2019年11月11日 星期一

新聞雜評(二百四十四)

領展公開片段見疑似周梓樂男子2019/11/10 01:04

領展再公開將軍澳尚德停車場多條閉路電視片段,見到一名衣著與墮樓死亡科大學生周梓樂相似的男子,在停車場徘徊,與警方描述的情況吻合。
在領展公開新的閉路電視片段中,有一部在 2 樓的閉路電視,拍攝到一名衣著與科大學生周梓樂相似的男子,在 11 月 4 日零時 28 分,行過 2 樓圍欄外的平台,其後在零時 47 分、 49 分,再次行過同一位置,當時他正低頭看手機,與警方早前交代調查顯示,周梓樂在停車場徘徊的情況吻合。
另一部在 3 樓停車場的閉路電視,則拍攝到零時 52 分,一名身穿藍色衫、啡色短褲的男子,在周梓樂墮樓地點的另一邊走向矮牆,以雙手撐起身體向下望之後離開,但他的衣著與周梓樂當晚的衣著並不吻合。
到凌晨 1 時 59 分,同一部閉路電視,再拍到一名白衣男子嘗試跳過矮牆,懷疑踏空,但他雙手捉緊牆邊,十多秒後找到支撐,再爬回入矮牆之內。

1. 「一名身穿藍色衫、啡色短褲的男子,在周梓樂墮樓地點的另一邊走向矮牆,以雙手撐起身體向下望之後離開」「一名白衣男子嘗試跳過矮牆,懷疑踏空、雙手捉緊牆邊,十多秒後找到支撐,再爬入矮牆」哇!呢兩個人真係相當有可疑。會唔會係有個計劃係叫班義士手足在停車場 2 樓及 3 樓之間搵位行動(例如在高處擲物襲警);由於無大台,所以藍衣男、白衣男、與及周仔各自行動,三人都想在相同位置埋伏。其中藍衣男最醒,先探頭張望,發現不可行便離去;白衣男懶醒跳出去不過反應快,及時抓住沒有摔下;而周仔就好似白衣男咁...
***
周梓樂離世添馬公園舉辦追思祈禱會2019/11/10 01:29

科大學生周梓樂墮樓離世,有團體在添馬公園舉辦追思祈禱會,主辦方指有 10 萬人出席,警方指最高峰有 7,500 人,有市民希望查明周梓樂死因。
來悼念的人坐滿添馬公園草地,一開始,先默哀一分鐘。台上有周梓樂的照片,不少人上前獻花。台前擺滿花束和紙鶴,又點燭光和開手機燈,悼念這位 22 歲年青人。
大會播放關於周梓樂的報道,有自稱前線示威者和義務急救員等上台分享。到晚上 8 時 09 分,全場再次默哀一分鐘。祈禱及追思會獲發的不反對通知書,去到晚上 9 時半,追思會約於晚上 9 時完結。
2. 前線義士喊哂口咁話返唔到以往的生活,認真好笑。係你自己揀出來食催淚彈、掟汽油彈的,無人逼你。你選擇了勇武,並且勇武到上咗癮,甚至有可能被拘捕被判刑,乜唔係「條路自己揀,PK唔好喊」咩?

3. 這位關先生講到領展公布的並不是事實的全部,好似有證據俾黑警收埋咗咁,「警方講乜都無人信」。如果係咁,就算開死因庭、開毒辣調查委員會,一樣可以「唔信」,一樣可以懷疑呢樣嗰樣,無中生有。如果呢位關先生講的是代表了大部份「傷民(即黃C)」的意見的話,咁點先可以令你地信服呢?俾你地逐個查控制室,由你地去做警察調查?抑或係搵拉燈仔做代表?
信報 2019年11月9日
科大生不治 警改口兩入停車場
倡開死因庭調查 多區悼念爆衝突
周一(4日)凌晨在將軍澳停車場墮樓、腦部重創命危的22歲科技大學二年級生周梓樂,搶救逾4日後,周五(8日)早上傷重不治。全港多區由朝到晚,均有市民發起不同悼念活動,大批群眾致哀,深夜演變成多區堵路衝突;校方發表聲明促獨立調查事件,指警方應更清楚交代,有否阻延救援行動【見另稿】。政府對事件表示深感難過及惋惜,並向死者家人致以深切慰問。
在將軍澳尚德邨停車場A區3樓墮至2樓的周梓樂,周一凌晨被送往伊利沙伯醫院搶救,其後一直留醫深切治療部,惟因腦部傷勢過重,兩度接受開腦手術均未能減壓,延至周五清晨,院方確認周梓樂經搶救後不治,於早上8時09分離世,個案將轉交死因裁判官跟進。停車場業主領展(00823)指出,已破例公開最有可能拍攝到事發經過的6個閉路電視鏡頭共10條片段,但都未拍下死者當晚行蹤。
推人墮樓「絕無此事」
警方周五再就事件會見傳媒,東九龍總區高級警司(行動)傅逸婷推翻日前說法致歉,承認事發當晚不止一次有警員進入案發停車場。她指周梓樂兩度獨自進出車場,當時並無警員在內【表】,強調警員推人墮樓「絕無此事」。傅也對警方交代的資料令公眾混淆感到「唔好意思」。
東九龍總區刑事總部警司(行動)胡家欣則指出,翻看更多閉路電視、商場及附近汽車行車紀錄儀後,形容周梓樂當晚於停車場徘徊期間,沒軍裝、便裝以至喬裝警員在場,至於有否休班警員經過就「冇辦法答到」,他澄清網上流傳車場內有人被推倒的片段,指片中人並非周梓樂。
警方建議召開死因庭調查事件,但被記者追問警方提交證據是否「自己人查自己人」,以及警方應否就事件負責,一直未獲正面回應。胡家欣說,「我哋係調查死因、唔係調查警察」,按目前客觀事實而言,即使場外曾發射催淚彈,現階段難以定論外圍行動是否與墮樓有關,重申目前不排除任何可能性;而傅逸婷除了曾搖頭不作回應,更反問記者「你哋相唔相信司法機構」,強調事件實屬悲劇,「市民使用暴力、警察先會用武力」。
觀塘500人集會紙鶴致哀
周五下午多區均有舉辦悼念活動,觀塘區聯校關注組晚上於觀塘海濱公園舉行聯校集會,約500名學生與市民參與,大部分中學生戴上口罩和V煞面具,有人攜鮮花到場,神情哀傷。有市民摺上一串串紙鶴,並鋪滿海濱長廊一帶,期間眾人高呼「香港人報仇」等口號。議會陣線立法會議員區諾軒在台上發言稱,當晚一位警員舉行婚宴,場外大批防暴警駐守,其後演變成警民衝突,認為周死因疑點重重,呼籲尋找事實真相。
就讀寧波公學的陳同學直言,現時政府仍未解決根本問題,包括警暴,又指屬於和理非的她不排除會以更激進行動抗爭;有剛下班市民對周同學之死感到痛心,認為事件另有內情,批評政府至今仍未打算正視警暴問題,十分荒謬。
一群中學生持着「FREE HK」燈牌到場,其中一人坦言心情沉重,「點解呢場運動會死人呢?周同學嘅死係唔應該出現。」問到有何說話想對周同學講,他希望代表所有曾抗爭的人對周同學道歉,「對唔住,你嘅生命係唔應該咁樣而結束,無論運動最終成功或失敗,我哋都會為你追討公道。」
教聯會亦對周梓樂離世表示難過及惋惜,並向其家人致以深切慰問,又懇切呼籲年輕人保護自己,遠離街頭衝擊及暴力現場。

4. 「警方周五再就事件會見傳媒,東九龍總區高級警司(行動)傅逸婷推翻日前說法致歉,承認事發當晚不止一次有警員進入案發停車場。她指周梓樂兩度獨自進出車場,當時並無警員在內【表】,強調警員推人墮樓『絕無此事』。傅也對警方交代的資料令公眾混淆感到『唔好意思』。」點解拉燈仔求其造謠都有咁多傷民黃C信?點解太子站擺靈堂可以擺足幾個月?就係因為你班黑警出來講嘢成日甩甩漏漏,口供自我矛盾,如果上到法庭都係咁表現就一定唔係「誠實可靠的證人」。至於點解黑警高層成日甩手甩腳?魔術師傾向唔相信佢地故意講大話(因為太容易被人踢爆),而係根本黑警班高層、甚至中層都掌握唔到前線警員、各個小隊在何時何地做緊乜(可能721都係咁嘅情況)。黑警指揮部未能掌握全部、真實的情況,以致發佈消息常有誤差,輕易被傳霉甚至市民打臉。黑警「誠信破產」、「講乜都無人信」,可謂咎由自取。
5. 「點解呢場運動會死人呢?周同學嘅死係唔應該出現。」「對唔住,你嘅生命係唔應該咁樣而結束,無論運動最終成功或失敗,我哋都會為你追討公道。」革命不是請客食飯,更加唔係打機有得補血有得 reload,點解唔應該死人呢?義士們的「光復香港 時代革命」不是要「廢除殺人政權對我城的管治權」嗎?否則何謂「Free HK」?不過,如果證明到周仔係自己失足跌死,「香港人」係唔係會接受唔到「無仇可報」的事實呢?
防暴稱開香檳慶祝警認不恰當已訓斥2019/11/10 01:02

屯門星期五晚,有人聚集悼念周梓樂,期間有防暴警員大叫「曱甴」和「開香檳慶祝」,警方承認言語不恰當,已訓斥相關警員。
防暴警察星期五在屯門時代廣場的行人天橋,向橋下的人大叫,警方指高度關注有前線警員言語間用了不恰當字眼,警方已訓斥相關人員,須注意個人言行及提升敏感度,又指警隊有嚴謹的守則規管言行,以維持專業形象。

6. 魔術師雖然都認為黑警公開對有青叫陣唔係咁好,但呢個時候真係需要激勵一下士氣。尤其是班有青淨係識係恃人多打人,人少時就打嘴炮,或者扮可憐,叫佢地隻揪?邊敢?反正班拉燈仔成日都係搵個藉口就造謠生事,錯都唔緊要,最緊要係整衰你個形象先,就算後來澄清,個關注度點都唔及第一下爆嗰時;依家黑警都要有樣學樣,最多咪記招時 hea 返班妓者囉!嘻嘻!
***
信報 2019年11月8日
2019年區議會選舉 還有16天
建制靜默遊行 抗議黑色恐怖罩區選
刺傷何君堯刀手控企圖謀殺今提堂
距離區議會選舉尚餘16天,近日接連發生候選人遇襲受傷事件。民建聯、工聯會及新民黨等多個建制派政黨昨天罕有發起聯合靜默遊行,批評有人藉暴力行為影響競選活動,令社區充滿「黑色恐怖」,要求當局採取措施,確保選舉順利進行。但有學者認為香港現況未達到國際間最惡劣的程度,當局應制訂措施應對投票日突發事件,盡可能讓市民投票。
港澳辦批暴力意圖奪權
日前遭刀刺傷胸口的立法會議員何君堯仍然留醫,情況穩定。行兇的30歲男子涉嫌傷人被捕,警方調查後昨暫控疑兇一項企圖謀殺罪,案件今日下午於粉嶺裁判法院提堂。
港澳辦新聞發言人徐露穎強烈譴責何君堯遇襲事件,並批評暴力意圖威脅和恐嚇愛國愛港參選人及其支持者,製造「寒蟬效應」,達到奪權的政治目的。
行政會議成員葉國謙亦建議,政府應劃下11月17日為死線,即選舉前一星期決定是否如期進行選舉。葉指如果押後區選14天仍然無法投票,政府要向立法會提交修訂法案,但預計法案未必容易通過,最終可能導致一至兩年內都無法選舉;這會影響到立法會,包括超級區議員和由區議員互選的議席,以及特首選委的組成。
逾百名民建聯、工聯會、經民聯、新民黨及自由黨等政黨代表,昨日由金鐘政府總部遊行至選舉管理委員會所在的灣仔海港中心。他們手持「譴責暴力 還我公平選舉」橫額,部分人繫上綠色絲帶及穿上印有候選人名字的背心,選管會代表到場接信。
民建聯陳克勤讀出請願信內容,指社會持續出現暴力行為,令選舉出現前所未有的不公平情況,亦令選民受到前所未有的威脅,「正常選舉活動難以展開,活動幾乎完全停頓。」他批評選管會、政府至今未有妥善處理問題,亦無提出有效應對措施,對政府的不作為表示失望及憤怒,要求當局立即提出策略及應變措施。
內地官媒新華社亦發表評論文章,直指何君堯遇襲是蓄意謀殺,形容暴力把香港推向最危險的深淵,行為損害選舉環境的安全、公正,令區選蒙上陰影。
不過,由多個學者組成的「選舉監察計劃」發表選舉中期報告,指選舉是有效處理社會分歧的方法,政府應盡可能確保選舉如期舉行。成員之一、中大新聞與傳播學系客席講師梁啟智稱,按照國際慣例,延後選舉令部分人當選也是選舉暴力。浸大政治及國際關係學系副教授陳家洛認為,香港現況未達到國際間最惡劣的程度,在國外是否取消選舉,會參考國際觀察員的意見,而非單由親政府人士決定,目前看不到要考慮取消選舉。
蒙面人襲秀茂坪元氣等商店
另外,昨晚繼續有示威者到處破壞,網上有人發起於觀塘秀茂坪「和你行X和你唱」行動,示威者晚上進入秀茂坪商場,有蒙面黑衣人破壞美心集團旗下的元氣壽司,店內的碗碟、紙幣散落一地。亦有一內地品牌生活用品店被人擊碎多塊落地玻璃,又噴上「紅色資本」的字句,商場不少店舖落閘,截稿前未見有人被捕。
7. 其實班候選人都唔使出來拋頭露面拉票喇!只要候選人唔走出嚟,就唔會有暴力事件,亦唔會有「黑色恐怖」、「寒蟬效應」,咁對票站同事、義工、和選民都較安全;反正依家選民都歸哂邊,咪等黃藍來個生死決戰囉!至於游離選民,候選人可以在網絡發動告急宣言,睇吓可唔唔以打動到佢地囉!班唔識上網嘅廢老就可以放棄佢地喇!They have no stake at all!
8. 至於點票、謝票、公佈當選時候選人出唔出現,呢個就佢地 take their own risk,當選上得台就預咗俾人行剌架喇!班有青唔係人咁品,睇吓水電貓隔離幾間鋪的呻吟黨區議員辦公室,搞到滿地玻璃,水電貓都唔敢行過去!
(攝於2019年11月9日)
***
伸延閱讀:
【危殆科大生】警否認阻救援 不排除傷者以為矮牆後有平台而墮下(HK01 最後更新日期:2019-11-06 13:10)

108 則留言:

  1. 佢哋暴力搞破壞,會嚇親在場的街坊,老人,小孩和貓貓, 就算係電視上播出嚟嘅畫面, 都會嚇到啲貓匿埋㗎。

    回覆刪除
    回覆
    1. //會嚇親在場的街坊,老人,小孩和貓貓

      唔係喎, 尋日先有老人戴住眼罩同黑警抗衡. 普遍來說啲街坊都好抗拒黑警入屋苑執法架喎! 依家係只要疑犯逃進商場和私人屋苑就可以達陣成功逃脫. 你話我城啲法例係幾咁保障啲罪犯呢?

      刪除
    2. 其實法例係容許
      琴日麥記咪即拉個經理
      只係警察一直冇膽

      不過林鄭唔緊急埋警察可以冇搜查令進入任何處所調查及檢取任何物件/資料做證物
      就係林鄭係廢物嘅又一證明

      刪除
    3. //其實法例係容許

      法例梗係容許喇, 否則葉國歡使乜揸槍大街大巷同黑警駁火, 快趣匿入屋苑就得喇!

      //不過林鄭唔緊急埋警察可以冇搜查令進入任何處所調查及檢取任何物件/資料做證物
      //就係林鄭係廢物嘅又一證明

      警方真係兩面不是人... 一係貫徹始終打爛仔交, 一係貫徹始終做君子. 依家做到天一半地一半, 認真失敗.

      刪除
    4. //葉國歡

      我追睇過佢未經證實既故事,寫得佢係盗亦有道,義氣仔女嚟,話佢當時其實可以做低兩個警察,但係有個央求葉放過佢,但之後係比其中一個射到佢癱咗,嗰個警察冇講出嚟葉為乜放生佢,其後嗰個警察升職。
      翁晶晶因為寫書所以同葉老友咗。

      刪除
    5. 有青失控,警方崩潰,兩敗俱傷。

      刪除
    6. //我追睇過佢未經證實既故事,寫得佢係盗亦有道,義氣仔女嚟

      以前啲江湖人物應該仲有啲啲底線, 唔會好似依家班拉燈仔咁.

      刪除
  2. 又黎被罷工,咁樣癱瘓一個城市既公共運輸網絡,我個人認為係恐怖襲擊。正苦每日都係口講止暴制亂,有條鐵用咩。

    燒豬頭

    回覆刪除
    回覆
    1. 今日算勤力咗
      射低一件算有交代

      刪除
    2. //又黎被罷工

      拉燈仔話(post 太多, 唔記得capture link)要逼班返正撚港豬加入「香港人 加油/反抗/報仇」行列, 無得做 free rider.

      //正苦每日都係口講止暴制亂,有條鐵用咩。
      //射低一件

      魔術師 FB:

      警方的子彈咁弱雞,條有青仲可以起身走。警方真係連做一個黑警都唔稱職!

      有青舊僱傭兵同事K FB:
      上次就話人地拎住武器對住佢有生命危險
      今次人地乜都冇 就捉住人做人質 對手無寸鐵既人開槍
      唔該你返去射死你老婆 射死你d 仔女
      咁撚樣害人d 仔女 CLS

      美顏組舊同事P FB:
      黑警屠城,你還可以安然返工?你是無能為力定根本唔願意出力?

      #1111
      #罷工

      妹頭組深黃舊同事K FB:
      三萬個 CLS 嘅持鎗暴徒 😡😡😡😡😡😡
      [然後 forward 了被起底的開槍黑警]
      😡😡😡😡😡仆街😡😡😡😡😡

      刪除
    3. // 黑警屠城,你還可以安然返工?
      佢哋有冇罷工? ��

      刪除
    4. //佢哋有冇罷工?

      佢開咗間樓上gym, 叫同事唔使返.

      刪除
  3. 停車場入面泊O左咁多架車,車cam 可能拍到現場情況。
    係唔知而家保安仲會唔會有抄車牌呢個習慣。


    婆娘

    回覆刪除
    回覆
    1. //車cam 可能拍到現場情況。

      車主可能見到唔係有青所想的真相, 所以唔敢拎出嚟.

      刪除
  4. //撐起身體向下望之後離開

    其實跳之前係指定動作來喎,睇下個距離感先跳,吾睇就跳係自殺,個頭落地仲要後腦就實死冇生,當年家駒咪後腦着地先所以救吾返。

    //前線義士喊哂口咁話返唔到以往的生活

    停止食大麻,自我十戒。

    //這位關先生

    就係呢班年紀啲仆街最多“和理非”,佢哋曾經話過後悔當年年青冇爭取繼續被英國統治,唯有依家盡點力支持班後生,曾經有個後生訪問怪啲中坑嗰時吾幫佢哋爭取,真係要同有青講聲對吾住。

    //班黑警出來講嘢成日甩甩漏漏,口供自我矛盾

    我諗班高層同前線冇溝通,伙記一日做足24小時,點同伙記落口供。啲稿靠度返嚟。

    區議會選舉拉乜鬼票,心中有晒人選,識有個阿姐佢一路鬧警察,一路話佢個區建制無可否認係做到嘢,總之,揀做到嘢,吾好揀係又反吾係又反,會又吾開或又吾比人開。吾洗謝票,反正班友當選都係work from home。

    送set鞋襪畀水電貓著免被玻璃桔到。

    回覆刪除
    回覆
    1. //睇下個距離感先跳

      貓就識咁跳嘞!

      //就係呢班年紀啲仆街最多“和理非”,佢哋曾經話過後悔當年年青冇爭取繼續被英國統治,唯有依家盡點力支持班後生

      我真係好X憎呢班有中. 我認同佢地係「思想上的主謀」.

      //我諗班高層同前線冇溝通,伙記一日做足24小時,點同伙記落口供。啲稿靠度返嚟。

      人地抹黑你係避唔到, 但起碼自己要做好本份先嘛!

      //吾洗謝票,反正班友當選都係work from home。

      如果建制派當選, 一上台恐怕會被炸成火人.

      //送set鞋襪畀水電貓著免被玻璃桔到。

      尋日見到水電貓, 佢真係懶理啲玻璃, 一於又大覺訓.

      刪除
    2. //貓就識咁跳嘞! //一於又大覺訓.

      先生,貓有9條命喎。水電貓簡直係貓上貓。

      //恐怕會被炸成火人

      今日條友同佢哋理乜能嘢論,論乜能吖。嘥鳩曬啲口水。

      刪除
    3. //今日條友同佢哋理乜能嘢論,論乜能吖。嘥鳩曬啲口水。

      啲廢老係咁硬頸架喇!

      //水電貓簡直係貓上貓。

      佢真係好鬼識嘆 XD

      刪除
    4. 由始至終, 我都係最憎啲和你乜. 正福齊.

      刪除
    5. //我都係最憎啲和你乜. 正福齊.

      #MeToo

      刪除
  5. 警察開槍應該不會停止,警棍防暴槍TG根本對班full gear的暴徒無用。我其實唔明白現在都已經是9102,點解警察無用一些現代化的鎮暴工具,高壓電槍同震撼彈對付暴徒最好,非致命,又有效。

    回覆刪除
    回覆
    1. //警棍防暴槍TG根本對班full gear的暴徒無用

      阿sir 在記者會講返今日暴大攻防戰, 真係大快人心. 唔知段爸爸有無回應.

      刪除
    2. 不如攞枝漁農處捉野豬用既麻醉槍,愛菇乖佢哋。

      刪除
    3. //麻醉槍

      一陣又話麻醉咗啲大X妹, 然後搞大人個肚.

      刪除
    4. 係喎,呢樣真係好大鑊,水洗吾清,鬼叫差佬形象咸濕。

      //我其實唔明白現在都已經是9102

      乜叫做9102

      刪除
    5. // 乜叫做9102

      2019掉轉 :)

      刪除
  6. 馬鞍山老伯被潑電油後點火,暴徒已經喪心病狂

    回覆刪除
    回覆
    1. 廢佬係死,後生為爭取工二,襲警被射係不該。
      全港痴晒綫。

      刪除
    2. 嗱, 民主社會, 人多者勝. 多人認同的就是對的. 你睇吓人言報FB, 我相信大部份「香港人」係覺得阿伯是抵死的!

      https://www.facebook.com/hongkongeconomicjournal/videos/2587353891352548/

      留言:

      1. 不完美,可接受,要改善
      2. 根據警方同國際標準,這是最低武力
      3. 黑警謀殺人
      4. 岩啊,膠警用鐵騎車落行人度、用槍射人;仲有強姦、性侵、屈斷人手腳、打死人,呢啲真係謀殺
      5. 紅燒廢老 做法唔完美但可接受
      6. 我咩都睇唔到,我唔信,我唔知道,唔關我事,大家都係睇同一條片,我剩係睇到互相歐鬥同玩火姐
      7. 荷蘭叻邏輯
      個别事件唧
      我睇唔到喎
      8. 自己嬲到著火 怪得邊個
      9. 我睇唔到有人燒佢喎🤭
      10. 呢個阿伯之前追打年輕人,年輕人齊齊走避,多名途人上前勸止但佢堅持唔收手,落得如此下場。

      刪除
    3. 正如我地覺得中槍靚仔抵死一樣(呢槍有啲灰色,即係同情況下美警射黑人冇事,射白人有危險)
      仇恨已經深種
      對家唔係物理消失唔會解恨

      刪除
    4. //對家唔係物理消失唔會解恨

      我都放棄了我幾張暴大的畢業證書了.

      刪除
    5. //嗱, 民主社會, 人多者勝. 多人認同的就是對的. 你睇吓人言報FB, 我相信大部份「香港人」係覺得阿伯是抵死的!

      https://www.facebook.com/hongkongeconomicjournal/videos/2587353891352548/

      留言:.....//

      呢種小學雞式既"閘住反彈"一D都經唔起反擊

      大陸係"野蠻無人性", 200萬+1人話既
      黃屍大學生高學歷世界標準民主先進, 200萬+1人話既

      依家學港共政權, 大陸佬果套?!
      即係認同大陸佬套"野蠻無人性"?
      即係放棄自由民主博愛先進?

      用返倚天屠龍記"正派人士"套對白好過啦

      --Dogdogchi

      刪除
    6. 我等緊段爸回應今日暴大攻防戰. 阿sir 話:‧「嗰啲係咪中大學生? 我希望唔係... 大學校園不應是罪犯的避風塘...」

      刪除
    7. // 你睇吓人言報FB, 我相信大部份「香港人」係覺得阿伯是抵死的!

      它們是bot?放入回收箱,不要佔用硬碟空間了。

      // 我都放棄了我幾張暴大的畢業證書了.

      要證明學歷時怎算?

      // 暴徒已經喪心病狂
      // 對家唔係物理消失唔會解恨

      到現在都為黃黑砌詞狡辯的,都要重新評價其智力及良心。
      中共一定會報仇。

      刪除
    8. //馬鞍山老伯被潑電油後點火

      暴力升級了
      從此 左手一支電油右手一支鏹水 橫行香港所向披靡

      刪除
    9. //從此 左手一支電油右手一支鏹水 橫行香港所向披靡

      無手拎火機...

      //要證明學歷時怎算?

      到我真係燒證書之時, 就係我退休之日!

      //中共一定會報仇。

      老共才不在乎呢.

      //大陸係"野蠻無人性", 200萬+1人話既
      黃屍大學生高學歷世界標準民主先進, 200萬+1人話既//

      人言報社評今日寫啲咁嘢, 你話係咪死得?

      信報 2019年11月11日
      社評

      捷克經驗:不存在的死者可令政權崩潰
      反修例風波至今五個月,特區政府仍然拒絕成立獨立調查委員會,僅一再強調循現有機制按程序跟進,即是交託監警會處理。然而,監警會國際專家小組成員Clifford Stott在個人Twitter賬戶發聲明指出,監警會的權力及獨立調查有「結構性限制」,不足以應付近期事件的規模,亦不符合重視自由與權利社會的國際監警組織標準,小組建議下一步由獨立機構深入調查。

      Clifford Stott是英國基爾大學自然科學研究院院長,對於他的看法,監警會主席梁定邦表示完全同意。梁定邦希望發表首階段報告後,能為社會、政府及警方找到出路,重申屆時應考慮是否需要成立獨立調查委員會。

      關於獨立調查,毫無疑問已是社會共識,中大傳播與民意調查中心十月中旬公布的數據顯示,百分之八十七點六受訪者認為政府應成立有法定調查權力的獨立調查委員會。獨立調查的重要性眾所周知,市民需要的是真相,唯有真相才可以讓撕裂的香港撫平劇痛的傷口。

      五個月的動盪讓人見到政府空有公權力而缺乏公信力,期間產生了大量言之鑿鑿真偽未辨的傳聞,不少示威者聲嘶力竭指控「警察殺人」,是耶?非耶?已故國家領導人毛澤東早就講過:沒有調查就沒有發言權。對於種種傳聞,縱使警方一次又一次否認,奈何在沒有獨立調查的情況之下,說服力始終不足。尤其令人擔心的是,警民互信程度極低,中大的調查數據反映,受訪者對警方的信任平均只有二點六分(十分為滿分),當中百分之五十一點五受訪者給予零分。

      適值分隔東西德的柏林圍牆倒塌三十周年,我們不妨回顧一九八九年其中一則發人深省的歷史教訓。柏林圍牆在當年十一月九日報廢,東德人可以自由進入西德,觸發其他共產國家的人民群起反抗暴政。捷克民眾選擇在十一月十七日示威,因為這是該國別具意義的國際學生節,紀念一九三九年同一天納粹德軍入侵並且殺害九名大學生。結果五十年前有學生被殺,五十年後捷克又傳出有學生被殺,根據自稱目擊者所說,慘遭防暴警察奪命的死者名叫Martin Šmíd,就讀於布拉格查理大學。

      一九八九年的國際學生節搞出人命的消息激發捷克全國怒吼,義憤填膺的大規模示威浪潮持續十多日,終於迫使專制統治四十年的共產政權垮台,新的總統哈維爾在當年十二月二十九日透過民主選舉產生,史稱天鵝絨革命。諷刺的卻是,作為導火線的學生被殺事件其實子虛烏有。

      一九八九年國際學生節那天確有警察鎮壓,確有學生被打,但Martin Šmíd的死訊純屬捏造,由一名女子告訴記者,再由記者廣傳國際通訊社。捷克共產黨尚未被推翻之前,不是沒有嘗試過闢謠,他們在布拉格查理大學搜證,找到活生生的Martin Šmíd,同名同姓有兩人,安排其中一人現身電視台鏡頭前澄清,又以散播謠言罪拘捕記者。只可惜,捷克共產黨慣於謊言治國,公信力接近零,一切闢謠工作徒勞無功,抗爭者視作另一個弄虛作假的愚民伎倆,示威繼續,反抗依然。也有陰謀論指出,幕後造謠者是捷克共產黨內的改革派,目的是藉此奪權,最終連自己的既得利益亦葬送於示威浪潮中,但此說無法證實。

      三十年前捷克的經驗告訴大家,不存在的死者也可以令一個政權崩潰,關鍵是這個政權失信於民。公權力一旦沒有公信力作為基礎,大大小小的傳聞不脛而走,學生死訊特別容易激起民憤。

      成立獨立調查委員會的意義不止於追究責任,最重要的是讓真相大白,從而重建政府應有的公信力。孔子有云,民無信不立,如果人民不信任統治者,朝政根本站不住腳。香港固然要止暴制亂,但同一時間,必須透過查找真相防止信任危機惡化下去。

      刪除
    10. //無手拎火機

      用口咬住,用脷點火

      //到我真係燒證書之時, 就係我退休之日

      洗乜鬼你燒,人哋燒畀你咪得囉

      //不存在的死者可令政權崩潰

      今日777記招見仲未有崩潰,仲好打得,又話「你咪能以為冧咗個警隊,你哋做能埋啲犯法嘢就可以得逞呀,暴徒啲死人嘢係要受各方社會上眾人去譴責...」(語氣加強設計對白)

      刪除
    11. 全傷港全霉果然全部都係垃圾,政府肯俾心機整頓全霉,個情況已經可以收斂好多。
      1989年垃圾唔用64做例子,殺人政權真係殺咗人,咁有冇公信力啊,崩潰咗未啊?

      刪除
    12. //人哋燒畀你咪得囉

      睬!

      //譴責

      「譴責」係最廉價而又最無力的表態. 政府唔應該成日譴責呢樣嗰樣, 應該叫民間支持警隊嚴正執法就可以了.

      //1989年垃圾唔用64做例子,殺人政權真係殺咗人,咁有冇公信力啊,崩潰咗未啊?

      回想起來, 殺人政權當年無同國際傳霉打泥漿摔角, 傅霉要愈描愈黑便由地佢地, 受制裁都企硬, 無話軟下來.

      刪除
    13. 唔止暴徒,一班所謂才子才女都係。今日條片一出,蕭才子同梁才女第一時間話人係拍戲、假既、特技人黎,佢地覺得係假就話假,講嘢唔使負責任。雖然事後道歉,但已經俾人睇到佢地有幾荒謬幾噁心。

      好彩而家utube除左黃C西方媒體,仲有RT(俄羅斯)、CGTN(大陸)等英文片可以俾出面知道香港真實發生緊咩事,否則真係俾佢地一手遮天。

      刪除
    14. 古有六不總督葉名琛,今有六避特首林鄭。

      避戰,避降,避和,避守,避死,避走!

      刪除
    15. //蕭才子同梁才女第一時間話人係拍戲、假既、特技人黎,佢地覺得係假就話假,講嘢唔使負責任。

      無人問燒藥丸良心去咗邊嘅?

      //好彩而家utube除左黃C西方媒體,仲有RT(俄羅斯)、CGTN(大陸)等英文片可以俾出面知道香港真實發生緊咩事,否則真係俾佢地一手遮天。

      可能 Google 生意業務廣, 唔想得罪殺人政權, 所以都會容納反黃聲音; 反之FB 就係另一極端.

      //六避特首林鄭。

      子華神:「不主動、不抗拒、不負責」

      刪除
    16. //今有六避特首林鄭
      潮流興翻案, 包括葉名琛
      佢當被落order不準投降, 但係朝庭又唔肯派兵加人手
      所以佢個六不可能已經係當年最好嘅方案
      被俘都唔着草, 算係有啲骨氣, 不過唔排除係走唔到

      林鄭而家個環境都係有啲似
      阿爺命令唔準投降, 但亦都唔會派解放軍
      不過林鄭廢在連政府公務員內部都管唔好

      刪除
    17. //不過林鄭廢在連政府公務員內部都管唔好

      又話人到無求膽自大, 又唔見777着草去呆灣, 搵菜大媽求救, 反正無得引渡.

      刪除
    18. 港警有江湖傳聞一早買左聲波砲, 不過無拿出來用就當佢無吧
      武警就唔止聲波砲, 激光砲都有, 是針對眼睛攻擊的, 會短暫失明, 還有他們水砲車加壓磅數比較不人道, 肯定不止濕身這麼小事

      刪除
    19. //激光砲都有, 是針對眼睛攻擊的, 會短暫失明

      有次見過, 好似係831班有青挑釁軍謍時, 有老解拎過出嚟.

      刪除
  7. 今日睇住d黑衣人丟垃圾筒去火車路軌,又堵路,又聯群結黨罵d搬走堵路物既人。
    又有黃絲特登係大老山入面慢駛。
    勁激氣!!

    原本公司話左可以唔駛返係屋企做野,但我覺得唔返工被罷工就好似輸左咁,所以賭氣都要返公司做野。

    回覆刪除
    回覆
    1. //但我覺得唔返工被罷工就好似輸左咁,所以賭氣都要返公司做野。

      小心呀! 出來搵食, 求財唔係求氣...

      刪除
    2. 教育局根本就要宣布停課,幼稚園番學都咁危險。

      刪除
    3. 琴日誇啲,我今日陪個中孩兒返學交通暢通,同平時回校時間一樣,但係巴士回程就誇張,打晒蛇餅,站站出九龍逼爆,傷巷人仲要人哋落車佢就喺嗰度免費上車,我忍吾住大聲疾呼「吾好再上嚟,已經超載,會成架車炒」,再加句「司機你依家超載,要慢駛」,跟住有人友問我乜事話佢吾係司機係職員,我話咁你吾好出聲,我好心提個司機慢駛。班港豬真係冇諗過成架車超載就炒,只顧住專注返工返工,命都可以吾理。

      刪除
    4. 港豬都被人攪到豬咁, 仲有咩期望?!

      刪除
    5. //教育局根本就要宣布停課,幼稚園番學都咁危險。

      有人話正苦想藉此儲民氣反有青.

      //班港豬真係冇諗過成架車超載就炒,只顧住專注返工返工,命都可以吾理。

      有青恥笑巷豬,不是無道理的.

      刪除
  8. 今日的片已經冇眼睇了@@

    有人在Facebook出圖暗示有黑警故意拋周同學落樓了!除非有CCTV影到其墮樓一刻,否則他們也只會相信自己心中的故事。現在是Imagination is reality了!

    著上那件制服時一言一行也代表了所屬的隊伍,所以當須謹言慎行。那個時候說那些話又俾位人入,真成豬隊友。(高層大部分都是豬隊友,未完全掌握實際情況前說句「現階段不便評論,調查過後再作交代」不可以?一問就一定即刻有答案?何況答咩黃C都會自行編「案發經過」的)不過我理解他犯錯背後的原因。雖然說紀律部隊受過嚴格專業訓練,理論上EQ及抗壓能力比普通人高,但每人也有臨界點,而且就算受訓後也一樣人人不同。

    持續了近四個月的混亂,暴力事件不斷升級,前線警員應該很大部分也到臨界點了。不知道風暴過後會否安排心理/精神咨詢?

    回覆刪除
    回覆
    1. //前線警員應該很大部分也到臨界點了。
      //高層大部分都是豬隊友,未完全掌握實際情況前說句「現階段不便評論,調查過後再作交代」不可以?一問就一定即刻有答案?

      呢樣就係最令我不滿的....前線手足(警察)已經做到一頭煙, 你班膠層仲來添煩添亂, 連最簡單的公開應對都搞唔掂.

      刪除
    2. 啲膠層肯保住已經算係咁,記招成日見嗰個sir吾話得喇,個底畀人起晒,河童專登去美國搞佢。

      刪除
    3. 現在已經不是"imagination is reality"的問題,而是基本常識智商問題了,昨日個比人放火燒的呀叔,Facebook竟然有人話是收錢自焚的特技人,最可笑又可怕的是這個post會有人forward出去。中黃屍毒的喪屍已經是不會思考的怪物,佢地只會越來越暴力激進,林鄭呢條癈柴如果仲幻想暴動會慢慢自己平息,歷史一定會給佢一個臭名。

      刪除
    4. //而是基本常識智商問題了//

      典型既屁股決定腦袋, 立場行先, 智商放下

      人命都拎泥咁搞係警號泥, 家中有大有細, 移民又搵到食(呢點解釋到點解咁多黃屍, 太多人既搵錢能力只係系香港先值錢), 真係要諗移民

      -- Dogdogchi

      刪除
    5. 話說收幾多錢都吾會咁樣對付自己吓話。威爾斯醫院燒傷科勝在有個豬皮庫可以植皮靚啲,大面積燒傷48小時內都有機會因為併發症而死。令我想起八仙嶺山火的衡仔。

      刪除
    6. //林鄭呢條癈柴如果仲幻想暴動會慢慢自己平息

      777要宣稱團結一致共同互相守望相助跨過逆境,吾好只是譴責,例如交通燈損毁、道路堵塞,各人應該發揮忍讓互助;我自己有感而發,交通燈損壞,行車又不讓路人過馬路,等了良久,仲要被貨車司機鬧,嘩,冇交通燈條馬路你㗎,行人吾洗過馬路呀!格格衰衰

      刪除
    7. //最可笑又可怕的是這個post會有人forward出去。中黃屍毒的喪屍已經是不會思考的怪物

      只要有人講啲令自己行為正當化的藉口,黃C都會不斷瘋傳, 根本唔會去思考(因為一思考就知有問題, 所以索性「熄機」).

      //真係要諗移民

      我有舊患舊傷, 應該過唔到其他國家的體檢, 最多移返去蝗國.

      //話說收幾多錢都吾會咁樣對付自己吓話。

      燒生話係特技人...

      刪除
    8. 移返蝗國唔係一個bad option,呢期最大體會係活在一個強大國家內嘅安全性。
      睇返個股市,打咁耐貿易戰,死嘅傷嘅咪又係周邊地區,中美兩國根本就唔會入肉。

      刪除
    9. //移返蝗國唔係一個bad option

      問題係人仔暫時仲未能夠自由兌換, 無咗呢個 restriction 就 perfect.

      刪除
    10. //昨日個比人放火燒的呀叔,Facebook竟然有人話是收錢自焚的特技人,最可笑又可怕的是這個post會有人forward出去。//

      https://news.rthk.hk/rthk/ch/component/k2/1491552-20191112.htm?spTabChangeable=0

      “至於昨天在馬鞍山*懷疑被人*淋易燃液體後點火燒傷的57歲男子” —> 標題是「被燒傷」,但內文卻要加上「懷疑被人」。究竟是懷疑那男子不是被燒傷,而他是Fantastic Four的Torch?還是懷疑那男子不是被「人」燒傷?

      //太多人搵錢能力只係係香港先值錢//

      唔...我問過不少有英美/新紐澳居留權的同事/家長,為何不喜歡香港教育制度/政制卻不回去?絕大部分的回答都是,在那些國家搵錢不及在香港多。有少數說感覺有歧視,同樣能力,白人升遷機會較高,尤其美國。

      人工方面一大原因是高稅率,稅後effective income會較低。以澳洲個人入息稅跟香港個人薪俸稅比較(匯率1:5.5,tax deduction兩邊相差不遠,方便計算,年收入=taxable income)(兩個收入數據是在我所詢問過的人的大概收入範圍)年收入$50萬(~AUD90k)左右,澳洲effective tax rate約23%,香港約13%;年收入$80萬(AUD145k)左右,澳洲effective tax rate約28%,香港約15%

      https://www.gov.hk/en/residents/taxes/taxfiling/taxrates/salariesrates.htm
      https://www.ato.gov.au/Rates/Individual-income-tax-rates/

      但差不多的文職職位,兩地的差距又是否真的有那麼高?
      https://www.seek.com.au/job/40219421?type=promoted&searchrequesttoken=7c112c30-4be8-4c7b-9d39-9f789ed07443
      Internal Auditor: 3年以上核數經驗,金融界,年薪AUD80-90k(包super即公司份MPF,起碼是9.5%)約$440k-495k。這是Sydney全澳洲較高人工的城市。
      香港3年以上經驗的Internal Auditor,金融界,年薪約$450k,(香港求職網通常沒有登出薪酬範圍,所以這是我舊同行們提供的資訊)

      https://www.seek.com.au/job/40373305?searchrequesttoken=7c112c30-4be8-4c7b-9d39-9f789ed07443&type=standard
      https://www.seek.com.au/job/40337767?type=standard&searchrequesttoken=7c112c30-4be8-4c7b-9d39-9f789ed07443
      CPA firm (non big4 第一間估計是lower 2nd tier,甚至local,第二間2nd tier)external auditor:3年左右經驗,local年薪約AUD60k($330k) ;2nd tier 約AUD80k($440k)
      香港big4 三年經驗,年薪約330k-420k,2nd tier/local人工約低10-20%,即大概(275k-380k)

      https://www.seek.com.au/job/40322578?type=standard&searchrequesttoken=7c112c30-4be8-4c7b-9d39-9f789ed07443

      Cyber(information)Security:這個職位簡介及人工應該至少要求8年以上相關經驗,年薪約AUD150k-180k(這次MPF另加),即約$825k-990k。
      香港這類職位,相近經驗,位屬Senior Manager,年薪約$800k-950k
      (資訊來源:我老公,15年+相關經驗,香港及澳洲)

      https://www.seek.com.au/job/40265703?searchrequesttoken=6947046b-9bbc-4f69-9712-bfa6e32bf45f&type=standard
      https://www.ambition.com.hk/job/head-of-cyber-security-hk$1-dot-6m-p-dot-a-negoitable-plus-great-bonus/
      阿head位,AUD180k-230k+super+bonus;$1.6M+bouns,自行比較

      根據我認識的,如果沒有在澳洲工作過讀完書便回流香港,或移民來澳洲找工作,大部份都不容易在這��找回和香港差不多待遇的工作。高不成低不就。

      職場上的歧視/本土問題?我和老公都沒相關經驗可以肯定有沒,但上星期一位executive級的澳洲白人和我說,有!我的姓氏,有機會令我的CV一早就被篩了出去。他在香港工作過幾年,也覺得香港同樣有職場上的歧視問題,亦說香港太按本子辦事不夠靈活。不過時間不多,沒有詳談事例。

      刪除
    11. //我有舊患舊傷, 應該過唔到其他國家的體檢, 最多移返去蝗國//

      其實也是個不錯的選擇,這時勢我也想叫我父母回廣州避難。

      也要看是怎樣的傷患(其實年齡也是失分項XD),雖說這邊好像很渴求IT,這是和醫護一樣有分加的行業,但我卻不覺這些職缺特別多,待遇有幾好。歐美新澳紐失業率也不低的。

      刪除
    12. 謝謝 Flora 妹詳盡分析! 俾個讚你!

      //年齡也是失分項XD

      So sad...

      刪除
    13. 魔術師吾洗技術移民,佢要移民既話都係投資移民啦。

      刪除
    14. 補充一句,魔術師好有錢

      刪除
    15. 咁簡單???

      https://www.yimin-visa.com/hk/Cyprus_investment_golden_visa

      塞浦路斯移民

      塞浦路斯移民方法
      方法一 : 直接獲取歐盟護照 (Citizenship)
      六個月內頒發護照,全無居住要求,允許雙重國籍
      投資 200萬歐元 購置房產,即可快速獲全家歐盟護照
      需投資75,000歐元到創新及研究基金
      需投資75,000歐元作塞浦路斯土地發展
      申請人須提供無犯罪記錄證明
      亦不在歐盟違反土地徵用者的名單上
      五年後房產可出售​

      方法二 : 獲取永久居留身份 (Permanent Residence)
      購買當地價值 30萬歐元 或以上的房地產,以取得永久居留權。

      須個人及配偶名下擁有 30萬歐元 資產 ,並提供證明(存款、房產、公司股份等資產總計)。

      以及沒有任何犯罪記錄,並遞交 3萬歐元 存放3年,以作全家生活保證金。

      獲簽發永久居留權後,申請人須每年或每兩年提供一次收入證明 (申請人收入達 12,000歐元 或每位家庭成員收入達 5,000歐元)


      申請資格
      年滿18周歲以上。

      無犯罪記錄及申根拒簽記錄。

      可攜配偶及18 歲以下的未婚子女一同申請。

      當持有永久居留連續6年(每年只須6個月在塞浦路斯),即可申請入藉。

      刪除
    16. 我朋友家人摷到料

      1.先移民台灣
      例如你在台灣居留滿一年,取得台灣護照後,可以再投資20萬美元,就可以取得美國居留權。
      2.先移民土耳其
      持土耳其護照後兩個選擇:1.去美國2.去英國
      你亦可投資25萬美元,在土耳其買房地產,約3至6個月後,就可取得土耳其護照,拿着土耳其護照可以有兩個選擇,美國E2 visa,投資20萬美元,取得美國居留權,或者申請一個特別為土耳其而設的英國商務簽證,靈活性更高,在英國住滿5年的話,亦可以申請英國居留權。

      刪除
  9. 魔兄,請教一個IB買債券的技術問題

    昨晚下單買但沒有成交,我最後的開價已經比ask價高,系統說我的size可能沒有配對單,這個問題你遇過麼?

    回覆刪除
    回覆
    1. 有試過, 唔知啲 routing 點搞. worst case 我會 set market order :(

      刪除
  10. https://www.dw.com/en/hong-kong-will-violence-kill-the-pro-democracy-movement/a-51134455

    魔兄,德國之聲呢篇訪問非常值得閣下點評,主持人問隻黃絲的問題十分尖銳,問到佢冇彎轉,答得又閃縮又尷尬,又唔敢叫口號顧左右而言他,充份表現出黃絲論述的空洞和矛盾,如沒時間聽完整個訪問(26分鐘),淨睇上link節錄的要點也非常精彩,茲引數點如下:

    Hong Kong’s pro-democracy activists, including Siu, so far have been unwilling to condemn the violence.

    "One of the principals among the protesters is about no splitting and no condemning any of our protesters, even though the level of violence they use seems to be … escalating," she said.

    DW’s Tim Sebastian asked if Hong Kong’s pro-democracy movement was becoming as rigid and inflexible as Beijing?

    "I believe the discussion about the future of Hong Kong or how the movement would go is ... mushrooming, especially in the recent days when we see that there has been an escalation of violence while we're not achieving anything ... Peaceful means will be the only way out for us to resolve the current situation in Hong Kong," Siu said.

    Sebastian also pressed Siu on the targeting of police officers and their families by demonstrators: "I can't deny that it is actually happening, but still we're trying to use peaceful tactics to bring the situation to a resolution. And I believe bullying family members would not be a very good way to solve the situation."

    回覆刪除
    回覆
    1. 多謝提供. 呢幾日work from home 仲忙過返公司, 可能要周末才有時間睇, 請諒.

      刪除
  11. 嘩,段爸出嚟會吾會畀學生活生生燒死。好擔心佢。

    回覆刪除
    回覆
    1. 放心,段爸比黃屍咬完,已中了黃屍毒,喪屍是不會咬喪屍同類的。我反而擔心段爸會不會聯同其他黃屍去獅鳥校內的內地學生同教授。

      刪除
    2. //段爸會不會聯同其他黃屍去獅鳥校內的內地學生同教授

      如果段爸變身做蒙面黑衣人,相畀來講好易認。不如監倉遙身一變,變做監大用作他們的巢穴吧。

      刪除
    3. 準確點,這兩天只是在「崇基」開片,還在暴大山腳。小妹引頸以待黑衣人何時能成功「一統暴大」!或許以有耶撚大愛的教堂作為基地,徒步經「小橋流水」或大車路上山,中場休息就食(搶)件檸檬批甜一甜,輪流攻克N個書院!

      刪除
    4. 皇爺一係就親自披甲上陣,殺退黑警劫犯;一係就被私了

      刪除
    5. 得兩條路,第三條咬脷自盡

      刪除
    6. //我反而擔心段爸會不會聯同其他黃屍去獅鳥校內的內地學生同教授。

      要交投名狀

      //如果段爸變身做蒙面黑衣人,相畀來講好易認。

      哈哈!

      //徒步經「小橋流水」或大車路上山

      圖書館內有大把書本可以助燃!

      //皇爺一係就親自披甲上陣,殺退黑警劫犯;一係就被私了

      可以出一陽指, 指指點點就得.

      刪除
    7. 段爸出一陽指叫佢哋清理返現場,如果係咁,我跪喺度嗌聲佢段老公添呀。

      刪除
    8. 阿副校長係咪裘千仞扮嘅呢?

      刪除
    9. //圖書館內有大把書本可以助燃!//
      人地好有文化,好愛書架!上次衝入垃圾會個次,人地貼哂紙仔係圖書館門口,叫班手足唔准搞啲書!

      刪除
  12. 回覆
    1. 又唔係好大鑊,根本兩色溝唔埋。大家想快D玩完。

      刪除
    2. 你又唔話呢吓火好大劑

      刪除
    3. 段爸點解釋佢地班「小孩」竟然會收埋咁多汽油彈呢?

      刪除
    4. 有兩條路畀段爸揀,一係做污點證人,一係繼續大話因為做緊個大PROJECT有關汽油彈。

      刪除
    5. //一係繼續大話因為做緊個大PROJECT有關汽油彈。

      「維護學術自由!」

      刪除
  13. 當大學變成恐怖份子溫床,是否應該申請搜查令拉人封校呢?

    回覆刪除
    回覆
    1. 非常同意封校進行搜查,大量窩藏攻擊性武器。

      刪除
    2. 警方一入去學校,佢哋就大為緊張,段爸做場大義滅親。

      刪除
    3. 黑警又蝕章, 暴大學生一放火魔法,就馬上入紙申請搜查令,名正言順操入去喇.

      刪除
    4. 大學生根本就唔應該有厚待,佢地行為俾佢地個身份係暴徒同恐怖份子。
      政府無理由唔俾壓力大學校長同校董會,無論管治、法治同政治上都係。

      刪除
    5. //黑衣人在警方撤走後,重奪二號橋,並向橋下的公路投擲雜物,癱瘓交通,晚上十時半吐露港公路來回因雜物鋪路而交通擠塞。

      就算唔強攻,最少都要圍城,一放生佢地,咪又立即犯法。

      刪除
    6. //大學生根本就唔應該有厚待,佢地行為俾佢地個身份係暴徒同恐怖份子。

      校方當佢地係 kids (食屎大個鬼佬院長如是說), 無計.

      //最少都要圍城

      但班和理非又送物資入去, 遲早真係變巷版轆死.

      刪除
  14. 我都唔知D特首同高官做乜,今日咁嘅情況,應該最起碼比幼稚園同小學停課,甚至其他人因交通情況可以在家工作.

    依家失晒控,政府再咁軟弱無能,最無辜都係啲奉公守法嘅市民,唔該政府做嘢啦.

    根本大學就係暴動的基地,唔該高官用下個腦做番D應付對策,唔好日日坐住乜都唔做啦.

    回覆刪除
    回覆
    1. 低調地個别學校停課了,你應該冇小朋友,返學亦可以不過冇堂上

      刪除
    2. //甚至其他人因交通情況可以在家工作.

      我司早已自行決定叫同事 work from home 了.

      //政府再咁軟弱無能,最無辜都係啲奉公守法嘅市民,唔該政府做嘢啦.

      我一早都咁講. 政府同警隊失職,唔能夠保護到市民的身家性命安全.

      //根本大學就係暴動的基地

      其實年年都選到笨土派做學生會, 代表全體學生, 已經係警號.

      //返學亦可以不過冇堂上

      同學可能住在學校附近(尤其是係屋村學校), 但老師呢?

      刪除
  15. 大學或大學宿舍附近的車站全是重災區:
    城大浸大:又一城
    暴大:沙田
    理大:紅磡
    科大:將軍澳

    回覆刪除
    回覆
    1. 好明顯個軍火庫就係大學宿舍內

      刪除
    2. //好明顯個軍火庫就係大學宿舍內

      我諗起《天煞:地球反擊戰》中, 外星人激光炮直插白宮的畫面.

      刪除
  16. 段皇爺尋晚做唔到野 又變番段狗了 在位不足一月so9sad

    回覆刪除
    回覆
    1. 唉!佢索幾下TG要懺扶上樓梯,學生完全失去理性,搞埋市民。

      刪除
    2. //段皇爺尋晚做唔到野

      尋晚連阿嬸都要出來幫拖. 期待佢同沙皇隻揪 XD

      刪除