逆工管思維（二十一）之米豬看地球

「其實阿洋腸係咩嘢 position，可以係咁俾嘢我做嘅？」上星期五，魔術師實在忍唔住，向包青天上司爆發。
「佢都係當同一個 team，一齊做嘢啫。」包青天上司。
「但係我都有嘢自己 top priority 嘅嘢做，仲要係幫你做喎！仲有米婆Ｒ啲嘢呢？我都要同佢交待。阿米腸專搵埋啲無厘頭印（度）腸嚟問我嘢，我無跟開無 background 嘅事都要我去開會，當我１８２３咩！嘥時間又無 value。我依家最不滿嘅就係呢條米腸Ｍ；我自問無本事同時做咁多樣嘢，我辭職信都打定，如果米腸Ｍ仲亂咁嚟，我就撳俾你架喇！」魔術師實在是豁了出去，爭取做莊的主動權。
「有事慢慢講，唔好嬲住。你叻吖馬，班同事咪搵你囉！唉，啲人係周圍搵水泡啫！」包青天上司大驚，畢竟魔術師在他手下算是「做得嘢」，犯不着為了一條閒腸而損兵折將。
「我咁鬼瘦點似水泡呀！係都係搵你喇！」魔術師望着中央肥胖的包青天上司，實在是沒好氣。

年頭米國 project team 手指指搶人，監生從包青天上司搶了半個魔術師去做嘢。從此魔術師就有兩條 reporting lines，一條係跟我城包青天，一條係跟米婆Ｒ，而米腸Ｍ係跟米帝 project team 的 reporting line，不過就同魔術師無交集，算係「隔離 team」。魔術師手執米婆Ｒ send 來的最新 org chart，尚方寶劍在手，點睇米腸Ｍ叫魔術師做嘢都係出師無名，唔趁機Ｄ７佢就傻！
查實現時人手吃緊，僱傭兵都當長工使，上個星期六包青天也要求組內同事加班，協助另外的部門完成工作。魔術師一向都俾面支那上司，又反正都要出門做嘢，於是星期六也就依包青天言加班幾個鐘，不過就只係中午到埗，做到三點。
事緣係魔術師在組內的進度算是比較良好，絕大部份要做的工作都完成了，現在就要協助另外的部門 review，講解一下啲 document 改咗乜之類。
所以魔術師只係陪太子讀書，係另外的部門唔夠人（唔夠時間），所以不能 work independently 而已。
其實自己 document 自己睇，魔術師返去作用也有限，只係做個樣子，作狀 team work，算是全力支援而已。
畢竟做唔完的話，又會俾米婆Ｒ詐型。
講起米婆都幾好笑，成日問魔術師等傷港僱傭兵今個月返幾多日，又話如果一年返得多個某個日數，多出來的日子 you will not be paid，又話請假要向佢地匯報等等...聽到魔術師一頭霧水，明明簽約係講一星期返五日，使乜問一個月返幾多日？放假又係跟傷港ＨＲ規定，點使向米帝匯報？
同包青天上司講起，原來米帝的僱傭兵係可以無嘢做便唔返的，所以成日計住 paid day...
Ｄ，呢班米帝，真係日不落國心態，出埋啲 email 俾大圍（包括 non-米帝同事 )，但講埋啲嘢就完全係米帝 centric，無視「多元國家 project team」。
仲有，班米帝好鍾意同班僱傭兵講「I pay you」，所以你要匯報你今日去咗邊做咗啲乜嘢...
淨係填呢啲極度 micro-management 的 Excel spreadsheet tracker 就已經夠煩。
於是魔術師諗起，可能班米豬僱傭兵都係寅吃卯糧的工資奴，「米豬就是要管的」。
有幾出奇呢？金融海嘯時，大把西人失業，仲要響電視鏡頭前大呼「I need my job to pay my bills！！」
可能就係咁，米腸Ｍ以為魔術師好欺負，係咁叫人塞嘢俾魔術師做，有理無理魔術師係唔係有跟開，識得點做...
因為佢以己度人，以為魔術師都係工資奴...
於是，早前魔術師趁着提倉之便（見《贏在提倉後》），拿着一疊盈富基金（02800.HK）股票返公司揚。
其實只是重施十年前《兩枝金筆》的故技，含蓄地話俾上司（今次就係唔係上司的米腸Ｍ）聽你用錢係撻唔到魔術師的！
分別只係上次 show 金筆，今次 show 股票而已！
果然，包青天上司非常俾面，星期六趁人少少叫魔術師唔好嬲，星期一同米腸Ｍ講吓云云...
而今個星期一，包青天上司就來同魔術師講，米腸Ｍ的會魔術師唔使去開了，主力做返自己啲嘢。
你敬我一尺，我敬你一丈；因為米腸Ｍ而撓起包青天，魔術師都唔想。
咁就算數，封辭職信擺住係 draft box 先喇！

＊＊＊
伸延閱讀：
小子：收到 OFFER
贏在提倉後
兩枝金筆