靚姐姐早就揚聲年初四同媽咪到澳門一日遊（其實中午出發即係半日遊），仲通咗幾晚頂 design 行程（畢竟伯母年紀大不適宜行行企企太耐），以慰勞照顧老伴之辛勞。正當以為此行係靚姐姐兩母女 share me time 的好時機，點知伯母竟然叫埋魔術師一齊去（可能伯母真係太鍾意魔術師了）！
諗住靚姐姐一個女人既然要照顧阿媽，都要個男人幫手執頭執尾，伯母又咁「盛情難卻」，魔術師又點可以唔「𦧲飯應」呢！
由於伯母想坐船，於是約定年初四11:30在信德中心等。先到先等，靚姐姐負責買船票，但佢生活瑣事上的「自理能力」一向唔高，買船票對她來說是高難度動作 - 果然差啲買唔到12:30的船飛（12:00 太趕了吧，原來仲有好多人會搭船過大海），最後要買「黃牛」解決...靚姐姐雖則話唔係窮撚，但買貴咗幾百蚊，啲錢都唔係咗嘥法㗎（好彩佢無買飛去睇美C睇波）。
|
|
（圖片來源：金光飛航 > 船期表及票價，captured on 18 Feb 2024） |
點都好喇，在 KFC 吃過簡單午餐便出發。上船落船過關一切順利（除咗魔術師俾人用拖喼從後掃咗幾吓腳之外），而且魔術師仲第一次「享用」到跟長者同行，過關可以用優先通道的「特權」。
＊＊＊
威尼斯人
行程的第一站是到威尼斯人坐船仔：
|
| （圖片來源：澳門威尼斯人 > 貢多拉之旅，captured on 18 Feb 2024） |
靚姐姐雖然年前時常過大海開會，但通常落咗船之後就有專車點對點接送，問佢點搭「酒店（賭場）專車」真係唔識。於是去到氹仔碼頭，為免老人家行冤枉路，魔術師就叫靚姐姐就同母親在原地等，再由魔術師打頭陣探好路搵到酒店專車的車站，才叫靚姐姐二人出發（其實真係要行一段仔路的）。
經酒店專車來到威尼斯人，周圍行一陣便去買票遊船河，例牌都係買包艇嗰隻，無理由同陌生人一齊坐㗎嘛（同陌生人一齊坐船，又唔知對方會有乜行為，隨時會翻船都說不定（見伸延閱讀））！雖然有好狠多人在買票，但其實也不需要等很耐，好快就買到 4:00pm 的船河飛，望一望錶，正好有一個小時空閑，可以到附近的酒樓來個下午茶吃些點心再出發。
話咁快就到 4:00pm 可以排隊上船了。例牌都要影返幾張相打吓卡嘅！
＊＊＊
永利扒房
遊完船河，走返出威尼斯下，本來按靚姐姐的行程表就是要到新濠影城玩「打 8 字」：
|
| （圖片來源：新濠影匯 > 影匯之星, captured on 18 Feb 2024） |
可惜排隊等的士竟然要打蛇餅，靚姐姐和魔術師手邊又沒有澳門 call 車 app，結果排隊等的士都等咗成粒鐘（辛苦哂伯母），有車都差唔多 6:00pm 了。由於我們在永利扒房訂了 6:30pm 枱，那就不如直接去永利皇宮吃晚飯算了。
|
| （圖片來源：永利皇宮 > 永利扒房, captured on 18 Feb 2024） |
先來個海鮮頭盤，唔打卡就真係嘥！
Main course 方面，靚姐姐叫咗牛柳，伯母就叫烤乳豬，而魔術師就叫咗份肉眼扒 - 果然是薑是老的辣，三份菜式中以伯母的烤乳豬勝出（無相，魔術師講的就是真相）！
靚姐姐叫咗杯雞尾酒，而魔術師就眼花，以為係「梅爾卡茲」（《銀河英雄傳說》角色，跟楊提督識英雄皇英雄），於是就叫咗呢杯：
食食吓間場都仲有 3D 動畫睇，都幾得意㗎！
＊＊＊
難為正邪定分界
至於點解要訂 6:30pm 枱咁早食晚飯？其實就係因為永利扒房只得 6:30pm 同 8:30pm 兩個 slots，而身為骨精的靚姐姐又想食完飯便去按摩，如果係 8:30pm 食便太晏了。
當然去邊度按係要預先訂咗位先。究竟邊間按摩店適合呢？唔知魔術師係咪平時睇得 AV 多，search 出嚟的都是邪骨格局；而由靚姐姐出馬去搵就搵到呢間：
|
| (圖片來源：足康樂 悅水療, captured on 18 Feb 2024) |
魔術師一睇，見到有「水之戀汽彈泡泡浴」就覺得呢間嘢有啲難分正邪，但既然是靚姐姐選的便也不點破，只預訂了三人份的足浴及全身按摩（是客人全身還是技師全身？），到時再「見機行事」。
食完飯就去揼骨，真係「飽暖思淫慾」。從永利打的到按摩店，到埗後靚姐姐問店員按摩師情況，原來只得囡囡技師。先來個足浴，唔知係咪魔術師心中有鬼，總覺得幫魔術師「捏背」的女技師總係有意無意咁用大腿在魔術師的背上擦...
去到戲肉「全身按摩」，魔術師選的是「活能熱石」，起碼有好幾粒滾燙的石春在背上隔一隔，免得囡囡按按下請魔術師食波餅。全程按摩都有啲 AV feel，尤其是按手的時候，女技師將魔術師隻手拉到佢胸前幾吋，好似誤請魔術師揸落去一樣（魔術師當然唔會手多）。
按按吓女技師又問魔術師幾歲，係邊度人（傷民），都唔知佢想點。
按完背再按前，然後女技師輕輕拍了魔術師的 JJ 兩吓，問：「要不要按這裡？」
魔術師廢事一陣出到去面青青，當然耍手擰頭：「不用了！」
女技師似乎有點「不滿」，再幫魔術師按了幾吓頭便走了。
魔術師發了一會呆，才懂得換衫出去會合靚姐姐與伯母。
＊＊＊
大白象大橋
按完摩都 00:00，為咗早啲送伯母返屯門屋企，我們一行人便決定走陸路首嘗巷豬噢大白象大橋的滋味（順便為摩摩的「大白象 research」刷多三個使用人次）。路程係先由氹仔按摩店打的到大橋澳門口岸，過澳門關後搭金巴到傷巷口巷，再過關後便由魔術師送伯母回家，然後魔術師就返自己屋企；而靚姐姐就自行打的返西九。
不過金巴的存在感卻是比較難以令人明白：起碼靚姐姐母女，甚至乎搭單坐單丁位的女人（我們三人坐樓下打對面四人座，於是便有一吉位留低）都問返魔術師金巴應該在哪裡「落車」 - 其實（澳門出發的）金巴就只得一個站，就係巷方口岸囉。魔術師想了一會，勉勉強強的類比就係巷豬噢大白象大橋就是一條超長的「羅湖橋」，要搭車過去咁解。
整個過關過程非常順暢，長假期最後一天深夜人流亦稀疏。魔術師本來覺得陸路過關體驗都相當唔錯，過關之後打的返屯門 20 分鐘之內搞掂。點知伯母仲有一句 comment，就係話巷豬噢關口太空闊，後生仔當然無問題，但老人家要行一大段路，就比較辛苦喇。
魔術師諗諗下都覺得啱，唔好話羅湖站，就連香港站、尖東站都有行人運輸帶，點解巷豬噢關口反而無呢類設施呢？
＊＊＊
伸延閱讀：
氹仔行大橋應該會慢過坐船
回覆刪除我仲以為返屯門會快啲添。
刪除魔兄
回覆刪除睇黎伯母都比定張好牌你上。
Ps 期待下回分解！
Kit
伯母那天說溜了嘴：「大家自己人...」XD
刪除//買船票對她來說是高難度動作 - 果然差啲買唔到12:30的船飛（12:00 太趕了吧，原來仲有好多人會搭船過大海），最後要買「黃牛」解決
回覆刪除節假日就唔知，但平時在信德電梯口一定有旅行社既人出來賣即班飛，因爲係散貨，通常不會貴過正價，有時甚至更平，by definition一定不是「黃牛」。
繁忙時間由澳門返來，經常櫃檯只能買到兩三個鐘後班次，旅行社既人會賣早少少的剩飛（一兩個鐘後），但一樣不會貴過正價，最多一定要你食頭等飛。
所以應該不是「黃牛」，最多只是要硬食頭等，只係佢根本唔care張飛幾錢而已...
//在 KFC 吃過簡單午餐便出發
大橋啓用前，假日間KFC一定好爆，不過之後就差好遠了。
//難為正邪定分界
馬交應該好易分，因爲要邪就去寫到明明白白的十八/帝濠/金池/至尊/回力就可以。
//然後女技師輕輕拍了魔術師的 JJ 兩吓，問：「要不要按這裡？」
//女技師似乎有點「不滿」
可能只是幫你按下前列腺無其他；又或者佢係個場眼開眼閉下捽到你欲罷不能時，就要你加錢先打出來--呢個已經係呢類場最盡的尺度了。
//順便為摩摩的「大白象 research」刷多三個使用人次）
哈哈，你地只會刷到少於十萬分之三比例--因爲過年成個禮拜高鐵同大橋日均都有超過十萬人次使用。
應該4月會寫下第一季的數據。
//都問返魔術師金巴應該在哪裡「落車」
佢地可能對當初深圳政府提出的「雙Y方案」念念不忘... 🤣
//按完摩都 00:00
//氹仔行大橋應該會慢過坐船
無得快，疫後已經無通宵航班，半夜碼頭無人做嘢應該都call唔到直升機；早班船之前無嘢快得過大橋。
//最多只是要硬食頭等，只係佢根本唔care張飛幾錢而已...
刪除應該如摩摩所料。但我又唔明，依靚姐姐性格，唔買頭等會買乜？
//佢係個場眼開眼閉下捽到你欲罷不能時，就要你加錢先打出來
囡囡仲可能會即場收現金添！
//疫後已經無通宵航班
無錯，船期表已無通宵班。