掟阿Ｂ出窗口

學主持人話齋，究竟用木搭個閣仔出來，算唔算僭建呢？又，納米盤加高樓底，似乎預咗用家起地台或者加建多層，咁以後不如用室內空間的「體積」來賣樓仲好喇（３７：３２—４７：１０）！

樓盤傳真 2019/05/18 2019/05/18 23:21

下期六個居屋盤涉及4,871伙，佔六成單位於市區，當中有港鐵盤、校網盤、海景盤，但各區亦有不足之處，有何揀樓攻略？根據抽籤機制，一家人如何分拆申請，提昇揀樓次序？二手居屋市場跟隨大市升溫，一個月內數度刷新居屋王紀錄。當中黃竹坑雅濤閣就在短期內連環大幅度破頂，今集看看一個三房未補價放盤，升值理想，藉居屋資產升值，會否成為另一投資趨勢？華懋位於荃灣全城滙入伙，被形容「洗底」之作，交樓質素如何？附近海旁因駁錯污水渠，經常傳來臭味，環保署最新有何跟進？

年輕夫婦都係教書，算係高收入人士，但都只係住葵芳單幢迷你新樓，全屋得３２２呎，一房，但樓底有１１呎高，第日仲想生ＢＢ添，咁點搞好呢？

設計Ｃ今次無為戶主拆牆改建，反而係加多咗個閣仔（左上、右上）。閣仔上設有梳化和書櫃，可供戶主好似記者妹咁休閒閱讀；將來戶主生了Ｂ亦可作ＢＢ房，也不怕自製橫樑壓頂，兼影響ＢＢ發育，到時啲書亦唔知可以放去邊（左中、右中）。書架背後係通往露台的玻璃門，幫助閣仔採光；不過如果開咗露台門，就要好似記者妹咁將書架的掩門推上，以免書本跌出露台...（左下、右下）不過如果閣仔發咗ＢＢ房，咁阿Ｂ咪好易飛出露台？

閣仔以橫樑壓頂姿態壓住梳化與電視，故此閣仔底部裝有盒仔燈為客廳照明（左上）。梳化又擺咗公仔，與電視距離好近，可以唔使用遙控開關（右上）。上落閣仔的樓級以條子欄杆修飾，梯級中空可作儲物（左中、右中）。近電視的條子欄杆其實係用來修飾衣櫃門，但要在房間行出客廳再拎衫返房換，認真無厘頭（左下、右下）：

廚戶保持交樓標準，不遷不拆，不過用個蓋來冚住個 sink 盤來增加枱面工作面積的做法真係叫人不敢恭維（左上）。由於交樓標準只得一塊拉板做飯檯咁陰功（右上），於是設計Ｃ便在戶主夫婦二人的電腦枱上增設開合飯枱，可以一面食飯一邊用電腦備課（左下、右下）：

書枱隔離的儲物櫃容量十足，可能女戶主教書習慣素顏唔化妝，所以連鏡同代妝品都可以收得咁密（左上、右上）。櫃的另一邊是氣窗，但如果打開做對流窗，啲紙實會被吹飛，都係只好留作維修冷氣機時用（左下）。大門邊設有玻璃鏡面鞋櫃，可以幫戶主出門前照吓（右下）：

主人房加高地台兼以吊櫃做衣櫃，床邊有床頭櫃和到頂吊櫃，不過起床時要小心撼頭；地台第一級做到弧形唔使頂住套廁門口（左上、右上）。床頭依然維持橫樑壓頂的設計風格，訓起度頭頂又有個大櫃（左下）。套廁維持原裝，不遷不拆（右下）：

住新樓住到好似擠迫戶咁，認真陰功，生咗阿Ｂ肯定會影響其身心發展！