民主選舉其中一個好處就係和平權力交接，只要大家有共識，就唔需要動刀動槍。尾帝的兩黨專制亦作如是觀：侵侵雖然唔服輸，但就算係幾咁癲都唔敢發動武裝政變。結果尾選塵埃落定，「侵爆」也沒引起甚麼「英雄內戰」，不安因素解除，加上疫苗有新進展，環球股市大升。本月收市，沉船基金雖然受科技股要回氣拖累，但依然可以繼續領放，本月收報每單位＄１５５.１４（我城貨幣，下同），較上月升３.５５％，依舊穩守第一名。恆指大幅反彈，複式盈富組合較上月勁升９.２７％，收報每單位＄１４６.４０，守第二位。強積金組合升一級進佔第三位，恆指股票基金及環球債劵基金兩者均向上，收報每單位＄１３５.４０，較上月升６.１２％。商品基金則因黃金及鈀金價格回調，繼續尋底，跌落第四位，收報每單位＄１３４.３４，較上月跌２.５７％，係魔術師眾投資組合中唯一下跌者。疫苗有睇頭，舊經濟果然殺上，生活基金難得升得顥著，但由於積弱已久，只能依然保持第五位不位，收報每單位＄１２３.８８，較上月勁升８.３７％。第六位為合格線現金及債券組合，受惠於企業債券回彈，較上月勁升１０.９２％，收報每單位＄１１４.９３，為所有投資組合中升得最勁者。房託組合亦發力追上，勁升１０.４６％，收報每單位＄１０７.７１，尚未能站於合格上之上。
本月魔術師住宅估價微升，加上投資組合的賬面有不錯的反彈，令魔術師本月身家（資產淨值）上升不少，收報每單位＄16,435，較上月升8.12％；其中流動資產較上月升9.11％：
稅季又到，錢莊水浸魔術師不停收到撩借錢的 cold call，利息真係好鬼低；魔術師資產負債表咁健康，完全無負資產的風險，係咪可以考慮吓借錢呢？呢個問題，又係要留待下回分解。
本月魔術師身家的 beta 值為０.３７，correlation 為５７.５２％，跟痕指關連性明顯上升了約１％：
沒有留言:
張貼留言