自言自語（二）－傻記寬頻

進入二零零八年，魔術師先在此祝各位新年進步．
之但係，有某ｄ機構既服務就真係唔掂，唔係魔術師見佢地硬件上面都好少死機，早就轉左服務商好耐．
講緊既咪係傻記寬頻囉！
＊＊＊
二零零七年十二月二十ｘ日
魔術師手電響起，原來係傻記有ｓａｌｅ屎打黎，話有個３０Ｍ既ｕｐｇｒａｄｅ計劃，只需要響個插位度換條光纖線同換個新ｍｏｄｅｍ，問魔術師做唔做．魔術師見有得ｕｐｇｒａｄｅ，梗係話好啦，點知佢地跟住竟然約係除夕夜８－１０ｐｍ裝機！
頂，咁魔術師咪無得去街？罷罷罷，反正果時都未知有無朋友搞派對，約左先算啦．
＊＊＊
二零零七年十二月二十ｘ＋１日
隔左一日，魔術師手電又響起，原來又係傻記有ｓａｌｅ屎打黎，話想同魔術師而家用緊既１０Ｍ計劃續約．頂佢地吖，佢地個係乜七ｃｕｓｔｏｍｅｒ　ｒｅｌａｔｉｏｎｓｈｉｐ　ｓｙｓｔｅｍ黎嫁？果頭叫魔術師ｕｐｇｒａｄｅ新ｐｌａｎ，呢頭又叫魔術師續舊ｐｌａｎ．
聽聲，兩位ｓａｌｅ屎都係ｌａｎ仔，魔術師便有點不客氣地問：「你地尋日先有同事約我ｕｐｇｒａｄｅ，點解而家又要我續約，你地可唔可以ｃｈｅｃｋ清楚先打黎？」
後一位ｌａｎ仔只好收線．
＊＊＊
二零零七年十二月二十ｙ日　（ｙ＞ｘ＋１）
又係傻記寬頻打黎，ｃｏｎｆｉｒｍ左除夕夜來裝機．
不過，呢個時候，朋友毛小姐ｃａｌｌ魔術師去倒數派對，「Ｍｉｓｓ張曼玉」應該都會去，雖然阿Ｍｉｓｓ張早已名花有主，魔術師只係得個睇字，但係，靚妹妹咯喎，睇下都好吖！
＊＊＊
二零零七年十二月三十日
又係傻記寬頻打黎，今次竟然問魔術師三十一日幾時得閒響屋企，魔術師大喜，梗係話成個下晝都得閒喇，於是便約左下午二至六．
於是魔術師便馬上覆阿毛小姐話去啦！
＊＊＊
二零零七年十二月三十一日　５：３０ｐｍ
魔術師等了一個下晝，都無聲無氣，於是咪響五點半打俾傻記既客戶服務部，問究竟會唔會有無人黎．聽電話既（又係！）ｌａｎ仔一ｃｈｅｃｋ，竟然話係約左８－１０ｐｍ！
頂，個ｒｅｃｏｒｄ無改過！？好可惜，魔術師唔記得前一日打黎果條友叫乜名，ｌａｎ仔話果個可能係工程部既同事，於是魔術師只好叫ｌａｎ仔留下名字，同埋佢個ｍａｎａｇｅｒ係邊位！
好笑既係，ｌａｎ仔要ｈｏｌｄ住魔術師條線一陣，先覆到佢ｍａｎａｇｅｒ係邊個，同埋竟然係唔知佢ｍａｎａｇｅｒ既直線電話係乜！
無奈之下，只好依ｌａｎ仔所言，等佢叫師傅響半個鐘內回覆．
＊＊＊
二零零七年十二月三十一日　６：３０ｐｍ
又等了一個小時，「師傅響半個鐘內回覆」既承諾顯然落空，魔術師再ｃａｌｌ傻記既客戶服務部，今次係另一位ｌａｎ仔接聽．魔術師又再重申左自己既「訴求」之後，ｌａｎ仔話務必要師傅打返俾魔術師．
＊＊＊
二零零七年十二月三十一日　６：４５ｐｍ
終於有師傅打黎，話立即上黎．十五分鐘之內到．
＊＊＊
二零零七年十二月三十一日　６：５５ｐｍ
門鈴響起，原來所謂既「師傅」，又係兩名ｌａｎ仔！佢地望完之後，竟然話要由廳既電話頭拉條明線入魔術師間房．
咁，天花板咪多左條光纖？同埋，魔術師間房之後點樣閂門？咁咪即係要鑽爛個門框！？
頂，唔裝呀！即係踢左果兩位「ｌａｎ仔師傅」走！
咁就白白浪費左一個下晝！
＊＊＊
二零零七年十二月三十一日　１０：２０ｐｍ
魔術師係毛小姐既派對中竟然收到傻記既電話，呢次係位姐姐，了解左魔術師取消ｕｐｇｒａｄｅ既都情況，會唔會有任何跟進就唔知嘞！
唉，魔術師假假地都係叫做ＩＴ吖，雖然唔係做同類工種，但都叫做係半個同行，點解有ｄ人同公司既工作同服務態度可以咁差？
＊＊＊

2008/01/01 13:14:20