幾乎唔記得，英記（08241.HK）周年八折大減價又嚟：
門市網店都有折，HKTV Mall 仲可以送到去海外添！當然要俾連費喇，有無着數魔術師就無研究了（實體店生意難做）！
|
| （圖片來源：HKTV Mall > 英記茶莊網店, captured on 29 Oct 2024） |
＊＊＊
魔術師盤點打開廚櫃盤點一下，都要行禮如儀入返啲貨：
春天（正月、二月、三月）飲花茶。只有香片一個選項，只需「補倉」白龍珠香片便成。
買入：白龍珠香片
夏天（四月、五月、六月）飲綠茶。照舊都係龍井與碧螺春的選擇。茶呢樣嘢唔係愈貴愈啱飲，魔術師就覺得英記比較便宜的雀舌龍井啱飲過獅峰，另外碧螺春更是另有一番風味。獅峰龍井尚有存貨，只需補入雀舌龍井及碧螺春
買入：碧螺春（維基 Mall 無售，要去實體店買）、雀舌龍井
秋天（七月、八月、九月）飲青茶、岩茶。選項有鐵觀音、鳳凰單欉（維基 Mall 無售）、人參烏龍、與及以白茶中的白毫銀針。基於各種茶葉均有存貨，只需要補入鐵觀音及人參烏龍即可。
買入：貢品觀音王
冬天（十月、十一月、十二月）唔飲紅荼飲普洱（黑茶）。家中已經存有「家藏普洱」（以前睇過網上話係生茶十二年陳，但文章已不復見）與及「頂舊普洱」（同上網上話係熟茶九年陳），只需補入「遠年普洱」（同上網上話係只是熟茶六年陳）。遠年雖然係熟茶，但相當對魔術師胃口、甚至覺得好飲過舊年份。
買入：遠年普洱餅（包裝散茶，唔使一個大餅咁貴）
＊＊＊
魔術師又忽然諗埋啲婆仔數：英記8折，自己係維基 Mall VIP，星期五落單有95折，再加埋 Grandpa 錢莊張網購卡，又有95折，咁豈不是有三重折扣（0.8 x 0.95 x 0.95 = 72.2%）？
|
| （圖片來源：HKTV Mall > 常見問題 > 全新 VIP 會員計劃, captured on 29 Oct 2024） |
＊＊＊
伸延閱讀：
佢年年都係10月28號真係好鬼易記
回覆刪除我仲有keep住你之前影實體店嘅價目單 做比較
亞力士
//我仲有keep住你之前影實體店嘅價目單
刪除多謝賞面！但隔咗幾件可能加咗價。