2020年7月31日 星期五

摩摩電影節之《國產凌凌漆(From Beijing with Love)》:注重形象好重要

日前有讀者講起周星星,於是魔術師便癮起從影評 list 中找來呢套只係在電視台重播中斷斷續續睇過的電影來看。舊片影碟唔易搵,加上疫情關係都係唔好出街掃貨,好彩仲有 Netflix:

***
在「特強三鞭丸」的貨車掩護下,恐龍頭骨呢件國寶就秘密地被送到瀋陽軍區。老解一開櫃便叫不妙,原來恐龍頭骨已被歹徒掉包搶走。特工凌凌義冒死大破匪幫,就在起出失去的恐龍頭骨之際,卻被身穿刀槍不入裝甲的金槍人以穿甲彈擊殺,英勇殉職:

總理責成司令儘快把恐龍頭骨尋回,司令竟然在垃圾堆中找到一名身高和智力都不達標的後備特務凌凌漆(周星馳飾)來進行任務,難道係貪阿漆根正苗紅,生於轆死年轆月死日?

阿漆是個在深圳劏豬的豬肉佬(黃人好鍾意用「豬肉佬」做例子),就連叫G都無錢找肉金,要用豬肉頂檔。軍方發明家達聞西(羅家英飾)奉命來找阿漆往基地報到。在基地中,阿漆見過了大X妹秘書,司令解釋說恐龍頭骨可能落在我城的走私集團手中,又介紹了「天生我才必有用」的觀念、與及各種新奇有趣的發明,例如最合黑暴青用的防彈火魔雨傘,當然仲少不了經典太陽能電筒、超級間諜椅、和「攞你命3000」的概念:

由於恐龍頭骨在瀋陽失竊,陳將軍想重奪調查,便來找司令隔住個痰罐講數。司令當然唔肯交出調查權,更在陳將軍司令離去時叫手下李香琴(袁詠儀飾)將之殺死。原來司令就是金槍人,就在阿琴幫他掩耳之下,用爆炸彈將陳將軍毀屍滅跡,更派出阿琴到我城接應阿漆,趁機將他除掉:

阿漆溫好書、吹靚個頭之後便出發到我城,在傷風腋俗、有3D甜書提供的賓館中憑線索找到了阿琴,足證我城是個特務之都:

阿漆去到阿琴家中,留意到牆上的畫,與及阿琴會哼張學友的《李香蘭》。阿漆介紹他的裝備,包括各種鬚刨和風筒,還有他的拿手武器 - 飛刀,不過阿漆的眼界就似乎不太準,掟到無雷公咁遠。阿琴就給阿漆介紹了狙擊槍,與及特製「224痰罐仔」子彈。阿琴見阿漆無甚機心,便取了他的槍想殺他,誰知這槍是「古蠱的槍」,反而自討苦吃。阿琴躲進衛生間,經智能馬桶蓋向司令報告,司令謂要在我城走私頭子家中殺死阿漆,方便栽贓。阿漆衝入衛生間,在馬桶中都可以見到司令,十分高興:

阿漆跟阿琴去茶餐廳食飯,講起「以氣御刀」的心法。阿漆隨口吐痰,吐中了鄰桌的男人,傾起上來原來大家是同鄉。原來男子是劫匪首領,同黨做案後逃走,脅持了阿漆和一小孩做人質。小孩父親來救,慘遭悍匪殺死。阿漆大怒,以削鐵如泥的豬肉刀斬殺了一名匪徒,又以連蒼蠅都掟得死的飛刀將其餘兩名匪徒擊殺。企圖借刀殺人的阿琴只看得O哂嘴:

阿琴跟司令說想知道阿漆是什麼人,反遭司令羞辱,話阿琴出身唔好,無資格咁提問;反而阿漆走來話要給商場的死者做帛金,又在夜間練「以氣御刀」,一切一切都令阿琴感到不可思議:

阿漆跟阿琴潛入走私集團頭子的大宅中刺探消息。阿漆話完成任務便要走了,要送返樣禮物給阿琴,阿琴隨口答話白玫瑰;阿漆話自己唱歌似學友,要唱返首《李香蘭》俾阿琴聽。阿琴只想借機殺死阿漆,甚感不耐,要阿漆趕快行動,於是又玩了一輪篋神遊戲。

篋神將阿漆送入大宅,原來走私頭子正在開 poolside party,阿漆便乘機彈首《李香蘭》俾阿琴聽,技驚四座,就連拿着狙擊槍想殺阿漆的阿琴都溶化了。


這時女殺手(陳寶蓮飾)和男殺手出現,企圖致阿漆於死地。阿漆用飛刀擊退女殺手,阿琴乘機亂槍掃射,場面大亂。阿漆無故從掩護物中走出來,阿琴見機不可失,開槍擊中阿漆。阿琴逃回車上,但阿漆竟然可以尾隨上車。其實阿漆並唔蠢,識得着避彈衣,但腿卻是中了槍。原來阿漆冒着中槍的風險走出來,就是為了摘白玫瑰給阿琴,如此真心膠的男人就此打動了阿琴的心。阿琴用車墥走趕來阻截的男殺手,和阿漆逃回家中:

阿琴回心轉意,幫阿漆治傷,就連司令來電亦 cut 了線。在經典的「古有關雲長捉象棋刮骨療傷,今有凌凌漆睇咸帶麻醉拔彈頭」的情節後,阿漆問起阿琴家中牆上畫中主角,原來是阿琴父母,只是阿琴從小父母雙亡,未見樣貌。阿琴把子彈取出,阿漆便學龍哥在《第一滴血》系列中用火藥止血。阿漆見到子彈有224字樣,正是阿琴的專用子彈,知道企圖射殺自己的正是阿琴。阿漆萬念俱灰,取回咸帶離開。阿漆出走後不久,阿琴見又有一貌似阿漆的人來到門口,便將司令是金槍人的真相說出。原來那人是女殺手假扮,男殺手也來到把阿琴捉走。

阿漆返回蝗國向司令報告。司令把罪名都推給阿琴,又騙阿漆簽了文件承認偷盜國寶,都送上刑場。然後就是經典的行刑場面,只見盲人被屈偷睇國家機密(盲光誠?)被殺、紅二代被殺(權鬥?)、輕功蓋世的也被殺,成功地挑起了我城市民對殺人政權的憎恨:

來自瀋陽軍方的男女殺手帶阿琴來到恐龍頭骨的存放地點,要逮捕司令。司令二話沒說便欲殺阿琴滅口,阿琴遂與其決裂。司令逃回基地取得金槍人裝備,瞬間殺滅男女殺手,又打傷阿琴與達聞西。

就在這時,阿漆出現,原來阿漆以100人仔加香煙便可打發行刑部隊。阿漆的豬肉刀是干將莫邪傳下來的寶刀,可以擋下金槍人的子彈;阿漆更使出「以氣卸刀」,把金槍人斬殺,為國家立下大功。小平同志為表阿漆功勞,在其寶刀上題上「民族英雄」四字;其阿漆寧願跟阿琴在豬肉檔扑嘢,都不願再接任務。
***
上世紀80、90年代,我城社會知道「回歸」已是命定了的事實,於是巷剷影壇便興起了一般嘲諷蝗國各種醜陋時弊的電影,其中《表姐》系列便是佼佼者。本片亦為諷刺惡搞殺人政權的經典代表作。說穿了,這些電影也是在發洩「文明人將被野蠻人管治」的無奈與怨懟(畢竟這也是事實,當年傷民北上做大款、包2奶可謂常態),不過由於這類電影的表達手法大多是幽默搞笑,也沒有「攻擊性」,大部份人都覺無傷大雅,反而不少場景均成經典笑料,歷久不衰。
不過可能就係連一眾電影人都料不到的是,這些電影是會造成「既定形象」的效果,就算蝗國早已並非「吳下阿蒙」,傷民對蝗國的印象依然就是那隊行刑部隊的模樣:就好似阿漆好注重個人形象,時時都要剃鬚吹頭;真・李香琴演奸妃演到入型入格,搞到行在街上都會受觀眾唾罵,話佢真人都係衰人。好在《巷區國安法》無追溯期,呢種由「經典笑料」而導致「對國家、政權的憎恨」,再查明如果有「外國勢力」投資,咁就真係會斷正了。
本片演員的「演技」在於「煞有介事」的笑位,同埋一向都唔覺袁靚靚係「靚」的魔術師都竟然覺得佢個短髮 look 幾好睇順眼;至於星爺一向都係喜感爆燈,單就本片而論隨時會以為佢係抽筋影帝、死梗派黃底演員之流,點都估唔到星爺竟然會「投共」。
魔術師評分:95分

61 則留言:

  1. 嘩!好高分喎。以前的戲劇本完成度真係好高,同上次你寫套無雙,真係高好多班。

    正正也見証香港人不進則退的事實。

    Momo

    回覆刪除
    回覆
    1. 雖然話笑片漫畫化唔需要咁嚴肅去捉 bug,但呢套片成個劇本其實幾 okay,無乜大錯,結構比好多扮哂嘢的「大片」仲要嚴謹,

      刪除
    2. 其本上高峰期嘅周星馳電影,戲本都好嚴謹,所有劇情、情節、對白不會有為加而加的感覺,但後期就唔掂,少林足球、功夫之後就完全走下波。
      Momo

      刪除
    3. //少林足球、功夫之後就完全走下波

      呢兩套我都有睇哂全套, 印象的確唔係太好.

      刪除
  2. 回覆
    1. 但每次睇戲見到就覺得好 sad, 男人鍾意睇女人,唔表示女人鍾意比我哋睇,有啲幫兇嘅感覺。
      Momo

      刪除
    2. 可能佢真係太年輕入愚樂圈, 身邊又無乜正派嘅人教佢. 愚樂圈好易行錯路, 壓力大隨時搞到自己精神錯亂. 正派無緋聞的藝人真係好少.

      历数陈宝莲生平大事:一生波折红颜薄命(多图)

      刪除
    3. 另一個例子係邵音音,俾人呃咗在片中脫衣後大半生就飽受極大痛苦。好彩佢捱過咗艱苦日子而家演技得到肯定同生活都過得還可以。

      刪除
    4. //邵音音

      wiki 竟然有呢句

      政治立場
      邵音音亦有參與支持港版國安法的聯署[14]。

      刪除
    5. 三級片 有個舒淇 身材我中意

      刪除
    6. //三級片 有個舒淇

      豬皮洗咗底好耐.

      刪除
    7. 我最鍾意葉子楣��

      Momo

      刪除
  3. 睇過N次, 絕。
    有時我會諗, 呢類戲將來仲會唔會有? 又或者拍番套另轉黎揶揄一班港童港燦都幾好

    回覆刪除
    回覆
    1. 唔使諗,唔會再有,以前啲人肯捱,而且做時專注,才會成功。但而家啲人又唔捱得,又百足咁多爪,冇冇瓣掂。
      Momo

      刪除
    2. //拍番套另轉黎揶揄一班港童港燦都幾好

      藍色電影圈?

      //但而家啲人又唔捱得,又百足咁多爪,冇冇瓣掂。

      依家啲人有啲似《天龍八部》中蘇星河, 樣樣學吓太心散, 資質又唔高, 結果逍遙派掌門之位便被丁春秋奪去.

      刪除
    3. //藍色電影圈?//

      藍色電影圈似乎只係會拍番啲愛國主旋律既戲,反而我係渴求一啲反黃但唔藍(好似呢道既讀者咁)拍番齣真正串爆黃C偽善一面既電影俾我地過下癮

      刪除
    4. //反而我係渴求一啲反黃但唔藍(好似呢道既讀者咁)拍番齣真正串爆黃C偽善一面既電影俾我地過下癮

      不如將阿雪同爸爸搬上大銀幕 XD

      刪除
    5. 咁你有現成既劇本喇!唔好貪心,黎投資番套微電影先!

      刪除
    6. 當然要由有村架純飾演阿雪啦⋯⋯

      刪除
    7. //有村架純

      as you wish... 有村下一篇會出場 XD

      刪除
  4. 就好似好多鬼佬仲以為中國人就係紮辮半禿,一樣咁井底蛙。

    回覆刪除
    回覆
    1. 唉, 我寧願睇舊片講蝗國以前的臭事(當然明白20年來都有好多轉變), 總好過睇《葉問》販賣那些廉價的打鬼佬民族主義...

      刪除
    2. 有邊個鍾意睇麻甩佬自瀆?民族意識係一回事,自吹自擂又係另一回事。
      而且以前諷刺大陸係好應,大陸當時係抵俾人串啦。
      依家最應該拍係諷刺反智的香港人。

      刪除
    3. 反而最近睇啲賣大中國的大陸戲,例如戰狼、紅海行動、流浪地球或中國機長等,居然有啲感動嘅感覺。我開始懷疑自己有病!
      Momo

      刪除
    4. //依家最應該拍係諷刺反智的香港人。//

      如果有本地導演咁有guts拍既話我實封佢做偶像

      刪除
    5. //依家最應該拍係諷刺反智的香港人。
      //戰狼、紅海行動、流浪地球或中國機長
      //本地導演

      《十年》導演又去了打國際線...

      信報 2020年7月28日

      突破書誌今年停刊
      早前表明因《港區國安法》落實,暫停原定7月出版第62期的Breakazine(突破書誌),宣布為保障共同參與者,正式決定題為《危險閱讀》的季刊不會出版,並暫停原定10月出版的下季刊物,直至「明年年初再與讀者見面」,社交媒體及網站則維持運作。

      Breakazine早在本月10日稱,因《港區國安法》生效需要諮詢法律意見,須暫停出貨。昨日就宣布對國安法理解「仍有不確定性」,決定正式停刊。編輯部在聲明中澄清,今期《危險閱讀》於5月初起製作,上月底付印時《港區國安法》仍未頒布,強調機構一直在法例框架下運作,向受影響者致歉及安排退款。

      《十年》導演移居加拿大

      另外,港產電影《十年》及《樹大招風》導演歐文傑,亦宣布因《港區國安法》落實而離港移居加拿大。他於上周六(25日)電台節目中公布消息,形容自己「唔會叫做移民,係似走佬多啲」,因事前倉卒成行,甚至未有申請移民資格。

      歐文傑解釋,因加拿大籍妻子擔心安危而離港,形容「(舉)白紙都畀人拉,唔知自己行出街,個腦運作得唔係咁好,講錯嘢畀人拉就唔好啦」,他認為目前個人職業生涯並非最重要,「先做一個人,再做一個電影人。」他昨於社交平台專頁上報平安,稱已抵達加拿大溫哥華參與「國際線」抗爭。

      刪除
    6. //睇啲賣大中國的大陸戲,例如戰狼、紅海行動、流浪地球或中國機長等,居然有啲感動嘅感覺。我開始懷疑自己有病!

      情緒病 需要疏通 直觀的廉價的刺激係藥

      刪除
    7. 我最鍾意睇恐怖片, 驚慄片, 多數都係有情緒病.

      刪除
    8. //他昨於社交平台專頁上報平安,稱已抵達加拿大溫哥華參與「國際線」抗爭。
      哈哈溫哥華近年唔少強國人,勁有水又有料,去到咪又盞心理唔平衡

      刪除
    9. //溫哥華近年唔少強國人,勁有水又有料

      佢地實在太「浮誇」喇!

      刪除
  5. 今早一見到呢篇影評就眼前一亮。
    周仔的戲雖然重覆重覆又重覆地播(大內密探00發歐錦棠對白),但打開電視一見做又會睇。
    記得以前打麻雀認識一個女人,個樣似女版曾志偉,佢嗰對仔女只得幾歲人,就已熟諗星馳電影系列的經典對白。跨代影響力極為深遠。
    亦有不少節目同刋物對他的電影作"文化"研究。
    聽過N次,我都係再扲入去聽李香蘭。睇佢黐住條煙嚟唱。😄😄😄
    95分~真懂欣賞

    回覆刪除
    回覆
    1. //佢嗰對仔女只得幾歲人,就已熟諗星馳電影系列的經典對白。
      //95分~真懂欣賞

      Netflix 有大量舊片, 我都add 了幾套周星星落list.

      刪除
    2. 如果你覺得國產凌凌漆ok,其他都應該有驚喜。

      Momo

      刪除
    3. 記得魔術師之前講過話對星爺啲戲無感,何解會突然提起興趣?

      刪除
    4. //何解會突然提起興趣?

      當年星爺咁受歡迎, 係有啲理由嘅. 有啲太無厘頭的戲我真係無興趣, 某些「笑中有淚」的可以一看, 用來攝時間都好.

      刪除
  6. 魔術師,真感動,介紹周星星喇!畀錢便不用打把,古惑的槍真係好正。
    唔知大家知唔知,其實《國產凌漆漆》的英文名From Beijing with love和人物設定都是抄考《鐵金剛勇破間諜網》(From Russia with Love)。

    回覆刪除
    回覆
    1. 真係唔知喎,多謝介紹,今個星期要睇下。

      Momo

      刪除
    2. //其實《國產凌漆漆》的英文名From Beijing with love和人物設定都是抄考《鐵金剛勇破間諜網》(From Russia with Love)。

      呢個我知道. Wiki 有大量彩蛋解說, 可以一睇.

      仲有...片頭的邦女郎好豬扒... 完全係惡搞 XD

      刪除
    3. 剛看了 From Russia with Love, 但劇情、人物設定就完全沒有相似地方,可能只是抄了技火槍。

      如果講劇情,最近港産片"犯罪現場"個劇本、人物、故事鋪排幾好,起碼比同類樹大招風好很多,有時間可以看看。

      Momo

      刪除
    4. //犯罪現場

      殺你.... 入咗 list 先.

      刪除
    5. 期待影評,記住記低去到邊個位估到邊一個係兇手,我就好渣去到好後先估到。
      Momo

      刪除
  7. 講起周星馳經典,不得不提堂伯虎點秋香,適逢三面間諜台灣炆煮之父逝世,內地有網民隊穿牆...啊唔係,係對左副聯黎贈興,實在太正,不得不同大家分享:

    一人二名,投三家政党,四代国人羞见五体委地奸人,六亲不认只管叫七洲耻笑,八闽九市怎认此十恶不赦杂种。

    十年九变,换八个面孔,七任领导愧对六合混元大功,五马分尸也难消四海分离,三地两岸更恨这一身孑然歹人。

    回覆刪除
    回覆
    1. //一人二名

      李香蘭係日本人,唔係漢奸; 川島芳子是滿州人, 但被日本人收養, 可以係日本藉, 有一說謂川島被判漢奸罪死刑係冤屈.

      刪除
  8. 星爺來自草根,演小人物特別出色,令我哋這些來自草根階層的人特別有共鳴。

    今次呢篇文章,我係用電腦放大逐格睇,無論文字和cap圖都慢慢欣賞,真係一個難得的假日節目!

    一些細微又好笑的場景:
    -「工作精神好,破案有功勞」錦旗
    - 英語速成大法
    - 間諜手冊 1965
    - 「紅玫瑰」有錯別字
    - 羅家英跌膊恤衫
    - 星爺七色彩虹領帶
    - 夜晚練習刀法戴黑超
    - ......

    雖然星爺有些戲我都冇睇過,但係看過的都會有一啲經典對白:

    「做人如果冇夢想,同鹹魚有咩分別 ?」

    「其實我是一個演員」

    「我養你呀」

    「怎麼前面黑漆漆的什麼也看不見。」
    「也不是,天亮之後就會很美了。」

    「你怎麼幫呀,你快點回火星吧,地球是很危險的。」(國語) ^_^

    「曾經有一段真摯的愛情擺在我眼前,我沒有去珍惜,等到失去了才後悔莫及,塵世間最痛苦的事莫過於此,如果上天能給我一個再來一次的機會,我希望能對那個女孩說我愛你,如果非要給這愛加一個期限的話,我希望是一萬年。」(最經典都係呢一段)

    好可惜朱茵最後和星爺不能行到底。佢之後的女友雖然能夠指點他在樓市賺大錢,然後有足夠嘅資金拍戲,但係一段10幾年嘅感情又係冇咗。覺得好像《大話西遊》那齣戲一樣,至尊寶最後成為孫悟空,要放低對紫霞仙子嘅感情,總令人有絲絲遺憾。

    回覆刪除
    回覆
    1. //星爺來自草根,演小人物特別出色,令我哋這些來自草根階層的人特別有共鳴。

      這跟「草根」應該沒有什麼關係, 「小人物」才是重點. 正如我在舊文寫過, 周星星的小人物主角, 通常是「一生人的狗熊, 一分鐘的英雄」, 這就合乎了一般普羅大眾不甘平凡但又覺得諸多制肘的矛盾. 這種矛盾在 have something to lose 的中剷尤其明顯, 而並非 nothing to lose 的草根階層.

      例如中剷黃C, 有頭家要養, 有層樓要供, 在公司做工資奴受老闆上司顧客氣, 在家又要受老公/婆及四大長老氣, 想去抗爭掟汽油彈又唔敢; 唯一可做的便是「和勇不分」咁去揸吓家長車, 扮吓路人阻擋 popo 前進之類, 以細微細眼的「英雄行徑」來擺脫自己日常生活中的窩囊感. 呢一種情感投射也可以在周星星早期的電影內見到.

      //經典對白

      我反而對「經典對白」無感: 可能配合劇情前文後理有佢嘅感動位, 但抽出來獨立講就未免太文青和造作, 甚至乎有啲浪漫廢話的感覺.

      //《大話西遊》那齣戲

      用返巷慘片原名是《西遊記大結局之仙履奇緣》:

      中国大陆 大话西游之大圣娶亲
      香港 西遊記大結局之仙履奇緣
      臺灣 齊天大聖西遊記
      新加坡 西游记大结局之仙侣奇缘

      刪除
    2. 看戲歸看戲,最好不要将自己感情放在戲子身上。

      刪除
    3. 嗯嗯,要識得抽離,始終都只係一齣戲。

      刪除
  9. wow,魔兄都睇星爺^^
    佢演技好好也,身型同樣都唔差,長江七號都入戲院睇兩次,但無佢果啲已經無睇了,會唔會睇埋西遊記?

    -Z

    回覆刪除
    回覆
    1. //會唔會睇埋西遊記

      Netflix 有 add 到, 睇吓會唔會有得攝時間睇吓. 好睇先寫 comments.

      刪除
  10. //阿漆溫好書、吹靚個頭之後便出發到我城

    魔兄應該有所不知,呢幕是調侃梁朝偉於阿飛正傳最後一幕

    (雖然我已經睇過阿飛正傳無限次,但當年卻未有入場,無緣見識最後一幕後全場高呼割凳的場面)

    王晶亦曾於自己作品加入類似場景,但由片尾變片頭:

    賭俠1999

    賭聖3無名小子

    //阿漆便乘機彈首《李香蘭》俾阿琴聽,技驚四座

    代唱者是吳國敬。

    //不過由於這類電影的表達手法大多是幽默搞笑,也沒有「攻擊性」,大部份人都覺無傷大雅,反而不少場景均成經典笑料,歷久不衰。

    這的確是,雖然呢套野從來未在内地整套上映過,但看過的人不知凡幾,卻從未有覺得星爺宣揚反共。

    //不過可能就係連一眾電影人都料不到的是,這些電影是會造成「既定形象」的效果

    或者這是歷史的必然,只能用發展和時間去解決「既定形象」的問題。

    //少林足球、功夫之後就完全走下波

    我都覺得少林足球是大雜燴,但個人卻十分喜歡功夫。

    //历数陈宝莲生平大事:一生波折红颜薄命(多图)

    當年的確是最fit狀態。

    或者遇上黃任中是她前世作的孽...

    亦可以說「懷璧其罪」,美貌與財富其實一樣,你仍未孭得起時隨時帶來災禍。

    //佢之後的女友雖然能夠指點他在樓市賺大錢,然後有足夠嘅資金拍戲,但係一段10幾年嘅感情又係冇咗
    //這跟「草根」應該沒有什麼關係, 「小人物」才是重點. 正如我在舊文寫過, 周星星的小人物主角, 通常是「一生人的狗熊, 一分鐘的英雄」

    正如我上次講過,星爺的一生都走不出自己成名前的經歷,所以會在自己作品不停重複。

    我估佢一生都接受唔到真正的自己--佢靠電影已經賺到足夠的地位和財富,根本唔使黐住大劉炒乜炒物的。

    //經典對白

    撇開政治,呢套野其實好多對白/蹻段好有哲學意味:

    我以爲我們的關係是建立在感情之上,點知道原來都是一盤生意

    一張厠紙一條底褲都有佢本身用處

    太陽能電筒(寓意多此一舉)

    攞你命三千(寓意只顧多功能的堆砌而無系統性整合)

    三十年苦練,終於可以派上用場

    而家搞緊兒女私情,國家大事呢啲濕碎野唔該行埋一邊

    回覆刪除
    回覆
    1. //呢幕是調侃梁朝偉於阿飛正傳最後一幕。

      《阿飛正傳》在 Apple Store 買咗, 未睇 XD

      //類似場景

      影評通常以「向XX致敬」來稱呼「類似場景」.

      //看過的人不知凡幾,卻從未有覺得星爺宣揚反共

      反而因為星爺近年出品明顯有「賺人仔」傾向而受黃人唾棄呢!

      //美貌與財富其實一樣,你仍未孭得起時隨時帶來災禍。

      紅顏薄命就係咁解.

      //星爺的一生都走不出自己成名前的經歷,所以會在自己作品不停重複。

      忽然覺得, 星爺呢種自嘲反映了中國人的「內歛」一面,就算係天王巨星都沒有什麼大不了;相反就如丙郎一樣,37歲仲要站在 top of the world,要做主角,要球隊繞着自己轉。

      //呢套野其實好多對白/蹻段好有哲學意味

      引到我另寫一場職場 update,排吓期先。

      刪除
    2. //《阿飛正傳》在 Apple Store 買咗, 未睇 XD

      《阿飛正傳》一定要推介!

      雖然我不敢話呢套係我最喜歡的王家衛電影,但真係有劃時代的影響--後來王家衛的作品好多都只是重複;而由上畫前的萬衆期待,到上畫時處處割凳之聲仲蝕到鄧光榮PK、徹底輸俾同期的《賭俠》(1990年聖誕新年檔期),到後來卻與《賭俠》雙雙公認為香港電影的經典,呢條路綫都算傳奇了。

      新推介當然唔只一部,仲有《梅艷芳》同《長津湖》。

      //忽然覺得, 星爺呢種自嘲反映了中國人的「內歛」一面

      我倒覺得,星爺呢種不是“自嘲”,而是一種(可能源自童年至青年經歷的)“性格缺憾”...而雖然對其爲人評價的確人言人殊,但部分人(例如洪金寶)真係好難會認爲星爺“内斂”。

      刪除
    3. //仲有《梅艷芳》同《長津湖》。

      已入 list. 《梅艷芳》導演版在Disney+分幾集播, 要慢慢睇.

      //真係好難會認爲星爺“内斂”。

      證明我唔係星爺 fans XD

      刪除
    4. //卻從未有覺得星爺宣揚反共//

      大陸一直保有"上京告御狀" (星: 九品芝麻官, 審死官)
      精神內核係"壞人只係地方小官, 阿爺係會為平民伸冤"
      地方既壞, 同阿爺既好, 係同時存在
      要鬧爆地方土豪惡霸奸官, 唔會覺得有問題

      反共係乜呢, 係上升
      社會既問題, 就上升到"定體問- 一定是體制的問題" - 民主萬能論
      反應該會大不同

      --Dogdogchi

      刪除
    5. //地方既壞, 同阿爺既好, 係同時存在
      要鬧爆地方土豪惡霸奸官, 唔會覺得有問題//

      「皇上」一定唔會棄百姓不顧的,最近例子說係地方官濫用健康碼。

      刪除
    6. //相反就如丙郎一樣,37歲仲要站在 top of the world,要做主角,要球隊繞着自己轉。

      睇漏左呢段,補返回應:
      - 費蛇留下的「權威真空」太大了,除非一次過將上至管理層下次一隊球員「絕對清零」,然後搵過一批完全無淵源的人返嚟重組,否則靠「動態清零」要以十年計才能完全擺脫費蛇的legacy,重新上路。C朗現在的能力態度如何根本無關宏旨,世上或者有球隊可以靠一個球員挽救,但肯不是現在的曼聯
      - C朗作為意甲神射手,回歸英超的影響力被高估了--意甲水平退步太大,睇下盧卡古就知道。

      //《梅艷芳》導演版在Disney+分幾集播, 要慢慢睇.

      咁你睇既一定多過我入場睇

      //證明我唔係星爺 fans XD

      你search下「周星馳 洪金寶」啦...雖然有N個版本人言人殊,而的確星爺個人作風圈內人有兩極睇法,但星爺於幕後的確曾令好多人難受的。

      //反共係乜呢, 係上升
      社會既問題, 就上升到"定體問- 一定是體制的問題"
      //「皇上」一定唔會棄百姓不顧的

      是「體制」,不是「皇上」;反正現在連常委都衰過,譭過於「中央某人」都隨時可以講。但「體制」這神主牌是一定動不得的(其實美帝何嘗不是,你試下在美國質疑民主制度鼓吹社會主義中央集權?)

      //最近例子說係地方官濫用健康碼。

      厚黑啲講,我阿爺都未「用」,你地方官用就梗係「濫用」了。如果搞到地方對健康碼的discretionary power被阿爺收回,也是活該。

      刪除
    7. //C朗現在的能力態度如何根本無關宏旨,世上或者有球隊可以靠一個球員挽救,但肯不是現在的曼聯

      所以巴塞就要撬走利雲度夫斯基了.

      //咁你睇既一定多過我入場睇

      剛發現 Disney+ 有《容疑者X》、Netflix有《江湖兒女》,可以清返啲貨了.

      //星爺於幕後的確曾令好多人難受的

      看來古仔在圈內的評價遠勝星爺.

      //是「體制」,不是「皇上」;反正現在連常委都衰過,譭過於「中央某人」都隨時可以講。但「體制」這神主牌是一定動不得的

      知道. 古代中國的體制就是帝制, 哪管是姓李姓趙還是姓朱.




      刪除
    8. 說起丙朗, 想到的是東西方的價值觀差異. 丙朗為了追求錄站在最大的舞台, 傷害有知遇之恩的球會, 會讓東方人覺得很反感, 泰國站友賽受訪的球迷更直言這個叛徒不來也罷. 然而回到歐洲, 評論卻集中在個人能力上, 沒有離隊是代表無能的表現, 忠誠問題幾乎無人關注.

      刪除
    9. 東方人(尤其是中國人)肯為大我犧牲,西方白我小我私利行先,都唔係咩嘢新鮮嘅睇法。

      刪除