128萬沖一個人咖啡

獨居事業型女戶主要 work from home，你話要搵邊位切雞C幫手最好呢：

樓盤傳真 13/5/2023 第四節 2023年05月14日

設計廊：疫情為家居設計帶來新潮流，在家工作變得普遍，要將辦公室帶入家中，設計首要任務是要做到剛柔並重。

鎢絲 sir 今次要同個住喺西半山獨居事業心好重要 work from home 嘅女戶主好好溝通，暸解她的生活需要！

鎢絲 sir 第一時間就介紹話將個在飯廳變房書房（工作間），並自製了一個開房式廚房，讓女戶主可以一邊工作、閒時就沖咖啡（似乎沖咖啡係日理萬機的女戶主的人生頭等大事），仲可以在中自島煮吓嘢食，後面又有洗滌的地方（即係要駁來去水，左上、右上、左中）。至於點解有原來嘅廚房都唔用，係都要在工作間「僭建」一個廚房出來？原因就係女戶主 work from home 時要好專注，去原廚房沖咖啡未免「太遠」了（間屋真係好大，右中）。工作間靠牆造了文件櫃和展示櫃（左下），而洗衣機、乾衣機就用竹篾設計（咁多窿窿好難清潔）的櫃門遮蔽，背後來去水應該同自製廚房一樣駁咗去客次（右下）：

當女戶主要 work life balance，可以用燈光來調較顏色改變心情（左上）；而綠色的客次就是另一個女戶主休閒（？）的地方（右上）。只見馬桶凹咗入去個角落度，果然是個「休閒空間」，但要清潔周邊都唔容易。但無鏡櫃又無洗手盤櫃，啲清潔用品放係邊？客次隔離是廚房，以趟門分隔油煙；廚房有U型枱面尚算好用（個窗望出去係密密麻麻的樓景，似被公屋舊樓群包圍多過似西半山豪宅，在價錢 snapshot 都見到），不過女戶主應該好少用了（左中、右中）。廚房的趟門竟然要關上先開到鞋櫃（左下、右下），不知是何用意，唔通咁會衛生啲？

鎢絲 sir 今次只係好忍手地拆走工作間與客房之間的非主力牆（左上），將客房變成女戶主的閱讀區，係唔會有電視的（右上），然後又再以趟門分隔，等女戶主在外國的父母到訪時可以桁張梳化床出來當睡房用（左中、右中、左下、右下）。但說好的梳化床又放咗喺邊呢？

主人房面積較小（但由工作間去廚房就「嫌遠」？），因為要三邊落床，床尾通道比較窄，於是衣櫃改用趟門，裡面用「大型連鎖品牌的衣帽間的掛桿組合」來節省衣櫃深度（左上、右上）；套次與閱讀室（客房）共用，家人來訪便要尷尬地 share 了（左中）。鎢絲 sir 話單位曾水浸（應該係大風大雨露台去唔到水），所以露台整高一級，以防污水倒灌（右中、左下、右下）：

＊＊＊

完全版如下：

精華版如下：

＊＊＊

伸延閱讀：

信報 2023年5月31日

獨眼

拆單位6%主力牆 業主30天內須修復

「首都」涉事大廈無危險 當局查設計師其他項目

將軍澳日出康城第一期首都一個住宅拆去部分主力牆（結構牆）事件有新進展，屋宇署稱視察後證實違規，署長余寶美已勒令業主15天內展開還原工程，限時30天內完成，並在完工的一個月後交結構測試報告，她說初步評估，「被拆嘅結構牆如果以該單位計，涉及嘅結構牆約6%，如果以成層嚟計，拆除部分佔結構牆1%……結論雖冇即時危險，但冇危險唔係等於我哋冇嘢要做。」當局會依法追究責任，亦會跟進設計師以往參與的其他工程。

屋宇署署長余寶美昨午見傳媒表示，署方高度關注事件，「被拆嘅結構牆如果以該單位計，涉及嘅結構牆約6%」，她認為業主、設計師及施工承建商均需要就事件負責，惟施工承建商是誰仍在了解，「施工方冇可能唔知拆除嘅地方，結構牆畀一般牆厚，有鋼筋，由結構圖一睇就知位置。」至於主力牆被拆去多少條鋼筋，她說要拆去門框，露出石屎始知答案。

署方周一（29日）到涉事單位樓上及樓下視察，暫無發現對樓宇構成危險，不過強調事實不合乎標準，已命令業主修復及還原主力牆。

涉事單位周一已安裝臨時支架支撐，屋宇署認為業主需聘註冊結構工程師改善支架，工程師要提交詳細結構評估報告、圖則及修復方案等，屋宇署會以特殊個案加快處理，或直接與有關工程師商討對策，「業主已聯絡我哋（屋宇署），亦搵咗結構工程師，但我哋未同結構工程師聯絡，亦未收到修補方案申請表。」

若有違規證據會依法辦事

余寶美強調，找到違規證據會依法辦事，跟進涉事設計師曾參與的工程，邀對方受查，「做室內裝修好多種，涉樓宇結構一定要搵合資格專業人士，裝修之所以唔受建築物條例規管，係平衡業主選擇，但業主都要知唔可以改動屋內結構。」改動結構非完全不可，然而必須聘專業人士及向署方申請，余寶美說：「雖唔一定批到，但一定要搵專業人士做。」目前要找到其他違規個案，需靠市民舉報。

測量師估還原費用數十萬

香港測量師學會前會長何鉅業認為，最理想是按原有圖則設計將牆身還原，包括用同樣設計的鋼筋接駁，估計加固花費數十萬元，需時1個多月。他指今次事件只屬「冰山一角」，「萬一有違規工程同被揭發，業主需負刑責，修復工程隨時貴過原本工程費幾倍。」香港工程師學會高度關注，指主力牆不單承載樓上單位樓層重量，在高層建築亦用以抵抗橫向風力，隨便改動可導致嚴重後果。

記者昨續聯絡疑為涉事設計師的Adam Lai，惟其社交平台及網站已暫停，致電亦無法接通。涉事單位實用面積681方呎，去年8月以920萬元易手，記者昨嘗試聯絡經手的代理但無法聯絡。