水電鋪的貓仔（二十二，完？）暨貓店長（八）

話說水電貓年事已高（都有十到尾差唔多二十歲了，等於人類90歲了），隨時撒手塵寰；有時夜晚去龍門居買嘢食，見到有啲執紙皮的廢老在水電鋪前放滿紙皮箱，又怕水電貓跳了進去就此被賣豬仔...總之每次唔見佢一排都魔術師都非常擔心；今次就更加唔使講，幾個月前水電鋪已經連「鎮店之寳」的招紙都摵咗，平時水電貓夜間出入的洞口亦用雜物封住：

雖然早前有網友話貓貓仍在，但魔術師寳在信唔過呢班街坊（見伸延閱讀），而魔術師亦都唔會去問老闆水電貓的下落，廢事聽到壞消息傷心也。在此再回顧一下老朋友的英姿：

就連藥材貓都係一樣，失咗蹤幾個月...直至前兩個星期，魔術師才在中藥鋪見到另一隻貓仔匿埋係一角碌地沙，淨係見到條尾係度郁；第二日再去探佢，就見到「藥材貓二號」在訓覺：

結果，呢幾個月見得最多的就是士多貓三兄弟，熱的時候有時會好識嘆咁在放雪榚的雪櫃面上訓大覺，或者攤係度等有青主人替佢按摩；又或者精力好時會由街市頭的士多跑到去街市尾的水電鋪一帶遊玩；有時則爛訓到俾魔術師近距離拍攝都唔知（或扮唔知）；有時則懶洋洋地睜開眼，但又繼續躺平休息：

＊＊＊

伸延閱讀：

貓齡計算機