電動牙刷

日前約咗相熟牙醫洗牙，魔術師想起牙科醫務所多飛沫，經風險評估後終於首次在疫情後幫襯我城藥房買口罩。一出ＭＫ巷鐵站，就見到啲藥房擺哂啲口罩出嚟，由 3M Nexcare（印尼版）到韓國品牌到不知明品牌散賣都有，售價也似乎頗為剋制。由於魔術師仲等緊在 Amazon 訂的１０盒貨依然在運送途中（見《炒價盲搶水貨罩》），於是便用了＄３０買５個散裝頂住先（其他口罩摺咗角係因為魔術師將透明膠套剪了個缺口，拉了一個口罩出來用）。

希望啲口罩係正常嘅，唔好遇到好似以下呢間將甲醇當酒精賣的屯門黑店就得喇：

海關檢獲懷疑假消毒酒精拘7人　有毒甲醇代乙醇2020/02/22 13:11

【有線新聞】海關檢獲174支懷疑有虛假聲稱的消毒酒精，拘捕7人。
海關人員在屯門青山坊一間藥房拘捕其中一名男子。海關根據線報，派人到涉案的藥房集團，購買一些消毒酒精。經化驗後證實，乙醇含量遠低於標準，只有百分之0.1，主要成份反而是含毒性的甲醇。於是採取行動，搜查該藥房集團的辦公室，及旗下的20間分店，並巡查全港超過230個零售點，檢獲懷疑有問題的消毒酒精，總值約一萬七千多元。海關呼籲市民立刻停用該款消毒酒精。

去到牙科醫務所，護士幫魔術師量體溫又嘖搓手液，再等了一會便入去洗牙。事後，牙醫話魔術師刷牙唔乾淨，可以用電動牙刷幫手，隻手無咁攰可以刷耐啲，順便按摩吓牙肉咁話。
講開家電品牌，「非離譜」就永遠唔係魔術師的那杯茶，可謂幾近 blacklisted，故此可以選擇的電動牙刷品牌其唔多，而當中又乎合魔術師唔貴唔買的就有呢款：

原來仲有 $500 現金劵，經 Wiki mall 或指定電器鋪（百佬匯）購買可以有折扣：

Search 一下 Wiki mall，是日黑色無貨，白色就仲有，如果唔想要白色或唔想等，就要去幫襯實體店喇！

（圖片來源：HKTV mall > Oral B Genius, retrieved on 23 Feb 2020）