2月29日，原來的行程是0700起床，0800執好行李，0830食完早餐集合時間出發，搭3.5小時車到索維拉（氣溫10-17°C ）：
- 午餐於市內
- 市內遊
- 入住 Atlas Essaouira Hotel
- 晚餐於酒店
由於唔想行來行去，同埋想再在 Radisson Blu Hotel 享受按摩，所以靚姐姐在前一晚早就 book 定下午場，這天就繼續脫隊，同魔術師一起施施然食完早餐才 check out。至於索維拉雖然以靚姐姐最喜歡的海鮮聞名，但大隊餐單普遍唔會啱靚姐姐口味，所以 miss 咗都應該無乜所謂。
總之食完早餐 hea 到 1200 check out，行李暫時寄存於洒店，然後便出去行吓高場，起碼靚姐姐在這個區域較光鮮的店舖多啲購物欲：
|
| (就算靚姐姐膽大包天，都唔敢揸返轉。) |
但 before that，由於這晚房間緊絀，周圍都無房，靚姐姐只 book 了 12月30日 Grand Plaza Hotel，這晚我們訓邊呢？魔術師先根據谷歌地圖找到 Grand Plaza Hotel 的路途，直接行去問，可是答案就是沒有即晚的房間，只能在回程的路途上見到好些貓貓：
|
| （瑪拉喀什的馬路有點像改革開放初期的深圳。） |
|
| （甲貓被乙貓跟蹤。） |
魔術師返回洒店 lobby，另外 book 了一間評價似乎不太差的「四星酒店」，但靚姐姐卻有所猶豫...
|
|
（圖片來源：Booking.com > Blue Sea Le Printemps, captured on 18 Jan 2026) |
點都好啦，在按摩前食返個 cake，以補前一天的遺憾（見《爽歪歪摩洛哥（八）之 Day 7 瑪拉喀什（Marrakech）：擦身情緣》）：
洒店的按摩房間當然遠勝前一天的樓上鋪。今次是先焗汗再按摩，都是一樣靚姐姐又係全裸出鏡而魔術師就着住大會提供的一次性內褲...洒店按摩的非洲大媽服務亦非常有禮，會牽住魔術師和靚姐姐以防蒸氣房太大氣霧，客人看不清而絆倒。幫我們擦身沖涼的是一位大媽（房間夠熱，魔術師和靚姐姐輪住做都唔怕凍親），用的精油皂液就疑似就是店內門面擺出來的貨，非常足料。
玩完蒸焗沖涼之後就到按摩環節，今次有兩位技師一齊上，二對二唔使等。全程由1530玩到1830，兩個人3粒鐘都係盛惠3,000 MAD(即約 2,600 我城貨幣)，當地物價似乎都繼低。
晚上 7 點幾，去到酒店對面的餐廳食返個 fine dinning。呢間店相當奇怪，有找換店仲有衫同其他精品寄賣（摩洛哥可能無地慘霸、收租霸存在，否則咁大間餐廳客人又唔多，在我城晨早執）：
靚姐姐就話「終於有返啲聖誕氣氛」同埋「可以食返餐好嘅」（都係盛惠1,150 MAD，即係約 1,000 我城貨幣）：
飲飽食醉之後返酒店拎行李，然後 lobby 的黑人哥哥仲幫我們叫埋的士去這晚宿一宵的「四星酒店」...
但這間所謂「四星酒店」實際上似時鐘爆房酒店多啲，唔知評級分數點嚟，睇嚟本市只有五星酒店比較可信（不過又係無圖無真相）。總之靚姐姐成晚都囉囉攣，又話床鋪有味，又話連水都唔敢飲（好在有自備樽裝水），牙又唔敢刷，毛巾唔敢用（好在按摩時已沖乾淨涼），又驚度門鎖唔埋，又驚有賊，成晚無心睡眠腦交戰。魔術師「老粗」一名就唔太介懷，又唔係長住，好又一晚唔好又一晚，一於牙照刷（涼就唔沖啦，成身仲香噴噴），大覺訓。
＊＊＊
伸延閱讀：
爽歪歪摩洛哥（八）之 Day 7 瑪拉喀什（Marrakech）：擦身情緣
沒有留言:
張貼留言