2021年6月23日 星期三

巧婦難為無米炊

(幕開)

(偌大的辦公室中,一名髮線只有稍微後移、踏入初老階段的男子,正低頭在辦公桌上切水果。)

(忽然,「砰」的一聲,辦公室門被暴力打開,一名戴着黑色口罩、身穿黑色低胸小背心、累色 bra 帶和熱褲的少女衝了進來。)

(少女身手矯捷,甫踏入辦公室,便用後腳將門關上。)

(男子大驚,滿臉惶恐。)

(少女一個箭步衝前,捉住男子的手,隔着口罩也可見到她的心心眼。)

少女:(心心眼)嘻嘻,爸爸,你拎住把生果刀做乜?係咪諗住向那個婆娘落降頭?

爸爸:(疑惑地)阿雪,你講乜呀?我啱啱食完飯,正想食返個飯後果啫!嗱,我啱啱切咗個蛇果,你都來一片呀?

(爸爸左手拉下阿雪的口罩,右手拿起一片蛇果,正想餵阿雪吃。)

(阿雪大怒,推開爸爸的手。)

阿雪:(大怒)爸爸,你仲有心機食蛇果嘅?你係攞景定贈興?

(爸爸手一震,蘋果跌回桌上。)

爸爸:(口窒窒)阿...阿雪,你講乜呀?

阿雪:(大哭,撲進爸爸懷裡)爸爸,我地以後都無得食蛇果喇!(唱)

「園林內有個人 常常問我要什麼

  根本選擇不多 每日都只有蘋果

  人人話我太傻 完全沒有顧後果

  偏偏選擇芒果 我問芒果有毒麼

  別人那一個 並沒什麼吸引我

  是牛頓 自己想太多

  別人看不過 落力用心感化我

  食蘋果 讓芒果遠離我 讓醫生遠離我

  葡提下有個人 言談類似哲學科

  說青春好像生果 種什麼得到什麼

  旁人望見幼苗 連忙問我種什麼

  假使不是一夥 我就等於怪物麼

  檸檬 西瓜也是禁果 橙 石榴受到折磨

  提子 香蕉控罪更多 都不妥」

爸爸:(嘆一口氣)唉,天下無不散之筵席。阿雪,你也不要太傷感了...

阿雪:(跺地)爸爸,話就不能這樣說。你也不想想當日我校保衛,蛇果報在文宣、報導、和手足們的形象設計都出了大力,沒有功勞也有苦勞。爸爸,你不如想辦法幫他們一下喇!

爸爸:(嘆一口氣)阿雪,你也不是不知道那條惡法有幾辣,有幾多手足都被震懾了。我是一校之長,大把人睇住我頭搵食,我總不能置他們不顧。阿雪你唔係怨我要割蓆,但我總不能睇住你去送頭呀...(唱)

「對你太在乎 沒甚麼抱負 

  只想這心花不會枯

  我要你在乎 沒甚麼真心喜惡 

  只想彼此都不厭惡

  可不可 用餘下活著價值 換取珍惜的記憶

  即使間 令餘生都消失了顏色 不痛惜

  苦心的 得到你哪怕辛苦 命運亦不顧」

阿雪:(扭計)爸爸,你快啲諗計幫下果欄班手足喇?存錢入去佢地戶口得唔得?請哂班手足做校園記者又得唔得?

爸爸:(苦悩地)阿雪,我地只係一所大學,又點可以養到咁多校園記者呢?

阿雪:(扭計)我唔制呀!我們新聞系的教授不是說不要自我審查、應做就要做嗎?家事國事天下事,校園記者都可以報全城的新聞呀!

爸爸:(為難地)阿雪,咁搞法,萬一俾人話我地係顛覆基地,凍結戶口,無得收學費,有汗出無糧出,咁就大鑊鳥!

阿雪:(發難渣,猛搖爸爸雙肩)我唔理呀!爸爸你快啲想吓辦法幫手喇!

爸爸:(無奈地)阿雪,不如我叫圖書館趁蛇果報未摺,每日買多3幾百份做紀念版好不好?再 download 埋動L聞燒落DVD收藏。總之人民是不會忘記的!

阿雪:(掄起粉拳亂搥爸爸的心口)無喇無喇!爸爸,你都幫唔到忙嘅!?咁講即係要睇住班手足死啫!唔通我地真係要一人一份蛇果最終回?(唱)

「再伴我一晚 讓記憶添一份美麗

    最後這一晚 就快消逝

    以後未來是個謎 不必牽強說盟誓

    難料那夜再一齊

    Let me touch you one more night

    以後未來是個謎 只知愛你愛難逝

    無論有沒有將來

    Let me hold you one more night」

爸爸:(將阿雪抱入懷中)阿雪乖,天要下雨,娘要嫁人。果欄已經完成了歷史使命,命運將會同支亂會一樣。班手足都要食飯,點都要滿足咗馬屎撈第一層需要先。「手足誠可貴,糧支價硬高」,齊上齊落都有個限度。撒旦先生已經被捕,手足們辭哂職果欄就無辦法營運落去。你都係按受現實喇!

阿雪:(用爸爸的衣襟抹去眼淚鼻涕)爸爸,你咁講真係難聽過粗口。不...不如我校搞個「縮針大抽獎」,只要無打針嘅就唔俾佢入校園,咁呢個暴政就無藉口封殺我地!

爸爸:(連忙推開阿雪)阿雪,咁又關幫果欄班手足乜事呢?

阿雪:(雙手叉腰,威風起來)個抽獎一於只限無打針、剛失業的新聞從業員參加,獎品就係送比特幣,去中心化唔使入銀行戶口,睇吓條八婆仲有乜嘢好講?(唱)

「逃生出口的一線光

    流光了眼淚便能看

    囚犯靠你親手釋放

    度過了春風秋雨便無事幹

    假設再絕望分手已成定案

    甜蜜與感動很難忘 怎遺忘

    逃離他溫馨的眼光 別再看

    期待你 明天到來

    一推開 門一推開 在條條大路又遇上所愛

    尋找最愛來感激今次分開

    逃生出口的一線光

    逃出了脆弱便強壯

    回憶太重不知怎放

    淡化了他的好處便容易放

    感覺過絕望今天你門外看

    還是有出路可逃亡 請逃亡

    回頭都找不到曙光 別再看 別再望」

爸爸:(直豎姆指)阿雪神機妙算,青出於藍,真是好計!

阿雪:(又扭計)係呢,咁啲資金點嚟呢?爸爸,你有權動用收來的學費買比特幣去支援果欄班手足嗎?

爸爸:(為難地)咁梗係唔得喇...

阿雪:(又大哭)嗚嗚...咁點算呀?唔通我真係要學金鐘位義士咁以死相諫,從二號橋跳下去,才能救得返果欄?

(阿雪作狀衝出門口。)

(爸爸連忙拖住阿雪的手。)

爸爸:(陪着笑)阿雪,你咪一哭二鬧三跳橋喇!天無絕人之路,一定有辦法嘅!(與阿雪合唱)

「曾經過幾番失意 才有一個好開始

    但我並未後悔 每次與你倆相依

    人生要跌倒幾次 方可找到一點真摯

    著實幸運是我 你我心中思想相似

    立誓命運如逆轉 不可分割幾顆心

    縱是風雨 幾經掙扎到了現時

    當追逐一生的理想

    天天艱辛生活未能如想像

    彼此心裡有悶氣 卻不放棄

    不管一切拼搏地捱

    請考慮可否不要走

    多少悲傷當天仍然能忍受

    我們都會 一生想念你

    一生不再說別離」

阿雪:(叮一聲站好)有嘞!嗱,爸爸,我諗到個合法方式籌旗。係咪我唔去跳橋,你就肯答應我去搞先!

爸爸:(苦笑着)這...這...你講嚟聽吓先喇!

阿雪:(自我感覺良好)爸爸,你一於就拎住蛇果報擺個咁嘅 pose,扮俾人標參;而我就帶埋「索嘢」學生會重奪校政,要各位同學以比特幣交學費,再匯俾果欄的虛擬錢包,「救」爸爸出來。既可以救援果欄手足,又可以幫「索嘢」平反,豈非一舉兩得?

爸爸:(幾乎暈低)吓!

阿雪:(眉飛色舞)一於係咁話喇!我依家就出去買報紙,爸爸你可不要走開啊!

(阿雪飛也似的走出爸爸的辦公室。)

(爸爸滿頭大汗,馬上將門鎖上。)

(幕下)

***

伸延閱讀:

壹傳媒工會證「動新聞」總監張志偉請辭 蘋果網財經等版面停更新 編採人員盼留守至周五 2021-06-22 21:10:25

【有線新聞】壹傳媒工會證實,上周被捕的動新聞總監張志偉已經請辭。張志偉因涉嫌違反《港區國安法》,上星期四被捕,工會感謝他保釋後仍不斷為同事張羅。《蘋果日報》被保安局凍結1,800萬元後面臨停運,壹傳媒工會星期二與管理層會面,得悉如果董事會星期五決定停刊,網上新聞當晚會停止更新、星期六出版最後一份報紙,現時網上財經版及英文新聞已停止更新。據了解部分編採人員會留守至最後。

《蘋果日報》如常出版,在報攤、便利店仍然有得買。但隨著部分員工辭職,網上財經版凌晨起停止更新,之後就到英文新聞。有員工早上繼續上班,《蘋果日報》員工黎小姐︰「大家都知道這個時刻很困難,有些人說撐下去,其實我們現時是跪下去,但我覺得一定會離職,只是時間問題,只是大家的共識是做到甚麼時候。」被問及會否怕無糧出,《蘋果日報》員工吳小姐說︰「不怕,一定會留守到最後,其實都是做好新聞,沒甚麼特別原因。」

有人選擇留守,但亦有人想留都不能留。一眾實習記者星期一被通知不能再上班,他們指其他全職同事都準備迎接最後一日上班,《蘋果日報》實習員工MELODY(化名):「大家好像用快樂去掩蓋他們的不開心,因為辦公室的人都在告別。」亦有支持者到壹傳媒大樓「打卡」,梁小姐:「希望有一天可以在江湖上再見到《蘋果日報》,因為現在很難找到一些報紙會講人話。」

有員工指部分組別的主管包括財經組,已經帶著全組人一起請辭,所以運作有一定影響。據了解編採人員都期望留守至最後,等待星期五董事會的決定。

蘋果遭凍資或倒閉 林鄭重申執法無關新聞工作 會一視同仁助員工處理勞資糾紛 2021-06-22 12:58:25

【有線新聞】行政長官林鄭月娥說,是否解凍《蘋果日報》資產會依法辦事,重申警方國安處行動是針對危害國家安全的行為,與正常新聞工作無關,新聞機構負責人亦不可以此做保護罩,她指批評政府與煽動顛覆政府是兩碼子的事。

《蘋果日報》能否避過倒閉危機,關鍵是保安局會否批准解凍資產。林鄭月娥說會依法辦事,若引伸勞資糾紛,會一視同仁提供協助。

她重申警方國安處行動是針對涉嫌危害國家安全的行為:「今次執法行動,與一般正常新聞工作無關。不能說涉嫌的機構是新聞機構,涉嫌的人是新聞機構負責人,就說這次工作是打擊新聞自由,是完全無關。換句話說,新聞機構負責人亦不可因為屬於新聞機構,以此作為保護罩不遵守法律。批評特區政府是沒問題的,但如有意識、有組織、有煽動去顛覆特區政府,當然是兩碼子的事。」

何謂正常新聞工作,她說記者更清楚,又主動回應美國政府譴責當局,任意針對傳媒機構是完全錯誤:「記者與外國機構交換意見並非罪行,我們說的不是與外國機構交換意見,而是違反國安法,基於非常強烈的證據,才會將案件告上法庭,不要低估違反國安法的後果,亦不要美化危害國家安全的行為。不要指控特區政府利用國安法作為工具,去打壓傳媒和言論自由,美國政府的所有指控都是錯誤的。」

記者:「你說國安法只會影響一小撮人,但該公司約800人被迫失業。」

林鄭月娥沒回應蘋果日報記者的問題。

據悉壹傳媒大部分員工辭職 《9點半報道》今起停播 料《蘋果》及動新聞最快周三停運 2021-06-21 23:08:36

【有線新聞】《蘋果日報》被保安局凍結1,800萬元後面臨停運危機。據了解,如果保安局不解凍資金,《蘋果日報》及《動新聞》將會停運。傍晚大部分員工決定辭職,估計可能最快星期三就要停運。保安局說案件已進入法律程序,不會評論。

晚上有職員拿著紙皮箱、植物離開壹傳媒大樓,有人拍照留念。去年10月啟播的《9點半蘋果新聞報道》停播,主播與觀眾道別。《9點半蘋果新聞報道》主播謝馨怡:「最後感謝多位主播、編輯及幕後編導同事的努力,在蘋果成就一個不可能的任務、一個回應時代的任務。再次感謝各位觀眾支持。香港人珍重,有緣再會、再見!」

壹傳媒的資金問題董事會早上開會討論過。據了解,會上決定去信保安局要求解凍資金支薪,否則公司欠缺資金營運,董事會有共識就會停運《蘋果日報》及《動新聞》,星期五是死線、會再開會。一旦拍板,當晚是《動新聞》最後一夜,最後一份《蘋果日報》星期六出版,至於《壹週刊》未知是否要關閉。

員工可以即日五時前辭職,會即時生效,如果公司周五決定停運和遣散員工,仍在職的人可能有多一個月代通知金,但不能確保一定有。管理層希望員工做到最後,但風險難測,員工要自行決定去留。蘋果日報員工麥先生:「(公司)走到這一步都預計得到,有點擔心,但不是擔心自己去向如何,而是擔心公司可以怎樣辦。」

壹傳媒五名高層上星期四,因涉嫌違反《港區國安法》被捕,旗下三間公司約1,800萬元資產亦被保安局凍結兩年。

記協發聲明表示,得悉壹傳媒董事會已去信保安局,呼籲局方從善如流,指香港以國際金融中心自居,理應無法接受上市公司員工被欠薪,「有汗出,有糧出」是最基本的勞工權益,政府應盡一切可行方法保障員工獲得薪金,即使警方正調查集團個別人士,亦不應該影響數百名盡忠職守員工。

影響營運出糧 蘋果將函保安局尋解凍資產 何啟明指資產凍結下欠薪亦犯勞工法 2021-06-20 16:28:56

【有線新聞】較早前被保安局引用國安法凍結1800萬元資金,《蘋果日報》在報道說影響公司資金周轉及出糧,會去信保安局尋求解凍部分資產。

被凍結資產的三間公司分別是蘋果日報有限公司、蘋果日報印刷有限公司及蘋果互聯網有限公司,凍結令長達兩年。

《蘋果日報》報道說,公司手上現金只是夠正常營運數個星期,警方的做法變相影響壹傳媒的資金周轉,加上七間本地銀行被要求不可以處理《蘋果》三間公司在銀行帳戶內的財產,員工本月能否出糧都可能有問題。

壹傳媒星期六召開董事會議商討出糧方案,星期一會去信保安局申請許可,尋求解凍部分資產,以免令公司因為欠薪違反勞工法例,又說如果不獲批准,或者要向法院申請撤銷凍結。

勞工及福利局副局長何啟明被問到,如果《蘋果日報》因為政府凍結資金而出不到糧,是否仍會視為犯法。何啟明:「它是否凍結、以至是否令她欠其他人的錢,這是兩個層次的問題。它既然作為僱主,都要承擔自己的責任。兩個問題是不關事,任何欠薪法例是過了出糧日期七天就會觸犯法例。這個會先由勞工處處理,如果不行的話,我們會放上法庭、員工要告上法庭。」

壹傳媒工會就說理解公司目前的困境,相信公司會為員工着想和盡力想方法,希望盡快有解決方案。

中大李立峯以壹傳媒港台作例 指國安法後新聞自由受影響 勉學生勿自我審查 2021-06-21 18:56:00

【有線新聞】中大新聞與傳播學院教授李立峯,在一個研討會上用壹傳媒和港台事件舉例,指自從港區國安法實施後新聞自由受到影響,他鼓勵學生不要自我審查。

李立峯:「特別是過去12個月,整體香港(媒體)運用專業及程序的程度都大為減少,不單止媒體,甚至牽涉至教育等方面受影響。我促請學生不要自我審查,我們正營運一所新聞傳播學校,我最不希望你們自我審查。你們想做任何題目,就放心去做。

路透引述黎智英顧問:蘋果數天內或被迫停業 供應商存錢被拒 記者收恐嚇電話 2021-06-21 12:13:30

【有線新聞】《蘋果日報》較早前被保安局引用港區國安法凍結1800萬元資金,路透社引述壹傳媒創辦人黎智英的顧問稱,《蘋果日報》可能數天內被迫停業,董事局今日開會商議對策。

在壹傳媒大樓員工早上照常上班,《蘋果日報》星期日報道說現金只夠正常營運數星期,路透社電話訪問了黎智英的顧問Mark Simon,說可能捱不到這麼久。Mark Simon說原本以為可以支撐到月尾,但情況愈來愈艱難,未來幾天是關鍵,可能數天內就被迫停運,集團要使用銀行服務他形容是「不可能」,有供應商當是人情嘗試存錢入戶口,但交易被拒絕。

Mark Simon又說集團部分記者收到恐嚇電話,令他們憂慮人身安全。壹傳媒五名高層上星期四因涉嫌違反《國安法》被捕,旗下三間公司約1800萬元資產亦被保安局凍結兩年。

24 則留言:

  1. //阿雪:(扭計)爸爸,你快啲諗計幫下果欄班手足喇?

    搵612基金,應該包括"其他情況"啩。

    "基金向申請人了解所需的金額及原因(例如,受傷或被捕,或其他情況,引起即時經濟需要)"

    //有供應商當是人情嘗試存錢入戶口,但交易被拒絕。
    直接俾現金嘛,777都喺咁收人工㗎喇。

    回覆刪除
    回覆
    1. //"基金向申請人了解所需的金額及原因(例如,受傷或被捕,或其他情況,引起即時經濟需要)"

      612 又會否被凍結資金架?

      //直接俾現金嘛,777都喺咁收人工㗎喇。

      用 bitcoin 出糧 XD

      刪除
  2. 前排先話有幾億,夠用十幾個月,咁快就話得返千幾萬,凍得果千幾萬就唔夠錢出糧,咁果幾億去左邊?

    回覆刪除
    回覆
    1. 我城一眾錢莊自我審查可恥!

      消息:有主要往來銀行凍結壹傳媒所有戶口 未能為蘋果日報出糧

      保安局上周四(17日)引用《國安法》凍結《蘋果日報》三間公司資產,壹傳媒董事會昨(21日)召開會議並將死線訂於周五(25日),倘保安局未能解封已凍結資產將會結業。

      《香港01》接獲銀行界消息指,雖然壹傳媒集團目前尚有約4億港元資金,惟至少有一家主要往來銀行礙於自身風險,決定自行凍結壹傳媒集團旗下其他附屬戶口,令戶口不能進支,變相「有錢都用唔到」,致未能支付員工薪金。

      翻查資料,壹傳媒年報顯示主要往來銀行有四家,包括滙豐銀行、星展銀行,以及台灣的上海商業儲蓄銀行、台中商業銀行。星展銀行回覆指,不會就相關消息傳聞作評論,其餘銀行則尚待回覆。

      刪除
  3. 見拉燈仔post話中左6合彩想開個channel搵果籽員工加入 又有杜汶澤要請果籽員工.......
    咁多有心人 蘋果員工有福喇

    回覆刪除
    回覆
    1. 睇怕只會走到邊俾人打到邊...

      //《9點半蘋果新聞報道》主播謝馨怡

      謝小姐原是有線黃記者, 舊年不滿有線新聞「重組裁員」, 總辭佢有份, 去了毒果, 結果又做亡國奴. 年紀輕輕就搞成咁, 何必呢.

      刪除
    2. //見拉燈仔post話中左6合彩想開個channel搵果籽員工加入 又有杜汶澤要請果籽員工.......

      等中左六合彩先返來講啦咁!
      打大塊田老公工要小心有汗出無糧出噃

      //總辭佢有份, 去了毒果, 結果又做亡國奴
      去港台頂利君雅個位啦

      //記者:「你說國安法只會影響一小撮人,但該公司約800人被迫失業。」
      同十四億人比呢800人確係小撮人,而且唔通黑社會好多人跟大佬搵食就不用捉拿了嗎?反政權失敗俾人清算就預左架啦,邊有打不還手嘅先?

      //獵頭公司
      點解唔免費幫果欄首觸做career coaching 同headhunt? 唔係話可以協助在嬰國搵工?應該好多人需要著草

      刪除
    3. //等中左六合彩先返來講啦咁
      經已中左喇

      睇緊臘腸直播 好眼訓好眼訓 掙扎緊要唔要3點爬落樓買份報紙

      刪除
    4. //打大塊田老公工要小心有汗出無糧出噃

      柒哥又話請蔡肉零嘅? 不過蔡嬸就無程小姐咁大X, 恐怕拖糧會拖得更耐...

      //掙扎緊要唔要3點爬落樓買份報紙

      買喇買喇. 買返300幾百份, 見證一個時代, 將來可能會升值.

      //唔通黑社會好多人跟大佬搵食就不用捉拿了嗎

      黑社會就要睇吓佢本人有無犯法. 如果只係幫黑幫大佬做廚房嘅, 無犯法就唔應該拉...不過拉咗黑幫大佬, 廚師是會失業的, 咁無辦法架喎.

      //應該好多人需要著草

      黃色經濟圈自己有自己的 network, 唔使靠 headhunt 同 CV 的... 獵人都係搞移民班好啲.

      刪除
    5. //反政權失敗俾人清算就預左架啦,邊有打不還手嘅先?

      這是現實世界好簡單的道理,奈何身邊絕大多數所謂受過高等教育的朋友都唔明,成日就只係公義呀、價值呀等等叫不停。佢地好似唔知(唔理?)黑暴時拉登仔經常講「誰大誰惡誰正確」。

      刪除
    6. //買返300幾百份... 將來可能會升值.
      攞住15蚊諗住買兩份夠有突(報紙我記得5蚊份) 點知..... 隔離有個姐姐一個人買左10份!

      刪除
    7. //受過高等教育的朋友都唔明,成日就只係公義呀、價值呀等等叫不停。

      前年佢地呢啲黑暴行為,放諸任何國家都係定義「恐怖份子」,美帝黎講肯定係即場擊殺兼成個報館即冚,而家一個人都冇死過,已經算非常仁慈。

      又係佢地自己話大陸係邪惡,唔係預左佢地當冇事發生呀?咁咪自相矛盾?黃人啲邏輯好難明,只係走左個班先係「正常認知」。

      刪除
    8. //記者:「你說國安法只會影響一小撮人,但該公司約800人被迫失業。」//

      香港係自由經濟體,
      一間公司因為犯法而被取締, 如果該公司係有市場價值, 必有新公司去填補該市場空缺, 亦會吸納相關人才
      毒果政治旗幟鮮明, 佢作為一份賣黃色既小報, 亦係深受傷港人喜愛 - 這裡的黃色包括但不限於色情, 賣慘賣可憐賣人渣賣低俗, 所有可以挑起人類情感既手段, 系傳媒上都可以歸類為黃色
      但係, 紙媒同時亦係夕陽行業, 毒果系呆灣都收佐皮, 非常懷疑傷港毒果離去仲會唔會有資本願意進場,
      就唔關新聞自由被打壓事
      難道你話呆灣唔夠新聞自由掛 - 黃人唔會認搞鳩藍媒系損害新聞自由 XD

      黑社會個例子都通。
      一個幫派落入法網散檔, 有兩個可能性:一係就一個小幫派興起, 一係就係現有幫派食埋個地盤。
      無論係邊個情況, 都要收返班靚去營運去晒馬去打交, 只要利益在, 靚既生存價值在, 靚一定會被新幫派吸納
      但係睇戲都知, 香港黑社會係夕陽行業(金雞SSS張家輝一段, 奪命金劉青雲一段), 夜生活息微, 大富豪杜老誌都收佐皮, 相關收入大減, 一個幫派散檔, 古惑仔都要轉行

      --Dogdogchi

      刪除
    9. //奈何身邊絕大多數所謂受過高等教育的朋友都唔明,成日就只係公義呀、價值呀等等叫不停。佢地好似唔知(唔理?)黑暴時拉登仔經常講「誰大誰惡誰正確」。
      //佢地自己話大陸係邪惡,唔係預左佢地當冇事發生呀?咁咪自相矛盾?黃人啲邏輯好難明

      傷民一向精神分裂: 成日話人「殺人政權」, 但係又覺得「殺人政權」打壓自己係極不合理.

      //隔離有個姐姐一個人買左10份!

      可能有得炒. 我睇唔出一般人可以點保留份報紙.

      //放諸任何國家都係定義「恐怖份子」,美帝黎講肯定係即場擊殺兼成個報館即冚,而家一個人都冇死過,已經算非常仁慈。

      所以我唔明關新聞自由同言論自由乜事. 係班傷民真心唔識定係故意搵個唔關事的藉口來講?

      //毒果政治旗幟鮮明, 佢作為一份賣黃色既小報, 亦係深受傷港人喜愛

      其實目測以毒果在我城的市場份額, 應該係「大報」了(雖然編採方針係走小報路線)

      // 所有可以挑起人類情感既手段

      所以佢地的報導手法係以 side story, human touch 入文, 賣感性而非理性 (仇中仇共就係「感性情懷」).

      //一個幫派散檔, 古惑仔都要轉行

      電視台電台要巷苦發牌, 就算係黃都只能暗黃, 唔能夠好似紙雨妄霉咁隨口噏. 依家巷苦做到「鐵鎖橫江」, 斷去資金來源, 就算妄霉都難以營運下去.

      刪除
    10. //攞住15蚊諗住買兩份夠有突(報紙我記得5蚊份) 點知..... 隔離有個姐姐一個人買左10份!
      聽住公屋嘅同事講,佢一早衝落去諗住買,點知行勻啲報紙檔都無得買,原來係條邨個區議員買咗幾百份派街坊,個個聽到都讚個議員好好人,好有良心.....另一個同事話,佢老公清晨睇完波心血來潮走落街,毫無難度,就買到好多份...

      刪除
    11. //個個聽到都讚個議員好好人,好有良心.....

      哈哈, 「好人一生平安」 XD

      刪除
    12. //斷去資金來源, 就算妄霉都難以營運下去//

      最大路既utube有美帝照耀,
      妄霉已經點搞都得, 會員經信用卡俾錢, 正苦限制唔到
      仲幫埋手亂推, 我次次都拉黑佢, 都仲間唔時收到逗號宇既推送,
      我CLICK 入去留佐兩句粗口,
      從佢既利益角度都賺佐我一個點擊 XD

      想收錢多D就有PATREON, 非會員睇唔到內容, 小眾啱晒毒果粉絲圍爐取暖

      黃人捐錢能力係存在既, 問題係, 佢地更願意俾錢"妄霉"營運, 定更願意向"教主們"奉獻
      印象中毒果網上版搞收費會員, 都一堆人鬧鬼, 唔知佔幾多%

      美帝仲撥佐3億狗糧準備派O架, 水源好充足,
      不過有功先有賞, 大陸微博大V(多FOLLOWER既KOL)先似係目標

      --Dogdogchi

      刪除
    13. //我次次都拉黑佢

      哈哈, 我好少睇呢類 youtube 片, 無心機理會.

      //黃人捐錢能力係存在既, 問題係, 佢地更願意俾錢"妄霉"營運, 定更願意向"教主們"奉獻

      我覺得捐款跟俾錢買 content 係兩回事, 做得會員 subscribe service, 傷民自然就會「消費者權益」上身; 反而捐款佢地唔期望有「回報」,只係當買張贖罪劵, 心態唔同.

      即係又係「舊屎係我揀」同「你逼我食屎」呢種心態上的分別.

      刪除
  4. //經已中左喇
    係喎眼殘,中左幾多先XD

    亂開channel播獨小心觸犯國安法…

    //蔡嬸就無程小姐咁大X, 恐怕拖糧會拖得更耐...
    但蔡嬸係傳霉,被人拖糧一定會好快唱衰佢…
    不過我估計佢都唔敢接受盗文賊個offer la, 但而家咁又俾機會條友仔抽水見報

    回覆刪除
    回覆
    1. 蔡嬸在2月時話會同文柒、生抽影帝合作喎. 唔知依家有無改變主意呢?

      證實和《喱騷》合作 蔡玉玲:無論用甚麼節目形式 希望能好好說出香港人的故事

      她指自己以自由身工作者身份投入不同的製作,還望其間亦能兼顧到自己熱愛的新聞工作。她會繼續《旁聽反送中故事》,也默默地嘗試開啟一些調查報道,歡迎市民報料。至於在喱騷,會拍攝一輯黃秋生參與的真人騷。她坦言,「對我而言,無論是在甚麼平台、用甚麼節目形式,我都希望能好好說出香港人的故事。」

      刪除
    2. 蔡嬸要做羅湖聰校友呀

      因查冊被控虛假陳述罪成、前《鏗鏘集》編導蔡玉玲,獲哈佛大學尼曼獎學金(Nieman Fellowship),將於今年秋天到哈佛大學進修一年,研究獨立及調查新聞媒體應如何發展,以求在獨裁政權下生存。

      刪除
    3. //將於今年秋天到哈佛大學進修一年,研究獨立及調查新聞媒體應如何發展

      使乜仲去學呢? 做網霉屈咗再說, 反正依家啲人都係標題黨, 夠吸睛便可.

      刪除
    4. //使乜仲去學呢?…//

      學海無涯, 巷霉有好多進步既空間
      CNN 既暗間濾鏡: 中國既配圖都係色調角度陰沉冷漠
      扮科學雜誌既偽科普: 以環保文章角度, 暗罵中國人破壞地球, 比如巴西雨林面積下降速度如何如何, 對地球有什麼什麼壞影響, 最後就陰陰帶一句: 都係因為要滿足中國急增既肉食需求。佢老美食肉唔多過中國多多聲, 人均係中國2倍(傷港係3倍)
      學成或者洗埋魔兄都未定 XD

      不過, 系人均精神高級殖民奴既傷港, 巷霉現有手法夠晒做
      (唔受巷霉我覺得以我呢種無腦愛國比較多, 用返上面既例子, 聽到中國人人均食肉係美國兩倍, 反應係:點解唔得呀, 中國人站起來, 可喜可賀)
      搞咁多動作, 只為佐洗魔兄等唔到0.001%既人, 成本效益太低, 無必要O者

      --Dogdogchi

      刪除
    5. //暗罵
      //陰陰帶一句
      //學成或者洗埋魔兄都未定 XD

      Exactly! 呢類手法我在鄉大讀那哎呀呀的傳訊科時都學過, 不過同我一向做人性格唔同(我通常唔會 default 用陰謀論去睇人, 亦唔會用陰謀去算計別人), 所以識但係唔會做得落手.

      //系人均精神高級殖民奴既傷港, 巷霉現有手法夠晒做
      //為佐洗魔兄等唔到0.001%既人, 成本效益太低, 無必要O者

      哈哈, 過獎了.

      我的「護身符」就只有語理分析、邏輯思辨, 有興趣就走去 fact check research 一下, 你可以見到我好多時都會被「老點」, 真心膠的.

      刪除