2021年4月17日 星期六

貓店長(二)

千呼萬喚,先嚟一張藥材貓情深款款、眼仔碌碌咁望住鏡頭嘅玉照先!

藥材貓背脊黑黑地,肚仔同手腳都係白色,算不算是「禮服貓」呢?手仔腳仔貼埋一齊,捲起條尾,看門口都特別優雅:

「望咩望?死金魚佬!你咪以為我唔係痴瘋仔,我係唔會踎係度抬頭望住你的!」

有家長帶仔女來跟藥材貓玩,摸得幾吓就唔鍾意了,左望右望之後不耐煩便行開去:

然之後索性背對門口坐係度,扮企鵝無眼睇:

「乜我真係好肥咩?我都只係間唔時蹺埋手唔使做之馬!」

12 則留言:

  1. 佢條尾又肥又短,好好笑。又,仁愛街市近的士站頭位經常見到一虎紋小貓,大約5-6月大,成日大模斯樣坐在人行路中心舔毛,佢背脊個樣有啲似水電猫。

    回覆刪除
    回覆
    1. //大模斯樣坐在人行路中心

      好危險, 容乜易俾變態佬柺咗去!

      刪除
    2. //虎紋小貓

      有新成員喎!不過街市啲貓算是半流浪貓,佢地住係街市,而有位阿姐定時定候去餵佢地。

      我試過餵乾糧類的貓點心,佢地唔吼,之後換咗糊狀的肉泥就好鍾意食,不過隻狸花好串,餵完都唔俾摸,你出手佢出爪。XD

      置樂附近好多舖頭貓,有隻三花最得意,去到舖頭門口,佢會走出來求人摸佢的。

      刪除
    3. //置樂附近好多舖頭貓,有隻三花最得意,去到舖頭門口,佢會走出來求人摸佢的。

      我較少去置樂, 等我搵日放假去行吓先!

      刪除
  2. 好斯文嘅貓♡♡♡
    第一二同尾二都影得好靚
    最後一張好似溶緊咁,笑左
    想同佢講“唔好太肥也,要健康啲”

    -Z

    回覆刪除