依書直說看佳佳

記得多年前曾經講過某疑似是「成功靠被幹」的女傑青面相（見《依書直說看傑青》），最近又因見到不少被判刑的黑暴青面相頗為「骨骼精奇」，於是便忍不住找回 notes 做吓 case study，畢竟老師講過「紫微八字算親朋，手相面相論他人」是也。

睇一個人會否心術不正，性格是否衝動，最好就係睇眉、眼、及嘴。眉為性，眼為心，以佳仔為例，眉骨過突主性格衝動，眉頭濁主感情混亂，眉尾散則主智力不足，錢財易散（因「洗黑錢」在我城被捕）：

佳仔眼細而長但無神。眼細而長者有靚女為妻（潘小妹都 okay 好樣，典型巷妹美少女 look，少女１８無醜婦嘛），不甘屈於人下（戴綠帽？）；眼細無神者者為人計較易記仇，器度不高；加上三白眼易因女色做錯事，故此蘇師父謂「眼細而長乃富貴之相」，未必可以盡信：

（圖片來源：蘇民峰玄學教室 > 面相知識 > 論眼, retrieved on 22 Jun 2020）

佳仔眼頭尖而斜下，不吉，可惜老師 notes 無講代表乜：

佳仔嘴歪，說話可信性成疑。上唇主情下唇主慾，佳仔上唇薄下唇厚兼且突出，為有慾無情兼有犯罪傾向之人。

可惜無得睇埋佳仔的手板，唔知呢度又講得啱唔啱呢？

掌相第一世界為手指，主精神活動；第二世界為掌心至手指，主現實生活；第三世界為金星丘，主慾念。如果唔明咩叫腦綫、心綫（感情綫）、命運綫（事業綫）、金星帶、木星指（食指）、水星指（尾指）者，可見下圖：

（註：本文附圖手寫部份並非魔術師筆跡。）
＊＊＊
伸延閱讀：

依書直說看傑青