單位面積可妥協，生活品味要做足

業主靠己幹上車，去年４月以３４０萬買入１７０幾呎一房單位，裝潢設計所有嘢都要度身訂造過，務求用哂所有空間，問題就係一旦有壞要置換就大鑊了，你估一定搵得返啱 size 的 replacement（３７：２４—４７：２５）？

樓盤傳真 2019/04/20 2019/04/20 23:21

何謂豪宅？ 官、商都無界定，所謂自律推盤、豪宅免受限制，根本大有漏洞！ 綜觀世界各地對豪宅各有標準，香港可以借鏡嗎？
在名校網兼豪宅區之間，尚存居屋、夾屋等入門置業希望，但放盤、成交都罕有，今集夾屋欣圖軒放盤亦選擇長線放租。
招標賣樓，最大問題是透明度不足。驗樓主角九肚山澐灃，近期突然加快銷情，查閱招標文件，樓盤增加了利息回贈，變相減價百分之八，但成交價並無反映。

本案為深水埗單幢樓，２２年樓齡，實用面積１７６呎，男戶主單身狗一個人住，是打ＪＪ的好地方，所以便要求設計Ｃ多造暗格，將雜物妥善收好；維持水電位置，儘量慳錢：

設計Ｃ將間隔牆拆去，以櫃間牆偷位，又將次所改為套次，在睡房內開門，同時又將客廳梳化背、廚房、與及睡房細窗對正天井，設計Ｃ為修飾景觀便將三面窗都封了，日後驗窗唔知點算，而且廚房無窗始終有點怪異（左上、右上）。一入門，牆上設有動作感應掣，即時開着天花燈和模型櫃燈歡迎戶主返歸（左下、右下）：

門口隔離就係開放式廚房，廚櫃底係鞋櫃，兼掛上鞋抽，十分 decent（左上）。開放式廚房叮叮爐放到鬼死咁高，廚房隔離伸延就係書枱，書枱底下有垃圾桶，方便一邊睇ＡＶ一邊打ＪＪ（右上）。拉開書枱，搬開電腦，擺兩張唔知係邊度搵返來的凳，就可以同女神撐枱腳了（左下、右下）：

設計Ｃ在電視櫃收納了所有電線；而設計Ｃ又在電視櫃頂放上灰鏡，底下設滲燈，營造空間感（左上、右上）。設計Ｃ又封了梳化背的細窗，變成花紋牆紙（左中）。放模型的組合櫃係雙面櫃，靠廳的一邊藏有啱啱好大小的雪櫃（右中），組合櫃亦係 feature wall，間出睡房和套次（左下、右下）：

睡房有企身大櫃、６呎３大床，設計Ｃ又將床背的柱位加牆紙滲燈，化身成 feature wall（左上）。套次門改為趟門（右上），洗水機藏在雙面櫃的另一邊，旁邊偷位掛上 Dyson 吸麈機，再隔離洗手盤底的凹位就用來放金寶綠水（左下、右下）：