自言自語（三）－周末狂熱

今日雖是周末，卻不比平時上班悠閒．
義務工作
前陣子收到義工組織ｃａｌｌ人去為一個為期一天的ｗｏｒｋｓｈｏｐ做義務工作，魔術師觀望左一排，見好似反應冷淡，又由於今年沒有去做長期義工，好像有些過意不去，於是便報名參加．

到得今日，晨早去聽ｂｒｉｅｆｉｎｇ，先響餐廳見到個貌似製作公司靚姐姐既靚姐姐，魔術師便懷疑佢又係義工之一．最後去到場地，果然所料不差．但係原來義工靚姐姐都同義工ｐｒｏｇｒａｍ　ｍａｎａｇｅｒ好熟，唔知係咪佢女友呢？
結果魔術師被分派到和一位懷疑教徒嬸嬸合作，佢講野又慢又悶又離題，講埋ｄ教會野搞到ｏｖｅｒｒｕｎ仲想ｃｕｔ活動，魔術師想提佢但係又唔好意思，ｏｖｅｒｒｕｎ係你自己造成，點解要影響到參加活動既朋友？結果納悶左好耐，到下畫有個ｓｅｓｓｉｏｎ嬸嬸離開左，魔術師先可以開懷講野．
最後收到ｄ參加者既ｃｏｍｍｅｎｔｓ，都幾嚇人，茲摘錄如下：
”The experience you shared is quite interesting. You conclusiion very concrete and easy to be undertood（魔按：should be "easy to understand"). I am so glad to have you to be （魔按：should be "as")　my mentor.”
「你的語氣風趣，令課堂生息（魔按：生色）不少．」
＊＊＊
服務態度
做完義工，見已經入黑，便急急腳在返到屋企前去樓下的水電鋪叫通浴室去水喉，點知老闆娘好似生意唔憂做咁愛理不理．結果魔術師只好行遠去找水電貓的主人．
託水電貓的福，老闆雖然在正關門，無意再開工，本想約聽日，但在得知魔術師「無涼沖」（其實不然）既「慘況」後，便毅然應承馬上幫魔術師搞掂．
結果半小時內完成，盛惠大牛一張．
錢唔係問題，最緊要係呢ｄ咁既服務態度，先係一級棒．
＊＊＊
香梘寬頻
魔術師始終唔係好想用傻記，所以今晚約左香梘寬頻上來安裝．
裝親呢ｄ野，師傅每次都係有咁晏得咁晏先上到來．今次都唔例外，但係呢次師傅打開魔術師屋企既電話線盒後，便解釋給魔術師聽點解因為當年裝潢拉線令佢裝唔到，除非拉明線，又提供左拉明線又唔好拉到咁核突既折衷方案俾魔術師，唔似傻記果ｄ「潮童師傅」咁真心膠．
雖然魔術師最後都係唔裝，但係印象就好好多囉．
＊＊＊
最後，點番隻歌俾自己聽，１９７７年「周末狂熱」（Ｓａｔｕｒｄａｙ　Ｎｉｇｈｔ　Ｆｅｖｅｒ）既開場曲：

2008/01/26　22:10:30