旨,其社會成本基本是靠社會對足球高參與度的產業化支持;而且雖然隨訓練升門檻會越高越來越艱苦,但因為始終最後投身職業的只是小數,所以小球員都會兼顧學業,甚至學業水平不合格就不准參與訓練。而雖然大部份球員在弱冠之齡已確立一生的潛在上限水平,但始終會有大器晚成的漏網之魚,此時龐大的基層聯賽除了容納不走職業的業餘人口外,亦保留了漏網之魚的最後機會--英格蘭的華迪就是最好例子:淪落過第七級聯賽、揸過貨車做過義肢廠工人,最後把握機會成功逆襲變身英格蘭國腳。

      以下為西班牙加泰隆尼亞地區U8至U19的青少年聯賽規模:

      https://tieba.baidu.com/p/5689870761

      其實亦不需要下下全國一個省都十幾萬細路玩青訓至得,唔好講冰島33萬人口,就算烏拉圭都只是幾百萬人都晉身世界頂級足球之列了。粗略估計,其實幾萬細路接受過高質青訓就得;不過小國可以幾萬人集中訓練、比賽,如果大國只有幾萬人參與,除非呢幾萬細路都集中某個區域,否則散落全國的話就好難集中資源和形成足球氛圍。

      一般誤區是

      13億人搵唔到11個踢波叻既人--必要條件是幾多人踢,唔係有幾多齋吹唔做的花生友
      高手在民間--就算是大器晚成的漏網之魚,都一定經過職業青訓;完全無受過正規訓練,水平絕不可能達到職業門檻
      世界經濟體第二都搞唔掂--同股票一樣,體育是“人”的遊戲,而參與度需要氛圍,不是靠金錢堆砌可以一蹴而就,而是需要長期文化的養成
      如何彎道超車--成年球員潛在上限已定,提高訓練質量只能盡量提升至上限而不能有大突破。想突破只能從幼齒抓起,而見功效至少要十年時間
      民族性乜乜乜--有足夠人數參與才能驗證個別民族是否踢波水平上限特別低

      刪除
    19. //克羅地亞可以直入四強--立帖為證

      認屎認屁先.

      //我諗起董方卓...

      應該是早幾年“效力”過禾夫斯堡的“汽車銷售型球員”張稀哲似啲。當年董方卓係費Sir親自欽點的,當時是看上董的天生速度、身體質素和門前嗅覺,亦早早安排了董外借去比乙以取得歐盟工作證,在比乙的表現亦令人滿意而召回曼聯。

      網上仍流傳一張當年董方卓同C朗場邊飲水既相:

      http://sports.sina.com.cn/g/pl/2016-11-02/doc-ifxxfysn8544914.shtml

      但相傳兩人的差距,在兩人出第一份糧就出現:董買咗架成名球星都覺得招搖既Audi,C朗請咗個私人健身教練...董被放棄時,費Sir短評是:“這個傢伙有點懶。”...然後,就沒有然後了。

      http://www.sohu.com/a/140557838_801578

      //以皇軍可以領先比利時兩球

      平心而論,比利時0:2之前係有啲輕敵的.

      我覺得比利時班友到而家都未出真嘢...

      刪除
    20. 順帶一提:其實董方卓呢啲泯然眾人既case,在歐洲年輕球員中根本係家常便飯。但如果你蝗國有一百幾十個董方卓俾歐洲各大豪門選擇呢?

      這就是普及的重要性.

      刪除
    21. //其實幾萬細路接受過高質青訓就得;不過小國可以幾萬人集中訓練、比賽,如果大國只有幾萬人參與,除非呢幾萬細路都集中某個區域,否則散落全國的話就好難集中資源和形成足球氛圍。
      //13億人搵唔到11個踢波叻既人--必要條件是幾多人踢,唔係有幾多齋吹唔做的花生友
      //民族性乜乜乜--有足夠人數參與才能驗證個別民族是否踢波水平上限特別低
      //如果你蝗國有一百幾十個董方卓俾歐洲各大豪門選擇呢?

      其實同魚類散春的道理一樣, 只要種籽夠多, 就算俾鯊魚鯨魚大口大口吞噬, 物種依然能夠流傳下去.

      //不是靠金錢堆砌可以一蹴而就,而是需要長期文化的養成

      呢個最可笑, 土豪如慢城都係買人, 而唔係靠自家青訓.

      //張稀哲

      咁堅仔算係咁了 XD

      //董買咗架成名球星都覺得招搖既Audi,C朗請咗個私人健身教練

      性格註定命運.

      //我覺得比利時班友到而家都未出真嘢...

      我希望格仔軍要出奶力打低三喵...

      刪除
    22. 嘩,原來國家隊的過去現在與未來都在這裏
      摩兄對國足的研究令人很佩服

      刪除
    23. //我希望格仔軍要出奶力打低三喵...

      克羅地亞好似好驚高空波死球,不過中場應該可以壓倒英格蘭,睇下邊樣治到邊樣

      刪除
    24. 比利時已死...摩摩你又開口中了.

      刪除
    25. 魔兄而家唔使驚啦? XD
      我weekend可以著見珍藏20年的98版格仔波衫去踢波了.
      不過英格蘭本身近年青訓大有進步,始終係上屆世青杯冠軍,未來四年兩個大賽有機會更進一步。
      另外我無批死過比利時啊,只係話佢地之前未見真章啫...

      刪除
    26. //魔兄而家唔使驚啦? XD

      今晚寫!

      //另外我無批死過比利時啊,只係話佢地之前未見真章啫...

      嘻嘻,我係話你燈了啊!

      刪除