婆仔數不賺白不賺（二）

唔知有幾多網友仲係好似魔術師咁老餅，發達通自動增值都仲係用緊＄２５０嘅呢？的確，當初發達通初捱出時，只係用來搭車，＄２５０增值一次已經好夠使，但隨住車費通脹與及愈來愈多店舖接受發達通作小額支付，＄２５０增一次值已經愈來愈唔夠使，所以發達通系統也升級了，容許用戶每次增值＄５００甚至＄１,０００。只係魔術師都算係比較少用發達通買嘢，通常增一次＄２５０都可以用４至５日，才賴得去增加每次自動增值額。

近日前同事Ａ又飛鴿留言，話又有婆仔數拎，就係只要將發達通的自動增值額加到＄５００或＄１,０００，便可獲贈＄５０增值額：

（圖片來源：八達通官網 ＞ 升級八達通自動增值額 送$50增值額！, captured on 22 Apr 2021）

第零步就是先要確定發達通已啟動自動增值，而且自動增值額並非＄５００或＄１,０００大元（實在是廢話）。

好...現在就是第一步，填好網上表格登記：

（圖片來源：八達通官網 ＞ 升級八達通自動增值額 送$50增值額！ > 第一步, captured on 24 Apr 2021）

第二步就係確認資料，然後登記就成功了。

要拎到＄５０獎賞，先要在在2021年6月30日或之前把發達通自動增值服務金額由$150或$250成功提升至$500或$1,000，詳情可參考以下網頁

（圖片來源：八達通官網 ＞提升自動增值額到HK$500或HK$1,000, captured on 24 Apr 2021）

由於魔術師用的是美帝銀行發達通信用卡，所以也可用發達通 App 提升自動增值額至＄５００，只要按指示做就可以了：

用 App 提升增值額是會即時生效的：

於2021年7月31日或之前透過自動增值賬戶成功完成最少一次$500或$1,000自動增值交易便可獲增＄５０。

睇返細字，原來要在2021年5月15日或之前為合資格發達通成功提升自動增值金額至$500或$1,000、完成推廣登記及於2021年6月15日或之前完成首次自動增值，才可以在第一階段（2021年7月15日至2021年8月14日(包括首尾兩天)）收錢，否則就要等到第二階段（2021年9月1日至2021年9月30日(包括首尾兩天)）了。無端端分兩期，真心唔知為乜。

（圖片來源：八達通官網 ＞ 升級八達通自動增值額 送$50增值額！, captured on 22 Apr 2021）