2023年5月15日 星期一

風水實習(沙田廣場七運坐巽向乾)

這天魔術師跟老師到沙田廣場XX閣低層睇風水:

從樓下望單位

單位對正沙田正街同橫壆街路口,屬來水格局,車水馬龍,人流亦多,屬聚財格:

從單位望樓下
(圖片來源:Google map, captured on 14 May 2023)

拎起羅盤度方位,得出坐巽(約129度)向乾(約309度):

單手(今次見到魔術師隻手指)拎羅盤影相,效果稍有偏差。

女戶主與兒子與兩大長老同住,屬租住單位,以在家教琴為要職(至於女戶主家庭狀況為何如此魔術師當然不便再問)。女戶主為七赤金命,兒子為九紫火命開出九宮飛星圖。再從網上取得單位平面圖,將立極尺對準坐向,加上魔術師到現場睇到的簡單佈局,得出以下兩圖(留意本單位是無電視的):

(九宮飛星圖片來源:坎坎胡 > 術數占卜 > 風水 > 九宮飛星
(平面圖圖片來源:中原地產 > 屋苑專頁 > 新界東 > 沙田 > 沙田 > 沙田廣場, captured on 14 May 2023)

再講上到樓見到乜及風水分析:

1. 一出 lift,只見走廊燈光甚為昏暗。走廊位於北方,今年九紫火喜慶星飛臨,明年八白土財星飛至,暫無大礙,可以捱到2027年五黃大煞飛臨為止。

2. 單位門口稍為縮入,沒有對正走廊,避過槍煞,尚算可以;加上打開防煙門正面見樓梯從上往下而至,是有水沖來之局,財運不錯。

3. 入到屋,門口位以屏風分隔出一個玄關,避免直穿露台:

4. 繞過屏風,赫然見到飯廳與客廳以一半腰高矮櫃分隔。客廳中有座三角琴,就係女戶主平時教學的「辦公室」。由於三角琴是「鑽石型」,令客廳剩餘的空間變得零碎,而且又要預留空間進出露台,導致這些「碎片化」的空間變成堆滿雜物的「夜冷鋪」。客廳展示櫃放滿女戶主的教學獎狀,看來從前應該是個在校教學的「好老師」,可能是因為家庭需要才轉為 freelance 教琴。由於私隱關係,魔術師就不貼圖了。

5. 飯廳兩個長示櫃同樣係擺滿獎盃呀、獎狀呀、家人照呀、各式水晶擺設和各種宣傳活動探集的「人形公仔」(例如痴線得得B)、或自旅行探購回來的異地玩偶。總之,呢類人偶擺設都係易聚陰煞,惹小人是非,應避則避(見《家徒四壁屋》)。而擺滿了呢類「展示品」(雜物?)之後,就連用來送飯待電視機都沒有了(可能都係為了囝囝好)。由於私隱關係,魔術師就不貼圖了。

6. 本單位雖是三房,根據中原網號稱建築面積1,046呎、實用836呎,但可能是全屋由女戶主房、長老房、工作室、客飯廳等都佈滿雜物和企身櫃(當然三角琴亦「佔地不少」),活動空間嚴重不足,睡床亦通常出現橫樑壓頂的情況。魔術師就截取了某房間天花板的情況以作參考。至於人家房間的佈置,也不宜在此貼出。

7. 本單位為上山下水局,不吉;幸好坐方(女主人房)見水(馬路),向方望山(樓景)可稍減剋煞(如果是真正的坐方較向星的地勢低,則屬「倒騎龍」格,更佳);然而退氣(由七運捱到九運)後就功效漸減。廚房向星7,坐星9。7為先天火,9為後天火,廚房又生火,過適逢明年九運又係火,火火火火加埋明年流年4(屬木)飛到,易生火災;幸好令星九同時又到向,可稍減危機。

廚房望對面單位,壓迫感非常大。

8. 大門為屋內眾人出入口,主力要睇。向星4,坐星2。坐星有二黑病符,先天上對健康不利。向星方面四屬木,女戶主屬金,命盤在大門方位亦同樣是木,金剋木「我剋者為財」,有利財運;囝囝屬火,木生火本為佳兆,但囝仔囝命盤在大門方位見五黃大煞,讀書可能 okay 但健康都係唔太吉利。

9. 最後本單位飛星盤為蓮茹卦,一過運便凶喪破財:

現時唯一可小修小補之事,就是女主人房與工作間對調。原女主人房睡床有橫樑壓頂;窗外景觀跟廚房一樣是望樓景,相當昏暗;向星1屬水,女戶主屬金,金生水洩埋自己道氣;所以不如調往採光較佳較明亮,向星又係同女戶主一樣的原工作間。但長遠來說都係要搬。

魔術師曾問過啲裝修咁舊點解唔搵個切雞C執執佢,答案話原來係租盤,咁就易話為啦。原業主亦醒目,間屋處處唔掂梗係俾人住唔係自己住喇!

***

伸延閱讀:

維基百科:沙田廣場

家徒四壁屋

2 則留言:

  1. //得出坐巽(約129度)向乾(約309度)
    我覺得定向真喺難,仲以為喺用門口或最大面積嘅採光窗...

    長老佔兩間房但喺囝囝冇自己房?都14碎最好自己一間喇。

    //女戶主家庭狀況
    女戶主住咗幾耐?家庭狀況喺搬入前已經喺咁,定喺住咗之後先至有改變?

    //擺滿獎盃呀、獎狀呀
    呢啲其實應該擺喺廳好定書房好?

    //原業主亦醒目,間屋處處唔掂梗係俾人住唔係自己住喇!
    其實太差都唔喺咁好,如果租客衰到俾唔起租甚或有咩災禍都唔喺咁好啦。

    回覆刪除
    回覆
    1. //仲以為喺用門口或最大面積嘅採光窗...

      要睇宅嘅形狀。本宅係長方形,長方形的一條長邊是露台同奤向街,門口人流多在另一條長邊,偏埋一角,坐自然就係窗的長邊中問點,而向就係打對面。

      //長老佔兩間房但喺囝囝冇自己房?都14碎最好自己一間喇。

      長老都係一間房,不過係大房佔咗兩個宮位。
      唔知個仔幾大,5歲都有可能嘅 XD

      //呢啲其實應該擺喺廳好定書房好?

      應該無乜所謂,擺叔係旺九的地方。

      //其實太差都唔喺咁好,如果租客衰到俾唔起租甚或有咩災禍都唔喺咁好啦。

      咁又係,最驚空中飛人。

      刪除