８８萬撚狗屋

俾８８萬無嗰樣整嗰樣，傷民住洋樓養番狗，果然係有錢便是任性（３８：０６—４７：０６）：

樓盤傳真 2020/11/07　2020/11/07 22:12

取用高成數按保貸款的比例達到 30% ，同時負資產宗數亦遞增，代理及按揭中介認為，樓價未有大跌壓力，相信負資產情況未會惡化。另有買家買樓後才知單位原是「凶宅」，可否取消交易？如何查證事故單位？聽大律師講解。

兩個市區上車盤，長沙灣曉悅及深水埗海柏匯，叫價分別 398 萬元及 570 萬元，入場門檻低，居住空間卻細小。新舊交錯的居住環境是否舒適？曾經受追捧的迷你單位，在新按保之下，是否繼續受歡迎？

遲大到的青龍頭逸璟．龍灣，理應已經在去年 6 月交樓，延至近期終於交付，發展商更隨即推出現樓發售，對樓盤質素似乎相當有信心，且看驗樓成績。

烏溪沙的自然環境，與新盤一式一樣的標準間隔似乎不太相配。設計師原則問題逐一改動，成為自然光亮的新居。

走廊是設計Ｃ的天敵，唔拆唔得。有條走廊就話採光不足，要將梗廚拆去，點解唔係加盞燈就得呢？

烏溪沙迎海５１１呎，又係兩房變一房，梗廚變開放式，仲將廚房搬去廳的另一邊，喉管先要過到袁教授那一關再講（左上）。設計Ｃ話因為玄關常進出，木紋磚難清潔，便改用水泥磚，並一直延伸到次所（右上、左下、右下）。設計Ｃ沒說的是屋主溜完狗返屋企要幫狗仔洗腳吧？

果然，設計Ｃ將次所擴闊，佔用原來的廳區，次所門開在近大門處，戶主溜完狗便可直入（左上、右上、左下）。擴闊了的次所就連洗衣機都容得下，不過位置近門，即是又要鋪喉管了（右下）：

設計Ｃ將原來的廚房拆去，變成廳區；而在廳的另一角就變開放式廚房，來去水抽油煙機又搞一餐（左上）。設計Ｃ也為屋主設置了吧台，增加工作和儲物空間。周邊儲物櫃以條子設計，可以拉高視覺效果之餘，也可以防止小狗開門（右上、左中）...但，乜唔係小狗可以將爪塞入條子，更容易開門咩？廳區就只有簡約梳化（右中），旁邊是儲物櫃。比較新奇的是，記者妹話屋主竟然係少招呼朋友的宅人類，有狗放便萬事足；但設計Ｃ也無厘頭地為屋主整咗張摺床，以供訪客（？）留宿（左下）。客廳以電視柱取代電視櫃，隱藏走線，話就話唔想俾狗仔咬到電線，但就應該比次所更吸引小狗方便（右下）：

睡房以藍色為主調（左上、右上）。設計Ｃ將個衣櫃叫做「衣帽間」，便可將「櫃門」做成磨砂趟門，話可以引入光線，造價當然又要貴上一筆（左下）。窗台上設有軟墊，由記者妹示範坐上窗台欣賞風景，順便撚吓狗（右下）：

＊＊＊

精華版如下：