給外母一個家

點樣減少婆媳糾紛？當然就係安頓好外母，等佢安心係間公屋安渡晚年喇！（毋需登入，３５：２５—４６：１６）

樓盤傳真 2020/10/10

大圍站上蓋大盤柏傲莊，貨量大兼開價貼市，預期將短暫凍結新界東二手市場，樓盤位置優越，大部分單位均享有開揚景觀，視乎方向可再細分成三類選擇。另近月有業主蝕讓物業，為求節省印花稅，而寧願斷供變成銀主盤，律師告誡這方法雖可行，但代價更大。

馬鞍山雅典居戶戶向海，大部分單位配以弧形落地玻璃窗，廿多年前以豪宅定位至今，仍是區內獨有的裝置，但為何屋苑多年樓價升幅，仍然落後於大市一截呢？

樓價升速軟化一段日子，不少人瞄準市區舊樓單位投資或上車。不過代價是樓宇結構風險，跟驗樓師檢驗一個樓齡半世紀的單位，看看有何睇樓要訣。

建築師在工餘時間畫圖、規劃、跟工程，作為最貼心的室內設計師，為岳母一家裝修一個公屋單位，化身成型格、溫馨兼備的新居，向長輩送上一份禮物。

今次設計Ｃ係戶主的建築Ｃ女婿，見外母間公屋都住咗成３０年，日久失修（魔術師以前住的公屋都係咁），便為其裝修當成係禮物，順便讓她安享晚年：

外母住公屋住咗３０年，斷估都會係家庭煮婦，所以廚房就最緊要，三個爐頭唔少得（左上）。間屋除了外母之外，仲有（老婆的）阿妹一齊住。建築Ｃ女婿話外母同阿妹都想走型格路線（外母真 open！），於是便將特色牆身整到花碌碌（右上），廚房地板、工作台面則以水泥設計（左中）。建築Ｃ女婿弄了個摺疊吊櫃門，方便外母開關（右中）。內置喉管則用木殼包住，易唔易發霉藏污納垢就見仁見智（左下)。廚房門則是玻璃門，有建築Ｃ女婿睇住，耐火程度應該不是問題（右下）：

由於阿妹有宗教信仰，建築Ｃ女婿便在玄關附近整了個「日式佛壇」（點解要日式？），仲有度門仔可以遮遮掩掩（左上)。玄關另一邊設有掛勾及型格摺椅，可供戶主掛袋掛褸坐低換鞋，不過短裙記者妹示範時就要小心走光（右上、左中、右中）。建築Ｃ女婿話外母喜歡煮食，但在離廚房甚遠的飯廳整咗張咁樣拉出拉入的飯枱，一日拉幾次真係人都癲，唔知點玩法（左下、右下）。

客廳寧願捨棄空間擺飯枱，卻預留位置擺阿妹的數碼鋼琴，盡顯母愛（左上)。天花設有燈槽，吊燈扇用無葉款式，十分有型（右上）。走廊門作暗門設計，連貫組合櫃（左中）。次所走黑色平實風格（右中）；企缸設有摺椅給廢老外母使用；不過坐位稍嫌單薄，個鉸一旦折斷，廢老隨時跌落地，到時真係拜拜你條尾龍骨（左下）。由於預咗用得張摺椅都會係全裸，唔預會有記者妹着短裙示範，妹妹仔於是又要就住就住小心走光（右下）：

外母睡戶有單人床、衣櫃、及床頭櫃，床尾有電視同埋一張休閒椅（左上、右上、左中），空間比想像中大；照圖則睇阿妹間房同外母房一樣大（右中），但睇落去卻十分逼狹，就連正規椅子都無一張，建築Ｃ女婿將書枱／梳妝枱前的地台留空，可以用來坐，但要小心企起身時容易撼到頭頂的書櫃（左下、右下）。

６００呎公屋耀安邨都要４６萬，如果加埋女婿的時間成本，真係唔使１００都要８０萬先落到樓：

＊＊＊

精華版如下：