Day 8
來到行程的尾二一天，魔術師和靚姐姐都開始有點捨不得了。
交個袋鼠朋友
之前一天本來想改行程，想在今天玩蒸汽小火車，但男司機 book 唔到位，結果都係依照原定行程到企鵝島（Phillip Island)一天遊（可惜）。男司機先帶我們到馬璐考拉動物公園（Maru Koala and Animal Park）參觀。跟之前遊覽過的動物園不同，在這兒是可以比較近距離觀賞甚至餵飼、同動物玩耍的。
|
| (Nikon Z7 24-200mm f4-6.3. @200mm 1/250s f/6.3 ISO 280) |
這隻袋鼠可能經常被遊客餵飼，食飽飽對我們的飼料無甚興趣，寧願訓喺度哂太陽，於是靚姐姐就好順利咁交上了呢隻袋鼠朋友。靚姐姐同佢拍頭拍耳仔，又彈琴咁嘅手同袋鼠按摩，袋鼠都乖乖地唔郁，十分 enjoy！
|
| (Nikon Z7 24-200mm f4-6.3. @52mm 1/160s f/6.3 ISO 64) |
又改行程
去完動物公園，男司機載我們到丘吉爾農場去睇剃（羊）毛、揸波（揸牛奶）show，但卻遇上塞車遲到了。魔術師和靚姐姐去到農莊，寧願吃個午餐傾吓計，都唔去等下一場表演時間了。這時發生了一段小插曲，就係靚姐姐委託在巷照顧家中寵物的朋友遇上了問題，魔術師唔幫忙處理又唔安樂，都係和靚姐姐一起遙控解決了。
連日行程又日日早起，仲辛苦過返工，我們都有點倦。靚姐姐忽然想到個點子：就係去做 Spa！於是上網找到了一間 Spa，經男司機確認後可以 walk-in，於是我們便改道出發，原定參觀巧克力工廠的勞什子門票 forefeit 了也罷！
|
| (圖片來源：澳洲省錢快報 > 美容时尚 > 个人护理 > 墨尔本按摩spa > 10大宝藏地推荐 - 含报保险攻略, captured on 23 Jan 2024) |
Alba Thermal Springs & Spa
去到呢間溫泉 Spa，淨係睇門面就知道無得頂：
去到 receiption 查詢，得知由於時間已晚，Spa 就無得做，但就可以 book 半小時的按摩，與及浸溫泉直至晚上十點 - 即使我們沒有帶泳衣泳褲也沒所謂，溫泉中心自然有售...而最「幸運」的不是魔術師條泳褲啱身（以為通通都係肥大洋腸 size），而係靚姐姐件泳衣胸前係無 pad 的！
老賓說，以揼骨嚟講，魔術師純屬新手，正邪都未玩過；靚姐姐卻是條「骨精」，於是說由靚姐姐 guide 住魔術師點玩...魔術師的「第一次」（揼骨），咁就「俾咗」靚姐姐了！
揼骨前先浸陣溫泉先。魔術師換完衫沖埋身出到嚟，靚姐姐見魔術師件浴袍未綁好，仲哄埋嚟幫手整理好，搞到魔術師飄飄然。呢個 spa centre 共有二十多個戶外溫泉，溫度由 30 幾度到 40幾度都有；靚姐姐和魔術師一路行一路搵，睇吓有邊個暖啲又無人的溫泉可以來個私人浸浴。
想都無想過竟然可以和靚姐姐一齊浸溫泉！認真爽歪歪！溫泉相當溫暖，靚姐姐以無 pad 水着跟魔術師近距離接觸，搞到魔術師眼光不知何處放，亦不知人間何世！
靚姐姐水着照與及溫泉 selfie 當然在魔術師私相簿中，唔會有得睇。
浸咗一陣後夠鐘去做按摩。按摩區大門會自動向外打開，簡直有如貴賓感覺。水療中心安排了一肥一瘦洋骨妹婦，分別帶我們去「開房」（魔術師同靚姐姐當然是分房按）。
按摩詳細按下不表。只見負責魔術師的這個胖骨婦用埋身體重量去壓，「正骨」得來又真係非常之爽！
做完出返嚟，只見靚姐姐已在嘆茶。佢仲話本來想要魔術師個胖骨婦來幫佢按摩，果然係骨精之選！
hea 一陣之後又再浸多陣溫泉，但竟然愈夜愈多人。由於入夜後開始凍，都差不多是回程的時候。我們換好衫 call 了司機來接，等候期間靚姐姐又去了掃些香水、浴室用品，仲送咗樽 lotion 俾魔術師...由魔術師付鈔又點話！
回程途中，司機提醒話可以用 app 申請扣稅。魔術師當然記得。
最後一夜
回到酒店，魔術師和靚姐姐邊回咪溫泉 spa，邊食埋昨天的打包做晚餐...酒店竟然沒有微波爐，靚姐姐想到煲開滾水「淥熱」食物（海底撈？），果然夠聰明。
梳流完後分別回到自己的床上。魔術師就拿電腦出來儲好相片以及搞退稅：
|
| (圖片來源：App Store Preview > Tourist Refund Scheme, captured on 24 Jan 2024) |
當魔術師埋頭埋腦工作之際，忽然傳來靚姐姐的聲音...
靚姐姐：（嗲聲嗲氣）你係度做緊咩嘢呀？
魔術師：Load 緊啲相囉。
（過了一會。）
靚姐姐：（嗲聲嗲氣）你係度做緊咩嘢呀？
魔術師：搞緊退稅囉。
（過了一會。）
靚姐姐：（嗲聲嗲氣）你係度做緊咩嘢呀？
魔術師：你做乜忽然咁嗲呀？你想點呀？
當然，出發之前都講到明，亦唔想尷尬，魔術師係唔會有任何「行動」嘅。
跟住係乜事都無發生過。
Day 9
最後一天就無乜好講，因為前一晚已約定男司機唔使依照行程車我哋呢度去嗰度去，就讓我們訓晏啲，hea 住食完早餐，再執行李退房。
不過靚姐姐真係掃咗太多貨，執行李都執咗一段時間，搞到酒店催咗我哋幾次才退到房，跟靚仔 bell boy 告別。
去到機場，做過退稅手續，然後就係買手信應酬魔術師在傷巷的同事的時間。其實魔術師曾經諗過在水療中心買精品朱古力和曲奇餅返巷的，但想深班同事又係對魔術師咁好，唔值得魔術師花咁好心思俾佢哋。靚姐姐記住魔術師在水療中心講過嘅呢番話，便在機場商店執了包平價朱古力：「嗱，就送呢啲糖俾你班濕鳩同事嘞！」
當靚姐姐放下了 CEO 靚總的身份，低能可愛嘢層出不窮，伴隨着流利粗口，魔術師真係暈哂大浪！
＊＊＊
返到傷巷，魔術師總結一下今次行程，可以同靚姐姐在悉尼玩快艇、睇馬戲團表演，在 Bennelong 食好西；在大堡礁遊船河、「睇住」靚姐姐玩游潛；在墨爾本坐熱氣球，玩樹熊、袋鼠，探 wombat，在 Chin Chin 、Supernormal 食好西，最後仲同靚姐姐一齊揼骨浸溫泉，仲傾咗唔少心事，增進彼此晾解，真係不枉此行呀！
值得一提的是，旅行社叫我哋每人唱 2000 蚊袋鼠幣其實係用唔着的（魔術師將自己和靚姐姐用剩的袋鼠幣現金存回尾帝錢莊，待機轉回 Interactive Brokers），因為袋鼠國大部份商店都收卡（甚至支付佬），而且我城錢莊對信用卡旅行外幣消費好多時都有優惠，回贈比碌外幣手續費還多，仲可以即時查返 statemnt 睇吓用咗幾多錢，真係唔碌就笨。
最後，記得我們由悉尼到開恩茲曾經遇上飛機延誤嗎？魔術師企圖去 claim 旅遊保險，但可惜延誤原因是 Operations issue，旅遊保險係唔包的！
＊＊＊
伸延閱讀：
浸温泉都影相，有點兒宅過頭
回覆刪除哈，我本來都無帶手機，但換完衫出到嚟見靚姐姐拎住部手機自拍，便又返去 changing room 攞機了。
刪除//靚姐姐：（嗲聲嗲氣）你係度做緊咩嘢呀？
回覆刪除睇晒甜到漏嘅袋鼠之旅，要對提督大人講句: 「交往啦! 」
WILL
哈哈，我都有時同靚姐姐撐吓枱腳二人飯局。佢煲啲湯都幾好飲嘅！
刪除靚姐姐寵物： 那楊威利企圖想入門爭竉, no door !
回覆刪除靚姐姐寵物都唔知幾肥幾好摸。
刪除
回覆刪除//靚姐姐：（嗲聲嗲氣）你係度做緊咩嘢呀？
//睇晒甜到漏嘅袋鼠之旅，要對提督大人講句: 「交往啦! 」
交往啦x2. 靚姐姐嘅表現其實係咪想魔兄你有進一步行動呢？出發前就算講明唔乜，唔代表旅程中諗法唔會有變化。就識得有朋友以朋友身份去旅行，旅行過程中就一齊了。
//當然，出發之前都講到明，亦唔想尷尬，魔術師係唔會有任何「行動」嘅。
刪除//「交往啦! 」
妖，女人講嘢都信得過嘅？🤦♂️
只怕這是最後一次保留「1」的可能，悲觀啲講，感情上之後會變「0」-- 就算所謂交往，都只是理性上欣賞魔兄「守承諾」而願意作「功能上的生活夥伴」，但不是作爲「感情上可依靠的强者」。
女人點主動，都要扮被動架囉
刪除（掩面emoji)
--Dogdogchi
//女人點主動，都要扮被動架囉
刪除解釋源自進化心理學：懷孕在野外是極高風險行爲，心態上不將責任推往「主動的雄性」的雌性，根本就不會選擇懷孕；所以，能存活下來的雌性基因，都會保留這種心態。
這亦側面解釋爲何好多女性問佢要乜就乜都話無所謂，但到你揀到俾佢就變晒四方西--都係源自「係你揀嘅，唔關我事架！」本能。
當然現代智人好多雌性在生存決策上已理性完全壓倒感性，甚至比好多雄性更alpha male；但一到揾感情依靠，本能就會回來了。
無想：
刪除多謝鼓勵。
//靚姐姐嘅表現其實係咪想魔兄你有進一步行動呢？出發前就算講明唔乜，唔代表旅程中諗法唔會有變化。
我都有諗過呢個可能性，但整個旅程的體驗似乎又未 ready 去到呢個關係。
Dogdogchi、摩摩：
俾你哋搞到我無地自容添 😅 靚姐姐睇到篇文（同埋留言）一定笑鳩我。
// 跟靚仔 bell boy 告別
刪除似年輕的吳啟華。
// 當靚姐姐放下了 CEO 靚總的身份，低能可愛嘢層出不窮，伴隨着流利粗口，魔術師真係暈哂大浪！
類似以前畢華流著作的「豪放溫純型」。 :D
// 仲傾咗唔少心事，增進彼此晾解，真係不枉此行呀！
// 「交往啦! 」
感情的事，舒服便可，不須一定立即「私有化」。
//類似以前畢華流著作的「豪放溫純型」。 :D
刪除哈哈，都講得啱。
靚姐姐拎咗我呢篇文俾伯母睇，聽佢講伯母仲大讚添！
//「豪放溫純型」
刪除還是郁達夫的「溫純溫純型」好，哈!
自從博益摺埋，很久沒有聽到「畢華流」的名字
WILL
做得靚總CEO，就無得咁溫純喇！
刪除//只怕這是最後一次保留「1」的可能，悲觀啲講，感情上之後會變「0」-- 就算所謂交往，都只是理性上欣賞魔兄「守承諾」而願意作「功能上的生活夥伴」，但不是作爲「感情上可依靠的强者」。
回覆刪除花開堪折直須折
//花開堪折直須折
刪除靚姐姐和我都過了「惜取少年時」的日子了。
恭喜發財！
回覆刪除祝魔術師哥哥和各位：
農曆新年快樂、身體健康、龍馬精神、萬事如意！
這趟澳洲之行，應該係哥哥最難忘的聖誕+新年之一了！
如果你早點透露要安排澳洲行程時，我這個半「地頭蛇」就可以提供獨家意見了～
對兩位而言，Sydney Darling Harbour那邊的酒店才是最好的選擇。靚姐姐果然有taste，Benneloong雖說食物烹調方面沒有特別驚艷，但賣相還行，當然餐廳位置、觀景對得起她的價位。
其實Virgin個改班真有點不合理，Sydney去Melbourne或Brisbane的flights frequency應該差不多，但Brisbane去Cairns比Melbourne去的肯定多一點。南下再北上… 不過沒有取消航機事件，一早到達Cairns原定有甚麼行程？聖誕正日，澳州大半個國家都在放假，難道是去教堂？
澳洲、新西蘭、加拿大一樣「賣」自然景觀，靚否見人見智，但看多了也就那樣。反而到中、北部某些「蒼涼」之地，別有一番感受，可能可以念番一兩首古詩。真想看特別景色，要玩Road Trip。景點附近的購物點也只有這些水平（感覺cheap cheap）的，尤其有所謂本土特色… 哥哥姐姐們要求不要那麼高，不是那麼多遊客都跟你哋一樣嘅消費水平～
請用「原住民」(First Nation / Indigenous)一詞，「土著」(Aboriginal/ Islanders）顯得沒那麼政治正確！XD
佢哋啲英文可能好過自己啲「母語」><“ 已經少過10%原住民會依然在家使用其原住民語言溝通。
聖誕正日安排去旅遊景點是認真的嗎？難道就只帶你們哋去行山同睇自然景觀或游水？
基本上澳洲獨有的動物，大都是夜行的，所以白天去動物園，牠們的狀態都是「懶洋洋」～
你居然拒絕靚姐姐的可愛老虎仔！？這可能可以成為日後一重要回憶的～公仔不用塞行李箱，可以抱住走^o^
其實澳洲的動物園都差不多，Melbourne那個都應該有近距離接觸+餵食，不過就要預約，這次等於去咗3次動物園，有點浪費時間。Spa之行，意外之喜，是神助攻！可惜去Phillip Island沒有待到傍晚，看全世界最細Fairy Penguin，成群結隊上岸。現在只剩Phillip lsland還有大量這品種出沒，南澳Granite Island, Victor Harbour，由20年前的接近2千隻，跌到得20隻 ToT
不過盛夏，要等到佢哋出現兼欣賞完佢哋上岸後的散步，睇怕要成10先走得，返到City就12了～
唉～～連續三次問你係度做緊咩嘢，肯定係更進一步談心的好機會啊！！！哥哥，你這樣直男，如何修成正果…
認真的，孤男寡女一同出行，還要同房，信得過你人品當然是第一要素。但除非靚姐姐已非常清晰，開宗明義話你係佢閨蜜一樣的存在，否則就正向一點想，她是有意思看看能否和你發展朋友以上的關係。你哋本來已經處於友達以上、戀人未滿的狀態，這次應該係更進一步的楔機。不知道一開始靚姐姐同你講咗咩，令你覺得佢已經派定檸檬俾你？
最後，如果對紅酒有興趣，應該來南澳，澳洲好多靚紅酒都在此出產。總只想再來澳洲的話可以找我，帶你來個五星級地道Road Trip。其實我有發過電郵俾魔術師哥哥你，不過可能去咗垃圾埇QAQ
謝謝 Flora 妹妹，也祝新年快樂，身體健康，萬事如意。
刪除//這趟澳洲之行，應該係哥哥最難忘的聖誕+新年之一了！
終於有女網友留言！
//一早到達Cairns原定有甚麼行程？聖誕正日，澳州大半個國家都在放假，難道是去教堂？
//聖誕正日安排去旅遊景點是認真的嗎？難道就只帶你們哋去行山同睇自然景觀或游水？
//玩Road Trip。景點附近的購物點也只有這些水平（感覺cheap cheap）的
其實就是走景點看風景，去窮撚購物點（？）行吓，買不買隨我們。基本上將行程搬到12/27熱帶雨林之後是沒問題。
//你居然拒絕靚姐姐的可愛老虎仔！？這可能可以成為日後一重要回憶的～公仔不用塞行李箱，可以抱住走^o^
我當時係「受竉若驚」！要學正苦膠官咁「經一事長一智」！
//這次等於去咗3次動物園，有點浪費時間。
靚姐姐鍾意睇 Wombat，另外去同袋鼠做朋友是兩個不同動物園，也不算是浪費。另外餵小袋鼠那次，都不算是「動物園」吧。
//Spa之行，意外之喜，是神助攻！可惜去Phillip Island沒有待到傍晚，看全世界最細Fairy Penguin，成群結隊上岸。
如果留在 Phillip Island 睇企鵝就去不了 Spa。
//連續三次問你係度做緊咩嘢，肯定係更進一步談心的好機會啊！！！哥哥，你這樣直男，如何修成正果…
//否則就正向一點想，她是有意思看看能否和你發展朋友以上的關係。
//不知道一開始靚姐姐同你講咗咩，令你覺得佢已經派定檸檬俾你？
檸檬在出發前已派咗，但其實我哋都談咗好多心，是否能更進一步是變數。女人心意隨時會變，而且年尾我同伯母同靚姐姐屋企人都食過幾餐飯，檸檬會否變廚餘回收是後話。以當時在酒店房內情形來說，我決定「唔禽獸」，等靚姐姐有得同佢屋企人/朋友「交代」吧？
//應該來南澳，澳洲好多靚紅酒都在此出產。總只想再來澳洲的話可以找我，帶你來個五星級地道Road Trip。
//其實我有發過電郵俾魔術師哥哥你，不過可能去咗垃圾埇QAQ
謝謝。
我找過 undefeatablemagician@gmail.com 的 Spam 和 Trash，都見不到 Flora 的 email。我已發 email 到你 yahoo.com.hk 戶口（以前 email 有留底），試看看收不收到。