魔術師資產配置（２０２０年５月結）

所謂 Sell in May and go away，本來平平穩穩的５月果然守唔到尾，最後一個星期又因疫情以致我城政局大攬炒而搞到巷尾股市均有回吐。５月結算，複式盈富依然保持第一位，收報每單位＄１２４.７２（我城貨幣，下同），較上月跌６.２３％。商品價格平穩，微升一級佔第二位，收報每單位＄１２３.３２，較上月微跌０.１２％。沉船基金經過拋走大量重磅股大貓之後，船身輕咗開始浮返上面，緊貼商品基金由第五升至第三位，收報每單位＄１２２.００，較上月升２.６８％。第四位為恆指基金環球債券混合持貨的強積金組合，收報＄１１９.６３，較上月跌１.４３％。
回報由前五名開始拉開。我城錢莊、地慘、公用股均大跌，即使帝股造好亦幫唔到生活基金幾多，收報＄１０４.６２，較上月跌７.９６％。無論巷美，房託組合尤其是沽壓仍重，收報每單位＄９８.３０，較上月跌５.１５％。合格線現金及債券暫見見回穩，收報每單位＄９４.５４，較上月升１.５１％。

魔術師淨流動資金較上月下跌１.９７％，收報１３２.４５％（起始日為２０１６年３月３１日結）。隨着國安法塵埃落定，走資、開離岸戶口、移民等均成為近日我城熱話；但奇就奇在魔術師住宅估價卻不跌反升，甚至可以抵銷投資組合的跌幅，令本月資產淨值（身家）較上月微升０.７８％至每單位＄１４,３３４。唔通傷民真係自８、９０年代的移民潮學乖了，人人都諗住移居外國退休，留返層樓在我城收租？

呢個時勢，自住樓有按揭欠債唔緊要，反正全世界央行都在印銀紙玩貶值，只要投資得宜，資產升值，債務相對來說就會愈來愈輕；同埋最緊要就係有正資產，流動負債也不要過多，否則一個大浪打埋嚟補唔切倉被斬，咁就有今生無來世矣：

本月魔術師身家的 beta 值為０.３６，correlation 為５６.１９％，較上月稍為下降，算是好事，但就未見到有追得返「每７２個月翻一翻」的可能：