千五萬樓訓窗台

戶主去年件初買入單位，作價１,５００萬，呎價＄１６,０００有多，再搵百幾萬來裝潢，結果...竟然要訓窗台（３５：５４—４５：０８）？

樓盤傳真 2019/04/27 2019/04/27 23:08

發展商拖慢建樓，有利這刻推盤，星期六億京開售，在白石角的海日灣二期首輪貨 295 伙，收票約 5,000 張，超額約 16 倍。不過估計大批票源聚焦在 54 伙開放式單位，折實價低於 400 萬元，銀碼與呎數都是白石角區內最易入場！ 
二手價位持續向上，但成交量則相反。統計全港 50 大屋苑，上周二手買賣跌至九個星期以來最少，相比二月尾反彈市縮減近乎一半。原因之一是上車盤陸續消化，業主開始心雄，以跳價幅度放盤，叫價變得略高。今集看的正正屬於高一級的換樓盤，來自北角的三房一套單位。 
細單位，廳細房細，如果身高六呎，擺一張床，躺下應該伸不直雙腳，這種情況對細單位而言不算稀奇。 
有窗台其實是好事還是壞事？自從用實用面積計價，窗台變成額外送給業主，似乎有、好過無。都怪發展商當年計建築面積，用窗台發水發得太盡，引致條例收緊。當中將軍澳都會駅是發水高峰期的樓盤之一，樓齡十二年，窗台接近兩呎闊，為符合一房一窗台的規例，睡房開則細細間，窗台就大大個，成為裝修的頭號問題。

單位９０９呎，四房一套，仲要住一家四口，三代同堂。業主於是要求設計Ｃ二人組將四房變三房，即係兩間主人房同一間小孩房的設計：

設計Ｃ將客房１與客房２打通，拉平牆身放衣櫃，並可設置書房，成為戶主夫婦的私淫空間，而母親房則改門向，客次改造企缸，擴大囡房空間（左上、右上）。一入門，換鞋位有滲燈效果，然後成幅牆都係粉綠色，乜 feature wall 都無，只係在地磚花紋上玩花樣（左中）。廚房同樣都係用唔同花紋的牆磚「營造效果」，不過真係唔多覺眼（右中）；更抵死的是記者妹話廚房的另一面牆身的花紋係同玄關的地磚呼應（左下），此等設計概念實在令人難以理解。換鞋位對面有大而無當的裝飾櫃，用來拉廚房對出的斜牆（右下）：

客廳放滿大公仔同小孩玩具，老成設計Ｃ話電視櫃是用來給戶主放旅遊紀念品，但實際上卻貌似小孩玩具（左上）。飯廳椅子、櫃角、吊燈均以圓弧設計，將小孩 friendly 設計融入設計概念；有青設計Ｃ仲話企身櫃中間偷空，放囡囡的「畫作」，一家人可以邊吃飯邊「欣賞囡囡的作品」，擦鞋擦到面不紅氣不喘，搞到人地以為阿囡係達芬奇級數的大畫家（右上）。天花燈槽、拱門、與走廊天花燈都係延續圓弧設計概念（左中、右中、左下），而走廊則掛上阿囡的ＢＢ大頭相，營造出「成長時光隧道」的效果（右下）：

主人房升高地台，追平窗台高度，將床舖放上本來房１的窗台，本來屬於房２的窗台則作為休閒區，兩者以玻璃趟門相隔（左上）。本來房２就用來做書枱；記者妹話電腦面壁，以防受日光照射，但實情上女戶主可在床上監視老公有無睇ＡＶ（右上）。設計Ｃ又從本來走廊偷位出來造衣櫃，側面就放疑似是男戶主的 kidult 模型（左下、右下）：

婆婆房同樣延續升高地台訓窗台加圓弧設計，不過就多咗有滲燈的梯級，方便老人家上落（左上）；床頭櫃整色整水，以 feature wall 引伸至天花掛吊燈（右上）。主人套次無得睇，小孩房亦無得睇，只係睇咗小孩房隔離的客次，企缸以香檳金色金屬做門框（左下、右下），不過細路沖涼唔係用浴缸方便啲咩？

其實...好似唔係搞咗好多嘢，咁就百幾萬裝潢費嗱！？