嚴選影音產品（八）之 Netflix 中字與 4K Blu-ray

話說７７７派「同心口罩」，魔術師就無上網登記，唔係因為怕個人資料被「動用」，而係純粹因為懶，同埋唔想玩掛號，既要麻煩郵差叔叔派，魔術師又要待在屋企等收件。近日行過郵局，醒起未拎罩，便走入攞，唔使排隊只係需要出示身分證登記，唔使３０秒搞定，都唔知網上登記為乜。不過，個包裝真係好鬼似底褲，其實可唔可以 design 得 fashionable 啲？唔好成鬼日諗住「實而不華」得唔得？而且，洗咗要等晾乾，一人一個又無得輪換，亦唔見得有幾「實」囉...

到劏房波派＄１０,０００，well，申請真係比想像中容易快捷，以銀行的手程程式登記，又係唔使３０秒就搞定，亦無死機當機的問題，真係做得相當唔錯。

咁究竟拎咗＄１０,０００之後點用好呢？
１. 儲蓄
２. 投資
３. 生活使費（必要）
４. 娛樂飲食（非必要）
５. 其他
＊＊＊
自從裝咗 Netflix 之後，真係多咗好多戲睇，但係美中不足的是，魔術師慣用可以分開兩條 HDMI Output、一條出畫一條出聲以提高影音質素的藍光影碟機 OPPO 103只能支援英文字幕，無中文字幕睇蝗、日、韓、泰片始終爭咁啲，而且部機已停產再無得 upgrade（見《嚴選影音產品（六）之弊傢伙！電視壞鬼咗！》），所以就考慮過順便升級部碟機睇埋存庫的 Ultra HD 碟。
如果係講睇 Netflix 中字，當然可以用部 Sony Z9F 電視內置 app 來睇，但音效經過 eARC 回傳返去部 Yamaha Amp 就無咗聲（今次真係「問誰未發聲」）！唔通要開電視喇叭咩？電視喇叭聲魔術師已放棄咗好耐，在睡房睇吓新聞都叫可以，但在廳睇戲就真係接受唔到。好在魔術師的 attention to details 又產生作用，首先確認連接電視同 Amp 的 AQ Chocolate HDMI 線的插頭與及訊號方向都無插錯，再睇返 Sony 官網 troubleshoot，原來只要將音源改成 PCM 便可解決問題：

（圖片來源：SONY 支援 > 電視與投影機 > 使用電視或音訊系統搭配音訊回傳通道 (ARC) 功能時沒有聲音（文章 ID : 00152119 / 最後修改 : 14/04/2020））

雖則話以上述吊鹽水的方法可以睇到 Netflix 中字，但始終都解決唔到想睇 Ultra HD 藍光碟的問題。本來魔術師心儀 Pioneer LX-500（支援 HDR10 及 Dolby Vision），不過呢部機成日都無貨，而且網上有評語話易壞（部機成 10kg 拎去整，整完仲要拎返屋企...@_@）；至於市面上其他的4K 碟機，蝗產品牌杰科（GIEC）系列好似係俾班真・發燒友改機越獄睇下載片源用，唔係魔術師呢啲「正當人家」杯茶；至於同屬入門級別的 Sony UBP-X700（同樣支援 HDR10 及 Dolby Vision） 及 Panasonic DP-UB450（支援 HDR10+ 及 Dolby Vision），兩者個 build 都係麻麻地，不過始終 Sony 碟機配返家裡的 Sony 電視好似易搞啲，最後都係貪方便買返部 Sony X700 算（好委屈）...

試吓 Netflix 電影《無限之住人》預告片：

最後，魔術師屋企的 config 更新如下：

＊＊＊
伸延閱讀：

Post76 玩樂網：Post76 影音玩樂平台 > 論壇 > 影音討論區 > 家庭影院 > 藍光播放機
Sony 香港官網：4K Ultra HD Blu-ray™ 影碟播放器 | UBP-X700 配備高解析度音效
Panasonic 香港官網：Ultra HD 藍光碟播放機 DP-UB450
嚴選影音產品（六）之弊傢伙！電視壞鬼咗！