貓店長（十一）

最近 FB 討論區有個最受歡迎貓店長選舉，竟然有所謂貓店長粉絲「認真地懷疑」點票制度、有無造假等等...嘩，呢班人咁認真倒不如去選衰蟻員好過了：

（網上圖片）

佢係亞軍「唔生」，是旺角道的藥房貓，魔術師以前都影過佢幾次。「唔生」以「眼神憂鬱」有如朝偉而見稱（更喜愛低炒短裙妹），名字來自店主人在貓貓的店內「地盤」上貼上「唔好摸我」字句。月前隔離榴槤鋪多咗隻貓女，唔生就成日走去隔離鋪溝囡而爆紅，亦嚇得榴槤鋪店主將貓女帶回家。

呢位就係賤軍真名阿B，被網民冠名「阻生」的彌敦道藥房貓 - 佢平時最鍾意就係企係35A巴士站排隊，自己唔上車但又阻住人上車（更喜愛低炒短裙妹），故被稱為「阻生」。由於佢有時實在企得太出太危險，結果被店主綁繩禁足一段時間，狀甚可憐。