覆讀者來信：退休生活的資產配置

有讀者來郵問及退休後的資產安排。魔術師個ＣＦＡ（Chartered Financial Analyst）都只係考哂三個試但因沒有相關工作經驗而無法 chartered（但有關知識卻是非常好用），不是甚麼ＣＦＰ（Chartered Financial Planner）都無，不敢班門弄斧。指導真係唔敢講，分享一下心得卻也無妨，希望唔會搶咗乜 sir 個飯碗。
問題一. 「獅子證券」去那裡買？
如果所謂「獅子證券」指的是魔術師所持有的 HSBC HOLDINGS PLC. 8.125% Perpetual Subordinated Capital Securities (HSEA.NYSE)、HSBC HOLDINGS PLC. 8.00% Series 2 Perpetual Subordinated Capital Securities (HSEB.NYSE)，那就簡單易辦。以上兩者都是美國上市證券，就如普通股票一樣可以在二手市場自由買賣（美股的編號是以美文字母及數字組成，例如以上兩者就是 HSEA 和 HSEB），只要在有美股服務的銀行（例如大貓銀行、美帝銀行）或者證券行（例如虧立、妖財、嘉信、Interactive Brokers等）開立戶口，填好表格（W-8BEN）向美帝稅局表明非美帝子民（不用交資產增值稅，但證券行會幫客戶先扣起３０％股息作為交股息稅用），便可以開始進行美股文易買賣了。跟港股不同的是，美股沒有「手」的概念，可以逐股買賣，夠哂豐儉由人。
＊＊＊
問題二，便用 Interactive Brokers（IB） 有何需要注意的地方。
這條問題很不好答，因為太空泛，唔夠 specific。IB 對初學者未免太「專業」（複雜、多資訊），建議由網上被 Webtrader 開始用會較容易掌握；但對於好似魔術師呢類慣於 attentive to details 的人來說，基本上就「沒有」要特別注意的地方，只要有一定的閱讀能力，能夠 follow instructions step-by-step 便一定搞掂。
IB 網站架構（information architecture）清晰，只要善用 navigation menu，基本上你要搵嘅資料你都會搵到。當然，如果你係一個非常之唔 attentive to details 的人，咁人地寫得再清楚都無用，因為你乜都唔會睇，只有墥過板先至會學識咯（無疑「墥板」係一種「情趣」，錯咗打個哈哈，日後可以用來當係講笑的話題，是生活的調劑品，呢種想法魔術師在舊 blog 唔記得邊一篇文都寫過；好似魔術師咁唔多會、亦唔容許自己犯錯的人，一字記之曰「悶」。律已咁嚴，對現代人來就是壓力大）。
想起早前另外有網友提及的提存款項問題，以「存款入 IB」為例，只要在 login 後，在 Funding > Fund transfers 選好存款、貨幣、存款方式、銀碼、基本銀行資料、與及以後以呢間銀行做交易的 template 名，按 continue 後，入數資料便會顯示出來，用呢頁所顯示的資料照做（無需要對住魔術師個截圖抄），唔會有出錯的空間，難度分是０（１０分最高）：

至於「從 IB 提款」也是一樣容易，選 withdraw 後，都係填銀碼，戶口號碼、銀行 swift code 等。銀行 swift code 有search function 可以找到（基本上你可以用 withdrawal 呢個 search function 去找到閣下的銀行 swift code，cancel 之後再用來填寫 deposit page 的資料都得），難度分是１（１０分最高）：

如果以外幣進行，也是一樣，不過牽涉了匯款（remittance）。通常如果唔係相同銀行集團之間的轉帳，多數要經中介銀行（correspondent bank）結算，故此會收手續費。由於 IB 是用美帝銀行，如果你都係用美帝銀行的話，咁手續費便可以免了（此為銀行間國際匯款的基本概念，實際收費當然以銀行公佈為準）。
＊＊＊
問題三，讀者退休後有現金流若干，問魔術師的分配建議，以保本收息為主。
第一，退休後嗰舊錢，應該叫現金（Cash），唔係現金流（Cashflow），分別為前者係靜態（static），後者係動態（dynamic）。
第二，如果要以退休金支持生活，咁就要先計好自己的每月收入，例如租金收入、子女家用等等；又要計好生活所需，衣食行、水電煤、電話、上網、醫療、保險（年紀大人壽可免，同埋希望後生時有買醫保）、差餉地租管理費（或租金支出）等等。支出減收入就係淨支出，亦就係呢舊錢的基本任務。
假設每月淨支出為$10,000，一個月支出就係12萬，以5%債券計，就要１２／５％＝２４０萬（為方便計算起見，假設不做槓桿）。債券好處就係到期保本，當然也有沒有到期日的永續債，其派息的 behaviour 跟 HSEA/HSEB 一樣，不過由於沒有到期日，價格就會跟市場價格浮動。同時，有不少永續債都係以票面值 callable（同 HSEA/HSEB 一樣），如果你係以溢價買入，最壞情況就係今日買明天call，便會蒙受損失了。
假設讀者的退休金有１,０００萬，每月淨支出為$20,000，以保守的５％回報計，已經用了４８０萬去做「收息組合」。其中配置可以好似魔術師咁以１（債）ｘ１２（個月息），６ｘ２，或４ｘ３等等的組合去制造每月收息現金流。進階版可以再以到期日 rollover，然後每年都有債券到期（此法叫 ladder，即 year 1 買 3 年期債，year 2 買 3 年期債，year 3 買 3年期債，year 4 時　year 1 到期收回本金再買過，如此類推）。以每年６隻每半年價劵派息的做法，３年 ladder 就要買 18 隻債劵...
剩下５２０萬，其投資目標就係為成舊錢（１,０００萬）增值，理由係債券只能保本，不會隨通漲上升，反而數年後收回票面值會受通漲影響而縮水。故此「增值組合」就要發揮 team work 精神，幫隨時日縮水之「收息組合」「補充子彈」。
以１,０００萬本金、３％通脹率來說，即是每年要增值３０萬；但實際投資額為５２０萬，目標回報率係３０／５２０＝５.７７％，對於保守型退休人士來說，說難不難，說易不易。可以試下以股（例如複式盈富、複式ＱＱＱ、複式ＳＰＹ、加埋無息收價值投資 BRK.B）、金、債做資產配置，trading rule 同配置比例就要讀者自行做 backtest 了。
＊＊＊
伸延閱讀：
覆讀者來信：有關 Interactive Brokers （IBKR.NASD）及其他
自己結單自己睇
伸手黨免問
尋找1042-S的故事