藍色成藥保

最近在FB見到一個頗為吸睛的藍色保險廣告，唔駛醫生紙，連成藥、保健產品、甚至急救用品都有得保，咁個「賠償」豈不是派錢咁派？保險公司必定無死錯人，值得俾少少時間睇清楚係乜傢伙：

進入官網睇睇，那個入門計劃的保費，原價是每年＄５３８（我城貨幣，下同），用來買藥保障額卻只是每年＄３００，即是說多出的＄２３８是買那所謂「附送」的意外身故保障（＄１００,０００）及恩恤身故保障（＄５,０００），未免太過搵笨。只有在第一、第二年有保費折扣（折實每年＄２５８），入門計劃方有每年＄４２（＝３００—２５８）的「著數」，兼附送那些勞什子的身故保障。同樣道理，標準計劃和優越計劃，以原價來說係平手，先繳保費然後 claim 返，兼送身故保障；而第一、第二年有保費折扣（折實標準計劃每年＄４９８、優越計劃每年＄９８８），便可分別享有＄１０２（標準計劃）及＄２１２（優越計劃）的「着數」：

（圖片來源：blue WeGuard 藥劑保官方網站, retrieved on 12 Dec 2020）

但要留意的是，每宗索償均有最高限額，係保障額的三分之一，每月可 claim 一次：例如以優越計劃來說每宗索償最多就是＄４００，即是說要 claim 返哂，實報實銷都要 claim ３次，為期３個月。

至於可以買乜先有得 claim，就要睇下保單條款：

（圖片來源：WeGuard 藥劑 EASY 保 保單條款, retrieved on 12 Dec 2020）

根據條款，似乎真係任何中西成藥、保健產品、急救用品，甚至連口罩都 claim 得（義務急救員發達了！），只係要在指定經銷商及在３０個 calendar days 來上載收據就可以 claim 錢。至於那些甚麼意外身故賠償、恩恤身故賠償的條款，魔術師就沒興趣深究了。：

（圖片來源：WeGuard 藥劑 EASY 保 常見問題, retrieved on 12 Dec 2020）

當然，如果依照原價無保費優惠的話，標準計劃和優越計劃先預繳後 claim 平手走人，搞咁多嘢只係送１０萬多啲的身故保障，未免運桔。之不過，首兩年有保費折扣的話，就可以多「賺」＄４２４（分兩年）了，代價就係要俾個人資料間保險公司，同埋買完要記得 claim 囉！值唔值得買真係見仁見智。

（圖片來源：blue WeGuard 藥劑保官方網站, retrieved on 12 Dec 2020）

利申：本文純屬分享，並非廣告，魔術師無意推薦本產品，亦與該保險公司毫無關連。讀者如有興趣購買，請自行查閱保單條款。如有任何爭拗，魔術師概不負責。

＊＊＊

伸延閱讀：

香港特別行政區政府- 衞生署藥物辦公室：持牌藥商