2018年4月24日 星期二

摩摩電影節之《省港旗兵(Long Arm of The Law)》:資本主義多美好

無嘢好講,當年我城無網上騙案、PTGF,但係就有旗兵打劫金鋪,有舞廳夜總會。點睇都好,呢個先至係班笨土有青念茲在茲的我城:

在那沒有膠鐵更未有上了市港鐵(00066.HK),又沒有淘寶、支付寶、順豐速遞與及一眾網上平台的年代,被我城黑警列為十大通緝犯之一的大東(林威飾)乘搭宜通車回廣州提供軍火,引入外勞,計劃跨起犯案:

當年蝗國人民還是一窮二白,人人要向雷鋒同志學習;大東要來招兵買馬,當然要先走私幾隻名錶和打火機。大東跟鄉里傾好時日和偷渡路線,做好準備便出發:

大東話此次做案事成,每人會分得25萬我城貨幣,以當時100我城幣兌25元人仔來說,25萬我城幣可以兌到6.25萬人仔,而當年民工每月賺50元人仔,即是年賺600人仔,6.25萬的確要超過100年才賺回來,怪不得當年我城「通街黃金」,吸引了不少揸開槍搵食的蝗民落嚟做世界。只係佢地一定諗唔到,30年後的今日,十年河東十年河西,比起依家,100我城幣兌80人仔(人仔竟然是貶了值!),而2018年4月23日收市,一手貴州茅台(600519.SH)就做緊67,401元人仔,又係當年要做100年才能夠賺回來:

其實暈鴿也不是全無好處:好處就係可以訓練出一袋人的狠勁和決心,便事決不會娘娘腔。不過,搞笑的是,大陸喱始終是大陸喱,大鄉里出城,做案之餘竟然仲要掛住去叫G同埋鳩嗚。小農DNA果然深植蝗民腦中:

呢首偷渡者之歌,說出了在殺人政權管治下的蝗民,對被米帝事頭婆管治下的我城,是何等的嚮往:

大東手下烏蠅頭是個「好爸爸」,出門前造案前,老婆千叮萬囑,有鳩嗚清單,買的又要係來路貨,仲要擔心老公唔好在我城沉船包二奶,真係將顛倒過的再顛倒過來:

眾人又越過高山又越過谷,去到邊界遇見老解邊防,馬上便被追趕。老解可不是省油的燈,二話不說便從背後開槍將大東手下打靶仔擊中,再放狗將其咬死,極不人道。相對起眾人逃到我城,遇見文明之師皇家黑警以禮相待,真起天堂與地獄之別也:

眾旗兵去踩線,發現目標金行已關門;原來有獨行賊造案被印度護衛擒獲,黑警正在調查。想不到天不怕地不怕的旗兵,竟然就怕了「印度兵」:

黑警發現旗兵的車輛甚為可疑,上前調查期間,旗兵發難逃走,雙方在鬧市中追逐駁火,仲連手榴彈都掟埋,真係勁過689:

大東認為金行捉到獨行賊之後,警誡定必鬆懈,決定三日後再行事。雞蟲見有數天閒着,便提議去叫G,一嘗我城春色,就如當年港燦上東莞一樣。原來八中的愛人阿嫦來了我城,飽受資本主義荼毒,淪為風塵女子:

大東找上今次劫案的拆家肥泰(沈威飾)眾人為眾人籌集呢幾日的洗費。肥泰要求旗兵眾幫他殺人,於是眾人便成了 freelance 殺手,:

旗兵眾到夜總會消遣叫G作一次性消費。只見眾G都是大媽,態度臭串不特止,衣着比現在的MK妹仲要密實。八中想發財後帶舊情人回鄉享福,但聲色犬馬的資本主義生活早已蠶食了阿嫦的純潔心靈:

旗兵眾在太古城溜冰場眾目睽睽下將肥泰的仇人狗哥轟掉,肥泰手下在旁拍片作紀錄,赫然發現死者狗哥是黑警。旗兵眾去找肥泰算賬的同時,黑警膠層亦大為震怒;原來肥泰是狗哥的線人,殺他也不知是何用意。黑警召了肥泰去問話,李 sir 話殺警案會令眾警同仇敵愾,肥泰再隱瞞只會殺無赦;另外仲有花紅二十萬,加埋肥泰的「陰功錢」,可以令他下半世財務自由,看來當時的消費物價的確好低:

眾旗兵捉了肥泰去嚴刑逼供,肥泰只說自己想逼大圈仔入局一起打天下,並沒有向黑警爆大鑊。大東只係睇錢份上,明天造案後叫肥泰帶定錢來換貨:

肥泰回遊戲機中心的大本營要眾手下跟他復仇,但眾手下「家在我城」,由「笨土情意結」演變到「中慘情意結」,拒絕「驅蝗」:

眾旗兵在造案前一晚叫最後一次G。八中要求阿嫦一起回廣州,但阿嫦卻寧願留在我城,享受無價的自由;但八中卻是大局思維,以旗兵的整體福祉為重,是「蝗巷矛盾」的最早期版本。山雞繼續遇着打拉布、當恩客是水魚的臭G,結果都係用槍了事:

眾旗兵犯案前都不忘關心國家發展,仲深受我城現代化所吸引,想留係度做外勞添!

翌日一眾旗打劫金鋪,先用紅白藍膠袋裝貨,再轟殺「印度兵」。肥泰早前已和黑警達成協議,裝有追蹤器,但被旗兵發現。這時黑警直昇機稍沒聲掩至(有可能嗎?),二話沒說便將肥泰打死,挾持肥泰的烏蠅頭亦身中數槍:

眾旗兵逃到擁有自決權的九龍城寨,找上正要考醫生牌的赤腳醫生。醫生雖替烏蠅頭取出三粒子彈,但有一粒子彈太近心贓,不去政府醫院做手術不行。眾人由爭論是否將烏蠅頭交給醫院,講到是否留港:原來八中已答應跟在現已結業的大大百貨公司門前等候的阿嫦講好,會留在我城。就在這時烏蠅頸傷重死去:

原來醫生老婆已暗中報警,黑警亦敢於進入城寨執法。眾旗兵嘗試往外闖,但都被已下格殺令的黑警以盾牌陣逼回。眾旗兵回到醫務所,被醫生老婆哄騙到閣樓,以為有秘道可以逃走。旗兵發現受騙,殺死醫生老婆,但為時已晚,被醫生反鎖在閣樓上。醫生一出門便被黑警打了一槍(sorry 都唔使講聲),黑警殺入醫務所,發現閤樓躲得有人,便亂槍掃射,將眾旗兵打死。

***
本片可謂深刻地刻劃了「笨土思潮」對80年代事頭婆管治下的我城生活狀態:莫講話當時打劫金鋪仲係一條可以幫在計劃經濟下膽正命平、一窮二白的旗兵向上流的「經濟活動」,就算係蝗妹(或大媽)來我城做臭串的G,抑或是燈光昏間企係度打機的機鋪,每件事都充滿了「活力」:即係你可以唔來,我亦唔會做你生意。當時無「今時今日咁嘅服務態度係唔得嘅」呢枝歌仔唱,服務提供者唔需要買顧客怕(甚至乎惡過個客),更唔會有 sorry sir 的情況出現:在鬧市警匪槍戰當食飯,連人質連匪徒一齊打死亦係閒事,更莫講話到城寨「執法」;俾着依家,劣師黨見到呢啲 cases 都唔知幾開心,去到議事堂又有得質問一哥,幫受害苦主好爸爸孝順仔求個公道更是客似雲來。
只能夠說句,時代進步了,但人類的行為卻是倒退了。當年是蝗民來港叫G、識港女,馬照跑舞照跳的麋爛生活如何地侵蝕蝗國同胞的心靈;到後來是港豬返蝗國叫G、包二奶,真係風水輪流轉。以往做通緝犯係要揸槍同黑警駁火的,而唔係賣偉哥打嘴炮潛逃呆灣的;由《省港旗兵》中膽正命平的大圈仔,到《樹大招風》中走水貨的葉國歡,再到現實裡只懂噓國歌D人LM的笨土有青,只能老土點說句「一蟹不如一蟹」,叫人情何以堪。
80年代片,本來就唔應該以今時今日的標準去 debug,不過片中比較突兀的地方都有唔少:
1. 前一日才在鬧市槍戰掟手榴彈,後一日又在太古城當眾殺人後仲可以從容離去,黑警竟然都唔加緊防範,最後俾班旗兵打劫金鋪,認真奇哉怪也。
2. 仲有就係直昇機可以無聲無息地掩至,實在不合情理。
3. 黑警又可以連市民連匪徒一起射殺,就算當時是事頭婆治下,亦係令人難以置信。
4. 眾旗兵亦太「襟」傷,照計腿部中槍,應該馬上失去行動力,只能束手就擒,無可能逃回黑市醫務所吧?
另外,有幾個 shot 亦頗堪玩味的:

左上:所謂「不成功便黃華」,這個黃華是指什麼人呢?魔術師 Goggle 了好幾個共慘黨員黃華,但都似乎沒有幾個下場是受靶或坐牢的(見伸延閱讀)。
右上:G房係用8米厘放映機播AV,認真懷舊。
左下:原來大圈仔的意思,不是來自「一小時生活圈」;而「桂枝仔」的意思,原來就是「港豬」(亦見伸延閱讀)。
右下:大陸喱來到我城,定必整返套老西着下。
***
伸延閱讀:
百度百科:黄华 (国务院原副总理)
大公網:鄧小平為「香港駐軍事件」大發雷霆
香港獨立媒體:桂枝仔,大圈仔和馬交仔
摩摩電影節之《葉問:終極一戰(Ip Man: The Final Fight)》:被遺忘的時光

15 則留言:

  1. 嘩! 仲乜周中出影評呀~

    睇嚟我又要出手寫啲嘢嘞... XD

    //「不成功便黃華」

    https://wapbaike.baidu.com/item/广东省公安厅

    地址 广州市黄华路97号

    https://mobile.twitter.com/benfilm63/status/9277487457

    回覆刪除
    回覆
    1. //嘩! 仲乜周中出影評呀~

      我係周末儲咗稿, 周「中出」(唔係「周可愛」)...

      //黄华就是广东省公安厅所在的黄华路。

      我仲成日以為黃華、耿飆添!

      刪除
    2. 呢套系“一百套必睇巷慘片”其中一套嚟架!

      //以當時100我城幣兌25元人仔來說
      //100我城幣兌80人仔(人仔竟然是貶了值!)

      當年的人仔只能算“公仔紙”,就好似而家朝鮮幣一樣出咗境就全世界都用唔到,匯率都系阿爺口話口賠,當不得真的。

      到九十年代中後期開始,長期維持於105至120之間,才算“市場價”。

      //其實暈鴿也不是全無好處:好處就係可以訓練出一袋人的狠勁和決心,便事決不會娘娘腔
      //大鄉里出城,做案之餘竟然仲要掛住去叫G同埋鳩嗚

      與其話文革訓練出來,不如話中國人窮得太耐了而進入了對世界酒色財氣的餓鬼道(到現在仍未完全擺脫);當然文革亦將貧窮推到谷底。

      //只見眾G都是大媽

      當年七十尾八十頭既女人服裝髮型化妝,的確系幾醜的,你睇返同年代既影視作品都系差唔多

      //淪為風塵女子:

      套用殺人政權用語,應該叫“失足婦女”

      //旗兵眾在太古城溜冰場眾目睽睽下將肥泰的仇人狗哥轟掉

      當時的太古城仍是第一期,旗兵開槍的位置是每一層圍繞溜冰場的迴旋走廊,在八十年代尾第一二期打通時,咁多層走廊連背後的玻璃幕牆已經全部拆除,溜冰場亦搬入第二期直至現在。當年交通遠沒現在方便,八十年代初會於太古城出沒都系港島人,加上第一期單獨存在日子不長,曾經親歷拍攝實景既傷民實在唔多,系都估到你幾歲了(即是小弟)。

      //眾旗兵捉了肥泰去嚴刑逼供

      據聞當年麥當雄系呃沈威無放火的,麥導就系要捉沈威真系驚嚇既表情,結果拍完之後沈威打咗麥當雄一身...

      //肥泰回遊戲機中心的大本營要眾手下跟他復仇,但眾手下「家在我城」,由「笨土情意結」演變到「中慘情意結」,拒絕「驅蝗」:

      間機舖叫“紅孩兒”,唔知系咪九十年代保你大好有名、紅磡既“紅孩兒”勒.

      我覺得呢幕好傳神拍出點解當年桂枝仔鬥唔過大圈...班友剩系識飲識食講打就無力,尤其最尾嗰句“做一個戰略性既退卻”,真系吹到肥泰啤一聲!

      //眾旗兵犯案前都不忘關心國家發展,仲深受我城現代化所吸引

      若以一個大國要六十年發展先由落後到fully developed嚟計:當年蝗國改革開放已經四年,而傷港仲要十幾年先到九十年代中期的全面發展,當呢十幾年系十三年,即是旗兵既問題:“我地國家幾時先會有(1982年12月的)香港咁現代化”,答案就系60-4-13=43年,即是2025年...唔怪得美帝要打壓“蝗國製造2025”勒!

      當然“六十年”(benchmark to皇國的明治維新)是假設發展過程無大風浪,從近代史嚟計,只有少數國家既發展歷程無夭折或嚴重打斷過。呢樣嘢唔能夠否認蝗國算做得好順暢的。

      時日如飛,原來七年後就會知我既答案啱唔啱.

      //現已結業的大大百貨公司

      我細細個跟老竇老母過海見過大大,但一直唔記得確實地點,系到睇返呢套戲先知原來現址系聯合廣場!

      //但都被已下格殺令的黑警以盾牌陣逼回

      黑警用盾牌陣於城寨窄巷中逼旗兵後退,是巷慘片中非常經典的一幕!

      //黑警殺入醫務所,發現閤樓躲得有人,便亂槍掃射,將眾旗兵打死

      全部旗兵系閣樓就咁死晒,啲血連死老鼠血一齊流落嚟,據聞當年好多人即場睇到呆咗,再加埋類似音樂盒既背景音樂所製造出的違和感...

      //莫講話當時打劫金鋪仲係一條可以幫在計劃經濟下膽正命平、一窮二白的旗兵向上流的「經濟活動」

      現在打劫銀行都系幾萬銀,而且最終系為咗入去食皇家飯

      //時代進步了,但人類的行為卻是倒退了

      身嬌柔貴使然.

      //當年是蝗民來港叫G、識港女,馬照跑舞照跳的麋爛生活如何地侵蝕蝗國同胞的心靈;到後來是港豬返蝗國叫G、包二奶,真係風水輪流轉

      當年蝗民來港叫G當年應該只屬嚮往,能身體力行者很少;不過呢類“體驗”足夠侵蝕佢地帶返上去招呼返傷民。

      不過好多呢類“侵蝕”系發生在巷呆廠佬聚集的工業區,而飽經皇民化的呆胞當然帶咗更多玩意去“侵蝕”,呢樣傷民就有所不及了。

      //80年代片,本來就唔應該以今時今日的標準去 debug,不過片中比較突兀的地方都有唔少

      睇開啲啦,呢套系低成本製作,所有旗兵包括林威都系演藝素人,之前從來無出境經驗,結果反而營造另一種真實感。

      刪除
    3. //到九十年代中後期開始,長期維持於105至120之間,才算“市場價”。

      根本如果唔係全開放流通,個所謂「市場價」,點都要打返多少折扣。

      //中國人窮得太耐了而進入了對世界酒色財氣的餓鬼道

      中國人成日都係由一個極端去到另一個極端,少了中間過程裡從錯誤中學習的過程,好多時都搞到過猶不及。

      //當年七十尾八十頭既女人服裝髮型化妝,的確系幾醜的,你睇返同年代既影視作品都系差唔多

      可能當年傷民的審美眼光唔同.

      //“失足婦女”

      哈哈,笑咗!唔知女EO算不算是「失足婦女」?

      【許智峯手機風波】一文還完事發過程 傳職員把手機藏身後遭搶奪
      民主黨立法會議員許智峯星期二(24日)早上,於一地兩檢草案委員會會議期間,涉在會議室外搶走一名保安局女職員手機,並一度拒絕歸還,最後報警處理。
      許智峯今午(25日)交待事發經過,承認在未得政府人員同意下,取去手機,查閱約十分鐘後將電話歸還予另一名職員。《香港01》綜合許和其他議員的陳述,嘗試還原事發過程。
      許智峯於立法會內搶去政府人員手機一事,引起政界關注,遭建制派強烈讉責,立法會行管會明早召開特別會議討論。由於事出突然,當時又正值一地兩檢委員會會議舉行期間,故難有議員目擊整個事發過程,但對於事件的個別細節,議員間議論紛紛。
      立法會昨日(24日)早上8時半至10時半舉行《廣深港高鐵(一地兩檢)條例草案》委員會會議。據許智峯所言,他在昨早約9時35分,於立法會大樓二樓的電梯大堂觀察到政府人員 (俗稱狗仔隊)拿着紙及手提電話,懷疑對方正在記錄他的出入時間等資料,故上前查問電話是否有其他議員的個人資料,但對方未有回答,他便取去其手機並進入男廁查看。期間,他發現手機內有大量議員個人資料,當中包括議員出入大樓和議事廳紀錄,約10分鐘後將電話歸還予另一政府人員。
      不過,政圈耳語流傳另一較多細節、但未經證實的版本,指該名女職員拒絕把手機給予許智峯查看,並將手機藏在身後,惟許與對方理論不果,「像馬騮搶球般」強行將手機搶過來,並進入男廁查看,該名女職員見狀急得哭了起來。
      而許智峯稱事後將手機交予一名政府人員,據聞是一名局長。
      由於職員已就事件報警,警方在立法會主席梁君彥批准下,於晚上約7時許派警員到立法會大樓調查,包括到事發樓層的電梯大堂,會議室附近的男廁及保安室搜證,並索取事發時的閉路電視片段。

      //當時的太古城仍是第一期

      太古城對於現在的我來說, 依然是一個相對上陌生的地方(我去西貢行山的次數應該較去太古城多)。我為我作為新界人的一員感到自豪 XD

      //據聞當年麥當雄系呃沈威無放火的,麥導就系要捉沈威真系驚嚇既表情,結果拍完之後沈威打咗麥當雄一身...

      呢一段我都有 search 到。

      //間機舖叫“紅孩兒”,唔知系咪九十年代保你大好有名、紅磡既“紅孩兒”勒.

      嘩,我又係唔識。我依家淨係記得有蝗生打野戰。

      //班友剩系識飲識食講打就無力,尤其最尾嗰句“做一個戰略性既退卻”,真系吹到肥泰啤一聲!

      呢班手下都算老實,無勇武派咁巧言令色。

      //呢樣嘢唔能夠否認蝗國算做得好順暢的。

      呢個就係一黨專政的好處嘞!

      //黑警用盾牌陣於城寨窄巷中逼旗兵後退,是巷慘片中非常經典的一幕!

      旗兵應該用汽油彈對抗吧?

      //據聞當年好多人即場睇到呆咗

      我都呆咗:乜班黑警咁就收隊架嗱?

      //最終系為咗入去食皇家飯

      入議會都係想逗人工啫!依家好多嘢,都唔係「面嗰浸」咁簡單咯。

      //不過好多呢類“侵蝕”系發生在巷呆廠佬聚集的工業區,而飽經皇民化的呆胞當然帶咗更多玩意去“侵蝕”,呢樣傷民就有所不及了。

      哈哈,原來呆佬都有一套的 XD

      //所有旗兵包括林威都系演藝素人

      陳欣健話班旗兵係真大圈仔,拍拍下戲會走咗去做世界,都唔知有無咁誇張.

      【省港旗兵】陳欣健爆電影內幕:除咗林威其他都係真.大圈仔!

      刪除
    4. //當時的太古城仍是第一期,旗兵開槍的位置是每一層圍繞溜冰場的迴旋走廊,在八十年代尾第一二期打通時,咁多層走廊連背後的玻璃幕牆已經全部拆除,溜冰場亦搬入第二期直至現在。當年交通遠沒現在方便,八十年代初會於太古城出沒都系港島人,加上第一期單獨存在日子不長,曾經親歷拍攝實景既傷民實在唔多,系都估到你幾歲了(即是小弟)。

      我都曾經去同D兄弟姐妹去條迴旋走廊跑過玩過「捉依因」,好記得有一次去「米奇老鼠」玩兼參加生日會,仲影埋相,一生人第一次! 我無記錯一期當時應該仲有個保齡球場同PIZZA HAT~~ (好很懷念的說~~~)

      刪除
    5. 米奇老鼠無印象,pizza hut好似係同真雪溜冰場同層,保齡球場同滾軸溜冰場係六樓...當然六樓更有間老餅集體回憶的機舖"電的世界",細細個見啲不良少年出出入入,之後到我變埋入去既不良少年...

      刪除
    6. //好記得有一次去「米奇老鼠」玩兼參加生日會,仲影埋相,一生人第一次! 我無記錯一期當時應該仲有個保齡球場同PIZZA HAT

      我的童年回憶是在山邊木屋跟貓仔狗仔遊玩, 城市島的小孩卻是在冷氣商場「捉依因」...

      //當然六樓更有間老餅集體回憶的機舖"電的世界",細細個見啲不良少年出出入入,之後到我變埋入去既不良少年...

      中剷商場有機鋪, 除了當年的屯門市廣場, 另外就係荷里活廣場了.

      刪除
    7. //中國人成日都係由一個極端去到另一個極端,少了中間過程裡從錯誤中學習的過程,好多時都搞到過猶不及。

      呢個都系近兩百年來的歷史的波動使然,做成社會無法讓群眾心理狀況沉澱,相信長期國泰民安時期(例如唐宋)絕對不是這樣子。

      //唔知女EO算不算是「失足婦女」?

      佢系被侵犯,不符失足婦女的定義...唔好撈亂“紫藤”同“風雨蘭”

      //嘩,我又係唔識

      因為有中學損友升咗上保你大,經佢又識咗佢保你大啲損友,嗰陣聽佢地講會成日走堂去附近“紅孩兒”打機。其實我自己都無去過...

      另外確實地址系柯士甸路17號豐樂大廈4號舖,而戲內的機舖的確系呢間“紅孩兒”:

      http://arcade-enthusiasts.blogspot.hk/2012/11/blog-post.html

      http://www.discuss.com.hk/viewthread.php?tid=21998153&extra=&page=1

      //呢個就係一黨專政的好處嘞!

      其實現在所有發達國家,最高速暢順發展奠定基礎時都是威權政治來的,even美帝都要1920年代白人女人先有投票權,黑人更要到60年代先有。呢個或者系創新型公司點解要“同股不同權”勒.

      //哈哈,原來呆佬都有一套的 XD

      呆佬久經“皇民化”,呢味嘢巷豬又點有得比。例如當年呢招,據聞就系呆佬諗出來的:

      http://the-sun.on.cc/channels/adult/20060730/20060729233032_0000.html

      //都唔知有無咁誇張.

      我自己就唔系咁信,只能話電影圈三山五嶽乜人都有,但呢幾個演員有啲後來在其他電影都見過,背景更複雜都唔似系旗兵程度.

      //中剷商場有機鋪

      當年太古城一期的中剷氣氛只到六樓以下,六樓系成人機舖+碌link場+roller場,純粹系不良青少年聚集地.

      //林國斌? 講緊第二集?

      二三集講好睇都好睇,但格局就跳唔出第一集對大時代的反映,尤其第三集,劉華似超級英雄多過旗兵。(當時是劉華身手最fit時期,打得成個練家子出身咁,勁過古仔多多聲,算系一個賣點)

      反而魔兄最好班第四集嚟睇,唔知系咪因為講轆死,搞到而家無人敢hold版權,所以咁多年都無在各大電影台播出--即系我都未睇過!咁樣推薦,都唔知算唔算摩摩推介勒。不過個題材真系令我好好奇。

      //呢啲就係笨土所懷念的「當年情」喇!

      只有經常嘆“是不與我”既失敗者先會不停將過去美化去懷念。

      刪除
    8. //相信長期國泰民安時期(例如唐宋)絕對不是這樣子。

      但是和平日子過得太久,整個民族就會失去戰鬥力,容易發生「文明人被蠻族征服」的事件。

      //佢系被侵犯

      「失足」的意思, 係「失足」俾威權政府呀!

      //香港機鋪大全
      //屯門
      //名稱: 威龍
      //新界屯門屯合街時代廣場南翼地下第一層3-5舖
      //當年太古城一期的中剷氣氛只到六樓以下,六樓系成人機舖+碌link場+roller場,純粹系不良青少年聚集地.

      以2012年資料來說,唔太齊全;當然依家就連威龍都執埋。其實我都唔明點解私樓/商場會有機鋪的?中剷立案法團又會容許佢地開業。

      //呢個或者系創新型公司點解要“同股不同權”勒.

      根本上民主政制玩監察政府,係極度浪費資源同效率的一回事,同人民質素的要求亦高。你無咁上下「家底」,根本豪唔起去玩呢類舉手投票的 luxury。

      //原來倒吊在半空的小姐不知何故,突然失手,身體下墜,因而咬傷了他的小弟弟,使他痛楚萬分。

      哈哈,真係咬蔗。笑死人咩!!

      //但呢幾個演員有啲後來在其他電影都見過,背景更複雜都唔似系旗兵程度.

      摩摩果然係港產片之王,連麻甩素人都留意埋。

      //當時是劉華身手最fit時期,打得成個練家子出身咁,勁過古仔多多聲,算系一個賣點
      //唔知系咪因為講轆死,搞到而家無人敢hold版權,所以咁多年都無在各大電影台播出--即系我都未睇過!

      我記得摩摩只推介了第一集。第四集係一個問號,我搵到一定寫,睇吓我城言論自由係咪已死先!

      //只有經常嘆“是不與我”既失敗者先會不停將過去美化去懷念。

      最弊係班有青都未親身經歷過嗰個「心中嚮往」的時代。

      刪除
  2. 個陣時既林國斌都仲係比較正氣haha

    回覆刪除
  3. 黑警發現旗兵的車輛甚為可疑...> 下面個幅圖呀^^

    回覆刪除
  4. 【省港旗兵】陳欣健爆電影內幕:除咗林威其他都係真.大圈仔! < 真心痴線 :)

    回覆刪除
    回覆
    1. 呢啲就係笨土所懷念的「當年情」喇!

      刪除