港燦理財（十五）之讀書無用

魔術師籍貫是廣東省寶安縣，老父是蝗民，當年深圳鄉間發展時政府收地，便以將來建成的某屋苑小單位交換了父親的「丁權」。老父仙遊後，魔術師對那個單位也是闊佬懶理，從來無將之當成是身家的一部分，只係佛系由蝗大堂家姐代為收下租咁，有無落格亦關人個關。
點知，上星期六晚蝗大堂家姐話屋苑樓齡都有返咁上下，跟最近ＳＺ的發展已是格格不入，發展商有意重建；而又由於當時個單位係用老父名，於是蝗大堂家姐便問魔術師「幾時得閒去搞手續」；魔術師話五一只係放一日假，想留返來休息（兼寫 blog），點知蝗大堂家姐就話：「不如聽日喇！」Ｄ，玩咩？急成咁就唔係「幾時得閒去搞手續」喇！
魔術師再問要帶什麼文件，蝗大堂家姐即時被考起，求其 hea 答話：「身分證、回鄉卡喇！」
魔術師最唔鍾意就係呢類求其即興又唔 attentive to details 的人。
要證明老父已經過身，就要有死亡證；要證明魔術師老媽也不在人世，亦要老媽的死亡證；要證明魔術師係父母係合法結婚，就要兩人的結婚證書；要證明魔術師係父母的親生仔，就要有魔術師的出世紙...仲要蝗大家姐等人做證，才可以證明魔術師父母並無其他（私生）兒女，魔術師方可成為遺產的唯一合法繼承人（見《港燦理財（十二）之好仔不論爺田地》）。
不過，就算帶齊以上文件，加埋特衰正苦簽發的兩老遺產管理書，蝗國是否承認魔術師的繼承權也是未知之數；但現在乜都未搞清楚，都係上去一次再說。
魔術師心想也要些時間挖返呢啲文件出嚟，於是便話５月４日星期六上去喇！
又點知，星期五晚，蝗大堂家姐又傳來 WeChat：

頂，你班蝗民個個都財務自由，靠收租為生，唔使做梗係可以早睡早起。假期對魔術師來說，可謂補眠的大日子，唔係特別事真係好難一早起到身架！
點知，今日上到去先至知中伏！
原來，老父個單位成幢嘢的產權證都無出到，由於未有紅頭文件，業權遲遲不能轉讓。今次上去搞的是當年老父出了人頭，但實際權益卻是蝗大堂家姐父婦的另一個單位。
是咁的，當年深圳市要發展，太公分豬肉，老父分到的唔只現在的一個住宅單位，其實還有權擁有另一個住宅單位。
但要「發展」，在在需財，而蝗國當年發展搞產權，當然有太多不清不楚的金錢往來；最典型的就係「你分到１００平方米，但依家個單位係１２０平方米，你要補錢」；至於當中有無涉及終割賓所言的在蝗國「特定國情下，可以接受的「小規模賄賂」就不得而知了（父債子還，唔通有一日魔術師會因《逃犯條例》被抓回去「電視認罪」？）。
由於魔術師家也不是什麼有錢人家，應付不來發展商不斷的「苛索」，所以便只 exercise 了現在那單位的業權，另一間就放棄了，只係讓出名字給蝗大堂家姐「建屋」。今次上去搞手續，就是要轉讓個擁有權俾蝗大堂家姐夫婦。
魔術師只需簽個名打手指模，出示自己的我城身分證與及老父的死亡證副本留底就夠了。
唔知呢單嘢同早前老粗堂阿哥同鄉間幾姐妹鬧哂大交的事情有無關係了？
而老父「無錢」的其中一個原因，就係話要留返啲錢俾魔術師讀書（即係升讀鄉大）！老一輩人真係唔願欠人債的，無論供子女讀書定「起樓」都係。
唔怪得魔術師四年以來都唔使點借「關窿」，只係 year 4 借了幾千數咁大把喇！
原來魔術師唔使好似現在的有青咁，「一畢業就成身學債」，就係以老父的業權換回來的。
而那業權，講緊嘅係１３２.８５平方米，即係１,４６０平方呎的「豪宅」了！
我城成日話「應該留返父幹買樓俾阿仔收租」，好過供佢讀書日後都係做個工資奴，１０優狀元為１０Ｕ土豪服務...
咁魔術師呢個故事，算不算是 DSE2019 universe 《讀書無用》的真人版呢？

＊＊＊
伸延閱讀：
港燦理財（十二）之好仔不論爺田地
DSE中作試答２０１９：讀書無用

【逃犯條例】商界未釋疑慮 鍾國斌盼豁免小規模行賄
星島日報 2019年4月8日 上午9:38

【星島日報報道】政府建議修改《逃犯條例》剔出9項罪行，但自由黨鍾國斌指仍未能釋除商界疑慮，希望能將小規模行賄等罪行也能豁免。
鍾國斌出席一電台節目時表示，雖然剔除9項罪行，但其餘罪行無指出具體的定罪細節，涵蓋面太寬廣，商界希望能剔除多幾項罪行。如內地特定國情下，可以接受「小規模賄賂」，外商進入內地營商只能跟大隊，日後一旦國情改變，港商有可能會被定罪。
另外，商界亦要求逃犯條例不具有追溯期，要在法例生效後的日子犯法才可以入罪。
至於對修例的投票取向，他表示仍未確定是否會因為條例未達商界要求而投反對票，要先與保安局再討論。