乜 sir 教你計風險

日前乜 sir 講到教學員用木間劏房，甚至上下格床都可以分租出去，合規（不涉及僭健）之餘又可以賺盡，但方法不能免費分享；甚至提議等錢使嘅讀者（學員？）借財仔應急...

（圖片來源：乜 sir > 如何令單位租值提升一倍? #1815, retrieved on 24 May 2019）

（圖片來源：乜 sir > 收息分別8%、18%及30%應做什麼? #1819, retrieved on 24 May 2019）

（圖片來源：乜 sir > 買泰國樓做按揭被拒，急需140萬現金Full Pay #1822, retrieved on 24 May 2019）

但講到爆，又點夠今日（２０１９年５月２４日）呢篇咁爆呢？

（圖片來源：乜 sir > 直債與債基之分別 #1828, retrieved on 24 May 2019）

乜 sir 教你收息收到死

哇哈哈，乜 sir 竟然教人買大貓百年長債！

（圖片來源：乜 sir：5年後匯豐月月派錢比你至2097年方案 #1490）

乜 sir 教你做對沖

近日環球股市債市大幅波動，唔好話係「無牌行醫」的風兄（笑），就運鼎鼎大名的乜 sir，也被學員查詢對沖債市下跌之法。

（圖片來源：乜 sir ：如何為萬一債市下跌做準備? #1680, retrieved on 13 Oct 2018）

好一個乜 sir，果然是博古通今，市場先生豎起條尾就知佢諗乜，並作出應對。魔術師身為花生友，只能在遮遮掩掩的免費文章截圖中略窺一二，隨時好似銅屍鐵屍般將《九陰真經》練成「九陰白骨爪」等邪派武功。讀者諸君若想習得玄門正宗法門，倒是乖乖的奉上銀兩拜師學藝為上，加上乜 sir 亦會面授機宜，絕非一介草莽魔術師所能及。

乜ｓｉｒ學員有嘢問：債基月息是否由本派？

魔術師有好些舊同學、舊同事都係從事「理財顧問」（或直接啲講，即係「賣保險」）的行業。唔知佢地係唔係受過訓練，有一定的 script，開場白十之不離八九都係話自己對投資有幾無知，幾咁唔認識，要來請教一下魔術師，扮下矮人以滿足一下魔術師的虛榮心。
到得見到魔術師「上當」，順利打開話匣子，那時這些「理財顧問」便會話鋒一轉，講話魔術師的理念係幾咁有問題，然後就拋一輪書包，旁徵博引，引述一些名家大師之言，還魔術師覺得自己原來都很「渺小」。
對「理財顧問」來說，最理想的便是魔術師驚覺自己原來一直都自以為是，在自謙為「很無知」的「理財顧問」面前，無知又自大的其實是魔術師自己。
就在魔術師氣餒沮喪，頓覺自己只是「庸才」一名的時候，自不然會對比「無知的魔術師」略懂多一點點的「理財顧問」言聽計從（魔術師要去問真高手嗎？人家才不理你呢！都係只係搵個比自己叻少少的「理財顧問」俾意見好啲！）。
當然，世間事不會太理想。
魔術師沒有受過類似的銷售訓練，不知道這些捉緊客戶心理的 script 有沒有什麼名堂；不過魔術師只知道，十個有十個「理財顧問」，去到拋書包的 step，就已被魔術師「打」到落荒而逃。
又咁講，職業無分貴賤，做 sales 推銷產品本來是正當行業，魔術師對其本質上並無惡感；sales 形象低，主要係來自邪門的銷售手法：你唔係去聆聽並明白顧客所需，再做 consultancy 或 advisory，而係去 manipulate 客人的心理或需要，催眠客人製造需求，令客人當刻覺得有需要去買某些產品，但冷靜下來客人卻發現不是那麼的一回事，最後投訴無門，所以才有「sales 呃人」之說。
我城開班財演多如恆河沙數，打開 Facebook 實會見到有關的面書廣告，但其中最出名的開班又非最鍾意要其學員自認「庸才」的，就非乜ｓｉｒ莫屬。

摩摩電影節之《寒戰II（Cold War II）》：揭開劣政司司長唔辭職選特首之謎

本片承接《寒戰》第一集，警務處處長曾向榮（上集由王敏德飾演）與及警務處副處長（行動）李文彬（梁家輝飾）已申請提早退休，特衰正苦辦事效率超高，話口未完便已通知樁秧，任命本來是警務處副處長（管理）劉傑輝（郭富城飾）為警務處處長。劉 sir 上任未幾，第一單嘢就係為在寒戰行動上殉職的鄺智立高級警司（上集由林家棟飾演）的冚區旗儀式，剛剛被便在浩園前以蹩腳港式英語讀出悼詞，足證唔使英文嘞嘞聲都可以飛上枝頭。好景不常，劉 sir 隨即接到威脅，在視像鏡頭面前挾持着劉 sir 老婆，呆等劉 sir 打嚟的匪徒竟然要求釋放在上一集最尾中槍受傷被捕的李 sir 之子李家俊（彭于晏飾）。

《G風暴（G Storm）》：講到一舊屎的傷巷故事

黃百鳴呢套以劇情犯駁超多 bugs、對白弱智、剪輯手法幼稚拙劣聞名的「字母系列」終於來到最終回，魔術師都由初頭睇唔明咁低贊嘅電影我城票房收入慘淡點解仲有得拍落去（豆瓣有評論「低口碑，高票房」），到依家明白北上搵人仔才是路數...看來眾內地觀眾對我城ICAC職能都不求甚解，只係見正能量大爆發，有反貪有公安等正義使者大發神威便拍爛手掌（根據有時不太準確的維基百科，本片預算為1,400萬帝幣（或1.1億我城貨幣）；而我城票房則為500多萬我城貨幣（！），內票票房為6.2億人仔（或6.8億我城貨幣幣（！！））！

又，由於魔術師實在寫不出有邏輯的劇情 summary，那就不如一面捉 bug 一面 screen capture 吧！

虛擬雙龍閃長倉（２０１４—１６）

雙龍閃者，其實即係期權策略中的勒束式（strangle）或馬鞍式（straddle）的暱稱。其實期權來來去去都係得一招為基本，其他招式策略都係從此衍化出來：好似勒束式同馬鞍式，分別只係 strike price 是不是同一點，咁又無端端分兩個名出嚟記，實在是攞嚟搞。

《Ｌ風暴（L Storm）》：巷人巷審反送中

話說魔術師是在屯門市中心大眾書局買呢隻碟嘅。點知一拎上手，隔離忽然有把男聲問：「古天樂做戲得唔得架？」
魔術師轉頭望去，原來是一名貌似聞Ｊ黨主將高佬廷的男子！

呢位「高佬廷」精神似乎有點問題，不停地自言自語之餘，仲 keep 住問魔術師「古天樂做戲得唔得」。
魔術師不勝其擾，唯為拋下一句「ＯＫ喇」，便唔再理會「痴線版高佬廷」，逕自去收銀處付款去了。

乜 sir 教你槓桿唔好做咁盡？

魔術師有理由相信乜 sir 班學員槓桿（即係「孖展」）在上月 call margin、斬倉潮中有唔少損失，乜 sir 備受質詢之下，竟然改口風話「同埋拜託唔好只聽上後（魔按：應為「上半」）而漏聽下半，咪做大槓桿將回報放大，而家就咁買唔槓桿回報已不俗」，真係世界變：

（圖片來源：乜 sir：渣打7%直債九折叫賣、唔會減派息 #2040, retrieved on 12 Apr 2020）

不過，乜 sir 始終都係話「150萬入一條保本直債，收成7%息。...渣打上圖條7%息直債由125跌到106而家彈返上110蚊，可留意一下買都無妨，7%年息在全球亂發鈔之下，佢很有機會成恩物。」債劵ＡＢＣ話俾我地聽，「７％年息」係以面價（par value ＄１００）計算，每年收＄７息咁解；以溢價買入，本金＄１１０一年收＄７息就唔會有「７％年息」喇！
實情上好似供樓咁，如果以溢價買入，每次收＄７，其中就有一部分係將溢價本金「派回給自己」，餘下的才是實收的利息。以本金來計而唔係好票面息來計算出來的息率，就是我們時常聽到的「孳息（Yield rate）」了。如果真係要認真計算，可以點計呢？

由 HSEA/HSEB 贖回諗起乜 sir

原來乜 sir 在４月中在懶神秘左遮右遮咁推介過「B2運輸機組合」，超穩定咁話；其中一隻成份股就係「某大銀行優先股」，仲要係８％票息，希望佢唔係講緊 HSBC HOLDINGS PLC. 8.00% Series 2 Perpetual Subordinated Capital Securities (HSEB.NYSE) 喇！否則交咗學費的港豬學員咪喊得一句句？

（圖片來源：乜 sir：派10%一年的B2運輸機組合#1556，於２０１８年４月１２日刊出）

（圖片來源：Barchart.com > HSEB, retrieved on 6 May 2018）

一切由糧單開始

如果有留意乜 sir 網誌的讀者，都會知道乜 sir 教學員買樓的其中之一項必殺技就係「煲大借貸力」，例如學員妻子係家庭主婦，無收入，於是就由其他家庭成員成立公司，並聘請學員妻子作為員工，做好糧單、報稅、供強積金等基本文件，等半年至一年後，「證據充足」之後妻子便可以問銀行借錢買錢，跟學員兩公婆一人一間，向一生三宅的「人生目標」又邁進了一步。

乜sir教你借東風

魔術師間唔時無聊都會睇下乜sir，當係笑料娛樂下。佢好多cases都係身定以千萬計但係就乜投資理財知識都無，要阿sir面授機宜的，可能呢班人都只係識返工做做做的專業港豬喇。今次見到個case唔離地卻更誇張，話口未完就可以「一生五宅」做個平民地產霸，印印腳收租過世了：

買起五間樓的步驟 #1153
諗sir你好! 本人職場失意，自問表現不差，卻不得腦細器重，兩年幾乎沒有加過人工，而人衰開又有條路，居然轉不成工，所以求人不如求己，非常渴望早日財務自由，在沒有財務壓力下做自己喜歡做的事，希望諗sir指點迷津。
背景資料:
年37中女一名，去年中以高位470萬買入自住單位，借8成供30年，月供約14K。
父母及沒有工作能力的姊姊居住公屋，完全沒有借貸額。將來父親10萬強積金用完後，則由本人一個養4個(包括自己) ，家人極節儉，但最大隱憂係醫療開支，因為家人不受保。
財務資料:
人工$45K，每月支出$20K，供樓$14K，儲蓄$11K。
現金$1 mil 放mortgage link account，約1.9%年息off set按揭供款(如我沒有理解錯的話)。
股票$1.7 mil，YTD暫時有10餘%回報。
已供斷人壽加儲蓄保險70萬。
危疾加儲蓄保險40萬，每年供$12K，共供15年，已供2年。
未有醫療保險，打算遲幾年至買，因為而家用公司plan。
本人希望未來一兩年內轉工加人工後即買收租樓，之後8至10年內再買一兩個單位收租，可行嗎? 謝謝。
ANSWER:
已見讀者幾個概念上的錯誤，如下:
１. 轉工後半年內係做唔到按揭，那什麼「加人工後即買收租樓」與現實有點脫節
２. 因為有公司PLAN而唔買醫療保險係錯，其實有方法是既可減免醫療保費支出，但又可避免萬一離職後人已老不能再買醫療保之問題
３. 危疾不是讀者首要保障選擇，當然不少經紀會sell by fear，所以危疾同意係幾易sell，初入職同事對危疾產品之功用亦較易掌握。但對客人是否將錢用得其所又屬另一回事
４. 沒工作能力的姊姊雖無借貸額，但如她是神智清醒的，佢可以幫手省下很多首期及印花稅
５. 何況，當日後學得更精細，姊姊向銀行成功貸款亦不屬難事
明白讀者心神不佳，但如抽離去看，讀者手上仲有不少好牌。莫講要未來8年控有兩樓，就算要成為「五樓樓主」，其實200萬餘都搞掂。但一切都要由擺脫「求人不如求己」、「非常渴望財務自由」這些概念開始。明白讀者成家人生活旨意哂佢，這難免會令想法太自我中心。惟要改變生命，主要由改變想法開始。
要成就五樓，步驟如下:
１. 將mortgage link戶口的資金投入債基再疊增收息，年息12-15%，每月收$10000-12500
２. 成立公司將上述第一點的債基投入，公司董事究竟誰做實在有竅門。讀者自己打工唔太方便做，究竟邊個去開公司可以令往後樓按易於批出而又減省開立公司、僱員支出這些開支呢?
３. 開公司，因為姊姊要出糧。出糧資金何來? 咪就係債基派息比的
４. 當然而家去銀行開個公司戶口唔係易，留意開公司、同去銀行開個公司戶口係兩件事。而銀行都會問下你間公司業務性質如何? 那究竟點答先唔會出亂子呢?
５. 有公司，姊有人工。何不又20%首期再買間300萬樓，花費60萬，攤30年月供240/259*10000 = $9200。收番個租客$9800/月租，應供樓及雜費剛好相抵。而幫讀者手儲錢既租客又多一個。若讀者唔放心姊姊單名，其實佢自己落埋名比DSD，都只係6萬餘。
６. 如果公屋附近的住客都感正常，不妨比幾十萬買埋間公屋(這當然要睇下有冇SCHEME)
７. 讀者自己借貸力為45000/10000*50%*2.59 = 5.8MIL。之前借左4.2MIL，仲有1.6MIL quot淨
８. 下一間可叫阿爸買樓，又係八成上會。阿爸就當有野做都一定借得少，但可以找有野做的姊姊擔保。每買一間樓，盡量要個長少少既成交期。因為自己需比較耐的時間將文件合法造出黎，所以3個月或更長的成交期令自己有更多餘地轉身
９. 最尾連阿媽都可以上船! 買埋第五樓。但媽要八成上會前或要將之前買入的公屋轉名比其中一個家人。至於借貸由姊妹共同擔保。留意越早開始，越能解釋姊姊人工之升幅。
１０. 那全家四個人一人一間樓。再加公屋。5樓之業即成! 留意筆者未提怎為讀者手上股票作打理，為整件事留個buffer。先講筆者自己唔買股，在此技巧低，不敢講好似讀者咁叻玩股一年能獲利超10百份點。
上述步驟所費是當中3間新買私樓的首期。每間比60萬，3間夾埋180萬再加雜費大約200個。讀者而家都夠錢俾。到時成家由租客養，生活變得寫意。

魔術師資產配置（２０１９年５月）

阿乜 sir 真係掂嗰樣衰嗰樣：上年佢唔知係邊到抄返嚟（魔術師唔敢話佢係抄本 blog）嘅 HSEA/HSEB，左遮右遮一輪拎出嚟當秘笈，之後無耐便被大貓贖回，跟佢的學員不知有否損失（見《由 HSEA/HSEB 贖回諗起乜 sir》）；半年前佢推介 AGNC（見《險簽背後》），話係「2019年不可忽視的收息投資物」，點知最就話減派息，自２０１９年５月起，公佈由每月帝幣＄０.１８減至＄０.１６，即係減１１.１％咁多，果然係「不可忽視」：

Funding costs remained elevated relative to LIBOR and premium amortization expense increased as a result of higher projected prepayments following the significant decline in interest rates over the last two quarters. Looking ahead, with the Federal Reserve expected to hold short term rates steady and an even more dovish stance communicated by the European Central Bank, the LIBOR-repo rate funding dynamic that AGNC enjoyed throughout 2018 is unlikely to return to the previously favorable levels in the near term. Further, we expect dollar roll specialness to remain relatively minimal and amortization expense to remain relatively constant. Against this backdrop, we anticipate reducing our monthly common stock dividend to $0.16 per share beginning with the dividend to be declared in May 2019.
- AGNC Investment Corp. Announces First Quarter 2019 Financial Results

乜 sir 班學員有無訓身就唔知，但魔術師就有長期持有 AGNC，不過持貨量唔多，「委派」其收息的目標只是每月稅後收我城貨幣１,０００元（即約帝幣＄１３０），計都計到魔術師有幾多貨咁大把。以魔術師現時持股量計，AGNC ５月公佈６月派帝幣＄０.１６，依然可以達標（稅後收息我城貨幣１,０００元），毋需加倉；而市場反應亦唔見有大跌，只是輕微回落，可以暫時以不變應萬變，觀察住先，唔郁、加倉、定係換馬，下月再定行止：

（圖片來源：Barchart.com > AGNC, retrieved on 5 May 2019）

黑警、衝衝子、與中剷黃Ｃ

（魔按：因為本文留言已過２００，故需要在網頁最底按「載入更多」方能見到最新留言，敬希垂注。）

有線《新聞刺針》又有好嘢。今次就訪問咗黑警（包括「警界顏聯武」林 sir）、前線有青、同埋食飽飯無嘢做的中剷黃Ｃ：

１. 防暴黑警阿 Jay 真係講出良心話，肯承認有些黑警真係過份咗；而且在這類群眾運動當中，黑警也有集體負責制，罪不責眾，落手自然重。但係其中每一次呢煩「落手自然重」的鏡頭，如果俾黃霉捉到，就會煲大佢，到時認錯就會損害專業形象；唔認錯又好易變成強辭奪理，無理護短，都係損形象。

魔術師資產配置（２０１８年１月結）

２０１８年１月份全球股市均大幅上揚，且看所謂「一月效應」是否能堅持到年尾。
魔術師各投資組合排名變化不大，頭兩名依次是沉船基金，收報每單位（下同）＄１７４.２６；次名係複式盈富，收報＄１６６.９１。
生活基金又再超前房託組合，佔第三位，收報＄１３１.２６；房託組合名列第四，收報＄１３０.１１。
強積金組合由於持有唔少債券基金，升幅不大，佔第五位，收報＄１１８.８２；合格線債券及現金組合保持排第六，由於定息證券價格回落，輕微下跌，收報１１３.４３。
無現金流唔識派息的商品組合繼續反彈，收報＄１０８.７３，未有耐追得上第六位。

摩摩電影節之《証人（Beast Stalker）》：時空轉移見宿命

在前文《摩摩電影節之《綫人（The Stool Pigeon）》：張翼德之死》中，客席主持摩摩留言話覺得謝檸檬應該憑本片《証人》獲男一金像獎才對，魔術師就唔係咁睇了，其實就算係現實中的得獎者張家輝，魔術師覺得其表現也只是不過不失而已。
當然，本片保持一貫港慘片的傳統，演員點搶眼都好，都唔夠個劇本搶：

《Ｓ風暴（S Storm）》：可唔可以拍得唔好咁ｈｅａ？

上一集《Ｚ風暴》劇情雖然兒戲，但魔術師都叫可以接受到，但點解呢套所謂續集可以亂咁嚟，真接挑戰觀眾智慧最底線？

《犯罪現場（A Witness out of the Blue）》：姓古這個人的噚日戰記

《明日戰記（Warriors of Future）》掀起洗版潮，被黃人視為傷民必撐之作（見伸延閱讀）。今時今日「姓古這個男人」（見《瞬間睇廣告（八）》）大受追捧，魔術師便趁機清一清網友提供供的片單，睇吓「姓古這個男人」拍過幾多（都唔算爛的）片（究竟係邊位網友推介，因乜事推介魔術師已經唔記得咗）：

摩摩電影節之《金手指(The Goldfinger)》:雞棚之都佢都有份起

近日我城戲院結業潮持續（見伸延閱讀），應該關1間唔會開返16間，「罪魁禍首」之一應該係各大串流平台。就好似《九龍城寨之圍城》同埋本片咁，就喺戲院着輪落畫後數月內上架米老鼠＋（相信《破．地獄》加長版落畫後亦作如是觀），魔術師真係連買碟錢都慳返也（依家除非係經典電影、系列或要嘆影音效果的才買 Ultra Blu-ray）。

摩摩電影節之《門徒（Protégé）》：說教不壞，壞在爛尾

在《無雙》影評中魔術師曾盛贏氣質中女張靜初，其實張演的戲魔術師都評過好幾篇，從來沒有劣評，記得（如果無記錯）摩摩作為「巷慘片之王」有推介過張在《門徒》中吸毒的高潮樣，今次 Disney+ 有得睇，魔術師自然不會錯過：