2016年12月21日 星期三

《陀地驅魔人(Keeper of Darkness)》:大師和大師的助手

乜魔術師個性格真係好似黃永發(發仔,張家輝飾)咩?


發仔天生陰陽眼,能與鬼魂溝通,是個現代的驅鬼專家,剛剛就為一名被誤診為患有情緒病,但實際上卻是被一隻小孩女鬼上身的精神科女醫生驅鬼,並由其義務助手兼好友蔥(張繼聰飾)拍片放上網:

片段惹來短髮造型甚似容靚靚的八卦周刊女記者方紫寧(蔡貝思飾)注息,於是在網上結交了網名「傷盡天下女人心」的阿蔥,說要跟「大師」發仔做專訪。發仔只是叫紫寧不要追查,他就算是懂得驅鬼,也不一定要周圍講,甚至設館授徒的:

閒時發仔會跟阿蔥到街上派糖,叫鬼怪們安份守己;但此行跡可疑自會招來黑警干預,好在有黑幫老大坤哥(姜皓文飾)照住。原來發仔也趁機開導黑幫要他們多做善事,同時又提醒原來黑警頂帽的徽章夠殺氣,可以辟邪驅鬼:

紫寧好奇心起走去玩問米,結果給女鬼上了身。原來女鬼是因誤「性交轉運」的「大師」圈套,逃走時遭車輾斃。發仔得知真相,便帶同坤哥等人將「大師」打鑊金兼報警:

發仔教訓了紫寧一頓,說人鬼要互相專重,不能搞種族分隔,並叫紫寧不要再找他;作為港女,紫寧當然唔會咁聽教聽話,更潛入發仔屋內欲一探究竟。想不到發仔家中有一隻女鬼,嚇到紫寧屁滾尿流,連滾帶爬的逃走:

跟發仔同居的女鬼叫江雪(郭采潔飾),已經在屋內待了60年,看着發仔搬進來,長大(睇AV??打JJ?),並發展出一段曖昧的人鬼關係:

原來發仔努力助人積福,是因為想幫江雪「排快隊」,早點投胎;只是不知道驅鬼跟紋身有甚麼關係:

同時,城中接連發生「神棍大師」慘變「自焚者」的案件,發仔調查期間,得知原來是惡鬼黑哥(釋延能飾)作祟,正正是開首小孩女鬼的父親:

發仔與蔥到訪紫寧,希望她幫手查探,希望能化解黑哥的怨念。身為港女,紫寧果然是姣精,只穿着單薄內衣褲便招呼客人,並查到惡鬼名叫黑哥,是在九龍城寨一宗火災中,全家被燒死:

鬼差送來信件,阿雪就要投胎轉世,急着幫發仔搵返個女朋友。雪以為可以介紹返個都係有陰陽眼、在7仔工作的靚女(湯加文飾)給發認識,起碼大家有共同話題,可是發仔卻慘食檸檬,7仔港女只以渾圓的屁股向着發仔 say goodbye:

江雪到紫寧家,話鬼嚇人其實係因為怕人,並講出自己只因當年年少無知,跟老闆發生了關係,珠胎暗結,最後給老闆娘(江美儀飾)恐嚇灌藥毒打,最後浸在浴缸中自殺身亡(所以日後出場都是以濕身造型示人):

黑哥以阿蔥(做助手做到咁就真係弊!)要脅發仔到療養院殺一個叫劉江的前黑警,給他老婆報仇:

原來療養院周邊有警局和消防局,鬼魂埋唔到身。發仔去到療養院,發現劉江已成植物人,生不如死,無法將之「交出來」給黑哥處置,於是把心一橫,以膠袋笠頭閉氣方式進入「鬼域」,尋找解決方法,並回憶起跟母親的生活。發仔母親(林嘉欣飾)是個單親媽媽,教子甚嚴,甚至會幫起發仔雙手來個藤條炆豬肉,放在現今社會早已成為虐兒個案。某日,社福部職員家訪,來的卻是個戀童癖,對住發仔打JJ,更以「寫花你快勞」來脅逼發母不得報警。發母不知是否羞愧難當,竟然諗住抱住發仔跳樓自殺(這是甚麼邏輯?),但被江雪喝止,但最後發母還是自己跳樓死了(點解人地打JJ,反而自己要跳樓?)。由於發仔本來陽壽已盡,只是江雪逆天而行,以自己下一世的陽壽給發仔續下了性命:

發仔與雪在陰間找到了黑哥老婆,並知道了真相:原來黑哥本來是在城寨賣白粉的,跟黑警劉江(余文樂飾)因保護費問題發生衝突(乜葉問唔係話黑警不能在城寨執法的嗎?)。黑哥欲殺劉江不果,劉江找上門報仇,混亂間打翻火水爐令黑嫂(張慧儀飾)變成「被焚者」;最後劉江反鎖了黑哥一家逃去,就此釀成滅門慘案:

發仔將黑嫂帶回給黑哥,希望能平息事件,但黑哥矢志復仇,不為所動。黑嫂不想一家人作孽太深,為了女兒着想,便吃了黑哥,跟女兒離去:

江雪要投胎了,跟紫寧商議好,借她驅體跟發仔拍一日拖。人鬼戀依依不口捨,最後發仔又使出膠袋笠頭秘技,到鬼域跟臨走前的江雪表白(又要紫寧在旁守候救援,咁鬼唔公平,港女今次都算唔話得)。由於呢段劇情過度冗長兼肉麻,魔術師就唔截圖了,改以插曲代替:

睇完全片,只覺劇本支線太多,好多嘢都無解釋到(例如紋身的意義,唔好話俾魔術師聽呢啲係「伏線」),野心太大但又到喉唔到肺,如果 cut 咗啲無厘頭客串劇情(例如錢嘉樂飾演的四川能讓大師),擺返啲心機落去「真・劇情」會更好(點解劉江明明受了重傷,卻仍可以找上門搵黑哥算帳);CG叫 okay,鬼片算係咁;同埋台妹同港女真係好唔同,氣質贏幾條街;文青味咁重,仲要係講鬼擺明唔諗住打入蝗國市場,自當大受有青歡迎才對。
***
伸延閱讀:
摩摩電影節之《葉問:終極一戰(Ip Man: The Final Fight)》:被遺忘的時光

48 則留言:

  1. //乜魔術師個性格真係好似黃永發(發仔,張家輝飾)咩

    就係因為春花姐咁講我買左隻DVD睇。我唯一relate到0既係心地好同性格比較孤傲...

    感覺上張家輝好似冇發揮,成日就只係對住空氣講野。同意港產鬼片來講CG算係咁;但作為鬼片來講就一D都唔驚嚇---最驚0既反而係個Seven妹個巨股(認真的)。

    //同埋台妹同港女真係好唔同,氣質贏幾條街

    呢個真係不能同意更多

    //唔好話俾魔術師聽呢啲係「伏線」

    係都唔奇。尾段好似暗示有續集。

    回覆刪除
    回覆
    1. //我唯一relate到0既係心地好同性格比較孤傲...

      我直程係桀驁不馴,無人可以manage到我, 有如《銀英傳》的先寇布.

      //成日就只係對住空氣講野

      令我諗起《本地蛋》的廖啟智.

      //最驚0既反而係個Seven妹個巨股(認真的)。

      我有一刻懷疑佢係用咗魚眼鏡拍攝...

      //尾段好似暗示有續集。

      張學友扮死神?

      刪除
    2. “張學友扮死神”
      哈哈又真係幾似喎~如第一集收得既話,佢哋可能想用“張家煇+張學友”兄弟幫,打入内地票房又撈N個億XD

      刪除
    3. //打入内地票房又撈N個億

      如果係講鬼都不能打入蝗國市場了.

      刪除
    4. //有如《銀英傳》的先寇布.

      乜唔係楊威利咩?

      刪除
  2. 哈哈,呢套嘢咁啱港產片之王在電影台睇過兩次(應該係一次,兩次夾埋睇晒全套),而家先發表下

    //張家輝好似冇發揮

    佢應該分咗心做導演。

    //由於呢段劇情過度冗長兼肉麻

    非常同意。呢段係張家輝導演成套戲的最大敗筆

    回覆刪除
    回覆
    1. //呢套嘢咁啱港產片之王在電影台睇過兩次(應該係一次,兩次夾埋睇晒全套)

      咁定義法,《十年》你睇咗五次添喇!

      //佢應該分咗心做導演。

      我淨係想知個劇本邊個寫...

      //呢段係張家輝導演成套戲的最大敗筆

      另一個角度: 在戲中, 發仔不停提及同江雪睇韓劇同TBB劇,可能係將冗長兼肉麻的人鬼情當成係自嘲.

      刪除
    2. //又提醒原來黑警頂帽的徽章夠殺氣,可以辟邪驅鬼:

      好耐之前都聽過呢個saying,話皇氣夠煞氣,鎮得住普通邪魔外道

      //但最後發母還是自己跳樓死了(點解人地打JJ,反而自己要跳樓?)

      呢一段電視系cut左的,只隱約知道社署職員系性騷擾發仔...原來系對住發仔打飛機。我開頭以為是強迫或誘導發仔做d嘢(例如捉住發仔隻手幫自己打J),咁發母立時跳樓都還講得過去;點知原來只是迫發仔做旁觀者,即刻自殺就似乎太激烈,講唔通。

      //最驚0既反而係個Seven妹個巨股(認真的)。

      我睇時都打左個突。

      //乜葉問唔係話黑警不能在城寨執法的嗎?

      出名的三不管地帶,即是黑警都管唔到,其實編劇唔話發生在城寨,對故事也全無影響。

      //同埋台妹同港女真係好唔同,氣質贏幾條街;

      我都唔認得女鬼系郭采潔...之前甚至無搞清楚佢系台妹,只知佢近年在蝗國紅到發紫...

      //文青味咁重,仲要係講鬼擺明唔諗住打入蝗國市場,自當大受有青歡迎才對。

      以一開頭就唔諗住入蝗國市場而論,呢套嘢算系專心講故仔的了,我敢講絕大部份一開頭就唔入蝗國既戲,都因為太想“講理念”,結果“講故仔”就講到一塌糊塗;唔系話偏幫,我睇過好多小型製作、唔系“狹義合拍片”而上到去的港慘片,大部份都起碼肯正正經經將“講故事”行先。

      //係比較平淡的一齣戲。

      所以我都無太多意見好寫。

      //咁定義法,《十年》你睇咗五次添喇!

      兩次夾埋中間果段重疊左,算系睇過兩次嘛。

      我好多戲都睇過N次,包括無數的晶哥同星爺;不過《十年》就肯定只有“五”次,唔會有更多了

      //改以插曲代替

      港產片之王提供阿家輝唱歌既處女作:《賭聖3:無名小子》主題曲(呢套嘢其實好sad...)

      https://www.youtube.com/watch?v=8mKxWSmTFOU

      刪除
  3. 魔術師天生陰陽眼,能在辦公室分別出是人是鬼.
    膠袋笠頭秘技是魔間行者(Constantine)用過.(不知是否首次出現?)
    整體來說不錯,但不及魔間行者.

    回覆刪除
    回覆
    1. //魔術師天生陰陽眼,能在辦公室分別出是人是鬼.

      我只係分到係咪黃C. XD


      //膠袋笠頭秘技是魔間行者(Constantine)用過.(不知是否首次出現?)

      天下文章一大抄,尤其是電影,又好難 pay tribute 的.

      //整體來說不錯,但不及魔間行者.

      與荷里活相比未免要求太高,港片來說算不過不失。

      刪除
  4. 無新意,又無寓言,又唔浪漫,又唔驚嚇。

    回覆刪除
    回覆
    1. 一啲都睇唔出魔術師點樣似驅鬼發。
      享受一個獨處同孤僻係唔一樣。
      好多人會將自己感覺投射於他人,以為自己咁諗,人哋一樣係咁諗。
      但我唔認為魔術師會想參加啲咩聰明會物物會。
      魔術師唔係嗰啲需要人認同嘅孤獨精。

      刪除
    2. 哈哈,覺得魔術師有少少似戲内的驅魔人,只是我看完戲後的第一感覺而已。我説出來純粹是分享,冇諗過人哋要認同我。

      一個人的性格及思想如何,只有自己才真正清楚。其他人點諗,也只是猜測而已。

      刪除
    3. C嬸:

      //享受一個獨處同孤僻係唔一樣。

      哈哈,你真係好似好鬼暸解我咁.

      //魔術師唔係嗰啲需要人認同嘅孤獨精。

      一早有人咁話我喇!

      春花:

      //一個人的性格及思想如何,只有自己才真正清楚。其他人點諗,也只是猜測而已。

      只要你能夠有獨立思考, 其他人點諗, 根本唔重要.

      刪除
    4. //你真係好似好鬼暸解我咁.//
      我身邊都有唔少單身嘅朋友,明白佢哋唔同嘅心態。而見到好多人對生活只有一種理所當然嘅諗法帶俾佢哋嘅煩惱同糾結。

      車厘子諗多了,可能我講得太直筆甩,嚇親人! :P
      1. 我想話魔術師做咩要加入啲咩門咩會?
      2. 你分享你感覺,我分享我感覺,同「要唔要」認同邊個嘅感覺無關。
      都係吹吹水,唔使咁緊張。

      刪除
    5. 哈哈C嬸no worry呢~有時語言容易産生誤會,大家都理解的:)

      刪除
    6. //見到好多人對生活只有一種理所當然嘅諗法帶俾佢哋嘅煩惱同糾結。
      //2. 你分享你感覺,我分享我感覺,同「要唔要」認同邊個嘅感覺無關。

      見到有啲人覺得唔跟隨主流就係有問題, 呢類人的包容性太低了,亦太想唔開. 人會排擠殭屍,你係殭屍係你嘅事, just embrace the fact,不過也無需要跟人類鬥爭。「與人鬥」雖然話「其樂無窮」,但如果到最後只會「亂揮刀劍無結果」的話,講完就算喇,持續的爭拗又有乜謂呢。

      刪除
    7. //一個人的性格及思想如何,只有自己才真正清楚

      我之前聽過有人話一個人有四面:

      自己和人地知道的
      自己知道人地不知道的
      自己不知道人地知道的
      自己和人地都不知道的

      “自己不知道人地知道的”--較簡單的是,一些個人形體動作、語氣,因為自己無辦法旁觀(照鏡只能提供片面角度),所以反而無旁觀者咁有客觀印象。所以好多對自己有要求的人,都會拍低自己的影像重睇作改善,例如從政的睇返自己演說、運動員睇返自己訓練等等。

      複雜d就系自己有一些不自覺的傾向性,例如生活軌跡在不停重覆緊一個loop而自己渾然不知,甚至矢口否認這個loop是自己的偏好,但觀察力強的旁觀者就會睇得出;當然覺知強的人系較能避免“唔知自己做緊乜,純粹被潛意識導向”的。

      “自己和人地都不知道的”就是一些潛藏在潛意識的東西,但未有實際遭遇引發出來。

      //人會排擠殭屍,你係殭屍係你嘅事, just embrace the fact,不過也無需要跟人類鬥爭

      最弊系人會主動對殭屍鬥爭。最赤裸當然是在中學校園內(尤其是男校),好多校園欺凌其中一個元素是針對被視為少數者。

      不能否認動物總有“排他性”,最慘人又是群居動物,大部份人都唔多唔少天性上有埋堆傾向(在原始時代,不喜埋堆者多會跟唔到大隊搵食而不能生存,結果其基因不能傳承,所以傳承下來的總會有d想埋堆成份;唯一例外是天生王者:我唔系要埋堆,我要稱霸帶隊);“埋堆傾向”+“排他性”,人類結果衍生出一大堆解釋點解“唔跟隨主流就係有問題”來自圓其說。

      如果真系殭屍,要抵擋部份人類的攻擊,又要聽另外一d故作善意的人類向你洗腦要你做佢同類,無返咁上下修為真系好易迷失方向的。

      刪除
    8. //我之前聽過有人話一個人有四面:

      個理論叫 Johari Windown

      https://en.wikipedia.org/wiki/Johari_window

      //“唔知自己做緊乜,純粹被潛意識導向”。

      用嚟形容佔派就最好.

      //“自己和人地都不知道的”就是一些潛藏在潛意識的東西,但未有實際遭遇引發出來。

      笨土派算唔算?

      //最弊系人會主動對殭屍鬥爭。最赤裸當然是在中學校園內(尤其是男校),好多校園欺凌其中一個元素是針對被視為少數者。
      //“埋堆傾向”+“排他性”,人類結果衍生出一大堆解釋點解“唔跟隨主流就係有問題”來自圓其說。
      //如果真系殭屍,要抵擋部份人類的攻擊,又要聽另外一d故作善意的人類向你洗腦要你做佢同類,無返咁上下修為真系好易迷失方向的。

      我總係覺得「心靈教育」係好重要的:主要係用來強化個體的意志,教人點樣去開通自己的思想,不要被「唔跟隨主流就係有問題」的「論述」嚇怕,學老董話齋「擇善固執」.

      不過要等到一個人的思想成熟到可以接受「心靈教育」,其年紀都應該過了「被欺凌」的時代:又或者咁講,「埋堆」、「欺凌」係人類的「天性」, 後天教育的是難追得上的.

      所以,我係相信「人之初,性本惡」多啲嘅.

      刪除
    9. //自己和人地都不知道的//
      我喺度諗,即係點呢?原來係笨土! XD XD XD
      如果去到咁原始,真係同豬無咩分別! XD XD XD

      刪除
    10. //我喺度諗,即係點呢?原來係笨土! XD XD XD

      唔知乜嘢係「革命」,但又大叫「革命」,但又大把粉絲追隨是也.

      刪除
    11. //https://en.m.wikipedia.org/wiki/Johari_window

      哈哈,謝謝提供!

      //唔知乜嘢係「革命」,但又大叫「革命」,但又大把粉絲追隨是也.

      你地講起,我覺得「失敗民運模式」更近似佔派中的「唔知自己做緊乜,純粹被潛意識導向」。

      //我喺度諗,即係點呢?原來係笨土! XD XD XD

      的確係笨土,以前lead蝗咁遠就相安無事,被步步進逼先開始引發呢個概念--但可能已一早埋藏在部份傷民心中,只是以前被優越感掩蓋而已(或由優越感演變出來)。

      刪除
    12. //我覺得「失敗民運模式」更近似佔派中的「唔知自己做緊乜,純粹被潛意識導向」。

      潛意識知道自己無能, 但係又「身不由己」咁去搞革命.

      //但可能已一早埋藏在部份傷民心中,只是以前被優越感掩蓋而已(或由優越感演變出來)。

      unknown unknown 是最難測的, 想做risk management 都唔得, 只能generally 留兩手做buffer, 隨機應變.

      刪除
  5. 精神科醫生有精神病,令我諗起張國榮套異度空間,起哂雞皮了。

    回覆刪除
    回覆
    1. 經典 《The Exorcist 驅魔人》 嘅真實故事重好睇!

      http://www.washingtonpost.com/wp-dyn/content/article/2005/09/02/AR2005090200559.html

      刪除
    2. 咁我都係鍾意睇電影版多啲嚕.

      刪除
    3. 異度空間值得睇呀, 哥哥的戲+當打的林嘉欣, 張家輝呢套我無睇過, 但無咁多支線同人物

      刪除
    4. 講開鬼片, 我最鍾意the sixth sense, 明明係鬼片, 緊張片段固然有, 但係拍得好溫暖

      刪除
    5. //異度空間

      嗯,放埋入pending list

      //the sixth sense
      死,我又唔會將the sixth sense 當成係鬼片...

      刪除
    6. 6th Sense 我都幾鍾意。
      唔當係鬼片,咁當係咩呢?
      另一個差唔多嘅 The Others 有 Nicole Kidman

      刪除
    7. //唔當係鬼片

      我會當係劇情片.

      //The Others

      呢個係有線電影台(竟然!)睇過, 麻麻地, 無乜回響.

      刪除
    8. 《異度空間》我竟然未睇過!前幾年幾個電影台都成日播,但唔知點解我都會轉台,無興趣睇落去。

      可能我本身對驚嚇片興趣不大,同加埋知道哥哥間接因為呢套戲自殺,唔係好想睇...

      哥哥死之前個段既戲我睇得最多係《槍王》,哥哥做個因為自衛開槍殺人結果殺人殺上癮既燒槍愛好者,當時見佢演歇斯底里好似上身咁,已經隱約覺得佢唔多妥,《異度空間》可能只係壓死駱駝最後一根稻草而已。

      刪除
    9. //《槍王》
      //當時見佢演歇斯底里好似上身咁

      傻豬嚟嘅, 查實港豬們都唔睇演技架喇, 使乜咁投入呢?

      刪除
  6. The sixth sense 我覺得係溫情片.

    另, American horror story 呢個series 都幾好睇的.有興趣同時間不妨睇睇. 不過都幾血腥同令人不安.睇得最辛苦係 Freak Show 嗰季.

    回覆刪除
    回覆
    1. //American horror story

      無睇過, 似唔似以前的twilight zone?

      又,以 miniseries 嚟講, 最好睇的是 It

      https://en.wikipedia.org/wiki/It_(miniseries)

      刪除
  7. //似唔似以前的twilight zone?

    twilight zone無睇過 (或者睇過唔記得)。但估計應該唔太似。聽講twilight zone好似有SF元素,同埋好似係獨立故事。American horror story每季有唔同主題。例如笫二季是精神病院,笫三季是巫術,第五季係hotel。黎緊最後一季會交代咁多季留卞來的謎題。睇完五季令我反思最多0既係永生問題---永生真係可以好恐佈.

    //又,以 miniseries 嚟講, 最好睇的是 It
    謝推介。呢個真係有性趣。之前有諗過睇原著,但太厚,放棄了.

    回覆刪除
    回覆
    1. //睇完五季令我反思最多0既係永生問題---永生真係可以好恐佈.

      啱啱睇完 X-Men: Apocalypse, 條永生奸角真係... 一個字: seven...

      刪除
    2. 人性係就住生存而衍生。當人可以好長命好長命(冇嘢係永恆),人性就唔會係呢個現實嘅咁樣。

      刪除
    3. //當人可以好長命好長命(冇嘢係永恆),人性就唔會係呢個現實嘅咁樣。

      變咗社會「棟樑」.

      刪除
    4. 我諗起《天下》第二部的帝釋天:

      http://baike.baidu.com/subview/50500/5044712.htm

      (請scroll去最後“《天下畫集》是那個朝代?”)
      https://m.gamer.com.tw/home/creationDetail.php?sn=127913

      人唔會死,好多嘢就變得無迫切性...

      刪除
    5. //帝釋天

      只有讀書期間斷續地追過下《風雲》,又係打完雄霸之後覺得劇情開始失控變成七龍珠,就無心機再睇了.

      //人唔會死,好多嘢就變得無迫切性...

      當人人都唔會死時才會「好多嘢就變得無迫切性」,否則只有少數不死人(殭屍?),為求以「有限生命的傀儡」去達成目標, 一樣有「迫切性」,否則次次reset game 就好無癮.

      //「幹你老馬!」

      笑死我喇!

      刪除
    6. //只有讀書期間斷續地追過下《風雲》,又係打完雄霸之後覺得劇情開始失控變成七龍珠,就無心機再睇了.

      我直程無正式追過《風雲》,係第二部個陣隔離個同事追開,我黐埋睇左幾期,咁岩睇到帝釋天呢個角色,「《天下畫集》是那個朝代?」下面果兩頁帝釋天講果段話令我印象非常深刻,記到而家。其實之前帝釋天仲話本來都好珍惜身邊好友同紅顏知己,但自己長生不老卻睇住佢地一個個咁離去,自己心態開始慢慢改變...

      //否則次次reset game 就好無癮.

      無錯,佢窮極無聊擾亂江湖,都要趁果代江湖人未死前擾亂成功先可以過足癮.

      //劇情開始失控
      //笑死我喇!

      你提「幹掉老馬」,我睇多次blog主原來回覆每個留言都講呢四個字...

      似乎佢真係因為「劇情失控」,非常不滿馬仔...

      刪除
    7. //其實之前帝釋天仲話本來都好珍惜身邊好友同紅顏知己,但自己長生不老卻睇住佢地一個個咁離去,自己心態開始慢慢改變...

      既然知道一定會失去,那麼存在與否已經不重要了.

      //我睇多次blog主原來回覆每個留言都講呢四個字...

      我反而諗起偶像博客叫匿名留名的那段罐頭文字...

      刪除
  8. 棟好耐~好耐~ XD

    回覆刪除