1. 身痕．鳩痕
近期最 hit 嘅廣告非被大貓私有化的行山錢莊的最新廣告。網上發酵了一陣，依家輪到廣告人嚟攞威。魔術師就咁睇，以我城錢莊界的保守和離地，要佢哋理解妄民界、基層的惡趣味幾近緣木求魚。所以呢，「有同事不滿高層賣盤，故意整蠱公司」的說法應該無乜可能；反而係廣告人玩嘢，行山孖屣停又真心膠唔覺意 approve 咗出街的可能性較大。乜嘢故意引 noise 達致宣傳效果呢啲，唔好話行山企業文化走傳統一派，唔會咁搏；就算換咗大貓管理都唔會咁做 - 以行山牌頭，又唔係初創公司，使乜標奇立異呃 like；想唱衰行山管理層，又達唔到效果，呢啲陰毛論都係收皮算。
＊＊＊
2. 陳志集團2.0?
呢個正苦廣告真係無厘頭？究竟陳豪同龔嘉欣係咪飾演緊 CCTVB 某膠劇的角色。否則兩條友忽然在空無一人的辦公室講起走私煙的罰則，仲要扮哂「執法先鋒」咁撓起對手，究竟做緊乜？最弊就係陳豪劈頭第一句係「我收到一則重要消息...」，然後講一輪私煙罰則，成個語境好似陳豪就係某犯罪集團的大佬咁，有無搞錯？
＊＊＊
3. 太極將衫豐
呢個太極廣告，似係專為洋腸而設。魔術師就未聽過太極係 for 50＋ 男而設，仲要搵個大隻光頭佬來做宣傳 - 佢似係少林派外家高手多過仙風道骨的武當派道長。又，向洋腸推銷道家武功，啲發問者又要係女人，使唔使宣傳埋雙修增加性能力？
沒有留言:
張貼留言