摩摩電影節之《𡃁妹仔（Lonely Fifteen）》：沒有衰十一的世界

又係80年代初的新浪潮電影，話就話係「不良少女」的寫實電影（摩摩稱之為「第一代有青片」），但故事說來卻有點為有青開脫的老調子：

＊＊＊

電影以兒時照片帶過，陳碧琪（林碧琪飾）本來是個優秀的小朋友，但因為父母離異，變得愈大愈壞。碧琪與另一名女同學被校長召去訓導，校長仲出手扭耳仔！女生腰間 call 機響起，便謊稱母親入院被 call，仲用校長室的電話覆機，但校長已暗地裡錄了音，揭穿了女生其實要去九龍塘。碧琪放學後去男同學的生日派對，仲同人玩除衫遊戲，十分大膽。「無遮大會」被壽星仔父母墥破，碧琪逃回家中，原來母親靠出租劏房（俾人做一樓一？）為生，又貼錢養了一名貌似 Tony Jaa 的賓佬同居，得閒就幫手解決租務糾紛。碧琪明顯跟賓佬關係不佳，

早前 Call 機女同學連同另一位女同學被揭發去餸魚蛋妹，結果二人被趕出校。二人就此吵架，看來「姐妹情誼」也不是很深厚。碧琪對爺爺很是孝順，但「繼母」及同父異母的弟弟則經常霸凌爺爺，「弟弟」甚至人仔細細就識唱《舊夢不須記》，妖心妖肺。碧琪見到爺爺受了如此惡氣，不禁對「繼母」發出怒吼。碧琪閏密 Irene（溫碧霞飾）在小時裝店打工，留返新衫俾碧琪着，再跟碧琪的舊衣對調。碧琪在的士過遇上型男 Peter 仔（麥德和飾），二人互拋媚眼。碧琪睇真啲，原來 Peter 仔仔在的士高賣毒品（大麻？）

眾不良少女到超市高買，剛巧 Peter 仔在場，便用電眼電暈咗一名碧琪；碧琪被超市經理截住，Irene 等連忙將臟物放下，假扮唔識逃脫。碧琪被超市經理罰揸耳仔，並通知校方，結果有同伴被趕出校（總好過報警處理）。眾不良少女因「無義氣」在超市門外互相埋怨（咁似《邊緣人》阿泰中槍嗰間！），碧琪更打了在旁食花生口水多的男生一頓。Peter 仔見到碧琪咁辣，非常喜愛，便引碧琪同遊車河。Peter 仔請碧琪食大麻煙，又俾碧琪揸大膽車，墥到架車散哂，這時碧琪才知道 Peter 仔是車房太子爺。當然，Peter 仔父都覺得呢個仔無用。碧琪回到家中，見到不知所謂的媽媽與賓佬，唯有以酒及大麻煙麻醉自己。

碧琪跟 Peter 仔打得火熱，Peter 仔仲教碧琪踩 roller。碧琪想買對雪屣，向母親攞錢，謊稱加入了學校啦啦隊要做制服，結果被母親踢爆碧琪已被踢出校。碧琪反責母親將錢貼在賓佬身上，被母親怒摑。碧琪離家出走，call 機女等眾損友「鼓勵」佢去做魚蛋妹，於是碧琪便以藝名「小翠」開始去坐枱。「小翠」的第一個客是條中坑，碧琪幫中坑打完JJ之後，還覺相當噁心。碧琪賺了些「皮肉錢」，卻仍不夠買雪屣，結果 Peter 仔便送了她一對。Peter 仔果然是個把妹達人，咁就食咗碧琪隻乳豬仔（又話碧琪得十五歲，Peter 仔仔豈非衰十一）。碧琪不嫌 Peter 仔坐過監，反而見 Peter 仔胸前有 Loong 紋身，自己便又去在心口紋了一式一樣的 Loong。

Peter 仔因毒品質素問題，在的士高被打鑊金。這時 Peter 仔的前女友跟蹤而來，在路上截住二人，宣稱為 Peter 仔頂罪，現下才剛出冊，逐要求復合。碧琪嚥不下氣，為了爭仔而跟 Peter ex 打了起來。結果雖然碧琪打贏了，Peter 仔卻帶了 Ex 一齊走。碧琪在街上流連，又追唔到小巴，但爺爺竟然就在小巴上並勸碧琪早點歸家。碧琪無家可歸，投靠 Irene。原來 Irene 家中收留了不少不良少女，Irene 同條仔在床上扑嘢，而碧琪就睡在床尾，非常淫亂。碧琪和 Irene 跟雞頭走「金融營業代表」路線，開始黐埋啲大老細。

碧琪在街上遇見母親，謊稱在酒樓在招待。媽媽想碧琪歸家，碧琪嫌媽媽的男友是實佬，當然不答應。這時媽媽告訴碧琪一驚人消息，就係爺爺已過世了，並留下書信給碧琪，勸她謹慎交友。碧琪只得怨自己終日流連在外，連爺爺生病也不知道，只有在爺爺墳前痛哭。Call 機女因欠賭債而在眾姐妹「宿舍」偷錢，被趕走。Irene、碧琪等跟夜總會客人出街，客人為了溝碧琪，竟然帶大家去墳場玩神打（！），其中有人失控斬到自己一身血，眾人駕車逃命時埋墥車起火，其中一名舞小姐（又係出身自破碎家庭）被燒至毀容，阿媽都唔認得。另一邊箱，Call 機女染上毒癮，變成道姑（疑似啪針啪死？）。

碧琪媽發現女兒做舞小姐，向媽媽生提出要帶阿囡返屋企，碧琪提出除非趕走賓佬，否則無得傾。為了挽回碧琪，碧琪媽回到家中向賓佬提出分手，賓佬大怒打鑊碧琪媽。住在附近的 popo 走來干預都被賓佬打埋一份，最後 popo 鳴槍打中（瓜？）了賓佬。Irene 話要同男朋友 Tommy 結婚，移民大麻國；但轉過頭第二日 Tommy 仔就忽然就嫌棄 Irene 做過舞小姐（可能是家人俾的壓力？），要同 Irene 分手，並質疑 Irene 腹中塊肉誰屬，俾錢叫 Irene 落咗佢。Irene 不堪打擊，周街發瘋，最後在精神恍惚間跳落黨鐵自殺。

某舞廳小姐甲妒忌「小翠」恃住自己係「紅牌阿姑」爭咗佢啲客，又可以擺款得失客人（及男友），寸寸貢挑釁碧琪。碧琪跟那舞小姐到後巷隻揪，卻被舞小姐佔了上風。這時 Peter 仔帶同手下出現救駕(又無講 Peter 仔嘅 Ex 了)，響朵「長樂街 Peter 仔」，趕走了那舞小姐。碧琪跟 Peter 仔和好，順手執了 N 劑。Peter 仔現在在道上行走，隨時俾人斬，不想連累碧琪，但又敵不住碧琪的嗲功。果不然，二人一出門口去買嘢食，即時人伏擊（舞小姐拖馬？），Peter 仔攬住碧琪保護，再使出「無敵風火輪」滾下長樓梯，結果身中多刀送院，生死未卜，而碧琪就疑似跟阿媽和好，鳥倦知還...然後就沒有然後了。

＊＊＊

本片似是「不良少心賣肉記」，話就話「呢個世界已經無逼良為娼」，但導演卻有意無意間都將「不良少女」的「鍊成」歸究於破碎家庭 - 起碼一開頭就話碧琪係個品學兼優的小朋友，但因為父母離異（阿媽係個酒鬼）才變壞；中後被火燒傷的舞女又係同父親關係不和、阿媽無讀過書唔識管教...導演導演最後仲藉住 Irene 的故事來勸眾少女唔好行差踏錯，似乎真係對有青的形成寄予「無限同情」。

去到教育現場，80年代初校長出手扭學生耳仔（記得魔術師提過俾搣時用Q棍篤眼，與及其他的體罰！（見《年輕刁民》）），又未問準學生便進行電話錄音，侵犯私隱，今時今日肯定被踢出校的是校長！電影背景在80年代初，都仲係9年強迫教育，但好似碧琪呢類不良少女上到中四，無心向學，留在學校就教壞其他學生，趕出校就去做魚蛋妹，對學校如何處理的確係挑戰。  

演員方面，所有當時有青主要角色都係素人，自然會有「唸對白」場面，也不能怪「無演技」；但導演方面，說故事能力在當時都仲係非常幼嫰。本片為元祖級新浪潮電影，跟上一篇《邊緣人》一樣，都有故事線飛來飛去，又有跟主線無關的碎片片段：

• 墥車一段屬攞戲嚟做，係都要加啲飛車爆破場面，非常不搭調。
• 忽然之間就話 call 機女偷錢，原來之前 Irene 就同「宿舍」中姐妹因唔見錢而吵鬧過，成件事非常突兀
• 講完神打，又用幾十秒交待 call 機女打白粉針（唔知有無死？），之後就有傅理系學生（文雋飾）勸世，碧琪跟舞小姐後巷打鬥的原因也只是「輕輕帶過」，缺乏前文後理，剪輯混亂。
• 感情事線又係無厘頭。一時 Irene 又話結婚，一時就分手，非常突然無鋪排，很難投入。

另外，一眾囡囡的人設都係十五歲，按道理當時已有「衰十一」條文，本片唔妹「教壞人」至好喎！

最後，全片雖然無乜「亮點」（囡囡都只係得溫碧霞比較睇得，主角碧琪真係唔掂），但就有個笑點就係碧琪見到 Peter 仔被人打，哭着叫「唔好打」；碧琪跟 Peter ex 打了起來，估唔到Peter 仔一樣係站在一旁叫「唔好打」！

魔術師評分：60分（基本）＋5分（主題曲）＝65分（100分滿分）

＊＊＊

伸延閱讀：

維基百科：最低合法性交年齡 - 香港

摩摩電影節之《邊緣人（Man on the Brink)》：勇武鶳 DNA

年輕刁民