虛實銀行減息戰

由於尾帝抗疫不力，經濟大受打擊，看來開 printer 所銀紙的低息日子依然會維持一段時間，而我城貨幣一日不跟帝幣「脫勾」，一日都會係咁低息。當到咗年尾，又係各大錢莊基本上同交稅無乜關係的所謂「稅貸」搶客期，「低『至』實際年利率１.Ｘ％」便成為新常態：

當然，中文的「至」字頗堪玩味。其實各大錢莊廣告中最「低」的實際年利率，真係唔係人人拎得到，其中大部份係要達成唔少條件先至會咁「荀」，申請人最好俾多少少 attention to details 睇「清楚明白」（《奪命金》中蘇杏璇腔）先好落疊。

舉例就好似上述大舊錢莊的廣告咁，click 入去睇真啲，原來還款期係要６個月先至有咁抵；但借咁短時間，又有乜嘢用呢？

（圖片來源：大新銀行交稅「快應錢」, retrieved on 25 Dec 2020）

相對起傳統錢莊，新興的虛擬銀行作風就真係「新」好多，起碼在 FB 的廣告更貼地夠 responsive：

而且網站上寫嘅嘢亦清楚易明，就算有 conditions 都可以在第一頁見到，唔使睇細字咁取巧。就以呢間虛銀來說，要拎到最低實際年息率１.６５％，最低貸款額就係最少要２０萬我城貨幣，還款期２４個月，仲有網上計算機以供客戶參考（以上述例子來說，每月還款額為我城貨幣＄８,４７３.３３）：

（圖片來源：Za Bank > 貸款, retrieved on 25 Dec 2020）

不過，要留意的是，稅貸又好、信用卡分期都好，呢類平息借貸的利息（或「每月行政費」）在申請成功時便已 lock 死（見《無事生非「借貸力」》），跟樓按不同，不會息隨本減，故此平息借貸唔存在以更低息借入便宜錢提早還款來慳息，甚至乎提早還款錢莊會收你手續費添！

假設從上述虛銀貸款２０萬我城貨幣，還款期２４個月，月平息０.０７％。依照《借定唔借？還得到先好借！》中提及的方法，假設投資於大貓 ６.２０％ 優先股Ａ（HSBC PRA），每年３、６、９、１２月派息（２、５、８、１１月底除淨），於是首先便預留３個月還款作現金 reserve，存放於 mortgage link 戶口收 Ｈ＋１.２４％ ：

（圖片來源：HSBC HK Personal Banking > Investments > U.S. Market Information > HSBC PRA, retrieved on 15 Dec 2020）

操作方法很簡單，就係每３個月過去便收一次息，同時亦用完現金 reserve 還款，於是便沽出若干大貓優先股，取回現金補足３個月現金 reserve，每隔３個月便重覆操作。假設最初以２０２０年１２月２４日收市價＄２５.１３買入大貓優先股，股價不會低於par value 帝幣＄２５，Ｈ＝０％（mortgage link 戶口存款利率收最低１.２４％），巷尾兌換率為７.７５，假設可以 net off 日常尾股投資對帝幣的需求,故此沽出股票或收到股息不用兌回我城貨幣，最終可得出以下 Excel 表：

在這個比較對投資者「不利」的假設下，２４個月過去，尚剩３２股大貓優先股，與及約＄１,２００現金（我城貨幣，下同），折合約＄７,４００我城貨幣現金。以借２０萬空手入白刃計，只付出利息＄３,３６０（=$200,000x0.07%x24），阿Ｑ地都有２００％以上回報嘅！

（註１：本文純屬知識分享，並非廣告，亦不成為投資建議。借貸及投資涉及風險，讀者作出任何決定前請務必考慮，量力而為。借定唔借，還得先好借。）

（註２：多謝網友提醒 HSBC PRA 已被 call 走。由於本文一個月前就開始起稿，今天只係 capture 返 screen 同埋 plug 返啲最新 market data 落去，故有此疏漏，謹此致歉。不過理念不變，讀者可自行舉一反三。）

＊＊＊

伸延閱讀：

無事生非「借貸力」

借定唔借？還得到先好借！

摩摩電影節之《奪命金（Life Without Principle）》：無底線地去為慘無人道的生命打拼