爽歪歪摩洛哥（八）之 Day 7 瑪拉喀什（Marrakech）：擦身情緣

12月28日，今次入住的 Radisson Blu Hotel 是行程中唯一可以住兩晚的，第二朝唔使匆匆忙忙執行李。不過由於前一日魔術師同靚姐姐都各自有不愉快「體驗」（見《爽歪歪摩洛哥（七）之 Day 6 瑪拉喀什（Marrakech）：既要別去，且盡量逗留，日後亦無悔》），又見領隊前一晚預告今日行程，又係 0700 起床、0830 出發、只係「每次」搭二、三十分鐘車：

市區觀光遊

午餐於市內

乘馬車

下午茶

晚餐於酒店

唔使講即係鳩嗚日。靚姐姐馬上向魔術師提出不如脫隊，魔術師可以訓晏啲，當然贊成，於是前一晚一面後悔無買水晶（見《爽歪歪摩洛哥（七）之 Day 6 瑪拉喀什（Marrakech）：既要別去，且盡量逗留，日後亦無悔》），一面已告知領隊魔術師和靚姐姐會在瑪拉喀什「自由行」。

由於唔使趕頭趕命食早餐，自有時間自行調較返杯無酒精 Bloody Mary：

靚姐姐作為一名骨精，食完早餐當然就走去 gym 問吓酒店的按摩服務，可惜即日下午無期，要 book 翌日，於是就轉為返行坐陣，靚姐姐就上網另找按摩店，book 到間 1700 仲可以有車來酒店接送的。有幾粒鐘的空檔，我們便換好衫就落街周圍逛。酒店樓下有間餅店，啲 cake 似乎頗為吸引，遠勝跟團的頹飯劣食：

早餐還未「落隔」，當然未有胃口食甜品住。行了一陣街，按摩店的車便已來到，司機（阿拉伯大漢）送我們到一間樓上店：

按摩店都是那些套餐，靚姐姐作為被按慣的識途老馬，即使言語不通，也夠跟那些講法文的阿拉伯姐姐溝通得來。阿拉伯姐姐帶我們入房，除衫同靚姐姐一人一床，但熄燈後卻只得一名黑麻麻（有保護色）的非洲大媽按摩技師來「提供服務」。非洲大媽在替靚姐姐按摩之時，魔術師就除哂衫只係穿着內褲伏在床上，雖然有薄毛巾但都有點凉。

非洲大媽給靚姐姐完成後就到魔術師（今次輪到靚姐姐要等），大媽果然好手勁，而且肥胖的身軀以體重加力，用個胸壓住魔術師個頭真係唔講得笑。

按完都差唔多成兩粒鐘，但仲有戲肉：摩洛哥土耳其蒸氣浴！

重點就係魔術師與靚姐姐一起被困在蒸氣房中，魔術師仲穿着內褲而靚姐姐就除哂！

雖然房內蒸氣彌漫而魔術師又無戴眼鏡，但靚姐姐露三點再加啲幻想都還頗誘人。

坐一陣出浸汗之後魔術師和靚姐姐就繼續被非洲大媽「起雙飛」，任由其擺佈幫我們以鮑魚擦擦身去死皮。咁又差唔多玩咗成粒鐘！

最後，靚姐姐仲頑皮地站在魔術師面前以花洒兜頭「顏射」魔術師。

唔通靚姐姐以為可以「搏大霧」以為魔術師無戴眼鏡就乜都睇唔到？

魔術師就由頭樂到尾，直至阿拉伯司機車我們回到洒店（餅店已關門，要第二天才食到個 cake 了）跟大隊集合，在洒店餐廳晚飯。

團友們問魔術師和靚姐姐有乜節目咁爽，魔術師就只「笑而不語」。

真係笑到返房訓着。

＊＊＊

伸延閱讀：

【摩洛哥】土耳其浴—特色蒸氣浴（HAMAM）

爽歪歪摩洛哥（七）之 Day 6 瑪拉喀什（Marrakech）：既要別去，且盡量逗留，日後亦無悔