股東大會催票法

魔術師日前收到 Global X Funds 寄來的一封「確認書」，內容甚為奇怪：竟然係要魔術師呢位 shareholder approve （１）基金收費無改變，（２）投資策略無改變，同埋（３）基金管理人（即係 Global X Funds 自己）無改變！

其實，魔術師只係持有了 Global X 發行的 Global X Robotics & Artificial Intelligence ETF (BOTZ.NASD) 咁大把，原來 Interactive Brokers 係會替魔術師在基金公司登記過戶，帝股竟然係咁玩法，又真係估佢唔到！
封信雖然講到好似好嚴重咁，但在今時今日，竟然仲要打電話，而唔係用上網搞，認真夠哂詭異。
於是，魔術師用上了薯乜通的回撥 IDD 服務，打上去睇下佢搞邊科。

點知，第一件事就係，２０１—８０６—７３０１呢個電話號碼係唔 work 嘅，既唔係乜Ｑ嘢直線 toll free，就連用ＩＤＤ００１打去都係話 no number，簡直係浪費金錢。
魔術師一向無住在外國的親戚，完全無要打去外國的需要，係出職場做嘢先至學識打 internatiional call，好多時仲要係打內線搵外國公司同事，呢方面認真大鄉里，唯有便硬着頭皮又用ＩＤＤ００１打去找１—８００呢個號碼。
接聽的竟然是個洋婦，聽聲魔術師就覺得佢係日日十桶家鄉雞、滿口 junk food 的大山婆。
熱線話星期一至五營業至晚上１１點，星期六收下午６點，仲用真人接聽，認真係低端人口（就要係要輪班都係咁低端）。
魔術師說明來意（心想如果只係識用鴨脷洲口音英文作簡單溝通的痕哥點算），洋婦便問明魔術師的 shareholder number。
魔術師將 shareholder number 告知，洋婦便說因為要開股東會投票通過以上三議題，魔術師不能出席，一係要寄 proxy form 回去，一係就係用電話錄音口頭答覆。
車！原來只係咁「催票」，真係嘥口水。
電話唔打都打咗，魔術師梗係打咀炮投贊成票。
洋婦要求魔術師 identify myself，咁照讀返 letterhead 的姓名和地址，spell loud and clear 就可以了。
揸住少少 ETF 竟然要搞啲咁嘢，都算係開咗眼界，回想好似早掛收到過一份咁嘢，不過例牌唔理啫，估佢唔到真係追到埋身，終於見識到美帝係幾咁「先進」囉。