貓店長（十二）

早前靚姐姐牙痛，又未曾 book 到牙醫（依家應該唔痛，因為已剝咗隻大牙！），魔術師行經旺角，便去買兩包止痛藥俾佢頂住先（另加一個 pill cutter 等佢可以食半粒）。

旺角咁多間藥房，魔術師當然要揀呢間有旺角名物貓店長「吳生」睇鋪的藥房喇。魔術師買完嘢見「吳生」在紙箱產訓覺，便將兩包藥放在「吳生」白雪雪的手仔腳仔處影相...只見吳生醒一醒，用鼻子聞一聞兩包藥，知道唔係零食，便又有訓過了：

＊＊＊

講返屯門，藥房貓呢一年來真係好少出現，只係見過一次咁多。

討論區網友話富健街市後巷有間印尼鋪，都有隻貓仔。這天魔術師特意去造訪，見佢又真係訓得幾可愛：

而見得最多的都是士多貓兄弟，佢哋真係好鬼好奇，周圍去探索同埋去隔離鋪串門子：