尚方寶劍

今日魔術師大傷風，臥病在床，卻依然收到公司的訊息．
自從老細「升」左機械人直接跟大老細之後，機械人就攞住大老細既名義，成日話「我係負責睇住部門網頁（註：指內聯網）既正確性（註：指英語文法），否則我好難向大老細交代」，而事無大小都要插上一腳．
阿老細，你知唔知道，尚方寶劍係俾包大人既，唔係俾傻佬既，你俾把尚方寶劍個傻佬，佢咪四處斬人囉．
前日，魔術師收到別組要出既新聞稿，便交左俾機械人「審閱」，話希望「明天」（前日的明日，即是昨日），結果出唔到．好啦，魔術師今日請假，再問同事，原來佢響度同人爭論緊大老細係新聞稿所提及到既活動中，是否以「署理大大老細」的名義參加，又問呢個秘書果個秘書，總之就小事化大．
呀機械人，如果當日個司儀都可以確定到當日係話請「署理大大老細」上台致詞，咁你仲嘈乜ｑ野？
仲有，就係當機械人自以為肩負起「看管部門內聯網頁正確性」既「天職」，佢既「使命感」亦隨即膨脹，仲周圍去叉能廚人地組ｄ網頁，干預別組內政．要知道人地組既消息公告係隨時跟左人地組既高層既內部電郵通訊而發既，你呀機械人叫人地改返你認為「正確」既野，但係其實就係ｄ可改可唔改既野（退一步說，就算機械人版本係１００分，人地都有９０分），咁如果改左，俾人發現內聯版同電郵版唔同，你又叫人地既高層情何以堪？
最抵死既係，人地組對於機械人既改文要求採取拖延政策既時候，佢竟然指示下屬去直接修改人地既網頁，仲要因為下屬按錯掣而引起一連串唔同高層既查詢．
其實，係咪部門開始公佈評核結果，機械人怕被人炒，ｄ失心瘋症又發作呢？
＊＊＊
忽然醒起，雖然話機械人擅自修改人地組既網頁並非為圖私利，但係都要留意香港係有一項叫「不誠實取用電腦罪」既．
＊＊＊
靈光一閃之下，魔術師想起了呢一首歌：斬虎屠龍刀

2008/01/17　01:04:24