一、二、N人飯局（2024年9月）

1. 大家樂（中環干諾道中）

大家樂每年的火煱晚餐又嚟喇！今年仲有壽喜燒湯底，啱嗮魔術師放咗工晚飯。可能係因為地點關係，中環呢間分店比屯門貴兩蚊。

不過，這天店內人多，魔術師正在等湯滾之際，有條年輕算係貌美的短裙蝗妹同佢阿爸阿媽捧住盤想坐落魔術師隔離張枱，但咁啱「執枱專員」阿姐正在忙，未能及時幫短裙蝗妹張枱收拾，短裙蝗妹一家人無位擺嘢，蝗妹於是對魔術師笑了笑，暫且將佢碟飯擺在魔術師對面位（魔術師坐四人位，斜對面已有一位「兩蚊廢老」在搭枱）。

魔術師當然無任歡迎，但礙於人哋父母在場，三唔識七無同蝗妹影張相啫！

魔術師餐單：壽喜燒火煱$70-會員價＄5＋兩杯汽水＄20＝＄85

＊＊＊

2. 西九豪宅會所

上個月本來約咗靚姐姐食飯，但因為打風放下午，便改到靚姐姐（租嘅）屋企樓下會所食。靚姐姐仲煲咗花膠鮑魚瘦肉湯俾魔術師飲：

兩個人食唔到咁多，少少哋叫個西紅柿海皇蒸蛋白同埋半隻燒雞加一碗白飯就算。

魔術師、靚姐姐二人餐單：茶位（二人）＄36＋半隻燒雞＄188＋西紅柿海皇蒸蛋白＄188＋白飯一碗＄20＝＄432

＊＊＊

3. 伯母住家飯

中秋做節，伯母叫埋靚姐姐同兩位阿哥同太太等，仲有魔術師搭吓枱，一齊到伯母屯門家中食餐飯。老人家咁盛情魔術師當然識做，除咗一早送咗月餅之外，靚姐姐父母這天各人利是仔一塊都係要嘅。

估唔到伯母個印傭姐姐都煮得一手樂菜，蒸蟹白灼蝦蒸魚都 okay

食完飯落樓下制下賞吓月，吹下風，一樂也。