湯房

話說魔術師不時都返舊居龍門居找吃的，除了那兒的小店很對魔術師的胃口之外，也可以順便看看是否夠運氣可以探望水電貓。
說回吃的，這幾天就有開心大發現，就是原來在龍門居街市多了一間只賣湯水的專門店。

好似魔術師呢類獨居中男，最需要的就是湯水滋潤，尤其最愛的就是老父老媽子當年最拿手的田七煲雞（人參煲雞都唔夠佢香！）... 魔術師父母過世已久，以上美食已有多年未能重嚐；但無湯不歡的魔術師見到有疑似替代品，都會忍唔住試一試，於是就二話不說以＄７６掃了兩包飽魚蟲草花螺頭淮山瘦肉湯返屋企品嚐，希望唔好好似鴻Ｘ堂咁，結果係一大個伏：

如果可以唔用微波爐，魔術師都唔會用。湯包來說魔術師多數都會倒入小湯煲（係多年老父因巷府禁止象牙入口，短暫失業而去ＩＶＥ報讀雕牛骨課程，完成後由工會／贊助商提供的獎勵），一個湯包有足足一個大湯碗（等於兩個小湯碗有多），相當足料，魔術師更是看見有圓肉便開心：

飲完相當美味，唔口渴，真係無落味精，可以再幫襯：

（圖片來源：湯房 Facebook, retrieved on 15 Sep 2019）

湯水口味每天不同，加上寶林有分店，魔術師 office 搬了去東九龍後似乎都可以叫 Foodpanda 送貨，係公司飲甚至放工拎埋返屋企嘆都仲得：

（圖片來源：湯房 Facebook, retrieved on 15 Sep 2019）

星期六日放假可以返龍門居掃貨，湯劵＄２１０／６張，以魔術師消耗量來說隨時兩個星期便用完，也不怕他們結業走數：

（圖片來源：湯房 Facebook, retrieved on 15 Sep 2019）

不過睇返呢間小店的 Facebook page，只覺傷民真是不可理喻。如果經 Foodpanda 外送，價錢當然會貴啲，咩叫唔能夠將成本轉嫁到客人身上？人地小本經營唔通可以食埋 Foodpanda 的 surcharge？睇怕呢位客戶都係黃Ｃ一名，人地回應咗唔啱自己心意就話叫人無回應，仲不斷尋釁滋事，認真奇怪！

（圖片來源：湯房 Facebook, retrieved on 15 Sep 2019）