2021年4月13日 星期二

虛幣撐新彊

信報 2021年4月6日

高天佑 新聞點評

新疆Bitcoin也被狙擊

繼「新疆棉」風波後,最新被狙擊對象可能是「新疆Bitcoin」。美國CNBC網站昨日在頭條位置刊登著名基金經理Kevin O'Leary專訪,引述他呼籲投資者不應購買產自中國的「血幣」(blood coin),只應投資於用清潔能源開採的Bitcoin。目前全球65%新開採Bitcoin來自中國,新疆屬世界第一大產地。有別於傳統現金「冇記認」,每一顆Bitcoin都可追溯源頭,該番倡議在技術上非不可行,但將令全球Bitcoin割裂為兩個市場,有機會令整個體系崩潰。

「加拿大侵侵」籲拒血幣

現年66歲的Kevin O'Leary是加拿大商界傳奇人物,曾創辦教育軟件公司Softkey,在科網熱潮爆煲前的1999年,把主要資產以42億美元售予玩具商Mattel,讓其成為億萬富翁。他隨後轉戰金融行業,成立REIT基金及股票基金,並頻繁在美國及加拿大的財經電視節目擔任嘉賓,知名度甚高。

Kevin O'Leary近年開始染指政治,曾於2017年競選加拿大保守黨黨魁。由於其背景和形象都跟美國前總統特朗普有幾分相似,有人把他形容為「加拿大Donald Trump」。

美國最大財經電視台CNBC昨日播放這位「加拿大侵侵」專訪,並在網站頭條位置刊載內容。據報道,Kevin O'Leary稱,自本月初宣布擬把3%資產配置於Bitcoin之後,收到很多投資者關注,詢問他有否購買「來自中國的血幣」(blood coin from China)。

Kevin O'Leary在訪問中表明不會買「中國血幣」,只會購買用潔淨能源開採的clean coin。他提及中國因人權問題遭到西方國家制裁,而且當地加密貨幣開採活動由「燃煤能源」支撐。因此,他估計很多投資機構都會作出同樣抉擇,拒絕購買Made in China的比特幣,同時更加重視加密貨幣的可持續發展原則,作為合規系統(compliance)其中一環(有點像棉花行業BCI認證)。

相對來說,傳統貨幣「冇識認」,例如一張100美元鈔票,從一般商戶、銀行以至各國政府,都沒辦法追溯它有否參與過新疆經濟活動,是以美國政府的所謂制裁,充其量針對新疆官員及其銀行戶口,卻不可能宣稱「制裁與新疆有關的美金」。

然而,Bitcoin等加密貨幣其中兩大特色在於公開賬本及可追溯性,只要檢視每一單位Bitcoin賬本,根據最初開採活動的IP網絡地址(儘管IP也可造假),理論上可確認所有Bitcoin「原產地」,所以Kevin O'Leary「抵制中國Bitcoin」倡議在技術上非不可行。

全球最大虛擬幣礦源

據英國劍橋大學另類金融中心(Cambridge Centre for Alternative Finance)統計,目前全球約65%新開採Bitcoin來自中國,而新疆獨佔中國產量36%,遠遠拋離第二、第三位的四川(10%)和內蒙古(8%)。換句話說,新疆除了盛產棉花、番茄、哈密瓜和葡萄,亦是世界第一大Bitcoin產地,主因加密貨幣「採礦」最大成本為電費,恰好新疆的太陽能和風電資源豐富,工業用電費每千瓦時只需0.31元人民幣,遠較其他省市便宜(例如北京每千瓦時電費達0.53元人民幣)。

假若西方投資界真的「抵制中國Bitcoin」,不排除如Kevin O'Leary預言,將令未來幾年的Bitcoin市場劃分為「中國血幣」(Blood coin from China)和「潔淨幣」(Clean Coin)兩個陣營。但Bitcoin作為新興貨幣體系,若想挑戰黃金以至美元地位,理應盡可能讓更多人參與買賣和投資,假如「割席」一分為二,恐怕不利於這個體系持續壯大。

此外,如上文提到,新疆之所以成為中國及全球最大Bitcoin產地,主要受惠於太陽能和風能提供便宜電力,故Kevin O'Leary形容中國Bitcoin由「燃煤能源」支撐,其實並不完全符合事實。相反,單從能源角度看,新疆Bitcoin很大程度是名副其實的Clean Coin。

再者,西方政府早前制裁新疆棉花,或會導致中國經濟及政府收入受創,事關紡織業是每年產值逾5萬億元人民幣的中國第一大產業,關乎全國近一億從業員飯碗。

但加密貨幣「採礦」僅屬極少數礦商個人行為,對全國經濟影響微不足道,政府取態偏向不太支持(中央早已禁止境內加密貨幣交易,多個省區亦下令不准採礦以免浪費電力),所以即便「新疆Bitcoin」遭抵制,整體上對中國不會構成什麼打擊。

現時最憂心的可能是Bitcoin投資者,假若「加拿大侵侵」倡議成為事實,恐動搖Bitcoin的價值,甚至導致整個體系崩潰;而作為Bitcoin買家的Kevin O'Leary,隨時「搬起石頭砸自己的腳」。

原來新彊除了盛產棉花之外,還出產煤礦,加上風力發電,故此區內電費特平,造就了另一「新疆名物」:虛擬貸幣(由此路進,將弊少送去新彊「再教育」應該得其所哉)。報導話有條瘋葉國基金經理宣稱要抵制「Made in China」的 Bitcoin,搞到魔術師搲哂頭:照計投資機構只論有無錢賺,點會花資源去 check 你個幣由邊到產出?而且買得虛幣就是貪圖在網絡中可以穩藏身份,呢樣又話唔收嗰樣又話唔收,豈不是更加張揚?

諗深一層,其實隨時又係好似血鑽(Blood Diamond)一樣,所謂「良心鑽石」只係各大鑽石品牌封鎖供應以利控制價格的藉口;血幣甚麼的也是一樣,唔好話「Made in China」的 Bitcoin 未必就是「血幣」(新彊也有太陽能和風力發電),瘋葉國的木嘴只係想借機會將 Bitcoin 個餅切得更細,以求達到「物以罕為貴」,讓其手中所持有的所謂「Clean Coin」升值而已。不過,既然「目前全球約65%新開採Bitcoin來自中國」,瘋葉國木嘴其實只係小眾,搞咁多嘢最後只會邊緣化自己,若果呢位「加拿大侵侵」的抵制成為事實,睇怕Bitcoin 大圍唔會冧,冧的只會是「加拿大侵侵」自己矣。

要撐新彊,買虛幣總比燒波鞋環保兼有建設性。由於魔術師4月的資產配置毋需對商品項作出調配,故此仍只持有黃金(實物及ETF)與及鉑金(ETF),不過也是時候考慮一下小量的虛幣配置。考慮得買虛幣,當然要暸解有關交易平台與及出入現金的手續,其中春花姐的呢篇《月供 Bitcoin》就是個不錯的新手入門

其實網上有大量資源講 Bitcoin 教學,魔術師就不重覆了。睇完一輪,發現參與虛幣交易要幾個要點要留意:

1. 入金容易出金難:碌卡買幣容易,但點樣將虛幣轉返現錢呢?好似 Binance 呢個主流交易平台咁,都只係提供C2C(即係個體戶對個體戶)的交易,你要俾個轉數快 ID 出去俾買家去買你個虛幣,非常之「以物易物」,魔術師就覺得唔太安全。萬一呢類古怪交易過多,俾銀行懷疑你洗黑錢就更麻煩。

2. 穩定幣:對於 Trader 來說,可能同時買賣多種虛幣,如果唔想經常在幣圈中有咁多現金進出,所以出現了「穩定幣」,例如 USDT(由 Tether 發行)、USDC(由 Circle 發行) 咁,就係虛幣圈中的「美元」,可以作 parking 之用。理論上發行商發行1穩定幣就要有$1掛勾貨幣(例如 USD)做儲備(即係好似我城貨幣掛帝幣的原理);但現實中的貨幣掛勾是由中央銀行(或同類機構)說了算,而不是都唔知有無出術的私人機構。所以要出金,先要將 Bitcoin(舉例)轉成 USDT,再找C2C買家買你的 USDT,認真複雜兼且交易差價架床疊屋,收完一層又一層。

3. 平台代幣:用得平台服務,自然要俾手續費。各大虛幣交易平台自然又發行自家代幣(例如 Binance 的代幣就是 BNB)用來收費,再一次簡單複雜化,手續費存床疊屋,收完一層又一層。

4. Cold Wallet:如果驚虛幣平台出事,用戶最好就要將自己的虛幣 download 到 cold wallet 實行離線儲存(例如 Ledger Nano X),但係所謂「虛幣去中心化」結果又變成呢種「驚銀行執笠所以將錢放入餅乾罐」思維,究竟成件事算唔算係「倒退」呢?

(圖片來源:Ledger Nano X, captured on 11 Apr 2021)

經過一輪研究,魔術師發現自己就算將 Bitcoin 加入資產配置,總額都應該只係最多佔投資額的1%(商品項為4%,就假設目標比例為黃金2.0—2.5%、鉑金1%、Bitcoin 0.5—1.0%),所以就算係買,每次買入都係非常小的數目。

諗諗下比較「清楚明白」(《奪命金》蘇杏璇腔)的做法是:

1. 以 WireX 做虛幣平台,並申請 WireX Debit Card

(圖片來源:WireX 官網, captured on 11 Apr 2021)

2. 將 WireX Debit Card link 到 Paypal 戶口

3. 入金可以用個人信用卡入巷幣到 Paypal,再轉錢入WireX Debit Card,再轉入 WireX;出金就調轉,由 WireX 轉巷幣到 Debit Card,用 Debit 充值 Paypal,再由 Paypal 入返落 linked bank account。

4. 另外一種出金方法就係在 WireX debit card 戶口將 Bitcoin 轉成帝幣或巷幣,然後作相應消費便是(例如網購、日常消費等)。

5. 當然 WireX debit card 也可以作少量的 ATM 提款(見 Wirex Fees and Limits),這也是出金的一種方法。

如果 Paypal 條路行唔通,魔術師的 Plan B 便是:

1. 以 Binance 做虛幣平台。

(圖片來源:Binance 官網, captured on 12 Apr 2021)

2. 去虛擬銀行開戶(例如 Za Bank),然後申請信用卡。

3. 將 Za Bank Card link 到 Binance 戶口

4. 入金可以用虛擬銀行信用卡。

5. 出金就C2C,或者同樣申請 WireX Debit Card,將 Bitcoin 由 Binance 轉到 WireX 再出金,做法同上。

以上係魔術師對虛幣交易的想像,有機會實測後再行匯報。

***

伸延閱讀:

春花:月供Bitcoin

June:BITCOIN小教學:如何出金

魔術師資產配置(2021年4月)

摩摩電影節之《奪命金(Life Without Principle)》:無底線地去為慘無人道的生命打拼

【交易所】Binance 出入金 & 收息教學 | 將加密貨幣與法定貨幣互相兌換吧!(2020-10-06)

【賺高息】穩定幣係乜?存穩定幣可以賺十厘高息?(2021-01-06)

信報 2021年4月8日

國際財經 中國財經

PayPal創辦人警告比特幣或成中國對付美武器

PayPal聯合創辦人蒂爾(Peter Thiel)警告,虛擬貨幣可能損害美國利益,更稱比特幣可能成為中國用來對付美國的金融武器。

蒂爾過去一直都是虛擬貨幣忠實支持者,但他最新在Richard Nixon Foundation的網上論壇中表示,比特幣確實對法定貨幣構成威脅,美元更加是首當其衝。他解釋,過去中國曾希望看到有另一種法幣挑戰美元作為全球儲備貨幣的角色,但這個角色目前不是人民幣,反而過去中國曾試着間接扶持歐羅,使其作為「部分」對抗美元的武器。

蒂爾續說,相信由於中國對歐羅的扶持不見起色,因此目前中國正試圖將目標轉移至提升比特幣的地位,以威脅美元。從地緣政治的角度來看的話,一旦中國突然有意操作比特幣,美國便必須提出許多應變措施來面對挑戰,建議美國政府現在就必須對虛擬貨幣提出更嚴格的控管機制。

對於人民銀行試用數字人民幣,蒂爾批評,那不是真正的虛擬貨幣,只是一種極權主義的控制手段。

深圳完成港人用數字人民幣跨境支付測試 2021-04-01 22:13:29

【有線新聞】深圳市政府與人民銀行深圳分行與中國銀行以及中銀香港,在羅湖區率先完成香港居民在內地使用數字人民幣的跨境支付測試工作,每日單筆消費上限5萬元人民幣。

據《深圳特區報》報道,今次測試主要針對兩類香港居民,一類是經常往返深圳的人,他們可以用回鄉證進行實名認證,另一類就是偶爾先去一次深圳的人。

報道引述一名參與測試的港人梁女士,她用回鄉證實名認證,並綁定內地中國銀行借記卡,將數字人民幣錢包升級至二類錢包後,每日單筆消費上限可達5萬元人民幣。若不進行實名認證,香港居民可以憑香港手機號匿名開立五類數字人民幣錢包進行小額消費。

數字人民幣作為國家的一種法定貨幣,與流通的紙幣和硬幣具有同等效力。同現金一樣,任何人和機構不可拒收數字人民幣,錢包在實名認證後可以為盜用等提供掛失服務。所有交易數據由中央人民銀行保存,只有在相關機關出示法律文書的情況下才有權查看使用者的消費記錄。

現行的電子支付多數是從銀行戶口取款,在進行支付時若使用者沒有銀行戶口就很難使用,但沒有內地銀行賬戶的人士同樣可以開立數字人民幣錢包,就像沒有銀行戶口都可以使用現金。數字人民幣現於深圳、蘇州、成都、雄安新區,以及冬奧場景都有試點測試。

37 則留言:

  1. 我真在太蠢到而家都唔明Bitcoin係咩黎,而且唔知點解要去挖
    睇左維基都唔明,所以算啦~

    我最近都有留意深圳既數字RMB又係睇2次先明,今日明多左^^
    但係區分 數字RMB同支付寶, 可能係錢包同銀行既錢的分別咁解

    回覆刪除
    回覆
    1. 數字人民幣係錢唔再用紙印,而變成電子數據
      一般電子錢包,其實係單純銀行過數

      刪除
    2. //數字人民幣係錢唔再用紙印,而變成電子數據
      一般電子錢包,其實係單純銀行過數//

      對, 數字人仔即係將「紙」、「硬幣」呢個載體 phase out, 轉化數碼化.
      電子錢包其實同銀行賬戶差唔多,都係用來儲存「錢」呢樣嘢.

      刪除
  2. //我真在太蠢到而家都唔明Bitcoin係咩黎,而且唔知點解要去挖//

    以我路人既理解
    BITCOIN係一堆又長又臭既垃圾數據
    而正因佢又長又臭(又有某D加密方法), 難於製造(開採), 又唔容易覆制假冒, 帶有貨幣既其中一D特徵
    就有神秘之手推(吹)佢做未來貨幣O勒

    --Dogdogchi

    回覆刪除
    回覆
    1. 就如我從少到現在也不明白為什麼黃金值錢(用途太過少),不過正如所有炒賣,有人炒就值錢,一班有錢佬一齊玩就更值錢
      而家自己掘已經貴過電費(香港電價),所以當炒郵票咁買啲玩吓就好,有人sell你投資掘真係唔好掂
      可惜我知道掘礦呢件事已經水尾,一出就掘嗰班人,聽講隨便都賺幾十萬,已經買晒樓(台灣故事)

      刪除
    2. //就如我從少到現在也不明白為什麼黃金值錢(用途太過少),//

      借用宋鴻兵既一個比喻: 你系未開發既人類面前放上一公斤既黃金, 同一公斤既鐵, 所有人都毫不猶豫會揀黃金
      實際地講, 地球古文明都係毫無疑問地將黃金既價值放得極高, 就係所謂天性
      又, 古文明無乜化學工業, 對金屬既用途無非就係做武器工具用飾物,
      金既可延展性同不會生鏽, 自然金黃色, 正好用泥做飾物, 同埋好重要- 陪葬品

      //所以當炒郵票咁買啲玩吓就好//

      如果想玩BITCOIN, 當然係直接買現貨, 當佢係云云投資(炒賣)產品既其中一種就得

      顧慮只係, BITCOIN 既結局係乜?
      1) 變成一種流通貨幣, 2) 被黑客破解, 體制瓦解

      1吹得似模似樣, MUSK 同李嘉誠都話撐, 有TESLA 或者長實D樓有BITCOIN 定價同交易未?
      我覺得2機會比較大

      同埋我個人投資習慣比較衰,
      比如我買佐BITCOIN, 佢升緊我無理由郁佢,
      2發生必定無手影捉, 今日新聞, 聽日BITCOIN價值歸零
      我預計我必定會持有佢直至佢玩完, 除非李+X收BITCOIN做首期
      所以都係唔玩咯, 呢D錢無本事賺

      --Dogdogchi

      刪除
    3. //1吹得似模似樣, MUSK 同李嘉誠都話撐, 有TESLA 或者長實D樓有BITCOIN 定價同交易未?
      我覺得2機會比較大//

      Sorry, 我OUT 佐, 24/3 MUSK發TWIST真係可以用Bitcoin 買Tesla
      故事既另一邊係TESLA公司早前投入15億買Bitcoin, Bitcoin 升值賺到既仲多過賣車
      佢咁炒一炒, Bitcoin 仲有得狂升, 送幾部Tesla 出去係變相賣廣告
      簡真係至尊計狀元才果隻, 賭枱上你贏, 外圍賭盤我贏到開巷既即視感

      就等李+X

      --Dogdogchi

      刪除
    4. //BITCOIN係一堆又長又臭既垃圾數據
      而正因佢又長又臭(又有某D加密方法), 難於製造(開採), 又唔容易覆制假冒, 帶有貨幣既其中一D特徵//

      言簡意骸 XD

      //正如所有炒賣,有人炒就值錢,一班有錢佬一齊玩就更值錢

      可以睇成係有錢佬閃卡 XD

      //比如我買佐BITCOIN, 佢升緊我無理由郁佢

      美麗的希望是: 你買咗1粒BTC, 然後一日洗0.0001粒做生活使費,加埋升值隨時可以用10000日 XD

      //佢咁炒一炒, Bitcoin 仲有得狂升, 送幾部Tesla 出去係變相賣廣告

      佢今日就可以收BTC, 聽日又可以反口, BTC個價就.... yeah!

      刪除
    5. 大約十年前貪玩買咗一粒,之後完全忘記呢回事,又搬咗幾次屋換咗幾次電腦.....

      刪除
    6. 嘩! 「好彩」只係1粒, 都只係6萬幾帝幣, 「有限錢」而已.

      刪除
    7. 當時平到不得了,見啲米腸同事買/mine就貪得意買咗一粒,最高好似升到幾十蚊,之後跌就好似長期冇咩上落,就唔記得咗呢回事鳥。就算有記得我諗到幾千帝幣早就放咗,一砲過報復式消費喇XD

      刪除
    8. //就算有記得我諗到幾千帝幣早就放咗,一砲過報復式消費喇

      唐唐:「錢花了才是自己的.」

      刪除
  3. 灣仔見過有BC提款機,真係見過有人㩒錢,出咗幾張一千蚊,肯俾手續費,同唔太大額,找換應該唔難

    回覆刪除
    回覆
    1. //同唔太大額

      我得同炒仙股一樣, 少少地湊吓熱鬧算.

      刪除
  4. 看文章浮現出畫面,比特礦場是很多赤膊的勞力一排排拼力踩單車在驕陽似火下發電來挖血幣,礦機用人血潤滑可以提高效率所以勞力排隊抽血然後馬上填鴨式補充營養等下一輪。

    回覆刪除
    回覆
    1. 可以叫烏合麒麟諗諗佢 XD

      --Dogdogchi

      刪除
    2. //特礦場是很多赤膊的勞力一排排拼力踩單車在驕陽似火下發電來挖血幣,礦機用人血潤滑可以提高效率所以勞力排隊抽血然後馬上填鴨式補充營養等下一輪

      做咁多運動, 仲唔係「再發育營」?

      刪除
    3. 所以俄佬直接零下50度西伯利亞不毛之地開礦, 冷氣錢都唔駛俾

      刪除
    4. // 冷氣錢都唔駛俾

      咁暖氣呢? 用愛發電乎?

      刪除
  5. 謝謝魔術師兄分享我的網誌🙏你的分享詳細好多呢👍😁

    現時bitcoin價格已高得難以再加倉,但買相關ETF溢價又較高,真·價值投資者不妨在市場另尋寶藏。

    回覆刪除
    回覆
    1. 其實以 YTD 來說, BTC 升幅連10大都入唔到...

      http://www.aastocks.com/tc/forex/crypto/major.aspx?t=3&s=12&o=0

      刪除
    2. 對,以P/E rate來講,其實bitcoin現價並未完全反映本值。當然投資有風險,唔係有一定認識既話,亦未必需要投資bitcoin,月供VOO已經非常足夠

      刪除
    3. //以P/E rate來講,其實bitcoin現價並未完全反映本值

      願聞其詳

      刪除
    4. 要認真解釋恐怕要打一大篇文,請原諒我懶,唔寫嘞🙈

      刪除
  6. 等睇黃人口講幾“著重私隱”,但身體力行去攞電子消費券,自願“被追蹤”
    佢地唔攞可以慳返一筆,不過佢地實又有好多藉口去攞著數

    回覆刪除
    回覆
    1. //等睇黃人口講幾“著重私隱”,但身體力行去攞電子消費券,自願“被追蹤”
      波叔公布當日,佢地已經諗好晒點樣含淚攞5000。樣樣方法都有諗,唯獨無人諗唔攞。

      WILL

      刪除
    2. 幫黃屍諗橋啦
      拎佐D電子消費券, 去晒飛機豪度買黃色的燒賣, "懲罰自己"
      等政府"偷到D資料後", 見識到黃人既決心
      唔用泥買晒燒賣都係向政府跪低 XDXD

      --Dogdogchi

      刪除
    3. //佢地實又有好多藉口去攞著數
      //佢地已經諗好晒點樣含淚攞5000
      //去晒飛機豪度買黃色的燒賣, "懲罰自己"

      黃人最通常的講法就係「政府啲錢本來就係市民的, 攞返有乜唔啱」, 唔使含淚, 仲可以理直氣壯咁拎錢添!

      但, 如果呢個邏輯講得通, 分正苦身家分得最多的, 一定是地產霸權囉... 按悿例計黃人對正苦的貢獻隨時連人地個瑰頭都無.

      刪除
  7. 以信用卡入金買幣係for初入門既投資者用,一來手續費比較貴,二來有機會俾銀行ban左張信用卡,所以如果想月供bitcoin,並唔建議用信用卡。

    回覆刪除
    回覆
    1. 其實我都唔會諗住月供 Bitcoin,而係在每月Asset balancing 時在商品項多個選擇。

      我只係用將極少用的傳統銀行信用卡直接入咗 100 蚊去WireX咁大把開戶,唔會咁易 ban 的。往後由 信用卡經PayPal 入落去 WireX, 應該 trace 唔到;如果係用虛銀信用卡, ban 了也無所謂吧。

      我用信用卡入錢到 WireX 是無收手續費的。不知June 姐所謂「用信用卡買幣手續費貴」是什麼意思?是指這些平台( WireX, Binance) 的買賣貴嗎?

      又,June 姐有冇好介紹 for 老手買幣, OTCxpert? Genesis Block ?

      刪除
    2. 信用卡入錢去WireX係無手續費,但佢個機制係將hkd變成stablecoin,再買入bitcoin,中間會食咗比較多既兌換溢價,小額當然唔覺,但大額既話就係一大筆錢。所以一般做法係會直接將hkd wire transfer入wireX,手動將hkd換成stablecoin,再用stablecoin去做兌換,咁可以自己控制兌換價。

      大額otc的話,genesis block都係安全嘅選擇,不過想平d咁入幣而又唔想用binance c2c既話,建議電匯去ftx再自行將hkd兌成btc,成本會更低。

      刪除
    3. 多謝指教.

      //中間會食咗比較多既兌換溢價,小額當然唔覺,但大額既話就係一大筆錢

      我都諗過就咁轉 HKD into BTC (例) 其實即係 BTC/HKD = BTC/USDC x USDC/USD x USD/HKD, 俾人食價食到傻. 所以我都係會「手動將hkd換成stablecoin,再用stablecoin去做兌換,咁可以自己控制兌換價」.

      刪除
    4. 讚👍🏻魔兄領悟能力高~

      刪除
  8. 用PAYPAL收錢好似要俾5%charge

    回覆刪除
    回覆
    1. 呢個度唔係咁寫喎?

      https://www.paypal.com/hk/webapps/mpp/paypal-fees?locale.x=zh_HK

      提款至本地銀行戶口等於或多於 1000.00 HKD 無需支付費用(不涉及貨幣兌換)

      刪除