腦震盪

上司好學唔學,學前朝老懵懂咁,走去黃金海岸開左兩日(其實只是一日一夜)腦震盪會議.

不過其實咁開會法,都係有所得著既,起碼大家都會專心d,又唔怕受外界干擾,尤其是上司貴人事忙,一粒鐘內總有19幾個電話搵佢,就算係公司開房(會議室)都不能倖免,所以要傾一d creative同innovative既野,都係要去d relax d 既地方才夠方便.


其實開呢個會既目的,係討論點樣將一d唔同的文化衝擊帶俾我地既部門同事.作為公司的IT部門,我地同事既主要特色便是鵪鶉.「老細話事啦!」(其實「老細」即是上司而已...),思想又死板(要d users遷就system,而唔係system遷就users).其中最大問題果班就係果d 40-50歲既中層管理,佢地無mud incentive去搏升,

自己對住個system咁多年,同機器多過對人,叫佢地同d users傾多d,站響business的角度諗,一來唔習慣(話哂響IT係山寨王)好似做sales咁去咁觸d客,二來咁大既轉變又好難接受.所以我地就要諗一d方法去幫呢班經理做「思想教育」,都咪話唔難.

2006/11/13 18:27:40